Cafe Italiano

營業中

休息中

朋友包場有幸參加真正有口福，味味都好食似乎大廚手藝非常好。小食一：香煎墨魚餅小食二：花雕雞中翼先來兩個小食，香煎墨魚餅及花雕雞中翼，兩款都有水準，墨魚餅新鮮彈牙，花雕雞中翼嘅花雕味做得剛剛好，香得黎又唔會搶走雞中翼嘅鹵水味。呢個蔬菜啫喱好好味，入口好fresh，第一次食到咁嘅菜式。鹽焗海馬友可遇不可求，要有返咁上下大條又要夠新鮮真係一d都唔容易。條魚嘅味好鮮，骨位同骹位d肉嘅魚油味香得不得了。呢個墨魚仔好掂，墨魚仔新鮮唔在講，大廚調嗰個醬汁同個墨魚仔好夾。呢味係橄欖油乾蒜片大蝦又係好正，佢個汁係精華所在，如果有埋意粉就perfect，衣家好似有啲嘥咗個汁。雞卷肉札實且嫩滑。呢個乳鴿係全晚最精彩嘅一道菜，聽講大廚煮家禽類最洒家，呢個乳鴿就完全表現晒出嚟，肥美不在話下，焗到皮脆肉嫩真係好難得。食到最後一檔斧頭扒其實已經飽到上心口，不過梗係要試埋佢啦，佢呢個就好似熟咗少少所以有啲韌，後尾食第二嚿專登揀一件多啲血水色嘅就好味好多。

因為有人遲到兩個等一個所以我哋先嗌個小食食住等，呢個小食叫做香煎墨魚蝦餅配香芒莎莎醬，好好食，無論係個墨魚蝦餅同埋個芒果沙沙醬都做得唔錯。終於人齊可以叫嘢食，我哋三個都叫set，所以跟埋沙律同埋湯。啲沙律菜好新鮮，同埋款式都多。是日例湯係西蘭花湯，味道唔錯，跟嗰塊多士好好食。美國頂級西冷扒，有六安士，五成熟，牛味香濃。油浸西班牙鴨髀好冧好嫩。香煎西班牙黑毛豬係三款主菜之中最好味嘅，豬味香但又唔肥。Set Dinner仲有杯餐飲。

必試聖誕餐單，有法國生蠔同凍鮑魚，既新鮮又有配搭，係第二度絕對食唔到。可能係我飲過最好味嘅熱湯，濃厚嘅熱湯配上有燕麥片嘅包，加上Cafe italiano懷舊嘅設計，彷彿身處於冬日的歐洲。乳鴿成日都食，但係慢煮乳鴿真係另一番風味，令到個肉不單止更嫩，又唔似燒乳鴿咁乾。黑毛豬同西冷扒生熟啱啱好，配埋個汁，更上一層樓，連個薯菜都想再食多次。最後到甜品，有crème brûlée, panna cotta 同木糠布丁都水準一流，唔使出去食second round。絕對推介係cafe italiano同一班人慶祝聖誕節！No brainer. Must go!

I recently had the pleasure of dining at Cafe Italiano in North Point,  and it was nothing short of exceptional. The ambiance exuded a warm and familial atmosphere, creating an inviting environment upon entrance, and  the staff's hospitality was commendable.Will definitely visit again

一間餐廳的服務態度竟然可以差到咁😡😡😡。事緣今晚和老婆去該餐廳撐枱腳，餐廳面積不大，只可容納幾台客加上樓底不高，所以我們已經注意到談話要降低聲浪以免影響其他食客，坐在我們旁邊的一桌，4-5個人也許都懂得這個道理，說話都非常斯文。唯獨坐在我們後面的一桌6-7位女士，酒過三巡後，說話聲、尖叫聲、大笑聲此起彼落，我於是同經理講（相信他也是老闆）點解你唔叫佢地細聲D，我們和我們隔離檯都覺得太吵了。誰知該經理竟然講左一句令人十分火滾的話：「佢地一個禮拜黎二晚，你幾耐才黎一次」。咁嘅歧視說話都講得出口，同趕客有什麼區別！

