Cafe Life (崇光百貨) (已結業)

呢個草莓巴斯克芝士蛋糕外型好靚，表面有像雪般的白色粉末，令蛋糕看起來很高貴。草莓都很大粒，吃起上嚟好甜。巴斯克蛋糕充滿濃郁既芝士味，外型燒得很焦。切開蛋糕後，芝士都很濃密，整體來講，味道方面非常之好。#cafelife

蛋糕店：Cafe Life地點：崇光百貨B2樓士多啤梨巴斯克芝士蛋糕 $408 15 cm芝士蛋糕夠厚身同滑溜，無餅底，完完全全係芝士蛋糕無走數，面頭燶面就唔多夠燶味，上面加滿大大粒原粒士多啤梨，應該有用心揀過d靚既，面頭灑上糖霜，中間就加有切開既士多啤梨，下底有白色忌廉。滑溜忌廉配芝士蛋糕更好食，不過忌廉唔夠餸蛋糕食。份量我覺得夠六個人分。呢個價錢我覺得可以啦，唔太差不過又唔會令人驚艷。上次試過好特別既香芋巴斯克芝士蛋糕就正好多，不過貴少少。

📍Cafe Life (崇光百貨) @cafelife_hk銅鑼灣軒尼詩道555號崇光百貨B2樓55號舖士多啤梨拿破崙 10cm*10cm $398生日牌 +$20店員好好人，今日打風有特登whatsapp我取貨安排😚拿破崙大概有3層吉士醬、士多啤梨、千層酥皮餅底固定得太好，基本上係食唔到😂😂送嘅刀好難切，冇一舊係成型千層酥皮唔酥脆🥲，但overall味道ok，唔會太甜，有士多啤梨增加清新口感👍🏻

Sogo supermarket 見到cafe life 嘅蛋糕睇落好吸引，但價錢偏貴， 見到有做7折就買左件黎試下。草莓拿破崙 ，原價$88，折後$61.6士多啤梨好味， 唔酸又靚， total 用左3粒， 3層酥皮都鬆脆， 中間層cream 就似吉士，但我覺得折後價都係偏貴， 如果正價我唔會買。

蛋糕店：Cafe Life地點：崇光百貨B2樓香芋巴斯克芝士蛋糕 $438 15cm少見有得食香芋巴斯克芝士蛋糕。芝士蛋糕面頭係糖霜同滑溜芋頭蓉，加少少金箔同兩塊印有蛋糕店名既朱古力裝飾。切開見到入面原來有兩層，芋頭蓉層上面係芝士蛋糕，我仲以為全個都係芝士蛋糕添，芝士蛋糕係咪應該貴d架。芋頭蓉唔係最滑個d，好似有粒粒芋頭粒，加添口感，不過都係面頭滑溜芋頭蓉配芝士蛋糕正d，好似忌廉配芝士蛋糕，好夾。芝士蛋糕本身都又滑又濃厚，而塊皮有少少厚身又帶黎唔同口感，唔錯唔錯。價錢就以呢個蛋糕size黎講係幾貴，不過係好食既。

銅鑼灣崇光百貨地庫的美食櫃位，印象中全部同日本有淵源，差不多全部都是日本過江龍；儘管未必一定非常美味，但肯定可以歸類為好味道。不過，凡事總有例外。今日去崇光買嘢，行落地庫見到有間新開張嘅日本風格法式甜點店【Cafe Life】，餅店並非日本品牌，而是由日藉烘焙師在香港開設。雪櫃內陳列了各款小巧精緻、造型漂亮的法式甜點，還有大 size、供多人分享的原個切餅，口味同小巧甜點相同。除了甜點之外，還有自家製曲奇餅。看看價錢牌，以朱古力、忌廉、芝士等等材料製作的傳統法式甜點價錢合理，與其他同級餅店差不多。至於餅店最出名的甜點，就用上了日本進口水果作食材⋯⋯ 嘩！好貴呀！比起香港其他名牌法式餅店還要貴，直逼香港最頂尖五星級酒店的餅店！心想：根據經驗，法式甜點已經好吃，還要加上日系風格精緻美學，應該會很美味。一於買幾件外賣回家品嚐，但又捨不得買貴價日本産水果甜點，先買一些基本法式甜點試試味道。鮮紅色的外賣紙盒同農曆新年非常合襯，唔知係唔係農曆新年限定版？紙盒的封口位置甚至係心形設計，簡單而有心思。Basque Burnt Cheesecake ($42) 可以講係 cheesecake 嘅變奏版本

