566
27
12
港鐵尖沙咀/尖東站 N4 出口, 步行約1分鐘 繼續閱讀
所有分店 (3)
電話號碼
28992286
開飯介紹
來自加拿大的法式可麗餅專門店,有近30款鹹甜口味薄餅供應,食譜製法依照溫哥華店的秘方處理,食材也多由當地運送,為食客帶來最貼近當地的味道。可麗餅蛋香濃郁,較為煙韌。 繼續閱讀
營業時間
今日營業
10:00 - 21:00
星期一至四
10:00 - 21:00
星期五至六
10:00 - 22:00
星期日
10:00 - 21:00
付款方式
Visa Master AlipayHK 支付寶 現金 八達通 銀聯 BoC Pay OpenRice Pay 雲閃付
其他資料
無障礙設施 詳細介紹
當面支付
以上資料只供參考, 請與餐廳確認詳情
食評 (630)
氹自己開心得閒換吓口味,今次試吓喺尖沙咀路過嘅呢間主打食巴黎法式薄餅餐廳. 平時好少地方食到. 餐廳門面用上優雅雲石牆身,店內環境簡約舒適用色樸實,整體同一般咖啡店大小無異,都好適合同朋友傾偈享受隨意嘅一餐. Menu大致分為鹹/甜可麗餅仲有甜品,都係比較簡單嘅輕食. QR code自助落單,店員之後會將食物送上,佢哋幾好笑容,有禮貌. 可麗餅我哋叫一個鹹點叫一個甜點開心share, Perfect!即叫即整夠新鮮,餅皮軟熟蛋香味十足. 高質. ⭐️法式梳打水Pina Colada充滿揶香味同菠蘿嘅鮮甜味,梳打水解渴透心涼. Creamsicle 帶有豐富橙味同散發淡淡奶油香. ⭐️秘製瑞士芝士汁配黑松露帶子可麗餅棉軟餅皮面有新鮮沙律菜,灑上芝士絲仲有黑松露醬點綴. 餅入面鋪滿帶子粒同蘑菇好豐富,望落脹卜卜, 帶子爽口彈牙沾滿鹹香特製芝士醬汁好Juicy.本身都覺得有啲貴要百幾蚊,不過見到咁多帶子而且高質覺得真係好揼本,超值. ⭐️提拉米蘇可麗餅 呢個傳統法式Crossover意式甜品比分開食更將兩者精粹發揚光大,感覺青出於藍. 煙煙韌韌嘅Crepe 皮充滿蛋香,內裏包裹住馬斯卡邦芝士、蛋糕同手指餅,咬落勁濃烈冧酒酒味嗒落散發咖啡嘅甘香,餅面有檸檬味馬卡龍及雲呢拿雪糕,灑上滿滿嘅可可粉,打卡一流. 除咗K11分店,仲有中環總店開業多年,近年都喺康城開咗Pop up店. 想試正宗法式薄餅嘅朋友唔好錯過啦. 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-14
1179 瀏覽
今日又去K11學整麵包,出完力就約了朋友在附近吃頓豐富午餐。K11都有好多食肆,朋友揀了一間可麗餅專門店。餐店有圓枱、二人枱和四人枱連沙發座,地方寬敞,坐得舒適自在。大餐牌雖設計簡單,但很清晰。主打可麗餅,分鹹味和甜味兩大類,還有法式甜點和麵包、法式麵包三文治、新鮮沙律及飲品。我們當然對可麗餅最感興趣。******************************鹹味可麗餅都有不少選擇,心大心細之下揀了一份秘製瑞士芝士汁配黑松露帶子可麗餅 Crepe St. Jacques  ($125),即叫即製,熱辣辣,香噴噴!大大件,脹卜卜,面頭仲加咗沙律菜、黑松露醬和芝士絲。從邊位見到饀料,好足料。柔軟的餅皮夾着鮮嫩的帶子,配上鹹香的芝士汁和幽香的黑松露油,味道美味,啖啖都好豐富!******************************甜味可麗餅同樣有很多選擇,友人要了新品提拉米蘇可麗餅Tiramisu Crepe ($118),金黃的可麗餅上灑滿可可粉,放上雲尼拿味的馬卡龍和雪糕,非常靚。煙韌的可麗餅暖暖地,配上冰凍的雪糕,夾着滿有咖啡香和酒香的手指餅,加埋馬斯卡芝士,配搭好美味!******************************我點了杯黃金鮮奶 Golden Latte($46),啖啖黃薑香,味道甜美;朋友要伯爵茶鮮奶 London Fog ($45),以一個伯爵茶包加熱奶,奶味香濃,亦有伯爵茶的幽香,不錯!------------------------------可麗餅鹹食又得,甜食也得,我倆鹹味吃了,甜味也吃了,鹹甜皆宜。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-05
