caffè HABITŪ the table (已結業)

約好左幾個好姊妹係星期日出黎傾計。星期日約係又一城係有少少冒險架，所以我就捱義氣早少少去搵位啦!一早就諗好要食好耐冇食過既Habitu，四點幾去到，竟然排頭位，我自己都嚇親！排左10分鐘島，有張大長枱ready，但我地想坐耐d，又唔想同人搭枱，就同店員講我地想坐獨立枱。等多左10分鐘島，就坐低島喇！望下餐牌，咦！有少少變左喎！加左價，同埋冇左我好想食既雙色Nachos⋯有少少失望添T^T不過大部分咖啡都冇咩點變。每人例牌叫左杯咖啡，我今次想簡簡單單飲杯玫瑰咖啡($50)，兩個朋友就分別叫左杯凍「伯爵茶咖啡」($55)同埋Latte Macchiato($42)。大家都有少少餓，但又唔想食太多怕夜d食唔落晚飯，於是就叫左兩個Green Bite，一個係「喜馬拉雅海鹽薯條配香脆雜菜」($68)，另一個係「有機雜菜醬配Pita薄脆拼盤」($98)。唔洗十分鐘所有野都黎齊晒喇。個薯條味道非常普通，最搞笑係原來個海鹽佢真係另外係櫃桶攞樽鹽你自己扭落去就算⋯仲有⋯說好的香脆雜菜呢？？個Pita脆片一攞上黎就知中伏Orz佢有三個雜菜醬—一個係野菌醬，感覺同普通沙律醬差唔多；一個係紅椒醬，普通；一個係

星期六來到這餐廳嘆返個悠閒的午餐，或許是星期六的關係，這裡沒有提供set lunch. 我們二人點了香辣意大利鯷魚扁意粉， 香蒜蜆肉扁意粉， 熱鮮橙花果茶和凍鮮奶咖啡。飲品很快便送到來， 咖啡維持一向水平，咖啡味很香，應該是用上上等咖啡豆泡製出來的。鮮橙花果茶，味很香，帶點香薰味，但飲落比較清，適合愛好飲食健康的人士。意粉等得比較耐， 大約15分鐘才上菜。香蒜蜆肉意粉， 賣相ok, 不過蜆比較細隻，用上橄欖油，新鮮蒜粒和炸過的蒜片一齊炒，蒜味很濃很香口，扁意粉焉焉韌韌，味道適中，是不錯的選擇。 另一款香辣意大利鯷魚扁意粉，雖說香辣， 但實制辣味很輕，不吃辣的人都應該不會覺得辣。這款意粉醬汁很濃，配合sprouting broccoli 較淡的蔬菜一齊食， 味道很配合，而且夠晒咬口， 總括來說唔錯。 餐廳環境舒適寧靜， 沒有被外面溜冰場的聲浪影響。

Happy Friday 同大班friend做完食肉獸，食完剛烈濃膩既韓燒，星期六早上梗要Go Green Go Light 以減輕罪疚感。嫌草食太寡，怕白白浪費Saturday Morning 既holiday mood？來個Green All-day Breakfast 就啱哂何車如果English All day 既主角係腸同煙肉，Vegetarian All day 既非牛油果莫屬，一樣係味道獨特而濃烈，俾人飽足既感覺。今次碟上既半個牛油果睇色已經知新鮮，果肉顏色由外圍既青綠色漸變至果心既淡黃色。牛油果亦烤得恰到好處，有微微既炭香而棉滑，冇腥味。再來個嫩而綿既菠菜炒蛋，有牛油香而不膩，精彩。細細兜既黎麥什菜沙拉，有橄欖油香，但唔會落太多醋，保持淡味輕型感啡菇無令人失望，烤得夠熱，一刀切落去，菌類個種乾燥既口感加埋燒烤逼出既菇汁，再加埋兩片有濃厚發酵品味既烤豆腐（第一啖仲以為係grill feta cheese/ goat cheese），好幸福。Homemade 麵包就同simplylife 既一樣，從來唔會叫人失望，strawberry jam 淡淡既玫瑰味係神來之筆。唯一普

Shopping完的下午。經過Habitu 同家姐坐低飲杯野。Earl Grey Latte 賣相好靚。拉花靚。奶泡夠滑 溫度亦適中 伯爵茶的味道再濃點會更好 咖啡味不錯 帶有少少甘香。伴著一小塊朱古力蛋糕 微微甜。Mocha朱古力味略嫌搶左咖啡的風頭 而且偏甜 唔係好飲到咖啡香味 似朱古力多點。有點兒失望。

