Bun Bun Patty (已結業)

因為素友介紹，所以認識呢間小店，原本打算七月嚟幫襯，點知原來只係做到六月尾，所以尋日放工後即刻趕嚟 。六點前仲有下午茶，要咗3號啡菇素漢堡餐，加咗薯條。（加$25）炸薯條：即炸，好鬆脆，好耐冇食過咁好食嘅薯條 。啡菇素漢堡：通常食burger會係覺得好Heavy、油冧冧、有唔健康嘅感覺，但第一次食burger個包係有五穀，好健康喎，生菜同蕃茄當然都新鮮，非常健康嘅burger 。第一次嚟，見到裝修仲好新，地方又乾淨，玻璃都應該成日抹先至可以咁乾淨 ，又用本地食材，難得有咁有心嘅小店，要結束營業真係好可惜。

無意中經過比簡單既招牌吸引 見到係食漢堡包就衝左入黎😂由於熱愛漢堡 於是入黎試一試佢😋點左個牛肉漢堡 配薯條連汽水 🍔+🍟 $105坐既位置剛好見到只得一位叔叔負責所有野。點餐，製作到出餐 都係佢一手包辦店裡有個告示板 提到食材都使用本地食材。點餐既時候略覺得貴點知漢堡咬落去既一刻 好有驚喜生菜非常之新鮮尤其要大讚佢地既麵包 非常鬆軟 而且有少少烘脆左 原來係佢地自家製既麵包絕對唔同連鎖漢堡店既出品睇得出用心製作係一間值得支持既小店👍

普通裝修，無咩特別，唔會特別好坐。漢堡包上黎賣相唔差，但食落先知奶野，個塊漢堡扒好咸、個底又黑又焦都算，咬落口仲要係半紅色，係半生熟既。依d組合肉仲夠膽俾生既客人食，真係完全唔掂。個包皮都係好乾好硬，完全唔ok。個價錢仲要唔平，質素衰過老麥，無得救。薯條係正常，無咩特別。因為無加一，所以無服務都好正常，依點唔加分、亦唔減分。成場得我地一枱客，大家食唔食自己諗。味道:3/10環境:4/10態度:4/10價錢:2/10總分:16/40(不合格)評級: D

等15分鐘先做啦1個下午茶包+炸魚薯條炸魚有強勁魚腥味，🫤同埋今日初六，店員好似初四咁嘅樣😑😑😑成日經過想試，同埋想支持小店！今日終於試咗⋯⋯不過真係冇下次

花園街內有林林種種嘅衫褲鞋襪賣，附近亦有日式外賣、炸雞排、地道小吃嘅食店。留意左呢間新開小店，坐位不多只有十多個。選好食物去櫃位落柯打，之後坐係度，店员會送食物到你嘅座位。因為遲吃午飯太肚饿，所以就算下午茶時間，仍舊點雞扒漢堡連沙律。食物係即點即整，等了一陣，一客美味嘅漢堡就到了。漢堡包嘅面包鬆軟熱辣辣，雞扒有厚度，入口多汁，真係吃到停唔到口。見到沙律，新鮮又颜色豐富，整體食物質素不错，會再來幫襯。

個漢堡包的包，鬆軟，似牛角包係出面食唔到的，好驚喜下我食左個半邊桃豬排漢堡（好似叫呢個名）👍👍👍另外，配左個沙律（因為近排唔想食熱氣野）個沙律有橙，啫喱（透明的，我估係啫喱🙈),幾款菜，加蕃茄仔。有配搭過，同出面好唔同。如果下次路過就試下個魚漢堡😁

雖然漢堡包睇落做法好簡單，但用心製作既漢堡包，客人係會食得出😀我哋叫咗一個牛，一個豬，再加套餐，轉杯奶昔🥛個包係好出色，似係牛角包製法而且食到裏面啲食材係非常新鮮，仲要有個告示板貼住啲食材係由邊度進口，好細心如果個醬汁都係自己製作，而且多番少少，就會更好😙😙但好在新鮮嘅食材搭救個奶昔仲要係燕麥奶，但味道有啲單調，如果可以搵多幾款食材，層次可能更豐富一定會再幫襯🥰繼續用心製作，帶更多好嘅食物俾大家🔥

店舖位於花園街，左右一堆衫舖有d難揾店內座位十餘個當日下午5點到店有lunch 同tea set點左個焗泰式豬梅肉漢堡，coke zero加左個黑松露薯條Total $75小店只有老闆一腳踢即叫即造，所以都等左陣首先係個包好大😮🍔麵包好有驚喜，充滿牛油香，好鬆軟係店家自家製的生菜同蕃茄都好新鮮原來店家嘅菜係喺本地菜檔入貨另外豬就係用香港本地飼養豚肉豬梅肉有小小泰式香料味但唔重🍟剛炸起熱辣辣薯條有微微嘅黑松露味黑松露醬會再加分d整體嚟講好抵食而且小店支持本地食材🫡希望佢地做得住啦

