Burger Mate

營業中

休息中

尖沙咀手工漢堡 Burger mate金巴利道轉角新開咗一間漢堡店，店面唔算好大，只有約10個座位。鮮製手工漢堡主要以安格斯牛為主，亦設有雞扒同日本和牛漢堡供選擇。▪️頂級A4日本上州牛和牛漢堡 $108漢堡望落皺晒皮唔太靚仔，不過包體經烘過，食落外脆內鬆軟有咬口，又唔會好乾。和牛漢堡juicy，外層煎得香脆，油脂感重，但肉味相對無安格斯牛咁濃。芝士分量毫不吝嗇，香氣突岀，加埋塊富油脂香嘅漢堡真係有啲漏。不過夾埋生菜蕃茄酸瓜，可以增添一絲清新嘅感覺。怕酸瓜嘅人記得預先走左佢呀！▪️蘑菇安格斯牛漢堡 $75美國安格斯牛同樣juicy，肉味比和牛漢堡濃，不過油脂感就無咁重。發現自己都幾鍾意burger加蘑菇！蘑菇香氣突出，有咬口之餘，亦增添左唔少濕潤感。整個漢堡非常濕潤，但幸好有生菜薦底，唔會浸濕晒塊包。▪️炸薯條 $30薯條香脆，飽滿軟綿，不過擺得耐都係會變腍。

Organic chicken steak burger - good and health. Cheddar cheese beef burger - very juicy and good sauce with beef. Perfect 🍔🍔🍔Also Halal burger!!!! Support 👍🏻👍🏻👍🏻😋😋😋

Burgermate 📍尖沙咀值得支持嘅漢堡小店🍔🌟- - - - - - - - - - - - - - - - - - - - - - - - - 🌟蘑菇安格斯漢堡 (USDA Prime) $75即叫即整嘅漢堡包，淨係新鮮同熱辣辣已經贏左🙌🏻USDA prime 漢堡食落牛味濃好多！煎得好香，都算juicy 👌🏻有蘑菇、生菜、蕃茄等新鮮配料份量唔特別大，女生食岩岩好的burger 🤟🏽🤟🏽頂級A4 日本上州牛和牛漢堡 $108 日本嘅和牛漢牛漢堡比起美國嘅Prime牛味明顯無咁濃，油脂味會重d，但個人都係比較鍾意Prime喔！整體味道還不錯👌🏻小店地方比較細，見到好多人都選擇買takeaway，經過可以try try 😎

【多款牛肉漢堡🐮🍔】好耐冇食過burger 啦所以前幾日晌尖沙咀行出街就去左最近新開嘅漢堡店 burger mate試吓睇一睇menu發覺佢哋有好多款牛肉漢堡仲有A4日本🇯🇵和牛 一由要試吓！佢哋嘅洋蔥圈又係好好食！😋另外，雖然舖仔細細但都幾簡潔舒服 近窗位仲可以打下卡添📸.🔸頂級A4日本上州和牛漢堡（$108）由於係用靚嘅A4和牛嚟整，所以塊漢堡扒比一般食到嘅更滑、更嫩、好juicy！牛味都幾濃、芝士夠香，滿足！.🔸雞扒漢堡（$68）雞扒被香料醃過，食落有點似墨西哥風味，又帶有少少煙熏味，幾香口惹味😋，同埋雞扒唔肥，配生菜同蕃茄，幾健康。減肥啱食👍🏻.🔸炸薯條、炸洋蔥圈👍🏻（各$30）哩2款都好好味！薯條粗身、炸得好脆好香薯仔味！洋蔥圈都係粗身，炸到外層好脆、中間夠透，咬落多汁又甜，好好食！.🔸雞翼（$38）炸得幾乾身、唔油，幾香脆，但相對味道比較清淡一點。

🍔特式頂級A4日本上州和牛漢堡@burgermatehk_official 🍔 上星期同老公行開尖沙咀，見到間新開張嘅日本+美式Burger店 Burgermatehk，即刻入去試下先！😋 細細嘅舖環境好清新好舒服！黑白格裝修好有特色！🥰仲要所有食物都係即叫即整架！😍佢哋有好多款🐮牛肉漢堡🍔，仲有🇯🇵A4日本和牛添呀！即刻叫番個試下先！店員上食物之前仲好細心俾足膠手套同濕紙巾我地！🥰🐮頂級A4日本上州和牛漢堡🍔 $108 一入口熱辣辣， 仲好多肉汁流出添呀！口感軟嫩可口，牛味香氣濃郁，真係綻放出無懈可擊的滋味，絕對是頂級首選！好滿足呀！😍 🐔雞扒漢堡 🍔 $68 用香料醃過嘅雞扒，煎得金香肉質鮮嫰，帶有少少煙熏味！😍配上生菜同蕃茄，感覺清新健康！ 🍗炸雞翼 $38雞翼外層炸得好鬆脆，一d都唔油膩，肉質同樣好鮮嫰！外脆內軟好好味啊！❤ 🧅炸洋蔥圈 $30炸得好金黃，入口一樣唔油膩，好脆好香口！食到唔停口！😋

