4
1
0
港鐵長沙灣站 C2 出口, 步行約8分鐘
繼續閱讀
電話號碼
22816020
91384921
附加資料
* 免收加一服務費
* 提供全年純素盤菜預訂服務
營業時間
今日營業
全日休息
星期一至三
全日休息
星期四至日
12:00 - 14:30
17:30 - 21:00
以上資料只供參考, 請與餐廳確認詳情
同姨仔食完慶生飯無耐，又因事約出嚟聚一聚，就佢是日晌荔枝角有行程，摷吓摷吓就搵到呢一家素食店「Cafe Imagine」，單睇店名，真喺完全估佢唔到喺間純素嘅素食店。 店家所處嘅位置對好多人嚟講有少少僻，但小弟反而好熟，因為有唔少親戚都居於順寧道一帶。走進餐廳，地方唔大，目測所見，廿個位多少少，裝修簡約，但勝在企理。店員都好有禮，但唔知喺咪人手少，感覺有少少踢腳。 餐牌就主要有兩面，一面喺散點嘅菜式，有自家製純素手工小食、純素Fusion主食及特調飲品，唔收加一；另一面餐牌就有幾定食套餐，即喺多杯桂花茶。台灣金針蒸淆玉球 $45睇見啲小食好似幾特別，所以，老婆就話點款嚟試試，結果揀咗好似山竹牛肉球咁，不過就用咗台灣嘅金針花代替馬蹄，再加新豬肉做成嘅淆玉球。賣相有啲麻麻哋，口感都OK，打得鬆化，啲「豬肉」，但味道好似有啲問題，3個人食，有2個覺得有少少酸味，唔知喺有啲食材變咗，定喺源自啲金針花，總之，事後無人肚痛就當無事啦。 韓式粉絲定食 $78韓式粉絲炒得似模似樣，睇到有幾多材料，豆腐乾呀、菠菜呀、燈籠椒呀、木耳絲呀……等等，仲撒上好多芝麻。而粉絲幾滑身，但又有少少柔韌感，口感確喺不俗，喺是夜比較滿意嘅菜式。 自家製泡菜叉燒印度米炒飯 $88炒飯就食得多，但係用印度米嚟炒飯都幾敢肯定喺第一次啦，感覺有啲特別，所以先點嚟試試。個飯可以可揀茄汁或沙茶醬炒，小弟就揀後者，不過，整體都唔喺好覺有咩沙茶醬味，而素叉燒切得細碎，食落唔喺好覺咁，較多嘅喺泡菜，比一般食開嘅泡菜無咁辣，整體嚟講，都喺好普通一個炒飯咁，所以確喺有少少失望。 純素Omakase $138姨仔揀呢一款純素「廚師發辦」，唔好睇個名以為同壽司有關係，其實喺完全無關，實際上你可以當喺一般定食，只喺餸菜由廚師安排無得揀，所以，見到一大兜餸菜配上白飯、前菜同桂花茶，當喺個6、7餸飯咁啦，但最奇怪嘅係唔知點解擺咗啲杏脯乾。講真，食味OK嘅，但覺得唔夾囉，姨仔亦唔鍾意啲桂花茶咁沖法，飲落一口桂花粒，有少少巉咀。 依家好流行食素，其實食素在我嚟講都喺清清哋，想食得健康啲。不過，佢哋啲素菜菜式部份可以講喺特別啲，但又有啲古怪，整體感覺我自己個人嚟講就一般般而已！
繼續閱讀
因為得一個廚師，所以每次上菜都要等一段時間，But it’s worth to wait.試咗好多間九龍區嘅叉燒，都媲美唔到呢間嘅水準一試難忘，每次嚟食都唔會令我失望。唔會太乾身，味道適中因為佢一做完就即刻拎出嚟，所以食物溫度岩岩好佢入邊個薑黃豆腐拌飯一流不過個泡菜麻麻另外嗌咗個串串，好Juicy！如果再熱啲就仲好，不過味道很好👍🏼
繼續閱讀
今日找素搵到喺長沙灣既純素小店 Cafe Imagine. 地点有D唔方便，不过绝对有惊喜! 主厨Annie同待应都好贴心，耐心介绍好味菜式又同食客交流，讃👍🏻自肥既小編 兩個人嗌左三個餐再加點心，大食程度嚇親隔離枱 🤦🏻♂️ 主餐叫咗 素蛋麥芽叉燒姬松茸麵 同 韓式拌綠茶麵 真材實料，有板有眼。亮點係點心！😋- 山竹淆玉球 - 全手製用馬蹄、猴頭菇、芫茜、新豬肉等，無論係口感定味道都同真嘅冇分別，必吃！- 四寶蒸姫扎 - 超大隻雞脾菇做材料，第一次要用刀叉食雞扎!!!!Unlimited imagination unleashes amazing food ideas - Cafe Imagine fits the bill. With Chef Annie’s innovative vegetarian dishes, they fill not only my stomach but satisfaction for the delicious green cuisine.
