Call Me Chef

營業中

休息中

糧尾時間又到啦，觀塘原來食嘢都唔平，同事就帶我黎到駱駝漆，介紹咗我哋食依間餐廳位於工廠大廈內，價錢相對上中等而且午餐價格更相宜13:40入座，裏面依然人頭湧湧餐牌午餐價錢由$88-$288不等包括沙律🥗湯、主菜及甜品是日餐湯係南瓜湯🎃香滑濃郁嘅南瓜湯口感豐盈。#煎封北海道帶子配明太子奶油意粉 $108帶子煎得剛剛好，中間仲好Juicy。欣賞店家煮意粉拿揑得當，麵條咬口有彈性，唯份量如果係男性嘅話可能不夠飽。#香煎柚子雞腿肉配香甜番茄燴飯 🍅 $128雞腿肉🍗燒得勁香口，外脆內軟，配搭着蕃茄燴飯，口感豐富而且甜滋滋。甜品係雪糕🍦有兩款口味供選擇分別是紅豆及香芋呢個價錢都叫做幾抵食。

觀塘一帶有好多工廈上面都有好多特色嘅餐廳今次推介嘅係一間由一個好年輕嘅女仔打理嘅餐廳老闆娘曾經去過法國學廚回來開呢一間鋪頭鋪頭寬敞而坐得舒適開放式嘅廚房拉近左同員工嘅距離。餐牌上嘅選擇都好多今次嚟到好彩時間較早，唔使點等我哋每人叫咗一個餐沙律味道好似元氣壽司嘅沙律！非常好食，酸酸甜甜嘅沙律醬，同埋少量嘅辣椒，相當開胃南瓜湯柚子雞扒番茄飯雞排做得啱啱好微酸甜帶出雞扒本有嘅鮮味蕃茄飯都係酸酸甜甜兩者配合得非常好而且個份量都好多，相當抵食感覺係一個好健康嘅飯XO醬手撕雞炒意粉就係我朋友嘅推介小小fusion菜都說配搭得宜自製嘅意大利雪糕有芒果味同香芋味絕對唔係普通牛奶公司嘅質素入口溶化相當推介大家去食呀🤪

公司有同事生b 黎觀塘工業大廈買啲bb仔用品比佢，無意中發現到呢間隱世餐廳。呢度係開放式廚房，可以睇到廚師由煮到上菜既過程，好似會特別好味咁😋沙律有蘋果同薯仔加埋沙律醬感覺好健康，亦有唔同口感。是日餐湯係南瓜湯，雖然個人唔係太鐘意南瓜，但佢整得好濃，唔會覺得水。首先嗌左卡邦尼意粉，感覺好creamy，配埋慢煮溫泉蛋撈埋d蛋黃汁一齊食非常夾，蛋白好滑，煙肉都好香脆。之後再上XO醬手撕雞炒意大利粉，融合左中式既煮法同埋XO醬都炒得好入味，感覺新穎得黎又唔錯，手撕雞都好嫩滑。仲有一定要提既係意大利雪糕球，我個個係綠茶味，好食到唔知點形容，綠茶味好香濃，我朋友係朱古力味都唔錯。飲品就嗌左柚子蜜一凍一熱，普普通通正常味道。過程中有好多人都買佢地啲蛋糕，有啲仲好似係同朋友慶祝生日，賣相幾正咁，下次一定要試下先得！連佈置都掛滿蛋糕既風味。

觀塘區嘅工廈一向都多嘢食，朋友食話話哩間餐廳啲嘢都唔錯，以西餐來講價錢又唔算貴，就同老公去試吓啦我哋可能比較早去到，六點前，所以人流唔算多，感覺幾舒服，環境清靜，而且可以望到廚房師傅整嘅嘢食，感覺幾乾淨我哋叫咗一個煙三文魚魚子蕃茄意粉，同埋一個XO醬雞絲炒意粉，三文魚嗰個茄汁味好濃，大有一點酸，好開胃，而且好多蕃茄蓉，成個感覺好唔錯，不過我自己就比較鍾意炒意粉，個XO醬好香，好惹味，而且我好鍾意佢意粉嘅粗幼適中，同埋硬度係我鐘意既，所以感覺唔錯值得一題係嘅佢啲嘢飲都幾好，我哋叫咗水果茶同柚子蜜，兩杯味道都有質素，可以試吓

