Call Me Chef

營業中

休息中

呢度啲嘢食本身我都幾鍾意，但係店裏面嘅服務態度真係會令到我唔會再想去第二次。👎👎👎 嗰位後生女店員掛住坐喺度包餃子，我話要落單嘅時候佢望住我一眼繼續喺度包，跟住喺冇雷公咁遠問我想食啲咩？佢唔係想我大聲咁嗌我想食嘅嘢呀？？答案就係😌跟住我就要勁大聲咁叫出我想食嘅嘢，全間餐廳都聽到我叫卡邦尼意粉…. 呢樣都算，問題係我叫完之後佢冇幫我落單，要等佢包晒成盤餃子先去部機度落單，過程大概10分鐘，真係浪費我勁多時間😡

今次嚟食一間喺觀塘駱駝漆大廈，幾出名嘅平價貼地西餐廳～Menu上嘅食物主要分為 🍝西式主食（意粉、飯、漢堡）同埋 🥟木金餃子製作所嘅餃子。🔸 法式諾曼第黃油蘋果奶油燉雞配扁意粉 高質！意粉入口真係有淡淡嘅蘋果味🍎，同普通奶油意粉有分別。燉雞嫩口，煮得啱啱好，份量十足。但意想唔到嘅係，意粉入面加咗粟米粒同翠肉瓜片，感覺同意粉唔係好夾，失去咗少許高級感。🔸 香芋千層蛋糕另外亦嗌咗個香芋千層蛋糕，但有少少失望，因為餅皮同cream食落去唔軟身，似雪咗較長時間，味道正常。

店員服務態度真係差到極點，我今次去嘅時候大概係下午三點，入面只有一個後生女店員，當時見佢準備緊自己嘅下午茶食緊。當我哋坐低起位之後，準備叫餐之際，就同坐咗喺隔籬枱望緊手機嘅女店員講唔該一個A餐同B餐，個後生女店員望都冇望過我哋，繼續望住佢部手機螢幕，然後問我哋B餐係唔係食意粉嗰個餐？我心諗黐線咩，咩服務態度啊？我哋落餐你都好應該攞紙同筆或者企喺我哋隔籬聽住我哋想嗌咩餐！OK落完單唔夠1分鐘，竟然同我講B餐冇意粉，你會唔會轉飯？ 嗰下已經反晒白眼。。。。乜嘢食物材料唔夠你又唔落閘，你咁忙住食自己個下午茶，你又唔落場？個後生女店員一腳踢，跟手就去煮我哋兩個餐，重點嚟啦，由於呢間餐廳係open kitchen關係，一入到餐廳，已經勁大浸油煙味，聞落好反胃，梳化雖然係粉紅色，實情非常多頭髮在梳化上，10分骯髒。我哋到後生女店員一到煮嘢食嘅時候一到瘋狂咳，我就喺度猶豫究竟咳嘅時候有冇將細菌咳落我哋嘅飯上面，唔夠一日我哋都病咗。點解呢間餐廳仲有有人幫襯㗎！我真係唔會再幫襯之餘都會叫身邊嘅朋友千祈唔好去。

哈哈，當晚同朋友黎食飯，目睹一場大龍鳳食左個花生。 事源有兩公婆帶住個bb黎食飯，啱啱入坐無耐，就推跌左檯面一兜醬，應該係菜脯之類（我食西餐無試個醬），我諗係比客配餃子既。 咁兩公婆就同職員講倒瀉左，請職員幫手抹返地下。ok以為事情已經完結。 果檯客埋單既時候，佢地就開始吵起上黎啦🤣 咁我梗係聽下佢地講乜，原來係店員要求賠返個菜脯錢，好似七八十蚊咁上下。 個老婆就問個職員，檯面兜醬本身係咪免費比客人食，點解要賠錢之類（又好似有道理窩😂）。 然後吵左幾句，雙方開始拍片，最後店員就話要報警。 期間兩公婆多次想走，有幾位店員唔比佢地走。 哈哈，多謝店員為左七八十蚊為在座客人上演一場大龍鳳🤣 期間門口有客本身想入黎食野，都掉頭走左，我都拿拿臨埋單走，無等到警察黎。 有冇人知道後事如何？🤣分享下 不過我都唔敢再幫襯😹除非老闆換下新血，今時今日咁既服務態度，怕怕🙂‍↔️