繼續閱讀
這間餐廳這間餐廳雖然不在港鐵站附近，而且一個星期開門的時間都不多，但是這裡的每一度菜都是即叫即做，連餃子都是即叫即包，非常新鮮！餐牌上都有幾多不同款式選擇，我們一行3人點了多款不同的食物試試!媽咪米卷，這款越南菜式的米卷，用上芒果、蘿蔔絲、牛油果和大量芽菜苗，每件米卷都好多餡料，而且好香芒果味，味道清新，再點上附有的醬汁更加美味！粟米粒牛油果沙律醬豆包壽司，腐皮入面有紅米飯和粟米牛油果沙律，上面更有大量芽菜苗，口感非常豐富，而且估唔到這麼美味！蜜芽素叉燒，素叉燒的味道跟真叉燒的味道差唔多，有蜜汁的味道，而且還有燒到脆邊，口感跟真叉燒也很像，朋友食到津津有味！椒鹽炸尤如絲，這款尤如絲其實是用上雞脾菇手撕成絲，再炸到脆卜卜，灑上椒鹽味道惹味，令人吃不停！麻辣海鮮雜錦，這個菜式很適合喜歡食辣的我，用上木耳、珊瑚草、石花菜、海茸等多種藻類製成的涼菜，味道麻麻辣辣，口感爽口，非常開胃！純素自家醃製泡菜，這裡的泡菜味道跟韓國泡菜有少少不同，但是味道都很夠辣，少了韓式的酸味，反而帶有甜味，不錯！鮮豆苗炒叉燒姬松茸麵，麵底爽身，拌上蠔油，加上豆苗和素叉燒，完全不覺得自己在食素食，令人回味！純手工湯餃，湯底是香茅蕃茄湯，而且還加入桂花，令湯底清甜得黎還有桂花的香味！湯餃皮薄餡多，脹卜卜，十分正！無農藥金針花杞子桂圓茶，有淡淡的桂圓甜味，而且暖暖的，很滋潤！
繼續閱讀
素食媽咪以前喺好多素食推介group都有d名氣當初要結業好多人都話可惜🥲好彩！港青留意到呢間咁有heart嘅素食小店😍喺長沙灣YMCA中心比左個鋪位比媽咪繼續經營（到訪餐廳時親口聽素食媽咪提起）🥳！終於喺新鋪位試到 真係好好食呀😍餐廳環境唔算大 但勝在都幾靜 而且唔算多位 坐落都闊落人手雖然唔太充足 但係媽咪同兩位年輕店員服務態度都好好🥰好親切 媽咪仲同我地傾左兩句！出菜真係要d時間～但值得等！因為真係即叫即整 所有食材都好新鮮😋招牌媽咪米卷💓呢個係招牌中嘅皇牌💛真係好出色份量多 賣相靚 足料！米紙包住d小芽菜 生菜 紅蘿蔔絲 牛油果 芒果 食落非常清新！！加埋醬汁好開胃 十個like🤩見好多枱都有點 真係必試牛油果粟米沙律腐皮壽司🍣第一次試素壽司😋都唔錯好大舊🤣飯暖暖地～牛油果同粟米撈埋沙律醬 出奇地夾 加埋腐皮食落整體甜甜地～但唔會太滯呢款都不錯 但相比之下就無米卷咁有驚喜啦蜜芽叉燒素蛋飯🍳呢個飯又係驚艷之作😍擺盤好靚！一黎到真係嘩左一下素蛋原來係豆腐😚我估應該係用黃薑粉之類調味 好食！叉燒真係十級正！應該真係即刻燒！好香好香！蜜芽味好出 但又唔係甜到膩嗰種😃燒得好好味 食落真係好似真嘅叉燒！撈埋d汁同健康米 真係好夾！愈食愈開胃😙整體真係好好食😭食得出每樣菜都好用心咁整 因為無論係擺盤 定配菜都做得好好🥰連我同行唔鍾意食素嘅朋友都大讚👏🏼真心值得支持😻😻想試下素食/愛素之人一定要幫襯！係有heart又有住家菜感覺嘅小店💜價錢雖然唔係好平 但食過就覺得值回票價💖衷心希望媽咪繼續做落去😋
繼續閱讀