840 瀏覽
Tiramisu賣相:🐧🐧🐧🐧🐧味道:🐧🐧🐧🐧🐧可麗餅皮口感軟熟綿密,煙煙韌韌咬勁十足,蛋味四溢。餅皮內填滿細緻輕盈的馬斯卡彭芝士,和脆香甜美的意大利手指餅,入口既有濃厚的咖啡香,又散發著迷人的甜酒味,味道層次非常豐富,高質必選。可麗餅上附有原球雲呢拿雪糕和草莓馬卡龍,食落甜絲絲的滋味充盈整個口腔,令人難以忘懷。lumberJacque賣相:🐧🐧🐧🐧味道:🐧🐧🐧🐧🐧可麗餅內裝滿多款精選配料,包括有香腸、煙肉、炒蛋、鮮茄、瑞士芝士和楓糖漿,非常豐富。一啖入口,先是濃郁奶香的芝士滋味襲來,香腸、煙肉的鹹香伴隨而至,鮮茄粒的清爽和楓糖漿的甘甜正好中和整體的膩滯感,配搭出色之選。latte賣相:🐧🐧🐧🐧味道:🐧🐧🐧🐧鮮奶咖啡口感滑順香醇,咖啡味不會過濃過苦,容易入口,伴送甜食絕配。Iced chocolate賣相:🐧🐧🐧🐧🐧味道:🐧🐧🐧🐧🐧朱古力上唧滿山一般高的忌廉作點綴,搶眼又吸睛。朱古力飲落順滑可口,濃厚馥郁,甜美滿分,邪惡美味之選。環境:🐧🐧🐧🐧餐廳設計簡約清新,採用木系色調作主導,配搭明亮的燈光,寬闊舒適的座桌,整體感覺悠閒又放鬆。🐧❤️結語:Tiramisu crepe 必食誠意推薦❣️👍 繼續閱讀
(以上食評乃用戶個人意見 , 並不代表OpenRice之觀點。)
等級4 2024-01-24
649 瀏覽
早排幫襯過中環嗰間「Café Crêpe」,對店裡嘅可麗餅,念念不忘。今日有事要嚟尖沙咀辦,路經 K11 Art Mall,醒起呢度都有分店,趁空檔即刻過嚟回味下。餐廳係加拿大過江龍,主打法式可麗餅,crêpe 嘅款式非常豐富,無論鹹味定甜味都有好多選擇💓今次揀咗一鹹一甜〜Crêpe St. Jacques 秘製瑞士芝士汁配黑松露帶子 ($125)  可麗餅賣相很吸引,面頭以黑松露醬作裝飾,送上時還傳出陣陣蛋香。餅皮柔軟帶嚼勁,一切開勁多帶子湧出,醬汁好濃芝士味,但入口又唔會過膩,夾埋啲蘑菇一齊食,啖啖滋味。至於另一客 Tiramisu Crêpe 提拉米蘇可麗餅 ($118)  造型同樣有心思,以傳統法國可麗餅配意大利標誌甜品,餅皮薄身煙韌,蛋味香濃。內裡夾滿了 mascarpone cheese 同意大利手指餅,入口散發著濃郁咖啡及甜酒香,配上面頭絲滑雪糕同 macaron,味道甜滋滋,十分討好。飲品點咗杯 Nutella Latte 榛子鮮奶咖啡 ($46),咖啡香醇綿滑,入口帶陣陣榛子甜香。另外呢杯 Creamsicle 橙冰香草 ($48)  亦很有驚喜,冰涼解渴,Chill fresh,味覺新體驗! 繼續閱讀
(以上食評乃用戶個人意見 , 並不代表OpenRice之觀點。)
等級4 2024-01-21
583 瀏覽
已經嚟過Cafe Crepe幾次好鐘意呢度嘅可麗餅 即叫即製味道款式又多,不論咸味或甜點都好喜歡價錢又吾貴,加上餐廳環境闊落 空間感十足 坐得好舒服 值得推介Crepe st.Jacques $125秘製瑞士芝士汁配黑松露帶子秘製瑞士芝士汁配上香濃黑松露及鮮甜帶子 味道非常配夾 第一次食咸味可麗餅 有另一番特色Tiramisu Crepe $118提拉米蘇可麗餅傳統法式可麗配上意大利標籤甜品賣相精緻 可麗餅口感煙韌 充滿蛋香 夾配軟滑濃郁意大利芝士及意大利手指餅 提升層次感 更帶有特濃咖啡及甜酒香 。可麗餅上有馬卡龍及雲呢拿雪糕 又好味又邪惡朱古力咖啡朱古力同咖啡比例恰當 加上奶油 增添幼滑感焦糖咖啡香醇咖啡 淡淡焦糖香 好啱我口味 繼續閱讀
(以上食評乃用戶個人意見 , 並不代表OpenRice之觀點。)