118
22
16
營業時間
星期一至日
07:00 - 18:00
付款方式
現金
其他資料
Wi-Fi
電話訂座
加一服務費
以上資料只供參考, 請與餐廳確認詳情
食評 (159)
等級2 2018-02-28
886 瀏覽
之前黎左呢度食午餐, 餐牌選擇都唔少, 我覺得似係茶餐廳同西餐Cafe既混合. 我就試左個菠菜汁煙鴨胸燴飯, $46包熱飲價錢都唔貴, 質素亦都相當唔差呀! 碟燴飯份量好大碟, 上面放有大大塊五件煙鴨胸, 中間有3粒車厘茄, 下面係綠油油既燴飯, 望落好有色彩, 賣相擺盤都有D誠意咁. 成個飯都好綠, 入面有D洋蔥碎, 每匙飯"不"起都有D芝士絲, 口感唔錯, 而菠菜味都食到少少既, 可能因為有芝士食落就更加香! 唯一唔係太好就係D煙鴨胸都煎得頗油膩, 成塊都係令立立既....但整體都滿意啦! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-09-12
2497 瀏覽
1950餐廳係有D地方都聽過,餐牌上的食物種類選擇亦算多,大多都係西式類既,睇落樣樣都好吸引,花多眼亂,最後決定叫住少少試下先,話哂第一次黎德國式啤酒焗雞聽個名好似幾得意,把原隻燒雞插在啤酒樽上,燒雞係熱辣辣既但外皮已經係林哂,裡面肉有D鞋,冇乜味,完全食唔到有咩味西班牙海鮮飯,呢個炒飯D汁都幾多,但食落完全一餅野咁,好厚,不過比隻燒雞好,至少味道唔算太差 菠蘿火腿蛋Pizza,材料鋪滿哂上面,再加埋芝士拎去焗,睇個樣係唔錯既,D料都夠,但係質素真係頗為參差,薄餅底好硬,硬到食唔到淨係食哂個D餡 繼續閱讀
(以上食評乃用戶個人意見 , 並不代表OpenRice之觀點。)
等級2 2017-08-20
1803 瀏覽
每周日都會去美林邨探親,試過這間的午餐,今日試了晚餐,雖然沒有套餐,五個人自選幾款食物。坐低後,侍應一人一碗例湯,真係有驚喜!叫了兩款需要用爐即整的食物,一款係芝士煮肥牛飯,一款係芝士煮炸雞,兩款都可以自己煮,但係個炒飯就炒得麻麻要由侍應幫手炒乾!芝士炸雞配搭起來好好味!但芝士一定要熱辣辣配合炸雞吃,一凍D芝士一PAT PAT冇咁好食!個豬扒蛋包飯味道可以,但沒有特別!而白酒煮青口的味道又唔錯!喜出望外!汁有少少白酒味道!但配合青口味道好好! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-06-10
1815 瀏覽
前星期經過美林村商場,正值午飯時段,看到此餐廳較為特別,很有歐陸風格,加上店內地方夠大,很多卡位可選,便入内試試這裡午餐。😊😊分別點了兩個午餐,乾炒豬扒烏冬和雞扒飯,價錢不過$40,算是便宜。而餐是包汽水的,可以到出面水吧汽水機任裝,不錯。👍👍至於食物方面,乾炒豬扒烏冬炒得夠穫氣,熱辣辣上碟非常惹味,加上辣椒酱食,味道香辣。而烏冬粗幼均匀,麵身夠咬口,這味餸好食。至於雞扒飯就較為雞食,雞扒扒身霉,咬完一啖而不想食,最後只食飯算了。😢 繼續閱讀
(以上食評乃用戶個人意見 , 並不代表OpenRice之觀點。)
等級4 2017-06-07
1450 瀏覽
早前經過Cafe 1950歐陸餐廳想吃晚餐,因6:30才開始,尚要等候半小時,所以緣慳了!今晚6:00經過看見可以入座,緣份又起!朋友的芝士焗雞柳煙肉闊麵,焗得很靚呀!可惜芝士不是我心儀,但看看都幾開心的。我的温泉蛋雞柳天使麵,温泉蛋滑滑,個汁又滑滑,真係滑到不用「趙」,味道尚可以,餐湯又夾到不得了!又係一個滑字!想要杯白開水,便問侍應生取水,原來白開水、汽水、餐飲都是自助式,任斟任飲!第一次幫趁真係大鄉理,佢又唔講,我唔問就冇東西飲添啦!!! 繼續閱讀
(以上食評乃用戶個人意見 , 並不代表OpenRice之觀點。)