11
3
0
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
我真係好中意食雞 中意到可以日日食👅（珍姐個坺道雞正到自己一個都走去食）今次呢間係專做叻沙同海南雞嘅連鎖店～ 坐低直接就叫咗海南雞叻沙試曬佢！估唔到質素都幾好🐔🐔🐔• 冬陰公叻沙讚岐烏冬配慢煮新加坡無骨海南雞 $102 🍜 4.4/5海南雞分量超足 滑捋捋～ 雞皮爽爽地 有雞味 肉質冇花冇假係慢煮嘅感覺 連雞胸位都唔會嚡 冬陰公叻沙香濃 冬陰功酸酸地好開胃 讚岐烏冬就正路地煙煙韌韌 有八粒開對半嘅魚蛋 魚腐都幾特別 有啲似無老鍋嗰個雪糕魚腐質地 值得一提係佢個蛋真係超正！又流心又入味🥚❤️ 如果可以我想就咁單嗌多隻蛋 ><
繼續閱讀
路過K11，見到有間星馬餐廳，膽粗粗就走入去試下好唔好食。環境乾淨衛生，光明亮麗。睇黎睇去，揀左冬蔭公叻沙摻摻配慢煮新加坡無骨海南雞海南雞賣相唔錯，份量不少，食落去幾軟滑，同平時食開個啲雞唔錯，我估呢個就係慢煮嘅分別。配上三款醬汁，最後都係覺得薑蓉最夾。冬蔭公叻沙摻摻湯底好濃郁又足料，啲料同麵都啲汁，幾好味😋
繼續閱讀
星期日晚睇完戲已經接近8點嘅時間，因為明天要返工嘅關係，就去左近西鐵站嘅K11搵食。兩個人唔係太肚餓，就每人叫左一個主食，無叫到包小食同飲品嘅套餐。海鮮叻沙標準的叻沙味道，沒有太大驚喜。有蝦、魚蛋、雞蛋、魷魚、豆卜。無骨海南雞飯雞的份量覺得太少，因為個飯好大碗，都唔夠下飯。雞肉不夠嫩，但肉唔會霉。最有驚喜的是雞油飯。不單吃得岀好香嘅雞油味，仲有爆香左嘅乾葱頭。相比肉黃薑粉調色嘅雞油飯，個人更喜歡這種。飯粒粒分明有咬口，唔洗餸都可以食晒成碗
繼續閱讀
因為要攞報告，所以晏咗食飯。咁啱行過尖沙咀K11，記呢度有間想試嘅星加坡餐廳，喺門口睇到冇咩人，於是乎就入去食返個午餐。坐落侍應俾咗個午餐餐牌，有樣嘢叫做月光河，因為從來未聽過，於是乎就嗌咗佢。午餐仲包埋一杯飲品，我要咗杯凍桔仔特飲。話係晏晝，其實已經到咗下午茶時間。雖然餐廳入面人唔多，但係我就要等咗成15分鐘碟河粉至上到。講真嘅，碟河粉份量頗多，除咗有隻蛋（所以叫月光河），仲有豆腐，魚蛋，魷魚，蝦等海鮮，成百蚊一碟粉，都叫俾足料，只係食落去味道一般，冇鑊氣，連中規中矩都講唔上。至於杯飲品，啲桔子又細又少，飲落似飲清水多過係桔子水，如果唔係跟餐尼杯嘢要28蚊，真係會覺得中伏。總的嚟講，今餐食得並唔滿意，希望以後有機會再嚟食第啲嘢嘅時候會賺返多啲分數啦！
繼續閱讀
Hello 大家好👋🏻！今日我嚟到位於尖沙咀K11嘅「Bugis@ 叻沙 · 海南雞飯」。 一間有空間感嘅新加坡餐廳😍。今次同大家分享一下佢哋嘅1人自選餐，佢哋嘅餐點款式都算多，有飯、有麵、有河粉、有摻摻… 一共有14款，小食都有10款， 總有一樣啱食嘅😎。美食攻略：我開頭都以為自己會試海南雞飯，話晒都係佢地主打菜式，到我細心一睇個Manu，我俾「惹味酸菜魚湯米線」吸引咗🤤。 實不相瞞，小弟之前都有寫過其他餐廳嘅酸菜魚食評，原因係… 小弟真心鍾意食酸菜魚😍。 酸菜魚湯嘅酸辣程度配合得剛剛好，魚肉嫩滑，米線滑溜， 成件事非常匹配🥰。 小食方面，我選擇咗「新加坡香煎魚餅」，魚餅彈牙可口，隨餐附送唐生菜一碗， 食濃味嘢配搭清清地嘅生菜，感覺非常良好😌。另外，我仲試咗佢地個肉骨茶，香濃嘅藥材味及胡椒味配合肉香互相交錯，味覺享受😚。美食指數：5🌝最高味道：🌝🌝🌝🌝🌚環境：🌝🌝🌝🌝🌚服務：🌝🌝🌝🌚🌚賣相：🌝🌝🌜🌚🌚
繼續閱讀