Ordered two cheese beef burger, waited for 30 minutes...quite a long wait so was expecting some good quality burger since it’s quite pricey @$72 per burger. Finally, burger was done. First bite, the bread patty was tough and dry. Second bite, the beef patty was thin, flat, dry and tasteless!!It was a shock! Then I realised it was no longer the same burger shop!! It has changed hands and the chef is different, shop front was also different. Too late to realise that I’ve made a wrong decision ord

今次試了美國安格斯和日本和牛漢堡飽。各有各好味，和牛比較juicy & tender , 美國的就肉味比較濃郁。洋蔥圈剛炸出來也很脆。可以值得一試，但未必會再返嚟食嘅地方。

同老公咁啱行過見新開，一於試吓，點知有驚喜，點咗個芝士雞肉漢堡同洋蔥圈，漢堡包好食,爆汁,又大又平,洋蔥圈外脆內軟，炸得啱啱好，值得推薦👍🏻必定會再來😋店家都好貼心有手套跟埋，呢個疫症時期用啱哂，又唔會整污糟對手💯

今日中午經過呢間burger 店。比簡約的裝修吸引左。店內既選擇唔係話好多。但基本既款式都有。與同行既朋友分別點左芝士burger 和磨菇burger。。 眼見朋友食磨菇burger 好juicy。。食到d汁都流哂岀黎。。我食既芝士burger都好香。。但食多幾啖就會開始覺得牛肉偏咸。。但本身個burger係好大份。。所以女仔食完一個飽就一定會好飽。。另外薯條都係粗身既。。即炸既薯條都不過不失。。如果未試過既朋友。就一試無妨。。PS：同朋友講開一人之境呢首歌。唔知係咪店員聽到。。就立即播左呢首歌。如果真係聽到我講野而去播。。呢份貼心就值得加分。。

係啱啱新開嘅舖頭，經過見到環境唔錯，就同朋友入咗去試，只係想講真係好好味，個burger真係好足料，性價比好高。burger嘅肉味好夠，好juicy！一咬落去啲汁就會爆出黎😍 個人鍾意cheese burger同洋蔥圈😋 朋友就嗌咗個chicken burger，都好好味，一樣都係咁juicy！雖然舖頭入邊嘅位唔係好多，但食burger來講算係唔錯嘅😌 但佢好似淨係收現金啊😢 大家去之前記得帶定錢啦！

只此一次，下不為例，我自己是一個漢堡迷，每一星期總會食3次漢堡包，所以食漢堡包次數多過食飯，前幾日經過尖沙咀，見到有新開漢堡包，想食又心思思，就買左個chicken Steak Burger 黎試，但真心失望，肉質好鞋口同似未熟，如果用呢個價錢食呢d質素既漢堡包，不如我去M記食2次漢堡包，員工好似唔休做咁，冇笑容，如果新開張一定會好落力，但唔覺得佢地特別落力，冇笑容，死氣沉沉咁,一d活力都冇，是一個不愉快經歷

路過俾小店門外相片吸引，即管試下佢個經典牛肉漢堡啦，外賣一個包都俾個大紙袋，打開原來仲有紙巾和即棄透明手套，打開盒見到個包賣相普通，點知一食落去漢堡扒超Juicy，配埋啲醬汁無得輸，$66蚊都覺得物有所值，每咬一啖都醬汁流出但細節位係個包有塊紙接晒，加埋手套基本上唔會食到成手成身係，好細心。值得推介！估唔到我俾第一個食評，要讚店主夠真實。（P. S. 啤酒不是店內食物）

尖沙咀📍新開Burger店🍔又來尖沙咀覓食啦😚今次依間係誤打誤撞入咗去嘅意外驚喜🤓店面唔算太大 Burger嘅種類亦唔多 叫咗個好Basic嘅雞肉漢堡連埋汽水$70 價錢都算偏向貴 不過份量就非常充足痛足料 有洋蔥酸瓜蕃茄生菜同芝士做配料 加埋大大塊嘅雞肉 特別嘅係個雞肉唔係一般嘅雞肉 而係有特別香料嘅雞肉 唔係太識形容係咩味 有啲似係印度香料嘅感覺👨🏻‍🍳炸洋蔥圈 $25炸得好香脆 點埋茄汁食簡直係一流😚不過可惜份量少咗啲 如果多番啲就好啦整體上依一間burger店都唔錯！但係完全冇佢嘅資料😂可能都真係啱啱開咗冇幾耐 大家有興趣可以去試吓🤣Burger Mate (尖沙咀)地址：尖沙咀金巴利道78號金輝閣地下A號舖食物：👍🏿👍🏿👍🏿👍🏿環境：👍🏿👍🏿👍🏿👍🏿價錢：💰💰服務：👍🏿👍🏿👍🏿👍🏿性價比：👍🏿👍🏿👍🏿👍🏿*滿分=👍🏿👍🏿👍🏿👍🏿👍🏿*

行過金巴行道 見到呢間新開既burger抱住試一試既心態🤔估唔到咁Juicy完全唔會話太乾 太多醬 太咸廚師話麵包係每日人手製造👍🏻連啲牛肉 羊肉都係自家製好fresh🤤薯條係粗薯條 有口感 不過不失啦下次會再幫襯