📍觀塘工廈西餐廳 -- Call Me Chef🍾觀塘工廈入面其實有好多特色餐廳 今日就同媽咪去咗呢間Call Me Chef 食lunch💕lunch set仲包咗沙律 餐湯 主菜 飲品 意式雪糕👍--------⭐蘋果薯仔沙律（跟餐）呢個沙律好fresh!薯蓉綿密 加埋蘋果喺入面 酸酸甜甜好開胃！💕-------⭐南瓜餐湯（跟餐）味道都幾濃郁！😍唔錯--------⭐封煎北海道帶子配明太子奶油意粉（$108）意粉份量適中 賣相都唔錯~一上菜就聞到好香💕明太子忌廉帶鹹香 意粉都煮得剛好唔會太腍 仲好掛汁 啖啖都充滿住明太子忌廉嘅味道😍帶子煎至金黃 幾香口👍-------⭐煙三文魚配香蒜香草醬西蘭花素菜意粉（$98）呢個係素食意粉唔會咁heavy😏煙三文魚捲成花狀 味道正常加埋西蘭花做配菜都幾fresh!食完成碟都唔會飽滯~--------⭐特式意大利雪糕（芋頭及芒果味）（跟餐）今日嘅甜品係gelato 同媽咪一人叫一隻味~口感食落較一般雪糕輕盈 甜度都無咁高💕食完都無咁大罪惡感哈哈💕-------評分（10分滿分）賣相：8味道：7性價比：7回頭率：7-------店鋪資料名稱：Cal

駱駝漆工業大廈搵野食 今次去左間西餐廳食lunch 餐廳叫call me Chef 餐廳裝修的好簡約 最有特色既係牆身掛有好多畫全部都係甜品黎～lunchtime 都唔錯第一次食沙律 有咁多不同既材料 薯仔蓉 蘋果 粟米 芝士碎， 最緊要係 味道唔差餐湯係濃濃南瓜湯 南瓜煮得好滑主菜- 香煎柚子雞腿肉配香甜蕃茄燴飯 - 香煎蠔仔配奶油意粉 柚子汁配雞腿肉 估唔到又夾 而蕃茄燴飯既酸甜味 剛好同柚子既甜味中和 厚厚既雞腿肉煎得好香口 香煎蠔仔都煎得好香口 重點 唔會好「聲」味奶油意粉 每條意粉都沾到奶油另外 套餐有飲品 同甜品一杯係柚子蜜， 另一杯水果茶 甜品係 朱古力雪糕 好濃呀 個朱古力球

觀塘駱駝漆大廈一向都多美食，這次我和老公便一試Call Me Chef 的特色美食！一坐入去，馬上被牆身上的甜點掛畫所吸引，很有格調呢～而且環境很舒適，座位很寬敞呢(❁´ω`❁)我們點了經典卡邦尼意粉配63度慢煮溫泉蛋及香脆煙肉意粉 $88、香煎柚子雞腿會香甜蕃茄燴飯 $128，兩款美食都備有是日沙律、精選餐湯、意大利雪糕球，非常抵🧡首先一定要讚精選餐湯！今次的餐湯是南瓜湯，超級清甜好味！！而沙律亦算大份，餐前先吃菜能又瘦又健康，而且這碗沙律又很新鮮，剛好能為我的味蕾作好準備！經典卡邦尼意粉配63度慢煮溫泉蛋及香脆煙肉意粉味道濃郁，煙肉脆而有咬口，最最最喜歡是那顆溫泉蛋，把它搗破然後混合意粉一起吃真是一流的滋味！香煎柚子雞腿會香甜蕃茄燴飯真的充滿驚喜！首先在雞腿真的是啖啖肉，淋上柚子汁後酸酸甜甜，惹味非常！同時可以解除雞肉本身的油膩感。雞皮煎得香脆不在話下，沒想到居然和蕃茄飯如此搭配！！吃完頭盤主菜，又怎能缺少甜品🤤雪糕是芒果和芋頭味。順帶一題，年輕的廚師&店員都超好，超級有禮貌，菜式又煮得很美味！最後各自來一杯特盛水果茶和檸檬紅茶，清一清喉嚨，為這一頓文青式的午飯劃上完美句號。

