影片
我其實好鐘意食西餐🍽同飲湯，但通常出面食親西餐都唔平😫，但係C3既存在對我黎講簡直係恩物🥺，而且佢係元朗仲要有兩間舖🥳一個餐連湯 🍲 連餐包🍞連野飲🍹都只係四十幾蚊！🤩 （當然你有錢可以比貴少少再揀啲高級餐😂）不得不提佢杯凍檸茶真係好大杯，同我塊面差唔多大🤭，同行友人杯凍檸茶雖然係normal size,但店員表示佢個size可以續飲🥤,真係好抵呀🥺食物方面不過不失，南瓜湯做得幾濃唔會稀，麵包都烘得好脆😆，唔洗怕糧尾冇啖好食🤣------------------------------😋菜色推介：A2. 卡邦尼意粉（$42）曾經試過叫貴少少既餐，但覺得冇話特別驚喜😟，而且呢間主要都係用平做賣點，所以都係A餐系列最抵食🙈！而試過大部分既A系列，始終覺得卡邦尼意粉既汁最濃最好味😋 （頭盔：純粹個人喜好👷🏻♀️）
繼續閱讀
得壹個侍應，一個廚師，坐成半個鐘先來意粉。都算啦，仲要一大浸燶味，撩下啲意粉，有好多都係有焦既！令人十分失望等咗半個鐘，如果叫你換過又唔知要等幾耐，最後食兩啖就頂唔順，當我黑仔。但永不光顧！係平，但咁既質素？！不了！而家個口仲好大浸燶味！！！配料少到可憐！得一舊蘑菇，兩三塊煙肉。以前都稱得上平靚正，而家我會話唔洗錢，我都唔會食。等半個鐘食燶嘢，料又少，食兩啖都食唔落！嘥時間又嘥錢！十分十分失望！！
繼續閱讀
因為試過好味啲嗰間，見到喺永年士多嗰邊又開咗間所以特登試吓，但係有啲失望。呢間地方唔係好大，我哋有六個人，坐咗係最入，拍埋左啲枱坐，其實都幾逼上菜速度唔係好快，味道其實一般，不過份量夠食的，但係對男仔來講就唔係好夠食，同埋呢邊裝修麻麻地，感覺亦都坐得唔係好舒服
繼續閱讀
中午有事入元朗經過c3，雖然唔大間得7張枱，但望落幾企理，感覺ok。嗌左一個set，有香煎鵝肝黑松露意大利飯，一塊蒜蓉包，一客蘑菇湯同一杯熱華田。牆上貼左張紙，寫住「一人製作，請用心等候」，有哂心理準備，好彩唔趕時間。可能差唔多完lunch hour，啲人走得七七八八，過左十五分鐘左就所有野上齊哂，都唔係等左好耐。蒜蓉包同蘑菇湯冇咩特別，但係香煎鵝肝黑松露意大利飯好得！啲鵝肝皮脆肉滑，啲飯好重黑松露味，勁入味，碟飯仲大到食唔哂！食得好開心，加多杯凍白桃梳打，大滿足。
繼續閱讀
愉快的週日！一家人開開心心去C3食價廉物美的午餐，叫了三客午市套餐包括黑椒牛柳絲意粉、白汁吞拿魚意粉及招牌卡邦尼意粉，全部均附送餐湯蒜蓉包同飲品，非常超值！但很快就出事了！最先到來的黑椒牛柳絲意粉炒得非常燶，牛肉同意粉都變黑了，要逐條逐條揀出來不能吃！差不多有一小碗揀了出來最後忍不住問店員，炒燶了的牛肉及意粉是否就是黑椒？店員誠實地回答：『不是！是燶了！』，當然$42一客套餐是不能有甚麼要求了！不再來就是了😅價廉物美確是夢！
繼續閱讀