聽咗小儀某電台推薦這小店，咁咪想試下，係咪咁好食，今日去試，真係唔錯，值得推介。Burger shop 有素 Burger選擇真係好少有，真係唔錯選擇，不論味道、賣相、份量唔錯。Chicken Burger好大個，件雞扒好大塊，個漢堡包質地好好味，好新鮮，唔係其他預製麵包，正，正，正。薯條好好味，係又粗又長又脆! 其實位置好方便，旺角東站Moko商場落去天橋轉右就係。環境好乾淨，好舒服。Burger 小店值得支持!

人客唔多，鄧佢覺得可惜，咁好味既小店，好值得大家支持！價錢只係比快餐店貴少許，但出黎既食物質素好多，麵包自家製酥皮得黎有牛油香，個菜新鮮爽脆，肉扒多汁但不膩，希望大家都可以黎支持有心食肆！

之前睇睇雜誌介紹呢間小店～bookmark左一直都冇機會去，今次放假就特登嚟旺角花園街呢到試食！小店係以新鮮肉和自家製麵包為主打嘅快餐店～今次我試左牛肉漢堡&豬肉漢堡因為佢地係用新鮮肉而唔係急凍肉，所以無論係牛肉漢堡定豬肉漢堡，肉質都非常嫩滑多汁！麵包都非常正！自家製嘅麵包蓬鬆鬆軟，外層烘得啱啱好，略帶金黃色而內部保持柔軟口感😋burger嘅配料都非常出色！廚師仲好細心知道我地share食就幫我地切開一半豬肉鬆軟、椰菜絲多汁、薯條熱辣辣👍🏻一睇個牛肉嘅顏色就知夠晒juicy!自家製麵包介紹新鮮肉嘅來源

很有心的小朋友店, 薯條好好會, 炸魚用本地魚, 十分特別 很脆 值得一試 麵包也是自己整, 有別於其他漢堡包店 這個價錢好抵, 位置方便 ,, 花園街有小店入去坐坐, 一定會再去食,

食材好新鮮，食物都現煮，半開放式廚房環境企理，員工細心有禮，見我地有小朋友主動建議切半同煮熟啲，感動。素漢堡有驚喜，坊間唔多比較健康嘅選擇，而且味道唔錯。食得開心，一定有下次👍🏼

係花園街的BUN BUN PATTY，店鋪麵包都係自家製，而食材都係來自香港本地漁農場，所以每口吃的不是什麼牛肉油香， 而係每口食材的新鮮度，尤其蔬菜同蕃茄係非常清甜，今次叫了一個鱸魚堡同紅菜頭藜麥堡，真係未試過食Burger 可以食得咁清新，原來Burger都可以食得唔邪惡。雖然是不一樣的漢堡，但我覺得都是高質的漢堡，而且都應該黎支持下本地食材。

朋友帶左我黎呢間小店，話有人介紹呢間新開burger整得好好食，由旺角站行過去花左少少時間，唔係因為佢遠，而係因為Google map定錯位比我搞到轉錯街口⋯⋯入到去舖面有6-7枱，但冇乜人坐，我同朋友每人叫左個lunch set，一個羊一個雞。望一望價錢，$55蚊lunch set 送沙律再送枝水，已經覺得店家好佛心。等左5-10分鐘burger上菜，朋友個羊肉burger望落羊肉係一舊舊，唔係淨係夾d肉碎落去，成個包係熱辣辣咁上碟，個包有少少似豬排包係脆脆地，但禁落中間係有彈性，另外佢加左$10轉配薯條，份量都大大兜❤️再隔左幾分鐘我個雞burger都到，個size嚇親我因為塊雞塊好厚好大塊，仲有好多菠蘿生菜同蕃茄切片，食得出好新鮮。然後呢個size我係需要先用手撳扁個burger再咬，但其實都係冇辦法咬晒4種食材😂最後埋單係2人共$120蚊，呢個價錢我諗好多西餐廳可能只係食到一個人份量，所以以佢呢個價錢真係超性價比！但偏偏一間咁抵食ge餐廳，由我地坐低到走個一個鐘頭竟然冇人入過黎，我完全唔明點解⋯⋯感覺佢門面可能唔夠sharp，同埋Google指錯路都好難搞😂建議佢可以試下響十字路