248
94
82
獎項殊榮
最優秀尖沙咀開飯熱店 (2010), 最優秀開飯西式餐廳 (2008-2010)
特色
適合大夥人
家庭親子
營業時間
星期一至星期日: 11:30-00:00
付款方式
Visa Master AE 現金
其他資料
深夜營業
海景景觀
食評 (466)
卓越食家 2010-08-30
339 瀏覽
因早前曾在pizza hut試過一款黑松露pizza覺得不錯,早前本想一寫,後來再到cpk經過早前留給我的印象(那次原因係第三次食香芒烤雞pzza但點解食前幾小時空腹都會前所未有的咁口渴以致暫別了cpk一段時間),直至最近我倆覺得值得再俾多次機會試試...但原來cpk的相同類似款式雜菌pizza更美味。[事實自己食評更新率並不穩定,基於時間有限我唯有放棄pizza hut黑松露雜菌pizza那篇—hey...有興趣的朋友去試試都不錯哩!]classic caesar(half$55)--我的例牌菜,半年至9個月後的今日再去水準算叫keep到。wild mushroom$88—前文我都講過暫別了cpk一陣,都係因當時無意中試過pizza hut有款黑松露pizza覺得香、惹味,再者曾經對cpk的印象都不錯繼而令我們在cpk博叫類以菇菌的pizza。這係雜菌pizza,網上官方menu已詳述。反而我想講食得出佢的菇類很新鮮,一咬落去很juicy,而且若然菇菌乾咬落去會很韌,今次就不見得韌了。pizza一上枱時有陣很香很清新很強烈的味道,原來係我半年前才開始喜歡的芹菜,menu寫係歐芹,我唔識兩者分別,不過覺得很襯菇菌的味道,亦令兩者味道更突出,相得益彰。(waitress落單時溫馨提示此pizza全素冇肉,正合我們心意,可另加雞肉$15)tomato basil spaghettini$78--話就話意粉,不過麵身煮得剛好,不軟不硬,加上羅馬蕃茄的配搭個汁很豐富很甜很開胃。我係就係喜歡食蕃茄,不過本地蕃茄只有酸酸酸多核,簡單講我個人食完完覺得不至於齋用個moon記茄汁煮嘅。食後感:覺得食物及服務比早前更好,其一當然為此分店搬遷至另一位置作為鋪路;其二約略睇到前面d食訐發生咩事...menu過往的香芒烤雞已消失,哦...都係好事,因為侍應告知menu部份會更換款式。今次太飽食不下甜品,但希望有機會再試它的pizza吧!pizza hut我係就係間唔中照去,但與cpk兩者我最近幫襯的分別我個人覺得都係pizza發粉多寡的分別罷了。講款式講salad,誠然,我都喜歡cpk,不過口渴程度不要突然過火就good了。^^今次冇渴水 繼續閱讀
(以上食評乃用戶個人意見 , 並不代表OpenRice之觀點。)
卓越食家 2010-08-30
165 瀏覽
冇諗過咁快又再嚟食過…按照同行意思叫返wild mushroom pizza & tomato basil spaghettini,冇另要求添加其他配菜這兩款可以說得上全素,味道、質感與上次無異亦不贅言了。反而今次按同行意思lur我叫這個miso salad,即管一試!miso salad日本風味沙律(半份&跟蝦$88)--裡面有日本大根絲、甘荀絲、青瓜絲、包心菜絲、毛豆等,再配上有些細細粒炸到香脆的crispy,我覺得唔漏,仲很開胃。反而我喜歡的味噌落得很不經意,很輕…慢慢咀嚼會食到味噌的鹹味但又不會很過份像食正餐一樣。這salad就咁睇就頗多纖維,怕食蔬菜的人這個會容易接受。tiramisu$65—睇到個樣都有點漏>>>靚那幅明顯出自menu;敷衍那幅明顯係我。其實冇諗過要在美式餐廳叫意式甜品,但無奈menu上的甜品一係熱食一係一口氣將熱朱古力漿、焦糖漿等撈埋一齊…睇見真係頭都痛。