Cafe首爾

嗰阿姐由入嚟嗰刻乜都冇講過，喺我哋點完餐之後勁西咁，超大聲話 「邊個叫可樂㗎 咪講咗係送囉🙄💅🏻」。其實有冇考慮過有啲人係一次嚟，根本唔知呢個餐廳嘅不成文規定呢？員工從來冇講個呢件事，餐廳入面又冇提示，第一次嚟嘅人根本就唔會知。就算顧客真係唔知，然後叫咗飲品，員工就唔可以禮貌啲告知咩？真係以為係米芝蓮三星餐廳，個個都爭住食咩？員工態度差成咁，我祝呢間餐廳成功👍🏻👍🏻P.S.嗰阿姐唔該練好廣東話，冇人聽得明佢講嘢。…查看更多

假日聚下順便出去食飯，想食韓國菜，上網搵下近太和有咩食，見到呢間Cafe首爾，見都幾岩食又唔貴即試下。去到大約19:00已經好多人，但剛好有位。小小的店子，格局一目了然。前菜，泡菜及涼拌芽菜，爽脆。牛肉紫菜飯，$70，紫菜飯切得都幾薄身但材料十足，配合爽口的配料及香口的芝麻，味道不俗。無骨芝士味炸雞，$79，炸雞外層香脆雞肉滑，大量芝士粉更滋味。韓式人蔘雞湯(半隻)，$120，內有軟嫩的雞肉，微苦回甘的人蔘湯味好暖身。韓式烤牛肉，$115，份量適中，味道正常。煎韓式餃子(4隻)，$32，賣相不俗，外層香脆口感豐富。韓國忌廉鮮奶，$12。食物味道不俗，價格合理，服務態度幾好。大埔翠怡街3號翠怡花園B座地下8號舖…查看更多

衛生一般，張枱長期痴立立，店員態度差，無下次呢間餐廳嘅衛生真係好失望。入門時就聞到一陣油煙味，枱上仲有食物殘渣，根本唔敢坐低。廁所嘅清潔狀況更加糟糕，地面濕滑仲有異味，完全唔符合基本衛生標準。員工似乎對清潔冇乜重視，令人質疑食材安全性。雖然菜品味道尚可，但衛生問題真係令我無法再返，實在唔可以推薦比其他人。希望佢哋可以改善呢方面嘅管理。…查看更多

上星期阿媽仲話要去拜年，所以去咗太和阿姨嘅屋企。難得去到咁遠，夜晚約咗好多年冇見住太和嘅朋友見面，佢提議去首爾食飯。呢間舖頭如果冇細心留意，行過門口都唔覺。店面有啲暗，裝修唔係好靚，但係一行到入去，所有姐姐侍應都會好熱情咁招呼你，店面好乾淨。一坐低就有韓式泡菜同埋芽菜，芽菜麻油味好香，泡菜唔鹹又唔太辣，非常開胃，口感好好。我哋叫咗牛肋湯配白飯、甜辣醬炸雞、同埋韓式香腸炸年糕。牛肋湯味好濃，冬天飲暖笠笠，真係好正，入面仲有白蘿蔔、韓式粉絲、牛肋骨煮完湯都仲係好有牛肉味、配白飯清甜中帶濃厚嘅肉汁，真係一流。至於甜辣醬炸雞，睇個樣就知道好好食，不過有幾舊雞好似比較肥，但係整體個好掛醬汁，甜辣，適中，真係好送飯。食到咁上下，腸仔炸年糕都上埋嚟，開始飽飽地，不過好有驚喜。由於賣相太吸引，忍唔住食，相都唔記得影。有辣甜辣醬同埋蜜糖俾我哋揀，因為炸雞食甜辣醬，所以年糕就揀咗蜜糖。腸仔同年糕配合得天衣無縫，腸仔好脆皮，配埋蜜糖，以為自己啱啱去咗BBQ。年糕經過咋，外邊皮少少趣一啲都唔硬，咬落去仲保持到年糕嘅煙靭，再加埋外層嘅蜜糖，真係停唔到咁食。三樣餸加埋都只係$200 ，晚餐嚟講，真係抵到冇得輸。不過太和太遠啦，大家有機會嚟呢度，冇理由唔幫襯一下呢間首爾，質素真係好過尖沙咀銅鑼灣好多嘅韓式餐廳。…查看更多

