Call Me Chef

營業中

休息中

同老公＋仔仔去觀塘行街兼食個下午茶～諗起上次試過呢間嘅bday cake好好味，所以就黎試下餐廳啦！一黎到知道有bb椅，太好啦😍咁我地都會食得舒服d😆原來冇tea menu, 我叫左個Carbonara, 老公叫左個豬仔脾蕃茄燴飯。Carbonara ok嘅，而個豬仔脾有小驚喜，好入味，個燴飯好味喔😋個set包埋湯，沙律，雪糕同野飲... 好滿足。

今日介紹一間又坐得舒服，又可以吹下水既觀塘工廈cafe🙂⊰⊹═════════════⊹⊱●【封煎北海道帶子配野菌明太子奶油意粉】➥『帶子煎到外層金黃色，但內層唔會太熟太乾。意粉煮到啱啱好，配埋粟米、蘑菇、翠玉瓜好好味😋』⊰⊹═════════════⊹⊱●【伯爵茶千層蛋糕】➥『食落第一啖覺得D cream好滑，而且伯爵茶味好出，每層厚薄平均，咬落鬆軟綿密，口感輕盈，令人一試難忘，無法抗拒。』⊰⊹═════════════⊹⊱●【草莓乳酪奶昔】➥『最適合炎熱既天氣飲既消暑飲品。草莓奶昔就飲得多，估唔到草莓乳酪奶昔仲好味，酸酸甜甜無得頂！』⊰⊹═════════════⊹⊱●【抹茶雪糕】➥『食得出抹茶味夠重，茶味突出，濃郁而帶少少綠茶的苦澀味，正！』

我諗黎呢度嘅人有部份都係因為睇咗個報導見到有個藍帶女廚神，於是阿叔我都要來支持一下黃色呢啲嘢唔講咁多啦自己明啦呢度環境其實唔錯都幾有文青feel，環境整體來講都係清潔，枱與枱唔會太逼晚市餐牌叫嘢食之後火速送上南瓜湯沙律同埋凍嘅水果茶南瓜湯香濃甜甜的creamy對於我唔鍾意南瓜既人黎講都唔錯幾好飲沙律來講其實我覺得尚算普通入邊有蘋果粟米薯仔沙律菜普通沙律醬，坦白講就冇咩特色水果茶唔錯，少少甜，但入面有幾款生果，唔錯先前睇好多食評好多人都話呢度啲意粉煮得唔係咁好所以就試試佢，帶子生熟程度OK未至於太過差，意粉杰身奶油味都幾濃，分量就還可以，不過留意到一點就係見到廚師預先煮好一大堆意粉當有order嘅時候就夾出嚟回鑊煮，意粉咁樣焗住有機會令到個生熟程度好唔一致食落去意粉確實比較份唔係好彈牙ribs都係配上美式BBQ醬，味道幾好唔會太鹹不過我覺得呢個價錢來講份量可以多少少呢度只係有五條骨，反而隔離嘅咋飯團有驚喜，佢內裏其實係risotto，不過配茄汁就有點hea，我覺得可以自己條配一個特色醬汁曲奇同豆腐雪糕唔知係咪自家製呢我又唔係好肯定當然都要試吓佢最出名嘅千層蛋糕啦，曲奇Oreo味，啲cre

本身我地入座嗌野食先，理應湯 沙律都應該上先，點知比曬遲過我地黎既隔離檯，然後聽到隔離檯因為其中一樣食材冇曬，就被提議試帶子黑松露意粉，係同我地嗌既一樣（2份），但都係上左隔離檯先。於是我地就追追佢 話差2個意粉，但好似係我地嗌先...廚房有個哥仔就應：「煮緊架喇，新鮮煮出黎比你架啦」聽到即刻火黎唔係新唔新鮮既問題喎依家雖然野食係唔差但態度好差。你幾黃都冇用啦唔係跟單次序上野食 咁我都唔洗排隊等位入黎食啦 直接打尖咪得