唔係話想要酒店級服務，就咁普通落單叫完一樣落單個位職員下一句都係問你‘’仲有冇其他嘢要？‘’我地2個人黎食，叫2個餐，2杯嘢飲 重覆4次🙄語氣係逼你快啲個種，但當時冇其他客人落單……聽到隔離枱都話呢到差左咁多嘅冇下次，一定唔會推薦比朋友食比錢嘅時候網絡收得唔好load得慢，催你比現金如果後面好多人排隊比錢我都明，但係都係一樣冇人係後面都要催……

香煎法式鵝肝配經典白菌忌廉芝士意大利飯鵝肝非常香口，不會太油膩，忌廉芝士汁配飯很好吃，這個配搭很美味。青口意粉青口多肉鮮甜，可以轉意粉，這個配搭非常香口，意粉醬汁美味。焙茶千層蛋糕很香焙茶的味道，不會很甜，飯後甜品很適合。伯爵茶千層蛋糕點餐的時候，看到只剩下一個，吃起來很香伯爵茶的味道，不會很甜，很香伯爵茶。士多啤梨沙冰奶昔現打的士多啤梨奶昔，非常新鮮美味，非常大杯，很適合夏天。餐廳環境細小，但是服務員非常親切，我們去到的時候已經有幾個人在等位置。食物性價比高。

有一日中午同2位同事黎食，一行3人。職員安排我地坐4人枱，格離枱亦係3人坐4人枱。於等餐期間有位戴眼鏡女職員叫我地其中一個人坐格離枱（同枱離枱果3個人搭枱），好讓1行2人可以坐落黎。我地當時好驚訝，覺得非常不解🤣問返佢如果係咁點解唔叫果2位一人坐一張枱（但係最近距離）。反正佢原本都係想拆散人🤣。但果位女職員都幾堅持想我地3拆1。另外一位女同事聽到佢既要求就阻止左佢。但結果都係塞左一個單丁既人落黎坐。

中午同朋友去食嗌咗個煙三文魚青醬意粉世一難食份量超少 啲三文魚又係勁少青酱食落就係油撈埋香草第一次喺意粉入面食到有未炒熟嘅洋葱超級油嘅茄子同埋紅蘿蔔絲真心好鬼油！朋友食嘅傳統蒜片蜆肉意粉冇蒜片炸幾塊蒜片有咁難咩..蜆肉都唔係好多個店員態度超差..話要落order又唔理啲客 超級hea收錢嗰陣塊面真係超級黑 又勁唔耐煩…放嘢食嗰陣完全唔會講係咩嘢食 放底嗰陣又係勁大力然後最尾發現要收加一好失望 本黎睇到食評以為幾ok

呢間食肆性價比好高，意粉同蛋糕都好食，D意粉晚市仲要由$54至$84之間，平得好緊要，仲要好食，難得。這是$54的經典卡邦尼意粉配63度慢煮溫泉蛋，隻溫泉蛋好正，個卡邦尼汁Creamy得黎又唔會杰得滯，意粉有彈性。這是$54的傳統意式蜆肉蒜片欖油意粉，蜆肉明顯得好少，不過個蒜片同橄欖油令到個意粉好好食。這是$64的蘇格蘭煙三文魚配蒜香青醬炒意粉，三文魚份量足，都有成6至7片，個青醬都做得幾好，幾香，雖然係炒意粉不過又無乜油。這是椰菜玉米豚肉餃，$52有8隻，煎餃加$10，味道就一般，個餡撈得麻麻，肉太多粟米粒太少，idea好不過出品差咗D。這是黑松露芝士豚肉餃，$58有8隻，煎餃加$10，味道比椰菜玉米豚肉餃好，用嘅黑松露調味唔算好靚，因為有少少電油味，不過$58有8隻就收貨啦。千層蛋糕係呢間食肆的招牌菜，我地叫咗1件花生1件綠茶，雖然主力係Cream，不過唔係好甜又唔係好滯，都幾好食。朋友推介試佢嘅水果茶，跟餐立減$20，即$18一杯，都真係幾好飲。6人晚餐每人$106，抵食好食。

我喺OpenRice睇過過往食評，睇到鵝肝好似好正好大件，但實際食落去就好薄同細小，味道都唔太特別。 另外份量不多，不太建議。 叫咗其他小食及飲品，亦沒有特別，總括不推薦