最近喺太和發現咗一間隱世韓國餐廳，叫做「Cafe 首爾」，呢度嘅食物唔單止好味，價錢更加係超平，性價比高到唔信！呢次我叫咗無骨蜜糖醬油炸雞、傳統紫菜飯同韓式粉絲，等我分享下呢次嘅體驗啦！🐔無骨蜜糖醬油炸雞 $85呢道炸雞真係令人無法抗拒！雞肉外層炸得金黃酥脆，口感非常爽脆，每一啖都感受到嗰層薄薄嘅脆皮，裏面嘅雞肉仲保持住多汁嫩滑。蜜糖醬油嘅甜味同鹹香完美結合，醬汁唔會過多，啱啱好包住喺雞塊表面，每一啖都係幸福嘅滋味。再加上撒喺表面嘅白芝麻，增添咗香氣同口感，真係一個試過就返唔到轉頭嘅美食！🍙傳統紫菜飯 $48呢盤紫菜飯真係令我有種返到首爾街頭嘅感覺。紫菜包住醋飯，內餡豐富，有火腿、蛋條、菠菜、蟹柳同埋醃黃瓜，口感層次豐富。每一啖都有唔同嘅驚喜，酸甜嘅醋飯同鹹香嘅內餡搭配得非常和諧。特別係蒜味同芝麻嘅香氣喺口中久久唔散，呢道紫菜飯真係無論單食定係搭配其他菜式都非常百搭。🍜韓式粉絲 $53呢道韓式粉絲係我呢餐嘅另一個亮點！粉絲嘅質感Q彈，非常入味，而且唔會因為吸收咗醬汁而變得軟爛。入面搭配咗薄切牛肉、菠菜同埋胡蘿蔔絲，味道非常豐富。醬料嘅味道偏甜，但又唔會搶咗食材本身嘅鮮味。食嘅時候感覺每一條粉絲都吸收咗滿滿嘅醬汁，再加埋芝麻嘅點綴，令成道菜更加香氣撲鼻。總結嚟講，「Cafe 首爾」真係一間非常值得推薦嘅韓國餐廳，無論係味道定係價錢都令人滿意。下次再嚟太和嘅話，呢度無疑會係我嘅首選！💯Cafe首爾地址: 大埔翠怡街3號翠怡花園B座地下8號舖…查看更多

帮衬过呢間餐厅好多次㗎啦！今晚非常唔满意一位阿姐，成日企喺收银处，撞到人一句sorry唔好意思都冇咁就算啦！叫斟茶水嘅时候明明望到我，已經表明需要斟茶都唔理人，乜都冇做净系識企喺收銀处，埋单嘅时候八达通反应慢咗勁大声话人冇俾到，公司請到咁员工真系黑仔。…查看更多

