影片
營業時間
星期一至日
11:00 - 21:00
公眾假期
11:00 - 21:00
公眾假期前夕
11:00 - 21:00
以上資料只供參考, 請與餐廳確認詳情
係門口見餐廳個裝修好靚，但唔知好唔好食第一次試係因為門口個光頭哥哥好用心推介，所以就入去試下 雖然個價錢唔算平，但最後原來份量好多，兩個人一人一個餐完全食唔晒（特別係個pizza）個size係正常大，有8件 淨係食個pizza都飽曬另外仲見有用個藍芝士蘋果蜜糖味pizza, 不過今次兩個人真係食唔落，下次多d人先再試另外加小食可以平價，呢個雞翼配藍芝士醬好特別又香口最後加多件檸檬撻杯咖啡仲會配塊曲奇餅俾你
繼續閱讀
餐廳為我們設備了團體套餐，前菜、主餐、甜品和餐飲，都很美味！上菜流程也安排得很妥當；餐廳場地佈置得很溫馨，門口設計可以給客人打咭, 很合適20-30人的好友聚餐！
繼續閱讀
偶然走進新嘅分店，平時只係飲咖啡和食件cake，呢一間新店有其他選擇，所以就試試，不過8:30就已經好似想關門咁，叫我哋埋單先😂😂味道唔錯，咖啡都ok啊湯就－般ku😀
繼續閱讀
大件夾好味，1份cakes 仔12件，太好味，影到相但已食剩一半，$150。叫兩個餐：三文魚all day set & 乜乜火腿包，好大份$148 &$118。 包包超大份，大過手板，內中有甜紅椒＆多沙律𦹮，女生一定食唔哂…敳撒沙律新鮮好味，熱朱古力咖啡合到好處。會員仲可以儲分。勁飽，會再黎！三文魚all day set,面包有D燶，牛油果半個是暖的，三文魚份量都唔少薯仔普通。黑松露蛋好多松露醬，香到1個點。有狗狗可以坐則邊窗口吧枱。都算動物半友善餐廳。
繼續閱讀
421 瀏覽
將軍澳中心都算係將軍澳區最多餐廳選擇的商場，各款料理的多元化甚至比Popcorn及東港城更豐富。最近將軍澳中心又多了一間意式咖啡室【Caffe Milani】。今日趁着母親節一於去試試。網上搜尋資料，Caffe Milani 真係來自意大利，但當地總店其實只生產咖啡豆及販售咖啡粉，似乎沒有開設任何 Caffe。香港有某間餐廳集團代理了這個品牌的咖啡豆，因利乘便，用同樣名字開設了幾間意式咖啡店兼小餐館。開張只有幾個月，一如其他新餐廳，門口總會有一群貪新鮮的香港人等位，小編也是其中之一。門口最具特色的裝飾設計，肯定是這盞小壁燈；加上模仿歐洲城市古老歷史小餐館的仿石砌外牆，更添風味。小壁燈對下、仿石砌外牆上的假藍色小窗，更刻意畫上了歐洲城市的舊城區街景，有心思。室內設計反而顯得比較普通，舒適得來欠特色，只簡單在牆上掛了幾幅比薩斜塔照片，及一幅手繪意大利名勝古蹟立體地圖。主餐牌款式選擇唔算多；勝在有午市套餐，包餐湯或沙律、及任選餐牌上的咖啡，比起單點抵食。南瓜忌廉湯有少許香甜，但磨得未夠幼滑。意大利總店本業生產咖啡豆，炮制出來的咖啡質素當然唔會差。Lunch set 可以用半價追加小吃，揀了肉醬薯條（$78，Lunch set 半價 $39）。以價錢衡量，一份小食的定價接近半份主菜，按比例似乎偏貴。炸薯條卻有意外驚喜。雖然份量唔多，但採用新鮮薯仔即叫即炸；而且配搭的肉醬份量超豐富、肉碎份量夠多，足夠炮制一客 spaghetti bolognaise，味道亦相當出色。18個月巴馬火腿羅馬薄餅（$158，轉 lunch set 加$10）有豐富餡料，包括菇菌、火箭菜及巴馬火腿；薄餅批底夠鬆軟，如果邊緣位可以焗得再香脆一點會更好。另外還有改善之處，薄餅表面可以再加多一些芝士及茄醬。黑松露野菌烤春雞（$158 ，轉 lunch set 加$30）味道及不上薄餅。刻意掀開雞皮，在雞皮及雞肉之間釀入了很多黑松露醬及野菌蓉，原意提升雞肉味道；偏偏雞肉嚡口、唔夠嫰滑。又要為配合釀入黑松露醬，雞皮烤焗得唔夠香脆。除非好鍾意黑松露醬，整體味道一般。餐廳的另一賣點其實是精緻甜品，全部擺放在自成一角的甜品玻璃櫃內。一如所有歐洲風格小餐廳，每件甜品的賣相皆美輪美奐，實在令人有選擇困難症！愛吃甜品的人可以選擇一盤12款口味的迷你撻（$150）。本來最想吃鮮果吉士千葉酥（$54），其實即是類似拿破崙，但最後一件已經比其他人預留，只好退而求其次揀其他款式。Tiramisu Milani ($48) 缺少了一層咖啡酒浸制的手指餅，取而代之是一層薄薄的海綿蛋糕；有些少變化也沒有問題，偏偏咖啡酒味未夠濃郁，失去了 Tiramisu 的重點。上層的 mascarpone cheese 太稀身、又有點氣泡，口感唔夠黏滑 creamy。唔係好食的 Tiramisu。百利甜酒朱古力（$48）賣相吸引，一層一層層次分明。味道方面同 Tiramisu 一樣，稍為失望。Bailey 味道太淡，酒香唔夠明顯。頂層的朱古力濃漿及朱古力片，可可味亦唔夠突出。本來有所期望的甜品，結果若有所失望。但如果只是要求一間風格較正宗、又坐得舒服小餐廳，主菜質素也可滿足要求。
繼續閱讀