Cafe Imagine (已易手) 新餐廳

Good price with nice service. 不過奶茶唔夠熱，晚餐的甜品未夠好吃！但主菜同湯不錯! 廚師都有心機做好主菜！Waiters 的禮貌及環境好過好多港式餐廳了。 以$100以下價錢吃到set dinner 都不錯了。不能要求完美。抵食!

常常途經長沙灣都見到呢間餐廳，不過成日滿座或者無開今日見佢有開又有座就即刻去試試喇餐廳燈光偏暗，可以話係有另類既氣氛入面裝修好舒服，四周都好乾淨，座位舒適，空間感好大，唔會有焗束既感覺員工好有禮貌，哩點真係好重要！落單速度又快望下餐牌都幾多選擇，西餐廳黎講都算吸引食物方面都不錯看喔，餐包同湯都唔錯，嗰包夠鬆，湯都夠熱另外就叫左碟豬扒意粉，意粉就扁身既，唔係好淋身嗰種，嗰汁夠哂濃味，豬扒好厚身，但keep到肉汁又唔會太韌整體十分唔錯💕💕黑椒厚切豬扒扁意粉💕💕磨菇湯配餐湯💕💕熱奶茶

lunch時間想靜靜地食個西式午餐去呢度確實唔錯!餐廳內外都好舒適，服務員好有心呀，而且態度有禮，係呢區黎講有咁好質素既環境同服務真係好好呀!Lunch有個餐湯，餐包，主食同餐飲，食到好飽呀，而家仲有個優惠餐都只係四十幾蚊，抵呀!地方都唔算太難搵，長沙灣地鐵站C出口行去YMCA西九龍耀信中心旁邊就見到。原來呢間係YMCA搞既培訓餐廳，以餐飲培訓為主的多用途餐廳，提供午餐、下午茶及晚餐，有時候會有學生負責經營，都幾特別。

Cafe Imagine係一間培訓餐廳，所以對環境、衛生、態度和食物也有一定既要求。.店員個個都好有禮貌.間唔中都會黎呢間，已經食左大半年.食物質素都幾好，個包唔係度度都食得到.如果主餐份量稍為多少少會更好.係新年前好鐘意呢間餐廳.但新年過後，店內就多左飛蟻（因為店外有花草既原故）.有時飛蟻會飛落去食物到，趕極都唔走.都幾煩！又驚比蚊咬.所以近期都少左黎.知道唔關本身餐廳既事，但希望徹底改善呢個問題.呢間餐廳都適合一班人或一個人來用膳，而且餐牌會定期更新，唔怕食得多會悶啦😆 .順帶提一提：因不是大型餐廳，如果撞正多人book位就較難係午膳時間有位，但去過幾次都不用等位。 .每逢星期四係休息架。.IG:@foodiebuddy18

看報紙有中四學生在這間社企餐廳開業，便和家人來試試，餐廳位置比較隱蔽，但來到門口感覺就像去了田園𥚃的餐廳，環境清幽，裡面坐位不多但非常新淨企理。餐廳的廚師，侍應和收銀員大部分都是中四學生，招呼非常之好，很有禮貌，婆婆落單比較慢也很有耐心食物真是我想像之外，當初來都是懷著一班中四學生能整到有幾好食，但原來食物賣相和味道也不錯，尢其是薯條，是用焗的方式，完全沒有油耗味，健康又好吃😋沒有商業化的經營模式，一班對工作認真，熱誠的中學生，坐在𥚃面和其他一般餐廳感覺真的不一樣，套餐$58冇收加一，凍飲唔使加錢，值得一試👍🏻

今晚專程去找這間餐廳， 因為有朋友住在附近試過，話唔錯。 地點唔容易搵， 我們揸車 經過咗都冇留意到， 要再兜轉頭才找到。今晚比較清靜，只有3枱客人， 可能是因為地點關係， 地方不大， 最多可以坐20多人，但環境算乾淨企理。雖然是社企， 但餐牌設計並不馬虎，選了烤紐西蘭羊架配薯角（114元）烤紐西蘭肉眼扒配新薯 （98元）加十元可以變套餐，有餐湯，甜品和飲料，咁著數當然要加啦！餐湯是薯蓉忌廉翠玉瓜粒，湯味較淡和稀， 翠玉瓜粒都爽口餐包軟熟和熱，合格！烤羊扒賣相不俗，而且有三件，數量算多了。用新鮮蔬菜沙律伴碟， 一小碗芥末籽香草醬，但香草味唔夠濃，又無薄荷醬。 羊扒入口鮮嫩無羶味，肉質帶小小肥，我喜歡， 薯角粗身唔硬。肉眼扒就麻麻，烤得唔均勻， 邊皮好燶，叫了七成熟， 但個樣似十成， 幸好唔柴口，但仍是用香草芥末做醬汁唔襯，應該用黑椒汁。甜品是 chocolate brownie, 硬身唔好食！飲了杯普通奶茶便完了今晚飯餐。雖然食物一般，但會再去支持，讓年青人有更多實習機會！

