C DESSERT

營業中

休息中

灣仔聰。C Dessert新店嘅重生絕對係眾甜品愛好者嘅福音，小店非常有人氣，吸引咗眾多慕名而來嘅遊客！店內環境舒適，乾淨又好坐，店員態度很親切。榴蓮水晶珠榴蓮愛好者絕對不能錯過這道甜品。水晶珠晶瑩剔透，上層有舊榴蓮果肉！榴蓮味厚實出眾！同水晶珠好夾。杏汁蜜瓜冰以蜜瓜點綴，搭配濃郁的杏仁汁，口感清新爽口。蜜瓜切成小塊，杏仁汁嘅香氣好突出！麻糬紅豆抹茶雪糕窩夫熱辣辣新鮮出爐窩夫，賣相唔錯，上面有紅豆同抹茶雪糕，甜味相互平衡，再加上窩夫的香脆，口感層次豐富！龍眼椰果冰龍眼味突出，龍眼果肉甜蜜又脆口，充滿了清新的果香，冰涼的口感更是讓人消暑解渴。

📍聰 • C Dessert（灣仔）💥榴槤水晶珠＄48一入鋪頭就已經聞好大陣榴槤味🫣榴槤蓉好淋滑係新鮮榴槤果肉配榴槤沙冰 好冰涼岩曬榴槤迷甜度適中 但榴槤超濃郁上面仲有啲水晶珠 咬落好有口感💥椰汁芋頭西米露＄34椰汁幾香滑西米同芋頭嘅量岩岩好芋頭質地係帶少少顆粒感正正常常🤣💥杏仁茶燉蛋白燉蛋白好滑杏仁茶味道唔算超濃整體嚟講都唔錯💥咖啡雪糕仙草黑糖珍珠有2球咖啡雪糕食到中段融左嘅雪糕撈埋仙草食都幾夾🤣

招牌龍眼椰果冰沙沙嘅綿綿冰，口感非常綿密，每一啖都食到龍眼絲，涼爽香甜，消暑解渴嘅絕佳選擇。楊枝金露甜中帶酸，爽口不膩，用呢幾個字形容就最適合。芒果椰果冰細緻嘅芒果果肉綿綿冰，每一啖都有濃郁嘅芒果香氣 ，冰涼香甜，十分解膩。蜜瓜豆腐花香甜嘅蜜瓜綿綿冰，配搭豆腐花好夾，豆味濃郁，入口即化。芒果奶昔雙皮奶大大塊芒果肉和芒果冰，夾雜著奶香，口感濃郁醇香。另一位朋友今日唔可以食凍嘢，就order咗招牌川貝圓玉燉雪梨。

「聰嫂甜品」強勢回歸，係灣仔重開，我地平日一去到已經見到排曬長龍，好多遊客都茂名而去！芒果麗莎🥭 因為又想食佢既楊枝甘露，又想試佢既沙冰，所以叫左呢個 因為呢個係楊枝甘露+芒果沙冰+小丸子，仲有大量芒果肉、椰果，唔係好假個啲芒果汁，而且啲芒果肉好甜，個人認為係必點🥳芒果奶昔雙皮奶面頭鋪滿芒果，中間有芒果牛奶冰，最底係雙皮奶，3樣野一齊食 好滿足！芒果牛奶冰食得出係用鮮芒果加牛奶打成冰，冇糖漿味，真材實料，雙皮奶超濃郁奶味，好滑😚

聰。C dessert🍽灣仔莊士敦道35-45號利文樓地下1D號舖以前成日都食"聰嫂甜品"，往時銅鑼灣嗰間日日都排晒長龍，之後灣仔都開咗間但又執咗的轉咗手最近發現從出江湖「聰。C Dessert」同樣喺灣仔佢個龍眼椰果冰同榴槤水晶杯獨一無二，無人能及！menu好colourful,甜品勁多選擇，凍熱都大量選擇。龍眼椰果冰$46必食！滿滿龍眼！真材實料！完全係新鮮清甜龍眼味道，仲有新鮮龍眼肉，仲有椰果、水晶珠增添口感。食得返呢個味道，真心好感動呀！榴槤水晶珠$48另一必食，榴槤味超濃郁滿滿榴槤冰面細細舊嘅榴槤果肉，加埋大舊嘅榴槤蓉，好食過就咁食榴槤，出面咁既價錢，都唔會咁足料!聰C無得頂！職員非常有禮，手腳快，服務不錯