看到IG介紹，冇諗過有咁多分店，而且係sogo,K11擺買的蛋糕質素會咁差。明明廚師都見到個樣唔可以接受，都可以照俾客人，而且勉強客人要，完全沒想過係自己問題，。重點係價錢唔平，點解咁貴要接受不理想的產品？而且之後的解決方法十分差，沒有給客人好的方案，難道一點專業的交代也沒有？最後嘗過的蛋糕味道也不是很好，拿破崙的酥皮是苦，紅酒的味道也不夾，完全對不起這個價錢及味道，應該是宣傳過度吧！完全可以不用嘗試。

我叫左2件西餅啦，個職員放左2件係個櫃枱度而冇放到入盒，之後去左收銀位度禁手機，我唔知佢係禁公司野定點，途中人來人往，就算冇疫情，都唔會就咁將客人嘅蛋糕放喺枱面禁耐唔理，更何況依家？之後佢禁完手機就講幾錢，但都仲係冇將件西餅入盒。於是我叫佢入，佢先走去入。但入完一句唔好意思都冇。之後比錢想用boc pay，佢第一個反應係下？咩黎？之後問係咪sogo boc，我地話唔係，只係普通boc信用卡，佢話收唔到。但我地係sogo其他餅店，其他舖頭都係收到。點解係得你一間收唔到呢？而且我見你地卡機係有顯示收boc pay呢個圖？sogo同中銀卡一直都做緊好多優惠？點會用唔到呢？而佢比我既感覺係完全唔肯定？求其話冇呀，收唔到就算！收完錢一句多謝都冇。間野其實個定價都唔算係低，但就連基本既服務態度都係冇？我真係未買過一間餅舖個態度係差得過呢間。就咁放個蛋糕係枱，自己走左去收銀果邊禁電話，直頭係背對住件餅。中間幾多人行過件餅個位！呢個係衛生問題！無人會想食一舊充滿塵埃既西餅，如果中間有人打個乞嗤咪死？

屋企人係呢個餅店常客，於是上星期喺K11訂咗個蛋糕慶祝屋企人生日，結果好失望。切完蛋糕我食果件d cream 係就變味就壞咁嘅味。如果成日買 cream買鮮奶，陣味就係啱啱好過期咗一日，再唔用唔食就會完全變壞果種，呢個時候通常拎嚟煮熱或者加濃味嘢就會蓋過唔新鮮嘅味道。我果下諗或者係未壞嘅，但$388買個strawberry cream cake 我唔expect 俾d咁嘅質素嘅cream 我，當下已經覺得好麻麻。點知，我女食唔晒唔食，我一食就知奶嘢！臭嘅！原來成個蛋糕有d位d cream 直情係壞咗嘅味！我女2歲唔識講食咗半件呀陰公！唔怪得之佢食唔晒啦，平時佢會食晒一件蛋糕架當晚，雖然唔係個個都肚痾，但2歲小朋友同老人家就肚痾，老人家更加痾咗10次，小朋友成晚唔舒服係咁喊係咁扭瞓得好差，仲搞到patpat仔紅晒，勁後悔無試佢果件蛋糕就俾咗佢食！屋企人於是同店家反映，店家回覆話蛋糕係新鮮整，其他客人無話有問題，如果有其他客人都話有問題先會聯絡我地！聽完真心嬲咗！！係咪暗示我地屈佢！？我地係即日拎完蛋糕直接返屋企放雪櫃，當晚食架！就算係新鮮整但都係用唔新鮮嘅忌簾囉！一句唔好意思都無就打發你

