20
0
2
所有分店 (2)
電話號碼
37912690
營業時間
今日營業
11:00 - 21:00
星期一至六
11:00 - 21:00
星期日
全日休息
公眾假期
11:00 - 21:00
付款方式
現金 八達通
座位數目
50
其他資料
Wi-Fi
酒精飲品
加一服務費
室外座位
食評 (27)
等級2 2019-09-10
213 瀏覽
其實我已經差唔多每個星期都會去幫襯一次因為住喺附近週末唔想嗌外賣嘅時候其實佢係一個好好嘅選擇而且佢好味得來其實亦都唔貴同埋有陣時午餐下午茶都會有其他特別選擇餐牌亦都會唔會短時間就會轉一次所以都唔會冇新鮮感咁今次我就去試咗佢個吉列蝦嘅蕎麥冷麵咁佢本身個名因為唔係印係餐牌上面所以我都唔太記得大概就60幾支$70左右嘅咁重點就係佢嘅味道啦咁佢本身嘅冷麵汁配蕎麥面都做得非常好本身個冷麵夠凍 成件事唔會差得去邊而且夏天食嘅時候仲會覺得好Fresh佢另外仲配左少少車厘茄咁成個面唔會覺得好單調泛味不過比較可惜嘅係隻吉列蝦咁我就覺得入邊蝦肉唔夠多外面炸皮亦都比較厚但佢因為係即叫即炸 咁口感唔會爭得去邊只不過我覺得可以做得更好咁整體上其實都係好好食嘅我依然都係會每個星期都會幫襯同埋佢本身鋪頭嘅環境都好清靜如果去食個下午茶 坐喺露天位置吹下風其實都好舒服而且如果係帶埋狗狗散步坐喺出邊亦都可以嘅咁喺隔離青山道散完步坐低飲杯嘢其實都唔錯㗎 繼續閱讀
(以上食評乃用戶個人意見 , 並不代表OpenRice之觀點。)
等級2 2019-05-29
866 瀏覽
屋企方圓百里,得呢間餐廳,已經幫襯過好多次,今日決定寫個食評地點方面,真係幾隱世,喺青山公路工廠區,唯一一間地舖餐廳,分戶外同戶內區戶外區氣氛會較好,不過我怕蚊,次次都係揀戶內坐由於位置比較隔涉,即使晚餐時間去,都係唔多人,好好 hea👍嘢食方面,性價比好高!!!餐廳劃一,無論午餐/晚餐,價錢都係一樣意粉同burger set 都係$50-$60左右晚餐黎講,抵食~Burger 系列多用竹炭面包,感覺上比較健康,多料,同埋調味好足🤤用黎打卡都ok好睇👍不過個人黎講,都係中意意大利粉多啲,無炸薯條咁熱氣同肥膩不過餐廳逢星期日同公眾假期休息,想去嘅朋友留意返😆 繼續閱讀
(以上食評乃用戶個人意見 , 並不代表OpenRice之觀點。)
等級2 2019-02-13
1347 瀏覽
係葵涌區好難搵到似樣d既野食,但外賣仲要好食既就更加難!我用熊貓速遞叫左雞肉意粉加杯凍啡,原本等成粒鍾都預佢d野食黎到會凍晒同唔會太好食!!點知佢用個保溫盒裝住d野食都保持到個熱度,更加意外驚喜既就係食物質素冇下降到好好食!雞肉切開左一粒粒咁咬落去口感好淋,加埋d蒜香辣落去雞肉味道提升左唔少,另外d磨菇同個意粉好夾!杯薄荷凍咖啡既薄荷味恰到好處唔會搶左咖啡既味,份量都好大食得好飽!價錢堂食平均大約66到70蚊(外賣貴小小)整體黎講都好好10分我會比9分。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-02-05
776 瀏覽
係青山公路旁邊,俾新型工商業大廈包圍住既cafe 52除左室內仲有戶外露天位環境好通風又有大傘,就算熱天坐門口都好舒服☺️主要都係做office 客lunch 生意,附近選擇唔多,但cafe 52獨市下都keep 到高質素🤓平時多數食佢既午餐飯set,今日時間夾到可以試下下午茶韓式醬吉列豬扒三文治配薯條平時轉飲咖啡或朱古力要額外加錢,但下午茶時段免費轉飲,正😍今日三文治賣哂所以轉左漢堡,豬扒外皮好脆,冇油益味,應該唔係翻炸廚房不嬲都足料!韓式甜辣醬加大大啖cream cheese,大大塊蕃茄青瓜食落去口感十足👍🏻薯條炸得好香,調味只有黑椒同鹽,其實只要新鮮,簡單調味都好夠啦~朋友叫既香辣肉醬熱狗$38就有大大隻熱狗啦!😆仲要一啲都唔馬虎,肉醬混埋洋蔥好惹味,佢上面啲芽菜仔都好新鮮呀!熱朱古力同熱綠茶鮮奶本身唔係特別鍾意綠茶鮮奶,但哩度陣味調得唔錯,唔會太甜👍🏻總括黎講性價比好高,侍應們服務亦非常細心☺️仲有儲分卡,食滿$40有印仔一個,儲齊10個就可以換$60以下既食品一個啦! 繼續閱讀
(以上食評乃用戶個人意見 , 並不代表OpenRice之觀點。)
等級3 2018-12-14
842 瀏覽
晚市套餐同menu上主菜都會配熱檸茶/水選擇亦都唔錯有飯 意粉 burger 沙律我因為好肚餓想有d汁撈飯到肚所以就揀左咖哩雞柳飯除左雞柳佢仲有翠肉瓜同茄子蔬菜同肉既比例1:1非常健康咖哩味道亦有層次 唔會太濃唔會太淡剛剛好分量亦都夠我撈哂d飯餐廳份量控制得唔錯個咖哩同個飯望落唔係好大碟但食完就剛剛好夠飽餐廳係落完單然後比錢我地食完幫我地收碟個陣店員都好nice同我地講慢慢坐再加個親切笑容氣氛好好唔會趕客 繼續閱讀
(以上食評乃用戶個人意見 , 並不代表OpenRice之觀點。)