本來計劃去街市世記走轉，奈何居然落雨唯有轉去首爾登陸，黃昏的早餐完成。人家專登想黎食秋刀魚，竟被取消了﹗十分慳電兼環保，關掉冷氣及音樂，熱熱侷侷靜蠅蠅，極具深圳風。沒有阿豬媽只有陸大媽，尋找阿豬媽，換來全部都是陸大媽。第 2 次幫襯，第 1 次已經係 7 年前。說好的阿豬媽呢？ 首次遇到真正阿豬媽主廚，緣份到！侍應陸大媽講廣東話、廚房阿豬媽都講廣東話，偏偏兩個香港學生妹要係度講國語？學校規定著住校服只可以講國語嗎？泡菜，食落正常，但聞落有股難受宿味。大豆芽，少少爽脆少少汁，再肥美一點更高興。個個韓妹都苗條動人，我都食多點泡菜先得！到底是否任食泡菜大豆芽呢？韓式海鮮豆醬湯鍋，吱吱喳喳冒著煙送到，滾到燙嘴照飲可也，越熱越快樂﹗淺嚐一口使人懷念的味道，多年前韓遊的感覺及畫面出晒黎﹗用料豐富無欺場無偷工減料，脆肉瓜、蘿蔔、薯仔、魷魚、海蝦、沙蜆、豆腐、青椒、等等。豆醬味香濃滋味，越飲越起勁﹗落點白飯索索湯立即起動﹗黏黏飽滿的飯粒吸盡湯汁，滾燙灌入肚仔暖笠笠舒服極了﹗發現美味的秘密﹗黑色肯定唔係我，我灰色頭髮的，好彩我眼利係密密白飯中拔出來。香煎蔬菜餅，感覺多星期無食過菜，試試蔬菜餅吧﹗滿以為係日式天婦羅雜菜餅，誰知係客家韮菜甘筍魷魚薄罉，幸好味道還算討好。微脆金黃的薄脆，濕潤嚥韌的麵團，包著爽甜的韮菜甘筍絲。乜都夾泡菜一齊食，味道竟然同帶甜蔬菜餅完全唔夾。韓式辣泡豆腐湯，慢工出細貨，真的超高溫﹗就連豆腐都內外熾熱，小心燙到起水泡啊！最愛滑豆腐﹗用辣湯盛著再夾著爽泡菜及飽滿飯粒，開心暢快。突然感覺十分健康，多多泡菜幾塊豆腐加一丁點的肉碎，多菜少肉。正宗食法係將飯落湯，唔係將湯落飯！頭幾啖湯有點淡但越食越濃越刺激。蔘雞湯，滾熱辣噴著煙鬼哭神號地登場﹗只有啡色蔘鬚幾條，唔係一條白蔘嗎？我喜歡整條白蔘咬的呢﹗煲湯雞肉霉鞋爛碎實屬正常。湯底甘香有雞肉味外還隱約有點點蔘味，雞湯特濃香甜，以白飯代替糯米，有別於傳統蔘雞湯。用上白飯份量剛剛好，不像糯米般膩，全部消滅無得留低，連一滴湯都無剩。飲完全身內外暖笠笠好幸福﹗昆布湯，我生日嗎？送我昆布湯，多謝多謝。魚湯味道，似鰹魚粉清淡而舒服。燒鯖魚，首次遇到擺盤係魚肉向上而魚皮向下的，十分創新有諗頭﹗似足成條一夜乾又似豆豉鯪魚，幸好微暖香脆魚味濃，天生魚油香甜，魚肉結實。賣相單調悶悶，如果用青花瓷長方碟加棵番茜即時靚晒。咸鮮魚味濃送飯一流，居然配山葵咸豉油而不是果醋？太陽蛋泡菜炒飯，沒有期望的泡菜炒飯，實物竟比餐牌上照片靚仔吸引百倍不只有泡菜，仲有豬肉魷魚紫菜芝士！起初還以為係魚春，食完先知係芝士，我真係太掛住魚春了﹗珍珠米飽滿嚥韌乾爽，顏色染得均勻，芝士粉甘香，有肉有菜夾雜其中，辣度溫柔帶甜。配大豆芽清爽，配泡菜惹味多汁酸辣醒神，同樣一流﹗太陽蛋拌炒飯永恆的伙伴，合拍得天衣無縫。韓式豬手，預計之外的美味可口﹗瘦肉鬆化、豬皮膠黏、清新豉油香﹗搭埋泡菜齊齊趙十足泰式豬手，酸酸甜甜更加醒胃，好想要碗白飯撈呢﹗太陽蛋咖哩牛肉拉麵，蛋白焗到老老的，鞋鞋的皮又硬又韌，膠感十足。仲以為會辛辣麵，點知係韓式扁拉麵，沒什麼味道，有點漿有點黏的質地，掛著淡口咖哩湯唔難食，但腦內閃過唔想食的衝動，想掉低放棄。韓式菜肉餃，扁扁平平不豐滿不脹卜卜，要更多菜才會更甜更多汁啊﹗現在只有悶悶的味道。香腸泡菜拉麵，極高溫滾燙，連我飲慣滾油都放不到落口，真係要等一等降點溫才能享用。耐心地吹凍一點才能狠狠地暢快地吸啜﹗辛辣湯汁濃濃刺激，麵條嚥韌帶彈，夾著普通腸仔、夾著酸爽泡菜，同樣滿意非常，給多隻煎蛋會更開心﹗安東炆雞，我一心想懷緬下當年係韓國明洞嘆過的安東炆雞，但眼前依碟完全唔對版，不是肥美香甜帶輕辣的多醬油嫩雞。放在眼前的是乾乾鞋鞋雞肉，雞胸鞋到刮口，兩三件雞髀肉免強可以，真身為麻油安西炆雞！伴以洋蔥、青椒、紅椒，最好食係粉絲索盡甜醬油麻油味，薯仔質地粉甜也不錯。無骨甜辣醬炸雞，香口微脆，雞肉極滑濕潤多汁，滑到不似雞肉，是否用乳酪浸泡過夜？厚厚炸粉有一刻覺得食緊麵筋，濃濃甜甜十分霸道，多多杰杰的醬少少甜少少辣。韓式蜆蛤豆腐湯煲，噴著煙滾滾送到﹗香辣湯汁燙嘴最靚的溫度，嫩滑豆腐超高溫比湯汁更熱，燙到我嘴仔了﹗識食必定係飯加湯而不是湯加飯，有泡菜有肉碎有蜆仔，好好好好好﹗全部消滅片甲不留。韓式烤牛肋骨，無鑊氣無焦香，微溫死氣沈沈。甜味突出而蒜味緊隨，全熟但肉質鬆軟，醃汁的功效。筋位脆脆，落了不少黃糖使得我手指黐立立。煎蛋牛骨泡菜湯麵，湯麵不是辛辣麵嗎？來的是幼幼四川白色拉麵？中文兩款都寫湯麵，英文辛辣麵寫 ramen？泡菜湯麵？還以為泡菜湯，只係放幾片泡菜係側邊。全熟微暖煎蛋，鞋烚烚老老蛋白。鬆軟牛腩碎，嚥韌彈牙掛湯白色麵，整體互補不足算合格的。…查看更多

