Café Bonheur (何文田)

等級2

去太平道買寵物用品，見開咗一間好精致嘅咖啡甜品🍮店，行攰左想放鬆一下！一睇裝修就知老板一定係女性！唔行依家既工業cafe’風格！行夢幻.精致.舒適風🥰👍連埋個紙杯印花都用咗好多心機！我諗住試吓佢哋嘅主打甜品可麗露🍮，不過賣晒！咁試咗蘋果酥，皮好酥脆，加埋小甜既蘋果醬，口感都唔錯！叫左一杯適合夏天飲既青檸soda，清淡嘅青檸香味加埋舒適嘅環境令我攰意全無！下次我一定再過嚟試吓佢哋嘅主打甜品可麗露同埋齋啡

(以上食評乃用戶個人意見 , 並不代表OpenRice之觀點。)

分享
推介

已推介
檢舉

張貼

評分

味道

環境

服務

衛生

抵食

用餐途徑

堂食

cheryl5201314

等級1

今日去左Cafe Bonheur外賣自取，試左佢地兩款招牌Americano Soda同埋Scone（鬆餅）真係有驚喜，即刻同大家分享下：☕️Americano Soda:第一次試飲咖啡蘇打呢個組合，估唔到咁夾！佢哋用嘅咖啡豆好香醇，唔會太苦澀，溝埋冰凍既蘇打水之後，飲落好清爽，唔會好似St*rbucks Espresso Tonic陣味又酸又怪，好適合夏天飲。最正係個氣泡感好足，飲完成個人醒神曬！如果鍾意試新野既朋友，真係要試下呢款，同普通Americano完全唔同感覺～🍪Scone（鬆餅）：佢哋嘅scone牛油味好香濃，咬落去鬆化得黎又唔會太乾，中間又有小小濕潤感，甜度剛剛好，唔會膩。配埋佢哋既clotted cream同果醬仲正！🏡環境：雖然今次係外賣，但入去拎嘅時候都忍唔住望多兩眼個裝修！成間cafe都係走法式田園風，白色木系擺設，周圍亦擺滿左復古小物，外面仲鋪左草皮，每個角落都勁打卡able！✨總結Cafe Bonheur無論食物定環境都好高品質，Americano Soda夠特別，Scone個味都好還原傳統英式味道，絕對值得encore！如果鍾意打卡或者想試下唔同風格既caf

今日去左Cafe Bonheur外賣自取，試左佢地兩款招牌Americano Soda同埋Scone（鬆餅）真係有驚喜，即刻同大家分享下：

☕️Americano Soda:
第一次試飲咖啡蘇打呢個組合，估唔到咁夾！佢哋用嘅咖啡豆好香醇，唔會太苦澀，溝埋冰凍既蘇打水之後，飲落好清爽，唔會好似St*rbucks Espresso Tonic陣味又酸又怪，好適合夏天飲。最正係個氣泡感好足，飲完成個人醒神曬！如果鍾意試新野既朋友，真係要試下呢款，同普通Americano完全唔同感覺～

🍪Scone（鬆餅）：
佢哋嘅scone牛油味好香濃，咬落去鬆化得黎又唔會太乾，中間又有小小濕潤感，甜度剛剛好，唔會膩。配埋佢哋既clotted cream同果醬仲正！

🏡環境：
雖然今次係外賣，但入去拎嘅時候都忍唔住望多兩眼個裝修！成間cafe都係走法式田園風，白色木系擺設，周圍亦擺滿左復古小物，外面仲鋪左草皮，每個角落都勁打卡able！

✨總結
Cafe Bonheur無論食物定環境都好高品質，Americano Soda夠特別，Scone個味都好還原傳統英式味道，絕對值得encore！如果鍾意打卡或者想試下唔同風格既cafe，呢間真係唔可以錯過～