593
27
12
港鐵尖沙咀/尖東站 N4 出口, 步行約1分鐘
繼續閱讀
開飯介紹
來自加拿大的法式可麗餅專門店,有近30款鹹甜口味薄餅供應,食譜製法依照溫哥華店的秘方處理,食材也多由當地運送,為食客帶來最貼近當地的味道。可麗餅蛋香濃郁,較為煙韌。
繼續閱讀
營業時間
星期一至四
10:00 - 21:00
星期五至六
10:00 - 22:00
星期日
10:00 - 21:00
以上資料只供參考, 請與餐廳確認詳情
相關文章
今日同朋友去回味下澳洲時食可麗餅的味道。原來這間店是來自加拿大。無論鹹味或是甜味的可麗餅,都有超過十多款比你選擇,還要是現場即叫即做。餐廳除了叫可麗餅,飲品亦非常多選擇,有沙冰、奶昔、COFFEE 等。蘋果金寶配奶油醬可麗餅 (甜味)我平時好憎食蘋果批,但呢間做的金寶蘋果可麗餅,餡料非常多,入面的烤蘋果粒粒一D都唔酸,而且仲好爽口。奶油醬再加上香脆的金寶淋在可麗餅上,眼觀已經超似一件藝術作品,還加上一球雲尼那雪糕,真係如名畫一樣。食落層次十足,熱中帶凍,雲尼那雪糕有加濕加味的作用、令可麗餅的味道更出。食完超滿足。風乾火腿布里芝士配羅勒醬鮮茄及蛋 (鹹味)感覺係將平時的意大利粉,變成可麗餅咁食。風乾火腿就好薄身、好香豬味。似食緊parma ham。芝士味好香濃令風乾火腿更提鮮。可麗餅餅皮薄身,口感煙韌。黃金冰冰落飲落去有一陣薑味,飲完之後成身凍晒,果然好夠冰。意式雪糕加特濃咖啡飲落去好香嘅咖啡味比較偏苦,唔會太甜最啱男士叫。上面舊雪糕好好食,唔會咁快溶,將杯咖啡加上一點點甜味中和咖啡嘅苦。可麗餅
繼續閱讀
來自加拿大過江龍的法式可麗餅主打超過十多款鹹甜味道🥙各款口味變化多端即點即做的可麗餅蛋香味十足🥚餡料非常飽滿一點也不馬虎🤩Butterscotch Apple Crisp🍎🥙甜味可麗餅包裹粒粒烤蘋果🍎,外層淋上奶油醬及香脆的金寶,還附上一球香滑的香草雪糕🍦,冰熱交融,感到幸福滿滿😊Crêpe St. Jacques🥙鹹味可麗餅餅皮煙韌又薄身,一切開裡面包裹著秘製瑞士芝士汁帶子及菇菌湧出來,超有爆餡的效果,大量珍珠帶子爽口彈牙,有種感覺像在喝超濃稠的忌廉湯😂,餅皮上配黑松露醬及生菜作點綴,口感相當豐富💯Blue Hawaiian🍹藍藍的外表很漂亮🤩,每一口都有突出的椰香味🥥,梳打水清新可口,解渴一流Jade🍹帶有香濃的抹茶,每一口也喝到黑朱古力碎🍫,甜度適中法式可麗餅不單是飯後甜點,同時也可以當主菜,我們分別點了2個可麗餅及飲料,不怕吃不飽吃完後有飽肚感🫄,這是第一次吃鹹味可麗餅相對有驚喜🥰,令人回味無窮,期待下次回訪再嚐嚐其他口味🥙😋
繼續閱讀
餐廳環境舒適。服務態度都好好。crepe有鹹有甜。質素好高👍🏻 賣相亦令人眼前一亮💁🏻♀️。1)Crepe St. Jacque 秘製瑞士芝士汁配黑松露帶子可麗餅:一放上枱已經聞到好香嘅黑松露味,𠝹開入面有滿滿秘製芝士醬汁大量元貝粒同磨菇粒好足料,香噴噴令人垂涎三尺。好好味😋正👍🏻2)Tiramisu crepe 提拉米蘇可麗餅:煙煙韌韌嘅crepe充滿蛋香,入邊包住浸咗冧酒散發住咖啡甘香嘅手指餅。味道同Tiramisu一模一樣,但係用crepe 形式。好特別。軟綿綿嘅餅皮上面有朱古力味馬卡龍同雲呢拿雪糕加上一啲可可粉,唔單止賣相精美,而且甜度適中,內外兼備。感受到用心製作👍🏻🥰飲品:Pina Colada French soda -椰子味好突出配合埋菠蘿汁感覺好清新。飲左一啖已經透心涼。Creamsicle French soda 橙冰香草梳打 🙋🏻♀️超級推介。主要係由梳打加橙汁同埋石榴汁混合而成。好好飲。好有層次感。以上嘅組合好精彩好豐富😍食材精美新鮮,用心製作。絕對係必食推介😍👍🏻👍🏻👍🏻
繼續閱讀