將我眼中全部最甜的都同時放埋一齊我諗我會食唔到各種甜的層次,凍餅款式所剩無幾唯有怪怪咁在美式食肆食意式甜品~ORZ內餡當然有晒tiramisu必備的marsala酒、lady fingers等材料,甜品未到時我仲忐忑會唔會很難食…慶幸我倆都滿意,只係因為個tiramisu內餡仲夾雜custard醬,當幾種sauce撈埋一齊食其實個口感有點杰,仲要有埋dressing的vanilla sauce…嘩!這種放縱開心到我傻左。誠然,愛咖啡酒味tiramisu的朋友這個美式tiramisu可能真的會令閣下不對題,不過說不上這個美式tiramisu做得差,只係d酒味幾乎已融入內裡的custard & vanilla sauce,要細心食才約隱約現食到酒味。平時tiramisu面層的咖啡粉說得上已被vanilla sauce淹沒,當中的vanilla sauce食得出有雪糕汁底有雲呢拿籽汁底,比我預期中不算漏。食後感:此tst LCX分店營業至31/08/2010,佢話搬分店詳情留意http://www.cpkgps.com我與同行兩人笑說點解最近兩次食都像材料多了份量多了…可能食剩太多物資要搬餐死。<<<純粹我們虛構憑空想像just kidding都係那句口渴程度係飄忽的,今次我的確口渴過上次但又未渴到像早前我有異心那段日子咁…我諗都係睇廚房心情手勢。今次2人埋單$350食物我個人俾credit服務不錯我冇挑剔有緣有機會再試 繼續閱讀
(以上食評乃用戶個人意見 , 並不代表OpenRice之觀點。)
卓越食家 2010-08-25
109 瀏覽
在教協買完東西後, 我和老婆乘車到尖沙咀去吃晚餐, 目的地是位於海運大廈LCX的California Pizza Kitchen(CPK).雖然CPK在旺角的家樂商場也有一間分店, 但是我們還是決定去尖沙咀那間, 因為這間店擁有一個其他分店皆沒有的優點 : 出色的維港景觀. 所以即使專登前去也是值得的.店子非常易找, 就是在LCX的3樓. 去到的時候, 已經有一大推人在門口的接待處等候登記. 但是這裏只會記下你的姓氏和英文名字, 不會像現今很多的食肆般給客人一張有編號的籌. 所以每個客人均需要坐或站在店子的外面等待, 其實當天的等候的人都頗多, 我們亦要等了差不多45分鐘才有位(當時都已經超過8點了). 等的過程中, 我們都很希望可以坐到一張能夠欣賞到維港夜色的window seat. 最後這個願望我們都達成了一半. 為甚麼是一半? 因為有一半的景色被中間的牆遮住了, 只有其中的一個座位可以看到漂亮的維港夜景, 這個位, 當然是留了給老婆喇! 不知是否因為讓人可以看窗外的景觀, 所以整間店的燈光跟其他店相比好像暗些. 看著窗外的夜色, 令我們覺得選擇到這間分店是正確的.說回食物, 因之前等位時已經看了餐牌很久, 一坐下來, 就可以立刻點菜了. 由於我們之前從未幫趁過CPK任何一間分店, 所以都參考了Openrice內眾多曾光顧過的食家意見, 因此都是比較大路的款式.特色焗春卷(Tortilla Spring Rolls)這個是頭盤小吃, 共有三款味道可提選擇, 我們要了地中海風味及墨西哥風味(另一款是泰國風味). 這個亦最先來, 春卷不是十分脆口, 不過都算OK. 地中海風味的餡料沒有肉類, 主要是烤菇和茄子, 配以芝士及乾茄. 味道不錯, 春卷本身焗得頗香. 芝士及茄味均很突出. 而墨西哥風味主要餡料為青檸雞肉, 再加上芝士, 椒絲和洋蔥等. 清新得來又有些惹味. 最值得欣賞的是附上的醬料, 尤其是那茄醬, 用鮮蕃茄肉制成, 茄味非常濃, 用來點春卷食簡直一絕, 好味! 加州特色牛油果烤雞肉薄餅(California Club Pizza)Pizza主要餡料為雞肉及煙肉, 不過雞肉很少, 反而煙肉則較多. 