160
33
17
港鐵銅鑼灣站 B 出口, 步行約4分鐘 繼續閱讀
電話號碼
28922927
開飯介紹
走過深長走廊才到達的咖啡店,滿室咖啡香,除了馳名的咖啡,還有All Day Breakfast、三文治、意粉、蛋糕、果汁等供應。 繼續閱讀
特色
飲o野傾計
營業時間
今日營業
08:00-19:30
星期一至五
08:00-19:30
星期六
10:00-22:00
星期日
08:00-19:30
公眾假期
08:00-19:30
付款方式
現金 八達通
座位數目
32
其他資料
Wi-Fi
自帶酒水
電話訂座
加一服務費
室外座位
食評 (222)
等級4 2017-08-05
581 瀏覽
Cafe Corridor之所以命名為Cafe Corridor不無原因,如果吾系突登行過戈度,根本吾會發現戈個位系有間cafe😂又咁岩真系條細走廊入去就系cafe。地方細細地咁,不過環境都令人感覺幾舒服,可以靜靜地同伴侶或者朋友傾計,想講一樣比較特別既野就系menu吾系傳統比人睇一本本/一張張既menu,而系寫board,感覺較新穎,但較傳統menu難睇。久違的 all day breakfast,真心喜歡呢份悠閒煙三文魚好好味呀,成舊擺落口口感超級豐富,薯餅加左茄汁幾開胃,好脆身呀,粟米熱辣辣又清甜,唯一吾好既就系蒜蓉包,好硬呀,all day breakfast $95 真的有點兒貴咯第一次食Italian omelette,系幾得意既一道菜,入面有沙律醬、火腿,配上蛋同茄汁幾match,總覺得蛋無論系中菜、日本菜、西餐都系咁受歡迎,中式有奄列,日式有蛋包飯etc.餐牌所列嘅飲品有咖啡、朱古力、奶昔等等,都係一般cafe有嘅嘢啦,原本諗住飲返薄荷朱古力,不過見好似好普遍咁,間間都有得飲,所以試吓呢度嘅smoothies,前後叫咗兩杯,Apple Rasberry真係有好多紅桑子係入面,紅桑子味似乎掩蓋左蘋果味,如果飲呢杯要有心理準備係冇咁甜。Apple Peach入面有好多蘋果蓉,加埋少量嘅桃味十分冰涼清甜,俾人感覺好足料夏天飲真係好適合! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-01-26
2910 瀏覽
上年我遇到兩位變態的老闆,一直欠薪半年,當然啦!社會的害群之馬絕不可以放過,上勞工處做了一場大龍鳯,一於幫他們減肥!!!那段時候亦因為不開心找別人傾訴,緣份讓我認識了他,之後才發現認識那天原來是他前女友的生日,原來他跟我約會是因為她有了新男友,而我只是一個代替品,不經不覺又一年了,上年今日發生的事情由如昨天一樣無奈。晚飯過後,我們意猶未盡,轉場來到這間Cafe懷緬一下,不得不提原來這間cafe已經開了十幾年,生存在百物騰貴的都市,租金不斷上升的情況下,他竟然可以站立於繁鬧的銅鑼灣區屹立不倒,實在難得。他就在時代廣場正門對面的一個小商廈,一條小走廊經過幾級樓梯,一進入Cafe Corridor已經充滿着香濃的咖啡味道,呢一刻亦令我的心情放鬆下來。這Cafe曾經是一位煙鏟帶我來的,原因是這裡有露天吸煙區,又有電裝插蘇可以叉電,可以説是煙民的一個不錯選擇。照舊叫了我最愛的熱朱古力奶$42和檸檬撻$30。酸酸的檸檬味道,混入口水變甜,先酸後甜的化學作用,再有曲奇餅底中和味道,不知怎的,我總是喜歡這種感覺,大概因為我貪心所致,希望同時擁有兩種味道。品嘗着香濃的朱古力,看着美麗的拉花,聽着微微的音樂,感覺着微微的涼風,對着我前面的傻瓜,就是這完美的組合。人生。。。還欠缺什麼?簡單就夠了! 繼續閱讀
