影片
港鐵銅鑼灣站 F1 出口, 步行約2分鐘
繼續閱讀
電話號碼
23451990
營業時間
今日營業
11:00 - 21:00
星期一至五
08:00 - 21:00
星期六至日
11:00 - 21:00
公眾假期
11:00 - 21:00
以上資料只供參考, 請與餐廳確認詳情
相關文章
當初知道香港開咗間朱古力博物館，覺得好吸引，佢仲係一站式，除有展區外，亦有商品販賣區，出售香港製造的朱古力。至於食物、飲品，除可外賣，亦能堂食。食、買、觀賞樣樣齊，可謂一應俱全。今次咁啱喺灣仔食飯，就過嚟睇下。到達舖頭附近，就見到人龍，講真有啲令人卻步。呢條人龍係排烘焙產品，如果只想買朱古力產品或飲杯嘢，就毋須排隊，可直接入店內揀選同俾錢。店員話，由於星期六、日有好多人排隊買麵包、千層撻，所以就算惠顧朱古力產品/飲品，亦唔可以「偷雞」順手搭單買餅，所以，如果要試烘焙食物，咁冇辦法，排隊啦~70%黑朱古力千層蛋撻：人人都衝住呢個$10撻而嚟；排到我時，剛好新鮮出爐；千層酥皮勁脆，咬開即時逐層散落，食落口同揸上手亦唔覺好油膩，只有少量油光反射；蛋撻饀較少，底部有少少黑朱古力，只係味道唔突出；蛋漿的蛋味唔算濃，勝在饀料少甜，加上酥皮酥而不「漏」，食曬成件撻仍然感覺輕盈，唔易滯；呢個撻只賣$10，性價比極高（我唔特別鐘情蛋撻），加埋可拎上1樓堂食，該區提供即棄竹餐具，能夠坐低慢慢歎，仲邊有得彈？可可茶：$28；店員提醒要等一陣、浸耐啲先飲，但就冇提要等幾耐；貪快飲一啖，覺得好似飲緊有色的水，雖然聞落有少少可可味，但味覺上就完全係淡而無味；不過，等耐啲、焗耐啲，可可味真係出好多，顏色亦深咗；作為茶飲，只能講佢係普普通通，唔特別吸引，配合撻同麵包，應該有少少解膩效果椰子包：唔記得呢款包的名；店員推介係新鮮出爐，仲猛讚好好食，加上佢焗起時大大個，只$20，最後買咗嚟試；麵包鬆軟，質感同一般麵包舖的麵包差唔多，但味道唔突出，麵粉香一般；唔試亦冇損失呢度喺香港算幾iconic，值得到此一𨘋同支持。 70%黑朱古力千層蛋撻值得排隊，始終只係$10/個，而且攤凍曬，佢的酥皮仍然脆到不得了。店內提供朱古力產品試食，咖啡黑朱古力同100%黑朱古力仲好好食添。堂食區係自助服務，流轉快，搵位易，坐得幾舒服。2樓展區所展出的資訊唔係好豐富，原本設有的朱古力品嚐區，聽店員講亦冇service。
繼續閱讀
喺social media掀起一時熱潮嘅朱古力撻～呢個quality再加呢個價錢簡直係10分良心成本價✨一開始好多人排隊嘅時候已經食過一次。之後每次經過 就一定會入去睇吓有冇撞啱出爐時間！喺門口已經聞到好香嘅朱古力味每次去到大家都半打半打咁買🤣買嚟做散水餅都係一個唔錯嘅選擇👍🏻一攞上手熱辣辣一咬落去個脆皮好酥脆！每一層都好分明，好香牛油味～喺蛋嘅下面有朱古力餡但佢唔係太甜🍫亦都唔會流～成個組合係非常之滿足！
繼續閱讀
呢排好似好興各種麵包店，除咗Bakehouse同hashtag B，銅鑼灣仲多咗間朱古力博物館，除咗展區睇野，亦有賣好多烘焙野食，麵包、朱古力、雪糕、飲品都有，之前D人排曬長龍買佢個朱古力撻，對比起同類產品，佢又真係幾抵食，最近佢就人龍不再，收工一入去就買到，一咬落去，佢個千層酥皮真係好酥脆，肉眼可見一層層，而且好香牛油味，蛋漿唔會溜，佢個黑朱古力主要喺底先有少少，得70%自然唔會好甜，不過個人口味覺得唔加朱古力可能仲好食，但呢個價錢同佢個酥皮，我都會再買嚟食~💰價錢參考：- 70%黑朱古力千層蛋撻 $10
繼續閱讀
After always seeing ppl recommend their chocolate egg tart on Instagram and Thread, I finally visited this chocolate shop in Causeway Bay..I bought the 70% Dark Chocolate Mille-Feuille Egg Tarts. The crust was extremely crunchy, and as I took a bite, I could hear the clear and loud "chuk" sound from the crispy crust. Its egg custard filling was smooth and creamy, emitting a strong aroma. The dark chocolate in it complemented the egg custard perfectly, offering a bittersweet flavour. .The chocolate egg tart was definitely a great value for the money. I bought them for my colleagues, and they also praised how delicious the egg tarts tasted.
繼續閱讀
紅咗咁耐終於食到lol$10 only！！！估唔到原來咁平😋🙀買完隔咗幾個鐘先食酥皮仲保持到超級鬆脆 食到層層分明唔係講笑 食落去個下脆到好似食薯片咁蛋香味中規中矩~甜度對我嚟講啱啱好 完全唔漏(怕甜人士不過撻底啲朱古力醬可有可無😂存在感不大Overall會瘋狂encore嘅質素🤌🏻
繼續閱讀