其實係睇到食評所以想來試下。不過地點真係唔算方便，呢條街人流好少，餐廳座落位置都比較隱閉。以前行過好多次，居然都唔發覺原來有間餐廳 小妹食野都比較著重環境，所以來到門口已經嘩一聲 門口有椅有緣蔭，好似一個公園仔咁，望落其實都幾舒服。餐廳門口已經有餐牌，價錢就一般西餐咁既價錢，可以睇到覺得岩食先入去既呢晚都比較早食飯，入到去大約8:30 左右，侍應表示晚上有滅蟲工程，最遲要9:40交場。食一個中頭其實都好夠啦，所以我地都坐低左。係出面都大約諗到食咩，所以好快落好單。之後就開始望下環境啦個人覺得餐廳內環境是很不錯的。餐廳大約有20個位左右，寬敞的，舒服的 牆上都有點裝飾掛畫，亦有一些語句，有點意思的 (即使我們的節奏不一樣，我也懂得欣賞你的美)首先上左個青瓜湯 味道唔錯，飲落青瓜味唔會好重，無草青味。個餐包就無咩特別，唔算好鬆軟咁，入口還好吧跟住到個烤豬肋骨配沙律。老老實實，個沙律係最好食 至於豬肋骨，食材一流，肉質都夠淋，但烹調功力尚有進步空間香草醬意大利雲吞伴煙三文魚。呢個真係因人而異啦，因為小妹同男友意見不一致 小妹唔太歡喜香草醬隻味道，不過男友表示味道不錯 不過份量真係好夠，

今天，我學完琴後，想找個地方吃晚餐 。可惜，很多餐廳都滿座了，於是選了這裏 。已經是第二趟來這裏了 。這裏的旁邊是港青專業學院，沿着庭院的小徑走，就找到這餐廳 。地方不大不小，但美食真是難以想像的美味 。以下是這餐廳的餐單：我們點了B1，D及CS1 。這天的餐湯是……甜粟米蓉湯！粟米湯很香甜，味道好 。但是因為粟米打了成蓉，吃到粟米粒的表皮，所以我不太喜歡 。每份餐湯也附送小甜包，和鄉村軟法包沒有甚麼分別 。表面有些甜甜的粉末，麵包很軟，那裡有小碟子放着牛油，此時可以塗在小甜包裏 。燒春雞來了！上面有火紅色的粉，雞肉很嫩，配襯着燒汁和烤新薯不錯啊！看，很像羊扒吧？其實它是豬鞍 ，肉汁很多，一點豬膻味也沒有，口感豐富 。薯蓉很軟滑，雖然它沒有甚麼味道，沾了蜜糖芥末卻非常好吃！😍但是蜜糖芥末有點兒辣呢！😝甜品時間到！是免費的！甜品是……迷你橙香巧克力凍餅！！上面有濃郁的黑巧克力粉，餅底是薄薄的海綿蛋糕 。中央的巧克力忌廉有點兒冷，恍如冰淇淋 。很好的甜品啊！這所餐廳每套餐都附有飲品，大家可以試試啊！

內在環境幾好可以媲美高級餐廳有部大電視價錢亦便宜呢到的員工係讀餐飲的學生餐飲"－"免費其他跟返＋$4/$7/$8飲品都好平有少量蘑菇粒 很濃味會另外幫你加胡椒粉餐包應該係香草包新鮮整出黎 外脆內軟天使麵煮得夠淋有不少蜆肉和青瓜粒令口感更豐富肉眼扒幾好味見到隔壁的雞扒就大塊d雖然份量唔算大但都食得飽仲可以唔要飯要薯蓉拉花有待改善杯身和杯碟唔match所以拎個陣會搖下搖下要小心服務好有禮貌會睇你有咩需要收拾得快而唔會突然兼顧到所有客人

來長沙灣視察環境再睇下有咩食，做openrice搜了一下就決定來這間試，$100有找的set dinner:- 粟米南瓜湯，濃稠度剛好，不太稀，有少少粟米有𡁻頭，南瓜湯都幾滑麵包有驚喜！一上是䁔的，很香的Rosemary 味舖滿整個包，帶少少鹹香👍🏻三文魚瘦了點，但幸好不太鹹，唔孤寒有兩大塊👍🏻白酒汁太稀身，無法附在麵條上，但白酒味都夠濃，如果蒜爆香D可能味道會更具層次～值得一提是蜆肉雖細但量多無沙，這價位我覺得達標了😊燒春雞皮略油，但肉質較諗亦不太乾身，可惜調味偏淡了點，否則可更香口跟餐甜品是朱古力雪糕蛋糕，不太甜朱古力味適中全餐性價比不俗，住附近又懶得煮既人既飯堂😝