之前去呢間餐廳一直都係食韓式拌飯今次想試下佢哋嘅水冷麵🤤去到餐廳嘅時候 客人唔太多所以好快就煮好👍🏻水冷麵嘅汁係酸酸辣辣好開胃👍🏻而且佢哋嘅水冷麵係真係會放冰如果喺夏天食嘅話 就超級涼爽👍🏻小菜都好食 泡菜係真辣…查看更多

講真，係大埔嘅這間韓國餐廳食咗個發現，好正宗又抵食㗎！先講講佢哋個傳統紫菜卷，賣相滿滿的，色澤簡直靚到喊，入口即是鮮味爆炸🤤；而家講佢個牛肋骨湯，啲湯清甜到不得咗，溫暖晒成個心窩，啲牛肋骨腍得滑得，真係每一啖都舒服到不得了😌。個韓式豬手，份量足料豐富，啲皮脆嘅、肉嘅口感啱啱好，加埋特製醬汁，唔係單講得出口味，真係會念念不忘㗎！唔止嘢食抵讚，服務亦都一流，D員工嘅態度親切，感覺真係賓至如歸。試過嘅朋友都話好，下次過尋味再約埋三五知己，傾下計，歎下美食，再嚟一轉！🎉🥢🍲…查看更多

今次去食既係位於大埔既韓國餐廳，呢間餐廳唔算好大，座位亦唔多，我地平日既lunch time黎食，好快有位，坐得都舒服，一坐低佢地就先送上熱茶同前菜👍🏻 餐具佢地係用韓式風格既筷子，即係好簿好平果種鐵筷子，有牙籤提供，可惜就冇紙巾提供😗平日午市有個特價餐牌，價錢唔貴，所有餐都係$55以下，飯類仲有個湯送，餐飲就要加錢，主餐牌亦唔算好貴，同樣都係飯類會送湯👏👏今餐總共食左5樣野，韓式牛肉飯（$55），泡菜豬肉飯（$50），呢兩個飯類感覺係普通既碟頭飯，我期望會用鐵板上，見餐牌個樣好似有一個黑色鐵板咁，所以呢兩個飯感覺都係麻麻地😐 另一個我點左主餐牌既韓式辣汁牛肉湯（$80），佢係配一碗白飯，呢個餐就真係比到我食韓國野既feel😍 今次個湯就用鐵鍋裝，睇相都見滾到起曬泡，呢個湯餸飯一流，就算直接飲都唔會太辣太咸，呢個餐好滿意😛仲有一個主食我叫左咖喱牛肉湯麵（$47），個咖喱偏淡，麵就適中，唔會太淋，亦都係一個好普通既餐🤨最後就係牛肉紫菜卷（$65），呢個係有韓式風味既小食，賣相同味都我都覺得好好😋 但價錢感覺偏貴，比一個午餐仲要貴🥲呢間餐廳絕對係一分錢一分貨，主餐牌既食物比特價餐既好食好多，如果想普通食個快飯又得，想食得好d又得，對食有要求既話最好叫主餐牌既野食，整體黎講我對呢間餐廳係滿意既😁😁…查看更多