南瓜湯+薯仔沙律湯好濃南瓜同紅蘿蔔味，質地夠哂Creamy一睇咁紅色就知有紅菜頭，另外仲有薯仔、粟米、蘋果、生菜，唔同嘅口感配搭上嚟都唔錯，而且都好新鮮經典卡邦尼意粉配63度慢煮溫泉蛋溫泉蛋真係錦上添花 流心嘅蛋黃令到意大利粉嘅味道更濃郁！加上卡邦尼醬以及少少芝士，又夠哂creamy，真係經典重現！特級手工xo醬炒手撕雞意大利粉食完經典 就試吓混合菜🤣 估唔到意大利粉又幾夾中式口味 XO醬嘅量好多 夠哂濃味 再加上蔬菜同手撕雞飲品水果茶有熱情果、橙、蘋果、奇異果，夠哂清新；熱袖子茶，最欣賞係小店但用具都好靚，普通嘅一杯袖子茶都變特別甜品估唔到呢個價錢仲包一大球雪糕 推薦芒果味 唔係好假個種！食嘢會係咁見到人拎蛋糕 因為佢12樓整蛋糕 我都成日幫襯🤤

官塘工廈又多野食，呢間蛋糕又靚又多款，見到幾多人食，一於同朋友食！晚上平日7點半已經爆人！ 門口勁多蛋糕又吸精！有又多餐的選擇。經典卡邦尼意粉配63℃慢煮溫泉蛋及煙肉$88沙律勁多菜粟米，又新鮮fresh。有餐湯，酸酸甜甜幾開胃。食完又快就來主菜，見到個蛋好動l ， 勁多煩煙肉同creamy。煙三文魚配醬油漬三文魚籽鮮茄意粉。$108都有3，4片三文魚ga！仲有好多粒三文魚籽。鮮茄味幾重，好多新鮮番茄粒。呢個價錢又有沙律湯又唔貴。最後仲有自製雪糕做甜品添！好結實，口頭好豐富。一路食，一路勁多人入來拎蛋糕，同好人點！不過我哋食太飽已經食唔落。。下次一定要試！

觀塘工廠區有好多選擇，呢間係正工廠區最熱門地點，駱駝漆大廈，方便易搵！食過好幾次佢地既蛋糕，今次就夜晚試試佢地個dinner set，開放式廚房油煙唔算大，坐位都幾闊落，佈置都係蛋糕牆畫！先來的是沙律 餐湯， 南瓜湯好creamy 又滑，細細碗都夠滿足，沙律是薯仔蓉加蘋果粒，夠清新脆口。特別一提杯野飲！食西廳唔會只得奶茶咖啡，加份特別就選水果茶，唔會太甜帶有茶味。今次叫左兩個意粉，兩個都軟硬道適中，不失所望！溫泉蛋卡邦尼意粉汁，溫泉蛋同白汁意粉原來可以好夾，入口味道好rich！篤穿蛋見到蛋黃汁流出黎，就知溫泉蛋整得剛剛好，成個意粉更加香。仲以為呢兩個意粉會係一樣味，點知北海道帶子配明太子奶油意粉比較濃味，帶子煎香又帶點油，令意粉味道又有鮮味，帶子完粒夠大，把明太子搞勻，奶油忌廉汁變到粉紅色，打卡同味道都好好。最後再食埋甜品雪糕，美好的結尾

與舊同事一同到Call me chef 聚餐。她選了芝士味而我選了焙茶味，結果互相覺得對方選的味道更好吃。我覺得焙茶味的茶香味挺濃，但同時有些澀味，因此不太喜歡。但她卻因為其澀味和清香，更喜歡焙茶味。我反而覺得芝士味更好吃，層與層間有順滑的忌廉口感，偶意吃到一兩塊芝士，芝士與蛋糕的味道互相配合，不太油膩。所用的芝士不是味道很濃那種，而是軟滑得與蛋糕融合一起那種，亳不突兀。餐廳的裝潢並不豪華，相對樸實，牆上蛋糕的繪本，可見店主對甜品的喜愛。餐廳的運作不太商業化，餐牌也有些舊。很多時候要自己招待自己。蛋糕沒有餐牌，另要出外選，再等待應上蛋糕。蛋糕每件$32，有些貴。

