更多
2023-10-24
95 瀏覽
🥣泰式青咖喱軟殼蟹鍋配法包🥣:💰$118配原條法包,一鍋熱住青咖喱椰汁香,味道濃郁且微辣,即炸薯仔同切件軟殼蟹另上,薯仔粉軟口感,法包沾咖喱食唔停呀,配菜仲有豆角、茄子、翠肉瓜。🥣泰式酸辣豬頸肉🥣:💰$89豬頸肉切成薄片鮮嫩多汁,酸辣醬充分拌勻,夠入味,外皮微脆焦,有蜜汁甜味,辣辣地,似一片片嫩滑叉燒。🥣咸魚炒芥蘭🥣:💰$74原粒蒜頭同咸魚肉炒,咸魚豐富鹹香味好出眾,配芥蘭清爽,能保持脆嫩口感,配白飯一流。🥣椰汁千層糕🥣:💰$40四件係一口size,千層口感超煙韌,係即蒸熱㷫㷫,粒粒都有濃郁椰香,入口即化,甜而不漏,作為今餐完美結尾。
張貼