Lunch Set (3-courses): 🫕+🥩/🍕/🍖/🍝+☕️午餐大約百幾蚊✅午餐無加一服務費😊✅可以電話📞book枱✅甜品+$15✅薯菜轉意粉+$30✅生日有一杯木糠布甸贈送🥳要事先講餐湯夠熱～個包好粗纖維😆牛扒🥩學習了叫五成熟，黎到會係七成熟有菜🥦、有豆🫛、有紅蘿蔔🥕、有薯蓉一百幾蚊個餐，包湯包餐飲，唔好諗住塊扒係幾舊水嗰啲質素～但呢到絕對🤣牛係有牛味🐮上次黎食豬扒🐷好厚切：意大利飯好creamy主菜後有餐飲☕️生日嗰個有甜品：木糠布甸呢到個水杯都精緻過人🤩富士山呀😍🗻🤔百幾蚊食個西餐，真係無得要求咁多➡️要服務好、夏天餐廳夠凍、又想靜同坐得舒服建議去返北角海邊嗰貴價餐廳啦～➡️呢到絕對值得encore👍

北角驚喜西餐-Cafe ItalianoFb:下一站豬欄; IG@Pig7station北角其他都好多好野食😋今次無訂位下lunch hour試下walk in,好彩岩岩有位最後一枱😂真係好full下，平日時間點左lunch set, 試左一份肉眼扒同帶子意粉😜先黎餐湯，太餓無影到😅上菜速度都快，先黎帶子意粉，帶子大大粒，2邊煎到香脆，而中間幼滑一D都唔overcook🤤意粉夠煙韌，配上香草汁好濃郁。至於肉眼扒，表面煎得好香脆，肉質有口感，估唔到有驚喜😜最後都有餐飲，滿足😚

從未去過一間餐廳係咁，離哂譜!!! 你條死老爛仔收皮啦！唔怪得lunch time一點鐘一個客都冇，快d執粒啦你有病就去睇醫生啦! 如果間野你開，更加解釋唔到你既行為。仲有睇到你個死樣都唔開胃，仲要兇你d客，痴線。如果你想比人兇同開片你咪去囉。痴線，香港d服務態度本身已經差。如果你想有更加"非凡"既體驗你咪去，記住番黎打review.真係好爆嬲，竟然入去幫襯似我係坐緊監比你兇，快d執啦，唔好再遺禍人間 !!!Please dont go to this restaurant unless you want to be treated like a prisoner in cell! hands down the worst possible restaurant that you could ever go to in your life ! The owner(or whoever that scumbag was)was super duper rude and threatened us once we stepped in. unbelievable !! just dont

話說今年我家皇上生辰 香港仲自閉中 未飛得唯有自製旅行來個三日兩夜staycation na我哋今次去喺Hyatt Centric落腳 表姐提出嚟Cafe Italiano食 我當然讚成 最鍾意支持小店小店得嚟又夠哂位容納到我哋一家人其實已經唔係第一次食 對上次嚟食嘅脆炸白鱔卷念念不忘 (不過今次唔記得影低) 🎃Beef tartare先嚟個beef tartare 呢個10秒內大家已經食哂啲麵包直情要encore🎃炸蟹肉波波配黑松露蛋黃醬跟住有炸蟹肉波波配黑松露蛋黃醬呢個熱乎乎 大家食果時要小心蟹肉一梳梳的 非常香我本身麻麻地黑松露醬但佢加埋蛋黃醬又可以喎🎃脆炸白鱔卷另外我哋有叫脆炸白鱔卷一上枱已經急不及待食咗 都忘記要幫佢留倩影🎃油浸西班牙鴨脾配薯蓉到咗食main na有油浸西班牙鴨脾配薯蓉鴨脾一啲都唔會乾到擦膠咁 都幾juicy 薯蓉好香牛油味好滑🎃蕃茄大蝦意大利飯最後係蕃茄大蝦意大利飯個飯做到al dente 唔會過硬或過淋配上彈牙蝦無得頂！

We had diner at Cafe Italiano on Thursday and will not come back anytime soon.We ordered the four cheeses and spinach pizza, the fish & mash potatoes plus two drinks. While the kids fish was average, decent cooking and sauce the pizza is just straight fraud.Ready made portioned dough, that was hard and dry, (most likely frozen), industrial toppings, poor quality of tomatoes sauce ...For 140HKD it's just wrong. It was worst than a cheap frozen supermarket pizza.The service was ok but the pizza is