同朋友經過長沙灣想試下西餐，見到唯一一間外貌比較高級既餐廳，係YMCA學校傍邊，就走入去試試！由於6點鐘，暫時得我地一張枱，但其實我見每張枱都有留位牌，應該好多人一早訂枱，之後7點已經見到差不多滿坐見三位服務生很似學生，原來佢地係傍邊YMCA餐飲業學校既學生，呢間餐廳係培訓餐飲業學生，俾佢地有實習既機會，雖然有一位比較怕醜，但全部都很有禮貌，不停為你加水我地點了Set Dinner，價錢很抵，最平＄84，最貴都只係＄164，有餐湯，主菜，甜品，餐飲我地點了肉眼扒同最貴既豬鞍扒餐湯：蘑菇湯OK不過不失，碟很大，其實湯很少，因為底盤很淺主菜：豬鞍扒很好味，很juicy，配金巴利汁，酸酸甜甜味道很夾豬鞍扒主菜：肉眼扒牛扒份量比較少，多筋，但都不差，有肉汁，只是豬鞍扒比較好吃甜品： vanilla ice-cream好味，似自家製可以再幫襯，值得一試，唯一長沙灣比較隔懾，唔就腳

要來這一間小店，要一點緣份。聽說這裡是一個 training centre，食物不錯，一直想來試試。可惜之前來過兩次，一次無開，一次 elavuation day唔營業。莫非要三顧草蘆？今天不是刻意來，卻剛好有開，又有位。舖面不大，就三十個位置左右。一入門口就一眼睇晒。門口右邊有個大電視，剛好在播新聞，如果它走的是 cafe路線，非常格格不入。今天有四款午餐。點了烤三文魚柳。餐湯是露筍湯，晝了貓貓，湯本身做得不錯，濃淡適中，after taste是微甘的。主菜是三文魚，剛熟，一口咬下去非常滑，表面煎香了，又不膩，處理得非常好。薯蓉和伴碟小甘筍不過不失。茨汁是黑松露忌廉，有松露香，又不會太搶，滿意。餐飲要了 english tea，喜歡的濃度，沒有多要一個茶包，滿足就好。今天樓面都是經理一手包辦，服務很好。學生放假？不知道。

之前見大家講呢間做training的cafe,今日經過見到個set lunch都ok,所以就試下.order後,好快就上左個湯同包.個湯係忌廉西蘭花湯,餐包熱辣辣,幾好食.等左一陣先上main course,不過好彩,有個投映的電視,睇住先.我叫左個墨西哥肉醬長通粉,以為會辣辣地,但係無..味道ok la,都好飽.另外要左個洋蔥豬扒飯,d豬扒薄左少少,但唔韌,ok wor!加左四蚊要熱mocha,同熱朱古力.個朱古力好甜,我鍾意,飲完好飽.個mocha感覺就普通.飲住杯野,睇住電視,慢慢坐下,都可以hea一陣,感覺不錯!可再食!

好喜歡這間實習生的餐廳，食物質素很好，亦可以培訓人才，可惜係而家只係星期六日先開，如果遲d可以一至日都營業就好啦!順帶一講湯及甜品都好美味，但餐廳座位有限，要食可能要預早book定位，有機會好想試試佢地既英式下午茶

先有香草歐陸面包水太太認為包包最少要夠暖才算合格這個乎合了基本要求另外這包是外脆內軟的很美味外面灑滿香草但幸好香草味不是想像般的太濃烈非常好味餐湯是南瓜忌廉湯 水太太就是喜歡有口感的南瓜蓉 不會是稀疏的質感 很清甜的南瓜味 有飽足感主菜是煙肉忌廉天使麵($50) 普通的菜式 但簡簡單單又頗美味 芝士不算太多 味道剛剛好cute太太和陳太一同點了燒春雞配薯蓉 ($66) 這個賣相非常good good 一上桌已很香噴噴 雞燒得很美呢 水太太也試了幾啖雞肉 感覺很嫩滑很juicy呢 但cute太太略嫌內裡的肉太算太熟 要求廚房再煮 當然也應要求再煮熟一點 服務態度算不錯還有餐飲 其實算很抵 有湯、有主菜、有餐飲 只是約$50起的午餐 實在不錯 有機會還會再來吧