(以上食評乃用戶個人意見 , 並不代表OpenRice之觀點。)
等級7 2017-01-22
1834 瀏覽
晌Shack Tapazaka食完正餐,大家似乎有啲唔夠喉,但又未至於要搵下場食多餐,咁啱友人要買咖啡豆,所以,Cafe Corridor就成為我哋下一場嘆咖啡嘅地方。由於老友喺熟客仔,經常嚟依度入貨,所以,佢非常熟架步。此行目的喺嘆杯咖啡,但亦試番件蛋糕。咖啡店嘅環境屬小店格局,座位唔多,一張又一張嘅二人咖啡枱,左拍右砌,其實都有少少逼,但因為我哋食完晚餐先嚟,都有啲夜,故客人唔多,仲好啦,靜靜局等我哋可以吹吓水無咁多騷擾。所有飲品、食物寫晒晌水吧上嘅黑板,前者有各款咖啡、果汁、沙冰……等等,而後者有全日早餐、三文治、多士、沙律及蛋糕。晌餐牌黑板下,仲整咗個小吊櫃,放咗啲旅遊書,望落好新吓,全部都喺16/17,甚至17/18,啲出版社都好誇張,啱啱先踏入2017,就出到17/18版,友人打趣咁講,成本書嘅內容無改、無更新,隨時仲喺幾年前嘅舊料或錯料,改嘅咪就喺呃人以為最新版嘅年份字樣,小弟深表讚同!Sea Salt Toffee Tart $35話題講遠咗,講番啲食,依件海鹽拖肥撻非常眼熟,事後再睇番以往食評,原來數月前曾晌佐敦嘅Café Hillywood食過,明顯喺搵同一個供應商供貨。撻殼入口脆身鬆化,卻唔重牛油味,餡心嘅朱古力慕絲既幼滑又濃郁,面層又灑滿唂咕粉,朱古力味更濃重,而且,撻殼內塗咗一層海鹽拖肥醬,甜中滲出點點鹹味,喺一件好有層次嘅甜點。Latte $35雖然咖啡選擇非常之多,但Latte始終喺小弟嘅心水,友人同樣都喺Latte迷,大家各點一杯細味享受。拉花做出3重心形,做得細緻,不過,唔似一般咖啡店沖調得滿滿,仲有啲水位,唔使攪飲落去,口感綿密而均勻細膩,第一口到最尾,味道及口感都一致。Cafe Corridor晌咖啡界都頗有地位,佢哋嘅咖啡出品真喺毋庸置疑,然而,蛋糕喺來貨,未能睇到佢哋做食物嘅功夫,故此食評未全面反映得晒店家嘅水平! 繼續閱讀
(以上食評乃用戶個人意見 , 並不代表OpenRice之觀點。)
這麼近,那麼遠嘅神秘走廊 Cafe 一直就喺 Time Square 嘅 🚕 stand 對面,切切實實嘅 prime location!明明應該都開咗好耐吓,但連住老銅嘅 friend 都唔知呢間 cafe 嘅存在,真係D insider 先知呢間嘢!Flat White咖啡好香滑,質量好好,完全唔會覺得苦,奶嘅比例都剛剛好,唔洗落糖就已經好Italian omeletteOmelette 有 cheese 同 ham,唔單止整得好靚,食落都好好味,我另外加咗 toast ,加埋 salad,都好有水準!有時間經過都會走入去避吓世! 繼續閱讀
(以上食評乃用戶個人意見 , 並不代表OpenRice之觀點。)
等級2 2017-06-30
326 瀏覽
嚟到 Cafe Corridor 就梗係要食 all day breakfast la!雖然係等得耐咗啲,但係望住廚房係落單後即煮,真係連果片番茄都煎過先俾我架,都真係抵返晒!每次食 all day breakfast 都係咁豐富,而我最鍾意係薯餅呀!咁啱得咁橋,佢用茄汁畫咗個貓咪嘅笑臉比我,然後喺心情立刻變好啦!因為我最愛貓貓架啦~ 😻😻😻 本身仲想歎多杯熱咖啡架,不過趕時間關係改咗凍飲,咁就欣賞唔到佢嘅拉花 lu~ 不過飲完杯 mocha 都係開心嘅~ 繼續閱讀
(以上食評乃用戶個人意見 , 並不代表OpenRice之觀點。)