西餐的美味與美感☺️香煎柚子雞腿蕃茄燴飯☺️蕃茄燴飯則成為這道菜的絕佳伴侶。米飯軟爛度恰到好處，完美吸收了蕃茄的酸甜汁液，搭配雞腿的口感更是絕佳。每一口都能品味到蕃茄的鮮甜與柚子的微酸，味覺享受倍增，雞腿經過香煎處理後，外皮煎至金黃酥脆，內部卻依然保持著多汁嫩滑的口感，美好的印象☺️鮮蝦明太子忌廉扁意粉🍝忌廉醬通常會使意粉的口感變得滑順且柔軟。當忌廉與意粉融合在一起時，整個麵條都會被包裹在濃郁的忌廉醬汁中，給人一種柔滑的口感，明太子是一種咸而鮮味的醬料，它會為整道菜增添濃郁的風味。明太子的鹹味與忌廉的濃稠質地相結合，使得意粉的口感更豐富。明太子本身就有一種特殊的香氣，它能夠為整道菜增添迷人的味道。當你品嚐這道鮮蝦明太子忌廉扁意粉時，你會被它散發出的香氣所吸引☺️

要講觀塘區比較出名既蛋糕店 其中之一就當然係依間， 出名就係千層蛋糕。依間店除左蛋糕外 仲有堂食。 店舖都幾大 不過冇乜人 可能因為平日關係。 過黎就係當然為左蛋糕， 見到網上平台時不時都會有介紹。 終於趁過開觀塘 就黎試下， 加上最近政府既行動，都有啲擔心會唔會遲下冇得食當日蛋糕款式比想像中少， 門口既甜品櫃都係佔左一半左右 共6款， 清一色都係千層蛋糕。 而大愛伯爵茶口味既我 見到有依個口味緊係買依款。由於懶拎走 就決定堂食， 堂食需要加一 不設最低消費。 英式伯爵茶千層蛋糕（$38） ： 入口係勁香既伯爵茶味， 不過食落去比想像中甜 ， 唔太岩對甜度有要求既人。 甜味cover哂伯爵茶味， 比想像中有啲失望。

今次已經係第二次去幫襯食千層蛋糕，有食過摩卡味、海鹽味同埋伯爵茶味都好特別，伯爵茶味就偏苦，摩卡味同海鹽味都好正，希望下次再去仲見到佢哋開門啦，聽講呢楝大廈唔比再做食肆😣

上網見到好多好評，即刻book 位試下先～ 駱駝漆工廈入面，一入到去得一枱客，門口放住d千層蛋糕，個樣好吸引！😍 一個人負責落單、出餐、煮野食、收銀，都幾忙下。·意大利飯幾好味, 不過個汁甜左小小…… 另外野飲都幾好飲😋😋·牛扒呢個價錢黎講都唔差，問老闆有無芥辣，開頭話無＿有d失望！最後佢又唔知係邊到擠左d比我地🤣 最後食到太飽無食到千層蛋糕，下次去食飯一定要留肚試😍或者因為我地係平日去，所以生意比較靜？ 希望呢類小店可以比多d人知道啦💪💪

介紹返💁🏻‍♀️。。🇭🇰 甜品 在 觀塘 🇭🇰。Call Me Chef。駱駝漆大廈3座4樓T室。京都焙茶千層蛋糕。HKD38🤫 今次嚟個快嘅Post..唔係美食..純分享..話說嗰晚同沈沈食完雞湯米未傾夠皮..但係食哂飲哂唔想阻住人哋做生意..所以極速喺同一幢大廈OpenRice吓有冇啱食嘅甜品食..順便繼續吹水..就係咁..我哋伏咗🤫 喺OpenRice見到哩間叫做Call Me Chef嘅Cafe有千層蛋糕..而且印象中我應該幾年前幫襯過一次..所以二話不說行上四樓🤫 去到Cafe門口..蛋糕櫃淨返兩件我最愛嘅焙茶味嘅千層蛋糕..睇嚟消程好好喎..一於同沈沈一人一件🤫 先唔講件糕..我哋八點幾九點入Cafe..自己Serve自己坐低同睇Menu..因為餐廳好似全塲連廚只得一人..哩個係正面陳述..個人覺得冇乜問題..因為落Order順利..糕都好快上枱..仲有細心俾杯水..同埋話我哋知千層蛋糕跟咗個奶蓋🤫 服務態度唔差..但係件糕就不敢苟同啦..千層蛋糕嘅千層都算話太厚..不過絕對唔可以叫薄..而且唔知係咪雪得太耐比較堅靭..最慘嘅係個糕好甜..仲要些少焙茶都冇..因為我從來都唔鍾