昏暗嘅環境令人好舒適☺️適合同朋友飲杯嘢傾吓計👍意粉嘅忌廉醬好creamy,煙肉亦都煎得幾香，切得細細塊更易入口😊意粉比較硬身，剛剛熟咁！加上兩片芝士，令到成碟意粉更加濃味😂整體上都唔錯，不過醬汁確實很濃亦帶點"杰"身，所以食完之後有點膩，建議order一杯茶類飲料，就可以消消膩😎

好野！ happy friday!! 終於又到放假啦～ 又係搵食既時候Habitu既野飲就試得多，晚餐就真係第一次食，一放工就衝過黎，唔洗等位，happy有set menu有A la carte，我地今晚就叫左一個set加個pastaSet dinner跟既caesar salad, 如果唔食沙律可以揀湯，沙律菜夠脆夠新鮮，但煙肉就好乾好細粒散叫既香辣鯷魚意粉，用得鯷魚煮，一定夠晒香，意粉軟硬度都煮得岩岩好，上面既菜都俾得唔少 Set 既main course, 檸檬燒雞，連個檸檬都有燒過架，有成半個檸檬，我就擠晒d檸檬汁落去舊雞度，雞煮得一d都唔鞋，唔錯唔錯Set dessert, 可以揀無花果tiramisu 或者 精選甜品, 見個tiramisu既配搭幾得意就試下啦，唔係好食到mascarpone cheese 既味道，無花果醬就夠濃，底下個蛋糕有點硬，不過呢個組合就幾夾既呢個價錢我諗我會揀其他餐廳

經常經過又一城呢間cafe，但每次只係經過望下，見到佢門口既蛋糕睇落都吸引，四十蚊件但大部份都係細舊，所以都吸引唔到我去買。今次差唔多九點幾十點經過，竟然見佢買一送一，而且款式仲有好多選擇，即刻唔放過買返兩件試下先啦！雖然係買一送一，但個職員姐姐都好比力去sell邊款好食，最後我就揀左檸檬撻同埋粟子蛋糕。栗子蛋糕：身為栗子迷既我當然係要揀呢個試，但佢本身個size真係勁細... 半隻手掌既大少都無，仲要係勁矮，食幾啖就無哂講返味道先，栗子蓉栗子味都夠重既，但唔算係好濃果種，以呢個價錢應該可以濃啲，上面有粒栗子，食落有啲硬硬地唔算係好食果種，甚至乎平時超市一包包既即食栗子都好啲過佢... 入面係有海棉蛋糕同忌廉，但無其他特別饀，所以成件蛋糕無驚喜，如果唔係買一送一我唔會去試檸檬蛋白撻：呢個相比起栗子蛋糕無論大少同賣相都吸引好多，佢起碼大栗仔蛋糕三份之一，而且表面既蛋白唧花紋亦好靚。試一啖面果層蛋白，同想像中有啲唔同，佢係打到好杰身好企身既蛋白，同平時出面食開既蛋白質感好唔同，但缺點係呢蛋白霜加左好多糖，雖然蛋白有下面既檸檬做平衡，但入面既檸檬一樣加左好多糖，所以整體係酸得黎但都好甜下，至

本來只想喝杯咖啡，坐一坐。等位等咗十分鐘，兩個人叫兩杯咖啡，侍應話weekend 最低消費60蚊，門口冇寫，坐低冇講，落order 時先講。即走，以後唔會幫親。

剛剛放學，就同朋友黎個歐陸風情叫左一杯咖啡同一個甜品呢個係cappuccino brulee上面有一層薄薄既脆焦糖 甘脆可口之後就有濃濃既咖啡傳入味蕾 正！個甜品就叫做Monkey Business, 個名好funny布丁焗得軟綿綿好鬆軟 香蕉配蜜棗好夾食唔停口<3

今天約左一個好耐無見的朋友，為左可以寧靜地食餐飯，傾個偈，所以選擇了這間！可能位置較其他餐廳入，加上戲院又裝修，所以比少人去，位置寬敞舒適。雖然沒有人在外面排隊，但食物不比其他的差！英式香腸拼香草薯蓉: 不錯，薯蓉帶香草味，味道較豐富！一個香辣番茄大蝦扁意粉: 偏重味，不吃到辣的唔好點！另一個巴馬火腿配隻蛋拼露筍(忘記左叫咩名): 都不錯，但味道較淡，巴馬火腿不太出味！最後點了一個蛋糕仔，伯爵茶慕絲，淡淡的茶香，不太甜，值得一試