係觀塘工廈搵野食總會有驚喜，今晚黎到Call Me Chef，小小的餐廳由幾個男生打理得井井有條，開放式廚房設計見到廚師比心機幫我地整緊野食，特別期待！好開心好快就有野食啦！精選餐湯-南瓜湯又香又甜，我同朋友大愛！是日沙律-薯仔沙律夠清新，配醬汁好開胃！煙三文魚配醬油漬三文魚籽鮮茄意粉鮮艷的顏色再用靚碟裝住真係好加分，鹹鹹地的煙三文魚+三文魚籽，配酸酸地的鮮茄意粉，好味！封煎北海道帶子配明太子奶油意粉這個更出色！帶子煎得岩岩好，有做到外脆內嫩，明太子奶油味好creamy，但完全唔膩，2款意粉軟硬度OK！加左翠玉瓜絲顯出廚師的心思，令菜式在口感，顏色和營養價值上都有提升！韓式熱柚子蜜係平時飲開果d，但味道適中，唔會太甜，又唔會好淡！甜品除左跟餐朱古力/芒果雪糕，我地仲加左件茉莉花綠茶千層，真係做到好多好多層，好重茶味，不是死甜的！下次想試埋伯爵茶口味。

上次黎左觀塘食晚餐之後，發現原來工業大廈入面真係有唔少餐廳，今晚約咗朋友放工之後試另一間叫Call me Chef。其實我嚟之前做咗research，發現原來餐廳係一位90後嘅女生創辦嘅，仲攞咗藍帶嘅資歷，令我好有期望。首先上嘅係南瓜濃湯同埋薯仔沙律。唔好以為好普通，一食落去，南瓜湯非常之甘甜，驚為天人，我會比滿分。薯仔沙律方面，其實我係唔食沙律嘅，但係今次見佢做得好新鮮，食落都覺得OK。Main方面，我哋食咗1. 經典卡邦尼意粉配63度溫泉蛋配香脆煙肉，唔會太濟，調味適中，溫泉蛋剛好半熟，賣相很吸引。2. 煙三文魚配醬油漬三文魚子番茄意粉，第一次見到有咁嘅配搭，就好似壽司花之戀嘅三文魚配三文魚子組合，但係呢個係煙三文魚配意粉，同埋意粉外形係非常之Instagramable 最後仲有跟餐嘅雪糕，係香芒味同埋抹茶味。總括來講，非常滿意，藍帶真係唔係浪得虛名，我會推薦比身邊喺觀塘返工嘅朋友。PS 聽講呢度嘅蛋糕都好出名，下次可以試下。

工廠區越來越多好嘢食。朋友在這大廈的樓上舖賣凍肉，掃完貨，幫她了收鋪，就一齊落兩層開餐。幾鍾意呢間店名，見餐牌又唔加一晚餐包括餐湯，沙律，主食，雪糕同餐飲, 即管試試。金筍濃湯，甘筍味幾濃，口感幾滑，甜甜地。薯蓉沙律，有蘋果粒，粟米，紅腰豆，脆口羅馬生菜，味道可以。經典卡邦尼意粉配63度溫泉蛋，看似沒有汁，原來藏於碟底，把溫泉蛋撈勻，加上煙肉條，蘑菇條，芝士，香濃夠味。香煎法式鵝肝配經典白菌忌廉芝士意大利飯，鵝肝熱辣辣，仍然滴緊油出嚟，面煎得微脆，裏面軟綿鬆化，配埋頗正宗意大利飯，一粒粒唔會爛晒，半熟有咬口，忌廉好creamy，幾飽肚，不需要食太多。意大利紅豆雪糕，奶味重，微甜。有d 似紅豆起 ❲沙❳ 的質感，如果有紅豆粒會更好。柚子蜜，正常。

話說OpenRice book咗7:00，去到見到細細嘅門口圍嘢人唔知做咩，同老闆講book咗枱，佢話要等15分鐘，我問點解book咗枱都要等，老闆答：「而家7:13，留枱只會留5分鐘」1. OpenRice訂枱時無咁寫2. 有兩位都係book 7:00但7:25先到嘅就可以直入，咁即係唔關張枱留幾多分鐘事3. 再加其他準時到嘅客人都係要等4. 最後成7:45先入座既然有得畀人book，好心就安排得好啲！食物等好耐，上枱係靚嘅，但食落口就一般，甘筍湯無乜味，沙律係屋企貨式，蟹膏意大利飯好麻麻，豬仔骨肉質乾，羊架過生；另牛扒、薯條、蕃薯條、雪糕都OK。