服务态度严重有问题。跟一个男店员下单，没下单成功也没说一声。等了半天发现旁边桌上完了才知道下单没成功，然后也没有道歉和解释，最后解决就是直接重新下单继续等，以后也不想来了😓有点店大欺客的意思

而家天氣咁熱，有時熱到連胃口都無，淨係想食或者飲凍野，琴日放工又係有呢種感覺，於是同朋友打算甜品當晚餐。首先來個鮮什果水晶珠（$48），真係要食水果涼一涼個人先，水果好多款式，有西瓜、蜜瓜、哈蜜瓜、芒果、士多啤梨、香蕉，加上芒果汁，同埋水晶珠，好解暑。之後來個芒芒麗莎（$48），好芒果同埋好多種配料呀，有小丸子、西米、爆爆珠，重點係好多芒果肉同芒果絲，食落好多唔同口感。好中意麻糬的我要叫番個椰汁麻糬仙草凍（$42），呢個好夠椰汁味，而配料就有大大舊麻糬、仙草、珍珠，爆爆珠、最驚喜係仲有椰果，好別。最後埋尾整個牛角窩夫，叫左個布蕾醬焦糖脆脆雪糕牛角窩夫（$42），窩夫質地煙韌，最特別係個醬，有crème brulee味之餘，仲有粒粒脆脆的口感。

華仔題字的掛牌，遠遠就看到置於舖頭正中間的牆上，有幾出名，相信都唔需要我多講。甜品一直超受歡迎，難得灣仔再開分店，等我同大家分享吓我的食後報告啦😍✨杏汁蜜瓜冰✨ $44這個組合很新穎，有點中西合璧的感覺😍。以青綠色的蜜瓜、深綠色的蜜瓜凍及大量水晶珠鋪面，賣相十分討好。整體甜度恰如其份，不會過甜。既食到蜜瓜的鮮甜味，也嚐到杏汁的味道，兩者達到很好的平衡，非常清新。要知道杏汁是女生養顏恩物，推介各位姊妹一試。✨榴槤水晶珠✨ $48本身就係榴槤朋友🙌🏻呢個始終係我嘅最愛😍😍。沙冰控制得堪稱完美，不會過硬如石，也不會過軟如水。一啖入口，榴槤味極度濃郁，加上面頭的榴槤蓉，整個口腔發生榴槤大爆發🤩食完行出門口，都覺得自己有榴槤味🤣🤣（懂的人自然會懂)超正❤️。搭配晶瑩剔透的水晶珠，每一啖都非常透心涼，榴槤粉絲絕不能錯過‼️高質嘅糖水店買少見少，有機會多多支持🙌🏻。想睇更多介紹，馬上Follow我啦😁。#big_big_foodie #big_big_foodie食勻灣仔#big_big_foodie食勻香港

炎炎夏日真係令人好想食返碗糖水，今次就來到位於灣仔嘅呢間聰C Dessert，係以前嘅聰嫂甜品，人氣依舊，都係咁多遊客捧場，大排長龍！每款甜品望落都好吸引，真係令人忍唔住叫多幾款來食啊～芒芒麗莎💰HK$48係舖頭嘅皇牌產品之一，比人感覺有啲似係楊枝甘露嘅加強版！每一啖都係啖啖嘅新鮮芒果肉，另外仲有芒果冰、椰果、水晶珠同埋小丸子等等，口感相當之豐富，而且有住濃郁嘅芒果香味同埋椰奶香味，令人齒頰留香～士多啤梨豆腐花💰HK$42表層係士多啤梨雪花冰，味道酸酸甜甜，而底層就係嫩滑嘅豆腐花，味道係出乎意外地夾～蜜瓜椰果冰💰HK$38底層係蜜瓜味雪花冰，充滿住蜜瓜嘅清甜味，表面佈滿水晶珠同椰果增添口感，味道清新，好有夏日嘅感覺～布雷醬焦糖脆脆雪糕牛角窩夫💰HK$42牛角窩夫暖笠笠，酥脆得來又有一股好香嘅牛油香味，配合埋口感幼滑嘅雪糕同布雷醬，一冷一熱咁，仲有焦糖脆脆做襯托，一次過令舌頭感受到多重嘅口感變化 ，味道非常之驚喜～

