337
29
4
港鐵銅鑼灣站 C 出口, 步行約2分鐘 繼續閱讀
電話號碼
28922249
開飯介紹
店內裝潢簡潔,設有大玻璃窗;提供多國菜、全日早餐等。而其招牌菜以甜品為主,如心太軟、焗蘋果金寶等。 繼續閱讀
營業時間
今日營業
12:00 - 01:00
星期一至四
12:00 - 00:00
星期五至六
12:00 - 01:00
星期日
12:00 - 00:00
付款方式
AlipayHK 支付寶 現金
座位數目
55
其他資料
網上訂座
Wi-Fi
酒精飲品
自帶酒水
切餅費
賞訂座積分
加一服務費
當面支付
有關獎賞計劃
食評 (398)
標題為生日勝地因為當晚不知是否巧合,有成5枱都有人生日🎁🎂🎈🎉🎊呈上的生日甜品的確吸引。.食物評分 (最高5⭐️及按味道順排):.🏆🥇 Buffalo Wings 水牛城雞翼 $68 ⭐️⭐️⭐️⭐️⭐️.🏆🥇 Dark Chocolate Lava Pudding 特濃朱古力心太軟 $68 ⭐️⭐️⭐️⭐️⭐️. Baked Apple Crumble 脆焗蘋果金寶 $58 ⭐️⭐️⭐️⭐️. Caesar Salad 凱撒沙律 $88 ⭐️⭐️⭐️⭐️.Seafood Paella 西班牙海鮮焗飯 (for 2-3, 2至3人份) $228 ⭐️⭐️⭐️. House Garden Greens Salad With Parma Ham田園雜菜沙律配巴馬火腿 $108 ⭐️⭐️⭐️. Spaghetti with Mixed Mushroom in Black Truffle Sauce 黑松露野菌忌廉意大利麵 $118 ⭐️⭐️⭐️. Mini Profiteroles with Chocolate Sauce 迷你泡芙配朱古力醬 $58 ⭐️⭐️⭐️.* * * * * * * *.網上好評很好,而且Openrice訂枱是訂不到的,於是覺得這樣受歡迎必屬佳品,便打電話去試訂,竟然訂到,服務員還叮囑用餐時間限為兩小時,心想這應是個好跡象,於是滿懷期待與朋友一起去。.餐廳內有室內與室外座位,室外怕無冷氣太熱,又怕有人食煙,訂座時我們選擇了室內。.餐牌有兩版。有小吃、沙律、意大利粉、pizza、意大利飯、甜品等。.🏆🥇 Buffalo Wings 水牛城雞翼 $68 ⭐️⭐️⭐️⭐️⭐️這個Buffalo Wings很夠味,雞翼皮好脆但不會炸得過硬,這個水牛城辣雞翼之所以橙式同有辣味,最主要因為其中兩種材料是紅甜椒粉 Paprika Powder及卡宴辣椒粉 Cayenne Powder,還有Tabasco。而伴碟用來點雞翼的是藍芝士醬汁,這裡好濃味,有些朋友可能不喜歡藍芝士的濃味,其實這裡的Buffalo Wings整得好好味,不點藍芝士醬都已足夠👍😊所以是全餐冠軍🏆🥇. Caesar Salad 凱撒沙律 $88 ⭐️⭐️⭐️⭐️這個凱撒沙律還算可以,凱撒沙律汁弄得不錯,在面的Parmesan cheese帕馬臣芝士和 croutons脆麵包粒都正😊. House Garden Greens Salad With Parma Ham田園雜菜沙律配巴馬火腿 $108 ⭐️⭐️⭐️這個沙律屬麻麻地,淡味,可取之處是那幾塊蓮藕片乾。.Seafood Paella 西班牙海鮮焗飯 (for 2-3, 2至3人份) $228 ⭐️⭐️⭐️西班牙海鮮焗飯其實好難整得好,在香港試了很多餐廳不論平貴都試過滿意的,所以這個整得中庸也能體諒。這裡可取之處起碼夠海鮮,飯則似硬粒,有些未煮熟的口感。另外亦太濕,應該稍為乾身少許。. Spaghetti with Mixed Mushroom in Black Truffle Sauce 黑松露野菌忌廉意大利麵 $118 ⭐️⭐️⭐️沒有吃出黑松露味,野菌量少,有不夠餸的感覺。.🏆🥇 Dark Chocolate Lava Pudding 特濃朱古力心太軟 $68 ⭐️⭐️⭐️⭐️⭐️.這是全晚的甜品冠軍,中間的朱古力醬汁的確是像lava火山熔岩般湧出來,我不是朱古力人也喜歡這味,極推薦. Baked Apple Crumble 脆焗蘋果金寶 $58 ⭐️⭐️⭐️⭐️. Mini Profiteroles with Chocolate Sauce 迷你泡芙配朱古力醬 $58 ⭐️⭐️⭐️這個泡芙好睇多過好食,我們都是見隔離枱有這個覺得好靚又大杯,本來應是焦糖醬,但因賣晒改了上朱古力醬。..總結來說可能期望高,所以是有點失望。欣賞餐廳在食物賣相上有心思做得不錯,味道濃味菜式偏向少許過鹹,而其他又有點過淡,找不到中間平衡美味點。服務由打電話去訂枱到去食,都不能用有禮貌來形容,幸好又未至於無禮貌那麼惡劣,不過就不會有customer service的感覺。唯一有個女仔幾好。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-16