香港少專食法式crepe嘅餐廳,每次經過K11都好想試呢間鹹甜crepe都有,而且款式口味多有lunch set,唔食crepe可以叫意粉、baguette、牛角包三文治我哋兩個人叫咗兩款鹹+一款甜+兩杯咖啡☕️▶️ St. Jacques 秘製瑞士芝士汁配黑松露帶子可麗餅 ($125)估唔到入面咁多帶子粒🤯完全唔吝嗇雖然係雪藏,但口感幾彈牙秘製瑞士芝士汁好creamy,白汁蘑菇湯味,唔會太cheesy入面的確有蘑菇🍄面頭仲有黑松露醬成件事好夾味▶️ West coast 煙三文魚配奶油芝士丶紅蔥頭及菠菜可麗餅 ($119)呢款都好好食!又係超足料,每啖都爆多煙三文魚煙三文魚半熟,帶鹹香另外可以加檸檬汁🍋增添酸味冇醬汁但有一層原實嘅cream cheese,芝士味道濃郁而且帶有香草(dill)味同煙三文魚係絕配😋唔會感覺好heavy紫洋蔥香口,仲有唔少菠菜🥬Crepe皮本身好食🫓有煙韌度同彈性,唔係啲又乾又薄嘅餅皮加上摺疊咗兩次,變成四層,食落特別有質感,比想像中飽肚▶️ Tiramisu crepe 提拉米蘇可麗餅 ($118)特別款式,好創新嘅配搭✨真係有四條ladyfinger起入面,係一個包住薄餅皮嘅Tiramisuladyfinger事先浸咗咖啡酒,變得軟熟似海綿蛋糕🤎Crepe皮上面灑上大量可可粉,增添苦味🍫再放上一球雲呢拿雪糕同一粒雲呢拿macaron雲呢拿雪糕慢慢溶落crepe到,一凍一暖冰火交融好正🤤不過macaron有啲太甜,自己唔鍾意成個combo好有驚喜,如果咖啡苦澀味重啲會更好食推介大家試呢款甜crepe,層次豐富!▶️ Americano 美式咖啡 ($32)8oz正常size中規中矩嘅一杯咖啡但配送crepe食零舍有feel▶️ Flat White ($48)12oz (+$4) Add single shot (+$6)個心心拉花好迷你可愛😂-Crepe比想像中大份多餡,而且質感好食👍🏻食完一個會令你crave另一個以上三款嘅調味同配搭都一流❣️環境冇一般Cafe坐得舒服,座位唔算多,lunch time多客人,但氣氛OK服務都可以,QR code落完單後好快上晒飲品同鹹甜crepe (如果大家想食鹹先,記得一早同侍應講hold住甜crepe🙈)Crepe全部新鮮整,仲係暖笠笠冒煙價錢偏貴,加一後~$250/人,不過我覺得值,真係好味而且用足靚料🥰已經對佢嘅crepe念念不忘~
繼續閱讀
氹自己開心得閒換吓口味,今次試吓喺尖沙咀路過嘅呢間主打食巴黎法式薄餅餐廳. 平時好少地方食到. 餐廳門面用上優雅雲石牆身,店內環境簡約舒適用色樸實,整體同一般咖啡店大小無異,都好適合同朋友傾偈享受隨意嘅一餐. Menu大致分為鹹/甜可麗餅仲有甜品,都係比較簡單嘅輕食. QR code自助落單,店員之後會將食物送上,佢哋幾好笑容,有禮貌. 可麗餅我哋叫一個鹹點叫一個甜點開心share, Perfect!即叫即整夠新鮮,餅皮軟熟蛋香味十足. 高質. ⭐️法式梳打水Pina Colada充滿揶香味同菠蘿嘅鮮甜味,梳打水解渴透心涼. Creamsicle 帶有豐富橙味同散發淡淡奶油香. ⭐️秘製瑞士芝士汁配黑松露帶子可麗餅棉軟餅皮面有新鮮沙律菜,灑上芝士絲仲有黑松露醬點綴. 餅入面鋪滿帶子粒同蘑菇好豐富,望落脹卜卜, 帶子爽口彈牙沾滿鹹香特製芝士醬汁好Juicy.本身都覺得有啲貴要百幾蚊,不過見到咁多帶子而且高質覺得真係好揼本,超值. ⭐️提拉米蘇可麗餅 呢個傳統法式Crossover意式甜品比分開食更將兩者精粹發揚光大,感覺青出於藍. 煙煙韌韌嘅Crepe 皮充滿蛋香,內裏包裹住馬斯卡邦芝士、蛋糕同手指餅,咬落勁濃烈冧酒酒味嗒落散發咖啡嘅甘香,餅面有檸檬味馬卡龍及雲呢拿雪糕,灑上滿滿嘅可可粉,打卡一流. 除咗K11分店,仲有中環總店開業多年,近年都喺康城開咗Pop up店. 想試正宗法式薄餅嘅朋友唔好錯過啦.
繼續閱讀