夜晚個阿姐安排入坐，亂咁嚟，多人冇得座，少人就入座先，間鋪都唔係多人，仲有唔少孖位，呢位真係好員工，幫公司倒米，未食都已經一肚氣，唔怪得越來越少人幫襯，趕客。冇下次。價錢又貴左，服務又差，係食物都還可以。…查看更多

呢間餐廳係朋友推介，食完一次已經變左常客😂😂好好食啊又抵!!!🤹🏻‍♂️🗺環境方面：呢間餐廳係小店，所以唔係好闊落，亦都需要等😙啲Staff都好有禮貌，仲有個韓國叔叔同我講韓文🤣🍕🥂野食方面：一食落去已經覺得好正宗，我哋叫咗韓式年糕、kimbab、仲有炸雞，佢嘅份量對於2個女仔黎講啱啱好!! 不過男仔食就可能要再叫多啲喇🤣🤣 韓式芝士年糕真係極推介，又有拉芝，年糕又煙靭🥹最緊要係，價錢抵!!…查看更多

太和既首爾，喺同一條街換過又換既餐廳入面都算屹立不倒。呢頭食韓國野，都係諗起佢。野食選擇唔少，就算係心目中標準既配搭，都有幾款可以換下。今晚就食左三款澱粉質既match。飯卷。整整齊齊靚靚仔仔，唔會實得得又唔會切完一夾就散哂。餡料標準，味道穩定，家常但就係好食。年糕湯。天氣凍，整番個年糕就岩哂。牛骨味湯底，餃子唔多但夠大隻。粉絲餡易煮爛，但廚師當然唔會犯呢種低級錯誤。年糕煙韌，牛肉塊細塊但數量唔少，口感偏韌但食得出牛味，唔錯。泡菜煎餅。外皮香脆，軟熟同煙韌做到平衡，裙加上酸爽既泡菜味道，冇咩好挑剔。…查看更多

呢間都算係太和元老級餐廳但一路都好少食 ，因為個環境又黑又多蚊，食餐飯狂比蚊咬….裝修完見佢開咗光咁就去試下。外賣堂食都有試。結論來講，原味炸雞最好。 甜辣蜂蜜都還好，平時一定唔會叫原味，一來有醬抵食好多，二來原味應該冇乜味。但呢到嘅原味反而好過有醬料的，證明了佢嘅醬冇錦上添花，都係可有可無。炸醬飯啲薯仔好吃，但配飯真係好唔夾，唔該還番個面比佢。炒粉絲正正常常，無突出無挑剔之處。喺太和想食炸雞可以一試想講佢芽菜好食咗好多！…查看更多

太和我有兩間想試嘅韓式餐廳，一間係首爾，另一間係直街，但直街果間晚市比午市貴左唔少，都係留番午市先試，所以最後揀左首爾。小菜 – 泡菜、芽菜泡菜好酸好難食😣，建議咁酸嘅泡菜留番黎整泡菜湯；芽菜唔夠麻油香。無骨甜辣炸雞 $75對比起其他韓式餐廳，大家一樣入貨，但呢度嘅售價卻平一半，難怪幾乎每枱客人都會點。雞粒新鮮炸出黎，雖然沾上醬汁，但仍然有脆口感；醬汁偏甜，辣味微弱，唔食得辣嘅朋友都可以食。炸醬麵 $65由於友人每次去韓國都會食，所以當見到唔少食評推介嘅時間，不禁抱有期望。可惜，呢度個炸醬並唔係佢杯茶。麵條煙韌，類似扁烏冬，而唔係用黎整炸醬麵嘅麵條；炸醬配料有薯粒、煮到好淋嘅洋蔥、好多翠肉瓜粒、少量肉碎。有別於韓國食到嘅爽口且大量洋蔥同肉碎嘅炸醬。水冷麵 $68我喺韓國無食過，因為覺得好普通，但後來見到一位韓國廚師介紹，先知道個湯其實係牛骨湯，而且製作繁複，好後悔喺韓國無食過😫。之後係香港有特登試，而呢度個麵同我係香港其他餐廳食嘅味道差唔多，但價錢卻平好多。估唔到呢個價錢居然有D湯冰，價錢比佢貴嘅都未必有。另外，個湯因為浸住泡菜蘿蔔而有淡淡泡菜味、少少酸，整體幾合我心意；麵條好幼、好煙韌、好有彈性，而且份量好多。…查看更多