最喜歡的餐廳之一 HABITU因為近 又因為環境 又因為我幾鐘意又一城個溜冰場(咪住...其實我溜冰極屎...鐘意睇O者)總括我係好鐘意呢個既....嘻嘻!點左個雞肉墨西哥簿餅墨西哥餅通常都會連埋辣蕃茄蓉夾埋一齊落去個饀料到佢呢個我好欣賞佢就係佢會顧及埋不同需要 將辣茄蓉分開上 用另一個容器另外上比你 其餘既醬包括酸忌簾, 豆蓉醬 隨你喜歡自行添加而我就三種都會食 所以三塊三種味道餅料包括有菠菜, 雞肉同埋不同的沙律菜(火箭菜等..)餅面軟硬度適中 拎上手唔會太林身 可以HOLD得住個饀料唔會跌出黎當你放入口又唔會太硬咬得辛苦喎 相當唔錯 份量方面都唔算太多 如果係一個正常下午茶的話 可以令你有數小時飽肚感晚飯不影響的啦!!意大利泡沫咖啡其實HABITU都算係香港咖啡拉花既開端因為未有太多LATTE　ＡＲＴ既時間佢已經黎左香港做緊拉花呢樣工作所以佢拉既花未必係好誇張令人嘩然 但穩定有質數 百看不厭奶泡同咖啡比例相當好 熱奶泡溫度控制唔錯 令到整杯咖啡唔會因為咁而涼左而且拉花過程中佢將奶啡混合得剛剛好 每一啖都唔會太大偏差 抵讚!!!!有時間我都會選擇HABITU做我既中途加油站!

經朋友介紹下，知道是一氣氛不錯餐廳，便一到餐廳一試餐廳位於商場內，採用露天設計，環境挺優雅舒適，景觀開揚，適合聊天點了 habitu salad & cappuccino salad 好失望，醬汁唔岩我口味之餘，草青味重 價錢又貴 杯咖啡卻挺不錯，連咖啡豆一齊入口，咖啡香之餘，卻不苦，面上嘅泡沫同咖啡一樣幼滑 ，但欠缺特色餐廳食氣氛就不錯，但食物質素卻欠奉

香煎三文魚($178)，三文魚剌身和壽司便吃得多了，香煎還是頭一次試試。店內的環境尚算寧靜，提供了一個舒適的地方進餐。外觀方面，三文魚皮一面煎得脆脆的，有一層脆皮。再淋上一些醬汁，表面再灑上少量香草作裝飾，還有白雪雪的炒滑蛋。味道方面，本以為煎過後的三文魚會變得很乾身，只有香脆可言，品嚐一口卻發現，香煎三文魚也有它獨特的一面。魚皮脆脆的，口感不錯，魚肉香煎過後，仍然帶有豐富的肉汁，比起一般的魚肉更加滑漏，而且很有咬口，不得不讚，配上惹味的醬汁，令人一口接一口地吃著。整塊三文魚十分肥厚，淡淡都是魚肉。並且流出了不少魚油，魚油不但沒有增加肥膩感，令到香煎三文魚更有香味。最後，三文魚含有奧米加3，增加腦細胞的活性、提升記憶力、增強免疫力等，既美味又富有營養，值得推介。店內環境:6.5/10食物評分:7.5/10

來到九龍塘想hea番一個下午，我會選擇Cafe Habitu.點了一個全日早餐，應有盡有。要讚一讚多士，充滿牛油香，而且烘得好熱，好軟熟啊！另外還有德國腸，食得出係靚嘢，啖啖肉。還有我的至愛炒磨菇，令整個早餐少一份油膩的感覺，不過蛋炒得有點老，這個卻有點遜色。再加多杯Latte，奶味甚濃，咖啡也很香，加上心機的拉花。都可以嘆一個下午。

大年初三 返工前食個午飯 對自己好點。Deluxe all day breakfast炒蛋 好滑 有奶味煙三文魚 幾鮮甜。德國雞肉腸 肥嘟嘟 雞肉充足 有香草味 煎到香香咁。煙肉 好juicy 唔會煎到硬挖挖。茄汁豆 有紅腰豆 唔會太甜。大蘑菇 略嫌有點乾。焗車厘茄 雖然係配菜 但焗得幾好 好juicy. 蕃茄好甜。兩塊多士係靈魂 非常軟熟 焗到四邊都好香 牛油味撲鼻 配上果醬 真是好正架!