影片
港鐵佐敦站 D 出口, 步行約9分鐘
繼續閱讀
電話號碼
64612771
附加資料
可預約包場
營業時間
今日營業
12:00 - 23:00
星期一
全日休息
星期二至日
12:00 - 23:00
以上資料只供參考, 請與餐廳確認詳情
有關獎賞計劃
喺尖沙咀韓國街發現到呢間主打傳統美式漢堡嘅小店！呢到嘅手工漢堡係選用咗美國靚牛製作而成嘅，當然連用日式和牛整嘅手工漢堡都有啦！全部手工漢堡都係店內即煎即整，新鮮滾熱辣！聽店員講小店連麵包都係自家製嘅，每朝新鮮製作大約200個麵包，數量有限，通常每晚10點前就會賣晒，真係手快有手慢冇啊🙊～✨黑松露蘑菇安格斯牛漢堡安格斯牛漢堡扒帶有自然嘅牛肉香氣，淋上咗大量惹味嘅黑松露醬之後令到整體嘅味道更加豐富同埋奢華感🆙外層嘅麵包煎到微脆鬆軟 ，中間再夾住蘑菇、洋蔥、蕃茄、生菜同酸瓜等配料，提升咗整個漢堡嘅層次感～✨雙層安格斯牛芝士漢堡雙層嘅安格斯牛表面有大量嘅芝士醬同埋千島醬，比人一種啖啖肉嘅感覺！同樣都係有蕃茄、生菜、酸瓜同洋蔥等，份量十足～✨香蕉奶昔味道完全唔係好假嘅香蕉味，飲得出係用咗新鮮香蕉同埋牛奶製成嘅，底層仲有綿密嘅香蕉蓉～呢到嘅Burger賣相都好澎湃，一開頭以為食到最後一定會覺得好漏，點知食完之後一啲都唔覺得膩，真係好有驚喜啊👍🏻～
繼續閱讀
朋友自從上次食完Burger 後，激起佢內心嘅burger魂，不斷尋找香港好食的Burger，今次佢帶我去尖沙咀去食主打美式傳統漢堡的burger 小店，果然無介紹錯，正👍🏻雖然是小店，但製作非常用心，麵包與漢堡排都堅持每日新鮮製造，所以數量有限，售完即止!佢地嘅漢堡排有2款，分別採用USDA Prime安格斯牛肉或日本和牛牛肉去製作，所以品質絕對有保證，當日夜晚去到，日本和牛就已經賣完了~店主特別介紹，佢地嘅漢堡麵包是香脆crispy 的美式路線，與香港一般食到的鬆脆麵包不同，果然是大不同！🍔蘑菇安格斯牛漢堡($105)麵包壓到偏身，好香脆，配上安格斯牛肉做的漢堡排，油脂香充足，肉汁滿滿，再配上大量蘑菇，以及生菜、蕃茄、洋蔥等必備的配料，再加上自家制醬汁，分量十分充足，吃完大滿足🤩🍔瑞士芝士安格斯牛漢堡($85)都是用上安格斯牛肉做成的漢堡排，滿滿的牛肉香味及肉汁，同樣配有生菜、蕃茄、洋蔥等配料，但再加上瑞士芝士醬汁，更加香濃惹味😆🍔黑松露薯條($65)即炸粗薯條，熱辣辣，再加上大量黑松露醬，超好食!🍔雞翼8件($65)雞翼大隻夠厚肉，炸得香脆入味，而且不油膩，微辣好惹味😋🍔飲品：可樂及啤酒除咗汽水，重有draft beer揀，超match 💯
繼續閱讀
媽咪知我中意食burger, 今晚帶我去咗尖沙咀呢間Burger小店試試, 果然令我一試愛上。餐廳製作Burger好有誠意, 跟一般快餐店質素真係不可比! 店方由外國人主理, 每日漢堡限量新鮮製, 更採用純天然安格斯牛肉製作。Burger大多設定為安格斯牛, 另有少量款式比唔食牛嘅朋友, 而質素同份量同樣足料。【黑松露蘑菇安格斯牛漢堡】HK$125賣相已經非常豐富同吸引, 安格斯牛肉生熟度控制得好好, 肉嫩多汁, 味道濃郁, 配上了新鮮生菜、多汁蕃茄、醃洋蔥、蘑菇, 再加上黑松露醬同埋千島醬, 每啖都流出大量汁醬同肉汁, 味道同層次同樣豐富, 大愛!!【日式天婦羅蝦漢堡】HK$105以多隻香脆天婦羅炸蝦取代傳統burger嘅牛肉, 同樣配搭生菜、蕃茄片、芝士, 再加上千島醬, 岩哂唔食牛嘅朋友, 同樣可以嘆到burger嘅美味。【黑松露薯條】HK$65即炸薯條香脆不油, 加咗大量黑松露醬, 美味非常。【Banana milkshake】HK$35口感香滑, 飲到少少香蕉果肉, 蕉味突出。
繼續閱讀
我有個朋友就係呢度附近讀書 佢又想食burger所以我哋就入咗去食呢間舖頭係有外國人主理嘅 佢哋都好nice 同埋哩間餐廳有清真餐添架我哋就叫咗兩個包分別係蘑菇安格斯牛漢堡同瑞士芝士安格斯牛肉漢堡 呢度嘅牛肉都係每朝早新鮮整出嚟 每日得200塊 食完就冇㗎啦兩個包都好大個 真係個口細啲都食唔到啊 蘑菇安格斯牛漢堡有好多蘑菇 而且啲蘑菇炒咗洋蔥好好味 佢仲有提供手套 應該係有太多人食得太狼狽 所以就提供手套俾我哋食黑松露薯條個黑松露薯條醬真係好正 平時嗰啲係得一粒粒嘅黑松露 呢個係有一塊塊嘅黑松露 真係好濃嘅黑松露味 好鍾意呀香蕉奶昔除咗汽水之外 仲有香蕉奶昔可以揀 所以我哋就叫咗一杯香蕉奶昔 好濃香蕉味 唔使飲汽水飲到成肚氣
繼續閱讀
尖沙咀金巴利道嘅 手工漢堡包店，真係一個美食驚喜！每一個漢堡都係用新鮮安格斯牛肉製成，仲有和牛選擇，CP值爆表！😋我試咗佢哋嘅蘑菇安格斯牛漢堡，加咗$12瑞士芝士，真係好正！🍄🧀 裡面有新鮮生菜、蕃茄、洋蔥同埋酸瓜，仲有黑松露，味道層次豐富，每一口都充滿肉汁，真係唔會膩！🥗另外，佢哋嘅香脆雞扒漢堡，炸到脆口，配上特製沙律醬，簡直係人間美味！🍗💖 小朋友唔鍾意黑松露，所以下次一定要試佢哋嘅黑松露薯條，聽講好好味！🍟最後，記得試吓佢哋嘅香蕉奶昔，無添加糖又順滑，香蕉味濃，簡直係必試！🍌🥤
繼續閱讀