門口嘅陳列櫃陳列出佢今日有嘅千層蛋糕款式，伯爵茶味已經一早買曬 ，呢間比Holam bakery好嘅地方在於可以堂食， 佢本身自己都有做午市套餐 ，但係話單食蛋糕都可以，12：00先開門。M16 抹茶$32層與層之間幾多Cream, 比holam細件，好食過 holam,食落唔會乾，食到抹茶味嘅回甘，但係唔算濃，蛋糕餅皮冇收邊會冇甘美觀，好食過香芋，食耐左都唔膩。 整體嚟講$32 食得過同lady m唔會爭好遠 雖然lady m嘅蛋糕體會做得比較連貫，層與層之間冇咁易分開,但係呢間每一層都幾薄，唔會好似食緊一個cream cake甘。香芋奶蓋$32奶蓋帶鹹香，呈泡沫狀，幾綿密，有椰奶味。但係芋頭味唔出，似雀巢嘅芋頭雪糕， 所以食耐咗會膩，只係食咗一人一件嘅千層蛋糕當午餐已經夠飽， 建議揀一隻唔食落冇咁漏嘅味。第二次去食，今次試嘅味有：Oreo and cream $32算係比較普通嘅口味，就係一般原味加左oreo碎。岩鹽栗子 $32咸味唔算話好出，栗子味就係普通再加啲栗子蓉嘅味道，唔係太重味。可能嗰蛋糕雪左唔太耐，覺得啲cream唔係太冰凍，放左一陣就些微有啲融，食耐左就好易膩。Ps數

2020年6月20好full ,由朝食到晚,宵夜買咗奶茶上friend 屋企hea下。原來佢地準備咗蛋糕，好感動😭❤。個樣好靚🤭，面好似雲石咁，我以為係硬嘅，類似白朱古力之類，一切落去係軟身嘅,真係估佢唔倒😮，入囗 似mousse咁，係芝麻味，下面蛋糕係戚風蛋糕，好鬆軟，size唔錯，又唔會太漏，4個人啱啱好👍，熊仔happy birthday 牌好cute , 加咗上去成個感覺好似唔同晒。問返佢地喺邊買，原來係call me chef ,呢間我舊年食過晚飯，我以為淨係千層蛋糕出名，原來生日蛋糕都好有名好多款, 甜品工場喺同building 另一層。呢個蛋糕最吸引我嘅地方係個奶蓋，望落去啲芝麻奶蓋好似固體咁，但其實係好軟身又唔會變型😍。

同朋友想食千層蛋糕，去到本身想食個間鋪，已經賣哂。上網見到都好蛋好評，就黎呢間試試。 去到門口就要講低食咩蛋糕先坐低，我地講完然後職員A就叫我地坐入去，行緊入去又比職員B截住問幾位要再安排，職員溝通得唔好。環境無乜特別，只係有啲迫。 我叫左個Oreo曲奇千層蛋糕 $32，其實價錢就唔算貴，正常價。蛋糕個外觀幾好幾吸引，但味道真係好差。首先，蛋糕係超甜，甜到食唔到有Oreo曲奇味，食左兩三啖已經要飲住茶先食到。然後，啲Cream唔滑好鞋口。同埋，啲皮好厚，個底用叉係唔易整開佢。 飲左杯Black tea $28，就係用Twinings既茶包。好彩叫左茶飲，如果唔係既話，係絕對食唔落個蛋糕。

見係黃店就諗住買件蛋糕食下 支持下黃色經濟圈 wts落單嗰陣就話可以向每日既16:00-16:15係觀塘站交收 咁我就係食蛋糕既當日早上十一點問佢係咪可以陣間向地鐵站拎 但係佢就遲遲都冇覆機 於是我就打電話去問 點知該名唔知店員定店主既態度極度惡劣 我仲要比佢鬧我有病 問佢係咪一定要向門店拎佢仲要用極差既語氣答我一定要 如果一定要向門店拎咁點解交收方法又要寫可以向地鐵站拎？寫出黎係咪諗住呃客人？ 諗住開開心心比錢買件蛋糕食下 點知竟然會比人鬧有病 要受人氣 依間野真係不知所謂