聰嫂私房甜品，如果係將軍澳人應該一定認識。可惜買盤俾大集團之後喺2020年全線結業。宜家聰嫂用新名聰。C Dessert 係灣仔再開業。舖頭細細，就算平日三四點，入邊都係坐滿人。一入門口牆上面就見到由劉德華提字嘅聰嫂甜品。新Menu加入咗唔同元素嘅甜品，麻糬、連牛角窩夫都有。我今次就梗係叫返佢哋嘅招牌，芒果奶昔燉奶同埋士多啤梨豆腐花喇芒果奶昔燉奶將芒果奶昔同埋鮮芒果放係凍雙皮奶上面，上層有啲似芒果雪糕，下層就係棉滑嘅燉奶，口感香滑，而且有淡淡芒果味。士多啤梨豆腐花上層是用新鮮士多啤梨冰混合十字奶跟忌廉製成的士多啤梨漿，下層是滑溜的豆腐花。呢一款嘅士多啤梨味道都幾出，下層嘅豆腐花食落比較濕潤。同芒果燉奶係兩個完全唔同質地嘅甜品。

甜品永遠唔會有最好食，只會有啱唔啱食，啱食嘅甜品就想起以前聰哥聰嫂，朋友今次介紹位於灣仔嘅 聰。C dessert正正是聰哥聰嫂重開嘅甜品舖。活躍九龍新界嘅我們今日要衝出香港～島，向灣仔進發，我同朋友都最愛芒果甜品，我們一口氣叫了楊枝金露、芒芒麗莎、芒果仙草黑糖珍珠三個芒果甜品，聰。C甜品真係好足料，海量芒果肉襯三種甜品口味，甜品舖係入貨入得靚或是精心處理，總係覺得其他地方係食唔到咁好食嘅芒果，嗰種香甜形容唔到。麻糬紅豆抹茶雪糕窩夫，麻糬丸子甜甜地煙煙靭靭，濃郁抹茶雪糕加糖煮紅豆放在脆邊窩夫上，又係多重口感嘅享受，紅豆同抹茶亦都係最佳拍檔。今次重拾回憶之旅結論係，好食～好食～好好食呀～

據聞呢一間有劉德華加持嘅甜品舖，由開門到收工都大排長龍，無論係香港人定係遊客都慕名而黎！龍眼椰果冰 $46嚟到必食！嚟到必食！嚟到必食！重要嘅事講三次，呢個龍眼果冰好重龍眼味，真係落足料！而且佢入面仲有好多水晶珠，加強咗成個甜品嘅口感！榴槤水晶珠 $48鍾意食榴槤嘅朋友，一定唔可以錯過佢哋嘅榴槤水晶珠，每一碗都有大大嚿榴槤蓉，超滿足！鮮什果椰汁仙草🍓$48滿滿嘅生果山配搭椰汁仙草，絕對係大人細路都啱食，$48嚟講真係好足料抵食！麻糬紅豆抹茶雪糕窩夫🍵🫘🧇 $44佢哋嘅窩夫係用牛角包整成嘅，口感特別酥脆，抹茶雪糕似係自家製，食落去抹茶味更加濃郁，而且雪糕嘅質感好creamy~