🥰好友介紹這餐廳有廚師發辨menu, 又有足夠位置訂座作生日小聚餐🥂🎂正合我們有幾位生日的主角一起慶祝🥳口水花甲（凍吃）少少麻辣味,肉質鮮好滋味開胃🦪3款唔同地方嘅生蠔實在太鮮味喇,食到都唔記得邊隻係邊個地方😆3款都肉厚爽口, 仲夾雜少少海水味非常鮮味😋凍鮑魚（凍吃）烹調得好淋身有咬口感配少許有 wasabi 味嘅醬汁😋感覺清新🥰🦑墨魚蝦餅🦐肉質彈牙爽口,唔油膩👍🐷豬腩肉配合桃麵包🍞滿滿醬料嘅碎豬腩肉放在熱熱地嘅麵包上吃感覺新鮮😍合桃麵包淨吃都好好味😋慢煮乳鴿煮熟程度剛剛好配少少甜味嘅醬汁,肉厚嫩口👍🐔非洲雞🌶️辣辣地,肉質鮮嫩唔鞋口脆炸白鱔卷外脆內軟,好特別嘅煮法有嚼口感🐟香煎比目魚🍝橄欖油酸辣意粉意粉煙韌度剛好, 酸辣味道好開胃😍🦞龍蝦汁蟹肉意粉🍝creamy嘅龍蝦汁味濃好滋味😋

疫情下，很多飲食業都停業，無計可施，但Cafe Italiano沒有這樣做，在這段時間更用心鑽研食物，達到最高水準，今次最好的是化皮乳豬，皮脆肉嫩。第二个菜式是慢煮澄海獅頭鵝鵝肝，用法式煮法，粉嫩入口溶化。第三个是脆皮煙肉鰻魚卷，突出了一般fusion菜的特色。第四个意大利香草煮花甲，火喉恰到好處。再加兩个海鮮冷盤，今次評份又係100，如果吾信，可以訂枱試試。

第一次試這裡的午餐。失望，無下次。看看這個pizza的相吧，真讓我失望和驚訝。。。唉另外，在這疫情下，仕應安排我和兩個不相識的食客同枱坐，有無膠板相隔，這35分鐘讓我過得很不安，後悔坐下來。Tried this place for the first time. As you can see from the photo that this pizza looks horrible. It's basically some cheese, tomato sauce, sausage and pineapple spread on a piece of hard biscuits. it's completely out of my expectation. I should have just bought something from the fridge of convenience store. Also given how bad the pandemic is going on at the moment, the waiter seated me at the s

已經有好幾個朋友話呢間餐廳好抵食，今日終於有機會試到，果然名不虛傳。先叫咗個沙律同一個小食，沙律雖然係普普通通的Green Salad，不過D菜好新鮮好好食，而且佢個沙律汁亦調得非常出色。小食就叫咗侍應姐姐推介的鱔卷，又香又脆，值得一讚嘅係佢個汁，雖然佢本身都好食，不過點咗汁之後真係好食好多。Main Course我地點咗黑毛豬同燒春雞，兩個Main Course都份量好足，燒春雞做得好嫩滑，黑毛豬煎得好香，點黑毛豬嘅汁入面有少少酒，好襯個豬，真心精彩。燒春雞都好食，不過我地覺得個豬更出色。全晚戲玉就係呢個要預訂嘅海鮮湯包，用個透明膠袋裝住D湯黎飲都真係第一次，湯底係冬陰功，好彩唔算好辣，好鮮味。入面嘅海鮮包括有魷魚、龍躉肉、青口等等，我覺得最勁係唔同嘅海鮮放埋一齊煲湯，而D海鮮嘅生熟度又可以每款都控制得啱啱好，唔會未熟又唔會太熟，真心佩服大廚嘅造詣。甜品叫咗焦糖燉蛋同埋木糠布甸，兩樣都好食，為呢一餐畫上完美句號。

我是香港首富大總管Philip, 香港十大名廚都是好朋友，退休後跟師父容沛光大師食遍香港所有美食，不好食就馬上駡，好食就讚，今日的午餐無可批評，湯的温度夠熱，麵包也是剛剛出爐，生鲜剛好的冰點，意粉的度數剛剛好，用料精鍊，肉類選料新鮮，烤功精盡，100分。