煙肉味道很香, 但最令我們喜歡的是餅面有放上大量的生菜, 令到整個pizza不會太過漏. 而且pizza的份量很大, 它的size絕對差不多等於那間pixxx hut一個大批的尺碼, 但價錢卻比後者更便宜呢! 所以非常抵食. 唯一的缺點, 是pizza的餅底不夠鬆脆, 這點實在比較令人失望!煙肉芝士忌廉汁意大利粉(Spaghetti Carbonara)這款意粉是很多食家的選擇之一, 一試之下, 果然不錯, 忌廉味道非常濃, 但由於加入了芝士一起煮, 所以和一般只有忌廉味的意粉相比多了一份芝士的香味. 用上優質的煙肉為主要的配料, 令到整碟意粉非常濃味. 意粉質素甚高, 很爽口陣牙, 煮的時間剛好, 不會太硬亦不會太淋, 也極少碎意粉, 而且份量極多, 很大碟, 絕對足夠二人享用, 怪不得成為熱門推介之一.芒果汁 這是老婆之後才點的, 很有芒果味, 亦不酸, 雖然不是鮮打的, 不過都好好飲. 這頓晚餐吃得很滿足, 雖然並不是每次示意時都有待應即時回應. 整體服務都算不錯, 而且它的價錢只是比其他的pizza/spaghetti連鎖店稍為貴些少, 但是味道卻出色得多, 加上份量十足, 我們兩個人均吃得飽飽, 原本有再到其他地方吃甜品的打算, 但是都因已經太飽而放棄了. 最令我們開心的是可以用不需300元的價錢, 就可以享受到一頓有無敵維港夜景的晚餐, 在同區來說, 實在是非常超值!! 可惜這次是我們第一次, 但亦是最後一次到這裏來, 因為這間分店"8月31日"後便會結業了. 實在很可惜啊! 所以他們會為每台客人送上一張85折的優惠咭, 於9月1日至10月底期間幫趁其他的分店可以有折扣的優惠, 多麼有誠意呢! 總括而言, 這次CPK的初體驗非常滿意, 我們以後會到其他的分店光顧, 希望都會滿意吧! 繼續閱讀
(以上食評乃用戶個人意見 , 並不代表OpenRice之觀點。)
(非會員) 2010-08-03
49 瀏覽
didnt go to harbour city for 20 years. went there having pizza with cousin. set lunch is around 70 dollars per person,. my set lunch include usa wing on, pizza, refill cold lemon tea. the pizza is not like pizza hut ,having a black hot pan at the bottom. it just has a white plate with pizza . after i try, i wont go there anymore. coz too far from my home. i prefer go to shatin pizza hut 繼續閱讀
(以上食評乃用戶個人意見 , 並不代表OpenRice之觀點。)
入門食家 2010-08-02
29 瀏覽
半客ceasar salad, D菜ok新鮮, overall 都冇咩可以挑剔, 係個果脯有D奇怪, 但有落紅菜頭呢樣值得一讚。 跟住係大家覺得OK安全的Carbonara意粉。好香芝士味, 味道適中, 如果冇左D青豆就更好了~ 最後係意大利pizza~正常pizza一個, 不過幾鍾意佢D pepperoni~ 搞笑的是原來諗住係full booking的,點知來到大把位, 可能黑雨關係啦…對住個海景真係好靚!!野食質素都比mega box好~! 繼續閱讀
(以上食評乃用戶個人意見 , 並不代表OpenRice之觀點。)