3812 瀏覽
今日工作比較輕鬆,諗住午飯兼下午茶同朋友食個tea,朋友就搵到呢一間位於銅鑼灣嘅Cafe,第一次嚟,都真係有驚喜。首先入到Cafe侍應就先幫我們量體溫,做好防疫的準備, 10分注意安全衛生。這裏讓我最有驚喜的環境就是有一個露天的用餐之處,室內同室外都有着很清新的裝潢,室內也放了一些花花草草,而室外更加不用說,有一些綠色的植物和一些花的擺設,讓人有一種很舒適很自在的感覺。因為今天下雨,所以我們選擇了坐在室內而觀賞着室外下雨的景色,其實也是一種很美的畫面。我們點了這裏的午餐套餐,因為這裏的午餐套餐看似非常好吃,要了一份醬燒美國🇺🇸豬肋骨配招牌薯條,而另一份便是美國安格斯芝士漢堡墨西哥牛油果醬配招牌薯條,而這兩個餐都配有飲品同埋湯還有沙律,加埋一都係$150左右一份,配合這裏的好環境算是十分之抵食。首先上台的餐湯是南瓜湯,口感有着新鮮南瓜的味道,這個湯很不錯。而沙律有菜有一塊雞肉,很少沙律會配有肉,配搭着這個秘製的沙律汁,吃得出廚師的心思。主菜也很快上枱,這個豬肋骨啖啖肉,而且燒得啱啱好,口感嫩嫩的,很彈牙,真心不錯。我特別喜歡這個安格斯芝士漢堡,因為中間夾住我最喜歡的牛油果肉醬,每一啖安格斯牛肉都配搭着牛油果的口感,很特別的配搭更顯得出這裏的食物有着不一樣的炮製心思。招牌薯條脆卜卜,熱辣辣啱啱炸起,吃完煮食後再吃這個薯條都仍然是脆卜卜,餐飲點的是雪糕咖啡和朱古力咖啡,兩杯都是凍飲而且大大杯,食完煮食再慢慢嘆這個咖啡㗳下啲薯條,真係十分之chill, 我們有午餐時間慢慢喺度下午茶,過到了一個很愉快的下午。 繼續閱讀
(以上食評乃用戶個人意見 , 並不代表OpenRice之觀點。)
今日同朋友late afternoon tea, 想試這間好耐,但個個都話這間Cafe好難book,雖然4點幾去,唔知多唔多人,但都係經Openrice book位先,仲可以儲asia miles, 唔怕無位。book咗5點,由於我早到咗少少,去到時只有2枱客,朋友未到,諗住坐住等,但侍應話用餐時間2小時,我話朋友未到,而家4點半又大把枱,總之我7點交枱都得掛...結果係...叫我自己落去行吓先,你等到你朋友黎先攞枱 😳😖😫 其實真係唔明,規則係死既,人就生牛牛企喺你面前,仲要有成7-8張空枱,下午430pm, 我坐多30分鐘都唔會阻到你做生意,甚至會叫多幾樣野,究竟係個世界既人變得咁有原則定唔識變通呢?而家咁既環境,你有客都希望佢坐耐d, 食多d野啦~終於同朋友坐低咗,叫咗個人人都讚既拼盤,仲有黑松露野菌意粉,食物係好味既,可以一試,如果服務可改善一下就更好啦!我和朋友坐長sofa位,環境舒適。我地每人叫咗一杯沙冰底既Smoothies, 跟住就發現個冷氣開得勁凍,又飲沙冰,原本好舒適既感覺即刻變成去咗北極咁。見食物剛到唔想吹到凍晒,仲有個半鐘可以坐,試吓問吓可唔可以調細d冷氣風或升起吹風葉唔好吹住個人及d食物,咁又當然係標準答案:個冷氣係咁,個葉又郁唔到,又唔關得會好焗喎...最終食完就走啦,費事吹到病。食物幾好味都好,咁既體驗點會令人想再黎呢...講真,這些並非什麼無理要求,其實服務員都應該曾經做過食客,將心比己就會明白。又或者只係打工仔心態,做得好唔好都係準時收工...算吧,最後都係安慰吓自己:我仲有得揀,希望下次試到間可以食得開心d啦~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-01
6 瀏覽
都有一段時間冇試過銅鑼灣嘅樓上Cafe, 今日約咗幾位港島朋友喺呢邊食個lunch, 佢哋就book咗呢間 😁 位置有啲格涉, 喺SOGO後兩條街... 因為遲咗到 😅 朋友已經order咗嘢食 share~ 有個沙律嚟唔切影相... 蒔蘿煙三文魚pizza ($148)真係冇食過三文魚pizza... 都幾創新 但俾我揀還是會揀返食大路的Parma ham 慢煮加拿大黑毛豬鞍扒 ($158)肉質幾好幾冧, 配埋少少甜味嘅蘋果蓉sauce, 感覺都唔錯~ 呢間餐廳整體感覺ok, 食物可以改進, 環境都幾靜幾舒服, 適合同朋友上嚟飲下咖啡傾吓計~ 繼續閱讀
(以上食評乃用戶個人意見 , 並不代表OpenRice之觀點。)
等級1 2020-09-30
136 瀏覽
唔係第一次黎,仲保持到超高水準食物質素,火喉到位,環境舒服 。服務態度一流,非常有誠意,值得推介小食拼盤份量剛好,香脆酥軟。甜品有驚喜唔膩,非常滿足,食過最好食bread pudding 繼續閱讀
(以上食評乃用戶個人意見 , 並不代表OpenRice之觀點。)