喺灣仔約咗班舊同學食晚飯，食完之後一齊去食糖水，聰嫂甜品於2004年開業，高峰期創下一日內三間分店共賣超過七千碗糖水甜品，人龍等候時間一個半小時的紀錄🗒️ 延續聰嫂甜品經典口味，而家仲推出左多種創新甜品，絕對值得一試😋😋⋄🤩曾經風靡一時的聰嫂甜品以全新品牌「聰。𝐂 𝐃𝐞𝐬𝐬𝐞𝐫𝐭」在灣仔重開，由聰嫂親自監控甜品製作，務求令大家可以吃到聰嫂甜品嘅昔日味道😍⋄⋄====—====—====—====—✦ 特別推介 ✦🥭楊枝甘露（$45）清新爽口的楊枝甘露，上配香滑的椰汁及軟糯的芒果，非常豐富，夏日必點的解暑甜品😍—💛榴槤水晶珠（$48）榴楗份量慷慨，啖啖肉好滋味，配上水晶珠，柔滑濃郁，口感層次豐富🤩—🥭🍉鮮什果水晶珠🍓🍈（$48）季節性鮮果如士多啤梨、蜜瓜、芒果、西瓜、香蕉等，多種水果混搭，清新酸甜，夏日消暑佳品😝⋄✦ 牛角窩夫 ✦牛角窩夫賣相精緻，擺盤精美🥰🍯布蕾醬焦糖脆脆雪糕牛角窩夫（$42）酥脆的窩夫底配上濃郁的布蕾醬及焦糖雪糕，口感豐富😙—🍫🍌香蕉朱古力醬焦糖脆脆牛角窩夫（$38）窩夫配上香蕉、朱古力醬及焦糖，三重口感，甜而不膩😋⋄✦ 豆腐花 ✦🥭楊枝甘露豆腐花（$48）濃濃的楊枝甘

呢次試咗幾款甜品，真係有驚喜，特別係炎熱嘅夏天，食起嚟超爽。🍓士多啤梨椰果西米冰真係清新解暑，士多啤梨嘅酸甜味，配埋爽脆嘅椰果同Q彈嘅西米，入口冰冰涼涼，啱晒夏天飲，感覺好refreshing。🧋咖啡雪糕仙草黑糖珍珠係我嘅最愛，濃郁嘅咖啡雪糕配上仙草，再加上甜甜嘅黑糖珍珠，每一啖都有唔同層次，真係滿足晒。係夏天冰冰涼涼，整個人都精神晒。🥭杏汁芒果豆腐花杏汁味道濃郁，加埋甜甜嘅芒果，仲有滑溜溜嘅豆腐花，三樣嘢一齊食，真係超正。呢款甜品好清爽，特別啱夏天食。🍮杏仁茶燉蛋白雖然佢係熱嘅，但味道真係好正。濃濃嘅杏仁香味，配合滑滑嘅蛋白，食落好滿足。

唔知大家對聰嫂甜品有無印像？我個人一直對佢個龍眼冰念念不忘！依家佢以聰。C Dessert 返黎所以同fd係灣仔食完飯，就算好飽 我哋都一定要食 😎😎😎龍眼椰果冰 （$46）呢個係招牌黎架！真係必點龍眼冰清清甜甜，有龍眼肉，爆珠仔，蘆薈等等，有多重既口感！ 重點係 超解暑 😍😍😍芒果奶昔雙皮奶 （$46）呢個因為fd想食雙皮奶，點知原來呢個雙皮奶有驚喜，面頭有幾舊芒果肉之餘，仲有芒果奶昔 有啲芒果冰 下面雙皮奶都滑榴槤水晶珠 （$48）呢個又係好推介！ 啱晒鍾意榴槤既人！有勁大舊榴槤肉係面，下面榴槤冰又勁濃郁，撈埋一齊食勁正呀！🫶🏻🫶🏻🫶🏻仲正過ikea 🙊杏汁蜜瓜冰 （$44）呢個既杏汁都好濃，唔會話好假，蜜瓜冰都好消暑，有啲綠茶啫喱添，唔錯👍🏻8點左右已經大排長龍，可見佢幾咁吸引，希望佢快啲開分店，唔洗過海都食到啦 🫶🏻