3
0
0
港鐵上環站 B 出口 繼續閱讀
電話號碼
55483088
營業時間
今日營業
07:30 - 21:00
星期一至六
07:30 - 21:00
星期日
全日休息
付款方式
AlipayHK 支付寶 現金
其他資料
當面支付
食評 (3)
呢間餐廳供應超過30款Fusion菜式,8成都以花膠或鮑魚入饌,花膠甚至向冰島供應商拎貨🇮🇸豪食得嚟價錢又貼地🤑💗醃製鮮鮑魚帶子雜菜沙律($88)新鮮翠綠嘅沙律菜食落爽脆無苦澀味,以黑醋調味更清新開胃🥗配兩件鮮甜帶子,表面煎至焦香,裡面保持半生熟,只係偏細隻🐚面頭件涷鮑魚先用白滷水浸製後慢煮兩日,所以花椒同八角味非常突出。💗炸鮮鮑魚($88/2隻)9頭鮮鮑魚經慢煮後,再沾上薄薄嘅粉漿酥炸🍤內𥚃肉質軟腍彈牙,完全唔會韌同痴牙。食落帶白滷水香,面層灑上咸香椒鹽,但略為蓋過原本嘅鮮甜味🤔💗芝士花膠多士($52)麵包搽上新鮮蕃茄醬,再灑上水牛芝士烤至金黃香脆🧀面層嘅花膠係冰島鱈魚膠,先係大澳生曬後再浸水三日至軟身,以古法鮑汁扣一日,所以質感軟滑帶微微黏口,整體味道有d似Pizza🍕💗花膠帶子蕃茄魚湯麵($118)湯底以骨膠原較豐富嘅門鱔骨熬製🐟再加入新鮮蕃茄,清清地食到蕃茄原本嘅酸甜,濃郁得嚟好自然🍅特別採用較幼身嘅天使麵,吸湯力更好。面頭再放上3粒煎帶子同大大塊爽口嘅花膠扒。💗膠園套餐($88)主菜係鮑魚花膠豬骨湯意大利麵🍜湯底有花膠同豬骨增加膠質,味道亦較為清淡,更突顯鮑魚同花膠扒嘅鮮味。再配埋脆卜卜嘅蒜蓉牛油多士🥪💗醃製鮮鮑魚脆雞扒蛋包蕃茄飯($108)厚層嫩滑雞蛋包裏住蕃茄飯🍳切開滲出少量蛋汁,不過飯身偏濕,而且唔太食到茄汁味。香煎雞扒大件厚身,皮下脂肪少,食落唔油膩。肉質都算嫩滑,最重要係冇雪味🐥面頭再淋上惹味嘅蒜蓉汁。主角當然有鮮鮑魚,配菜就有椰菜🥬、西蘭花🥦、紅蘿蔔🥕同粟米🌽。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-08
33 瀏覽
今日經過西港城🧱。比我發現有間以【花膠】為主既餐廳,店舖環境舒適,有種置身於樂園🎡既感覺。店員帶比人親切既感覺🥰 話得以 #花膠 為主,當然唔少得有 花膠系列既美食,仲有 #鮑魚,及其他不同美食😋等我點番份超抵食,滋潤養顏嘅豪華午餐,包你食過番尋味🤤廚師推薦👨🏻‍🍳【膠園套餐】鮑魚花膠豬骨湯意大利麵 配 蒜蓉牛油多士 $88原隻鮑魚,肉質嫩滑,鮮甜好味 ; 大大塊花膠,膠質豐富,口感較爽 (花膠仲係女士們既恩物),食到我lamlam脷。香濃豬骨湯配上爽滑意大利麵,我好鍾意佢地既意大利麵🍝,令你食完覺得仲想再食(好想講 加麵底🤭)。仲有件香脆蒜蓉牛油多士,真係勁脆口,正👍🏻跟餐配 蜜糖檸檬水🍋 $10滋潤喉嚨既蜜糖檸檬水,甜度適中一定要點番一份精美小食,先滿足到你既胃🤩芝士花膠多士 $52非一般配搭嘅多士,有大大塊爽口彈牙既花膠係面層,芝士🧀及碎蕃茄蓉係中層,而低層就係脆到不得了既多士🍞 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-06
680 瀏覽
位於上環新開嘅餐廳,環境舒服。有唔少喺附近工作嘅OL幫襯,眼見鋪面都幾旺場。除咗提供茶餐廳大眾化嘢食外,另一大特式係全港第一間中西式fusuon菜😍以鮑魚花膠結合西式主食,非常新穎。花膠雞扒湯烏冬💲88雞扒本身會另上,加埋花膠蕃茄湯烏冬。由於食得出用新鮮蕃茄做湯底,味道唔會太濃太勁蕃茄味,反而清清地食到蕃茄嘅原味,健康之選👍🏻花膠有一大塊,係有厚度嗰種,無任何腥味!💗細心位:雞扒另上保留到雞皮仍然十分脆口,雞肉夠juicy,十分抵食。古法麻辣花膠意大利麵💲98入口第一啖感覺非常惹味,隨之而來就有麻麻辣辣嘅感覺,辣味同麻味取得很好平衡,好欣賞調味做得好有層次。麵質恰到好處,咬落仲幾彈牙😋花膠亦唔係hea你得一小塊,而係足足有3塊,花膠吸收晒麻辣汁加埋膠質,依家諗起都流口水!必點!. 性價比:4/5總結:店員親切殷勤,有創意又好食😍.‼️留意到最近IG 有推出自家製辣椒油 $58/支,真係好期待想試,可惜已經光速售罄😩。 繼續閱讀
(以上食評乃用戶個人意見 , 並不代表OpenRice之觀點。)