經過SOGO B2 見一直想試下嘅可露麗減價買嚟試下， 食落去完全無酒香味😰 而且口感非常之差 「淋曬」做唔到真正可露麗嘅外脆內軟嘅口感，感覺似食緊一堆加糖麵粉。同場DenQ都做得好過佢，完全浪費我$20 ，亦都侮辱咗可露麗

以前開係上環嘅Cafe Life主打各款用日本水果入饌嘅蛋糕，而家係Sogo超市有專櫃，每款蛋糕賣相都好精緻吸引🤩雖然價錢比較貴，不過用料幾好，偶爾放縱一次都唔過份吖🤪紅桑子芝士蛋糕味道質感各方面都好平衡嘅芝士蛋糕👍🏻口感好軟滑，帶少許芝士焦香，蛋糕入面有一粒粒紅桑子，酸酸甜甜減低膩感。Tiramisu質感好軟滑，手指餅夠晒濕潤，如果咖啡味再濃多啲就更好。

曾經喺朋友屋企食過Cafe Life嘅白桃大福，一試難忘，好想再食。知道Sogo有Cafe Life 專櫃，就去碰吓運氣睇吓仲有無得食啦。店員話大福嘅口味都係期間限定，而我買嘅時候係草莓🍓限定，既然黎到，咁就買返幾個返屋企同屋企人分享下喇。的而且確，同白桃大福相比，草莓真係無白桃咁吸引😌之前食白桃大福係好juicy，軟綿綿嘅麻糬皮包住白桃加忌廉同小小蛋糕。真係一試難忘🤤可能因為之前白桃大福太優秀，今次個草莓大福真係差左dd… 感覺不太新鮮😅😅總結：性價比高不高就見人見智啦，如果食到啱心水嘅都OK嘅😝

Happy Birthday Mum🌷😘第三次喺呢間訂蛋糕，因為勝在口味多同埋近我今次係士多啤梨忌廉蛋糕士多啤梨非常新鮮，而且大大粒蛋糕係普通嘅海綿蛋糕，口感鬆軟不過有少少鬆散，所以切落去已經散晒但係佢味道幾好食，而且唔甜屋企人都鍾意食

日本人服務好, 蛋糕味道亦好今日去無日本人, 只有一個男人同一個女仔有個唔知大客定高層黎拎兩個蛋糕, 個男人極度有禮貌招呼 (佢橫跨左成個店地招呼...)。唔緊要 我等, 想輕輕鬆鬆買件餅返屋企比媽媽試。同埋之前買都試過, 佢地做完一個先做下一個咁mei等下囉, 又唔趕gei終於, 個男人移左去最右邊, 繼續同個唔知大客定高層繼續招呼/吹水。個女仔係佢移開後幫我pack, 有禮劵諗住用埋佢。問佢用唔用得, 佢話可以。佢可能㩒錯野, 個visa出左個金額係無扣coupon (好彩睇多眼唔係paywave就比左)。佢再scan都係唔得, 求助男人。個男人過黎整 (已經面有不悅), 叫我再比佢scan. scan完先話我張劵無效, 然後又話已經扣左, 叫我唔好睇sogo個screen因有delay。我再次指出係visa機金額錯...... 佢話整唔到要叫崇光收銀黎。崇光收銀小姐, 只係反覆話我應該自己記得有幾多張劵; 佢地公司唔會白白扣左我; 個系統reject左叫我等30分鐘自己再睇下係唔係度 (無任何pop up msg loh); 我自己睇單搵返佢地CS check。我無出聲聽佢講,

Yesterday we bought a Matcha Mille Feuille with other cakes at CWB Sogo cafe life counter , & went home by taxi within 15 mins then put them into fridge instantly , but the Mille Feuille was soft & not crispy when we eat . it is indeed disappointing & not worth for $88 each . Hope the product quality can be in higher standard with this extraordinary price !!!!