夏天好熱，下午茶時間都唔想食野，唯有食件蛋糕就算。黎到呢間鋪，因為時間有啲晏，千層蛋糕得返兩個款，分別係M6綠茶同埋栗子千層蛋糕，我同朋友各款叫左一個share 食。呢度嘅千層蛋糕但層次做得分明，賣相唔錯，食嘅時候亦唔會一用叉就散野，做得幾好綠茶🍵茶味比較清，但有淡淡嘅回甘，幾好味😋栗子蛋糕較甜，栗子味濃，好味😋呢間相對其他千層蛋糕，味道係比較淡，但各方面都做得唔錯，$32蚊一件性價比高👍我地臨走見到有其他味嘅千層蛋糕出爐，不過今次無緣食lu

朋友收工 突然約快閃駱駝漆大廈睇bb野去到都6點幾...極速行個圈就去排隊買千層蛋糕去之前都諗住可能會賣曬或者排勁長龍好啦 遠距離真係睇到人龍今次算短啦 都係10個人左右 有外賣有堂食既排到我地既時候 真係唔多選擇了見到oreo味個牌反轉左 得返一件 以為比人hold左啦 問佢先知 我好好彩 仲買到最後揀左oreo ，雲尼拿同伯爵茶味🍵外賣個盒 一盒只能裝兩件拎既時候唔係咁方便 都預左未返到屋企就斜曬orea味比屋企人食 評價唔到我一口氣食左兩件雲尼拿味冇咩驚喜 都係一般既千層蛋糕伯爵茶🍵食落味道濃郁 $32一件黎講 唔算有驚喜不過都唔差偶然食下又無防員工方面 培訓下會比較好好似好生手咁 見佢地都比較慢

 跟本沒有什麽工架  不能叫做CHEF     餐牌上沒有什麼特別款式   只是某某意粉  某某意大利飯之類  連一些扒類都欠奉 見到餐牌上只有一款牛扒於是叫了  當天是首輪晚上六点半 但轉頭話冇貨冇計  職員態度非常差劣  

三個人食飯，給一張二人枱，上了沙津都未有餐具，食物好一般，但服務態度真係好恐怖,三個人叫左三件千層蛋糕,一個碟裝哂上枱，我們三個是兩女一男，一些西餐禮儀都冇！問餐廳侍應拿多兩隻細碟，他境然用塊抹枱布抹完隻碟拿上嚟！隻碟有枱布味，最後唔敢用隻碟。講吓d食物，叫咗帶子黑松露意粉，好普通,另外再叫左兩個意大利飯, 一個 鵝肝生豪，個意大利飯就好差，好難食！叫咗兩杯凍蜜桃红茶，就咁用個茶包冲出嚟，連個茶包一起在杯凍飲內，又冇味，又冇冰，杯茶是暖暖哋，做到咁hea!最後講他們最出名的千層蛋糕,買32蚊一件雖然不是好貴,但係真係好難食，我咁唔浪費食物的人都食唔哂！，重係三個都食唔哂!

觀塘一向都多好野食 今日黎到呢間call me chef 唔算好難搵 見佢係黃店就一於試下 但係食物質素就認真一般 比想像中失望 坐落就幾舒服既 本身唸住試下佢呢到既蛋糕 但係9點黎到已經發現無哂

已經第二次光顧，星期日下午4時多也要排隊，食物不過不失，價格也合理，因為黃店所以會繼續支持。推薦食BBQ豬脾鮮茄意大利飯，鮮茄味濃，豬脾也入味，反而XO醬手雞抄意粉令人失望。

唔講由自可 一講就把幾火之前一向食開Lady M既 咁岩同朋友去開觀塘 佢同我話kiki同may條新影片有介紹好食既工廈crepe cake 食完個lunch就同朋友去左holam bakery本身我係想去斜對面果間但因為佢冇得堂食所以都係去番Holam bakery 🙄千層蛋糕係要係出面叫左先既 我同朋友各揀左班蘭同伯爵茶唔係講笑 真係伏到嘔唔係好明點解班蘭會苦到澀 伯爵茶係洗潔精味我平時一向都唔係食開咩貴野 呢個真心係我呢十年內食過最難食甜品 冇之一 價錢唔係話好貴但係味道真心唔得 唔明點解咁多謝人吹捧 真係自己整都冇咁嬲果日撘枱對情侶都叫左伯爵茶味 食完一啖就話 比個樣呃左 係唔好食既 食完我就拿拿聲去左買水飲 沖番陣苦味 永遠唔會再去p.s. 上一次平日去3點就sold out曬所有cake伯爵茶味班蘭味