2
1
0
港鐵北角站 A1 出口, 步行約4分鐘 繼續閱讀
電話號碼
55051115
開飯介紹
主打日式法菜,由日本籍廚師主理。以法式的烹調手法,處理日本的食材,用不同傳統的方式帶出日本食材的原味。 繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
付款方式
現金
其他資料
網上訂座
賞訂座積分
有關獎賞計劃
食評 (4)
等級6 2020-01-23
1070 瀏覽
年頭多得要為家中嘅史努比迷搶購旅遊雜誌套裝,XO仔方才有緣翻閱內附嘅飲食情報,得知北角啱啱新搬黎咗間有星級背景嘅西餐廳「Briketenia」。眼見四道菜晚餐價格大概四百至六百元左右,性價比甚高,所以即約同大食會嘅成員賀歲兼團年。新店位於新商場「北角匯」二期內,私家車可於正門上落客;乘搭地鐵亦十分方便,因為北角站A1出口就喺對面馬路。店子面積不大,樓底唔算特別高,用餐大堂燈光柔和,餐桌間空間感足,厚墊椅櫈亦相當舒適,不過可能四周唔係雲石就係玻璃,室內就比較應聲。玻璃窗一邊有個露台,入夜後仲有景睇添。金色餐墊上有齊備嘅餐具。由於西餐廳未取得酒牌,現階段免收開瓶費,不過每人只限提供一隻酒杯。網上訂座流程簡易,請留意人多必先預繳訂金。晚市套餐餐牌只有一頁,頭盤有五個選擇,分別為是日生油甘魚薄片、蟹餅、日本溫泉蛋、焦糖鵝肝及要另加$65嘅慢煮和牛海膽卷。而主菜亦有八款可揀,每款定價不同,包括油封鴨腿($388)、日本節令鯛魚($438)、日本帶子生蠔意大利飯($438)、燒黑毛豬($438)、波士頓龍蝦意粉($468)、美國肉眼扒($468)、燒羊架($468)、日本鹿兒島A3和牛配海膽及松露($568)。服務生落單需時,似乎仍在熟習期間,幸好態度尚算良好,人未到齊都俾大家邊等邊食住熱辣香脆嘅麵包。Amuse Bouche:開胃小食每天不同,當晚嘅「鵝肝醬泡芙」以精美嘅年輪木碟呈上,每四或五人一組,貴客可用手直接食用。一口一件嘅鵝肝醬泡芙外鬆內潤,香濃而不溜滯,極易入口。九人用餐,選菜各自為政。好難得喺冇刻意要試齊所有菜式嘅情況下居然都可以點哂五款頭盤,嘻嘻,兄長更細心地續一拍下靚相,好等讀者們可作參考之用。Carpaccio of the Day from Japan:肥肥家族遺傳,家人都愛食日本菜,第一道就同哥哥分別點咗兩款以日本食材烹調嘅頭盤分黎食。生油甘魚薄片鮮香肥美,簡單以爽嫩嘅沙律及薑汁橄欖油調味已夠清新柔潤,最細膩就係頂面加上香脆乾巧嘅炸雅枝竹片,成功為菜式增添口感,可謂神來之筆!Slow Cooked Wagyu Beef Cannelloni with Sea Urchin(另加 $65):要額外加錢嘅兩件慢煮和牛卷紅裡透白,色澤粉潤,以靚菇片墊底、橙美亮麗嘅海膽點綴、及晶瑩剔透嘅牛滑湯啫喱伴碟,外觀十分吸引。卷物以牛蒡及紅蘿蔔絲作餡,咬落極之爽脆,連同芳香嘅菇片及清涼甜潤嘅牛滑湯啫喱食落去,效果理應很不錯,無奈外層片慢煮和牛偏咗微微厚韌,未能化於口腔,直令菜式失色少許;小弟愚見,師傅可考慮將和牛偷薄一半試一試,相信會更為輕巧,同時更可減去額外收費,達取雙贏狀態。Creamy Pumpkin Soup:湯品清一色為忌廉南瓜湯,唯獨細佬因有敏感問題要走咗果仁。忌廉南瓜湯軟滑潤甜,份量恰到好處,喝畢亦不會感到滯口。主菜方面因有重疊嘅關係,冇人叫嘅羊架、日本帶子意大利飯、美國肉眼扒就冇相睇啦。Japanese KAGOSHIMA-A3 Beef Sirloin with Sea Urchin, Truffle & SUKIYAKI Sauce($568):日本鹿兒島A3和牛主菜共有兩條厚切和牛,聽落好似份量好少咁,但其實食落真係好夠飽肚!個人只係略嫌所點嘅三、四成熟和牛過熟咗少少,但意外地入口仍軟腍鬆潤,肉汁豐腴鮮濃,混入芬芳嘅松露蓉、松露薄片及鮮嫩嘅海膽,組合滋味無窮,確真無餸能敵,正到痺呀!和牛底嘅蘿蔔索哂和牛嘅精華,美味指數絕對爆哂燈!甜品環節可揀跟餐另加$50嘅節令熱情果甜品,或散點項目。Normandy Apple Pie($68):哥哥大讚蘋果批嘅批皮香脆輕巧,而且好足料。Chocolate Fondant with Sake Parfait($88):靚靚媽咪就話心太軟質量一般。餐茶咖啡均附設三款糖品,全面得很是專業。最後嘅美點雙輝有醇美嘅朱古力波波及脆巧嘅甜餅乾,簡單味佳。源為法國星級食肆嘅「Briketenia」現化身為商場西餐廳,環境不俗,服務生雖較為生手,但勝在態度溫婉客套。晚市套餐價格合理,XO仔所嚐到嘅日菜西吃,即「生油甘魚薄片」及「日本鹿兒島A3和牛配海膽及松露」,質高美味,實屬霹靂配搭,值得一試。 繼續閱讀
等級2 2020-01-08
832 瀏覽
沒有踏足北角差不多兩個月,朋友相約話在北角滙開設了BRIKETENIA新店,據講新店仲有曾於東京多家國際知名酒店,任職的日藉法國菜大廚中西潤也(JunyaNakanishi)坐陣,所以多款法式的菜式都帶有點點的日本特色,心想口感當然會給我一點新意,當然要去試試。由於目前仍是試業階段,所以只提供午餐和晚餐套餐,包括法式餐前小食、 前菜、主菜及甜品各一款,最後還有香濃咖啡及茶作結。今次一行六人齊齊食,就可以試多幾款,首先來個麵包籃,內裡是外脆內軟熱辣辣的麵包,吃時塗上蒜茸銀魚柳醬,好惹味呀! 其中自家製的芝士條入口脆卜卜又有芝士香,我至LIKE。頭盤都有幾個選擇,呢道東京豐洲市場時令生魚片,每日由東京豊洲市場空運直送,今日的新鮮主角以油甘魚切成薄片,放在以薑及葱打成的醬汁上,配上脆口的亞枝竹,入口鮮味十足。將鮮蟹拆肉煎成的香煎蟹餅配芥末蛋黃醬,伴上沙律菜,吃時蘸點自家製的芥末蛋黃醬,大大提升了蟹肉的鮮甜味,入口那啖啖的鮮蟹肉。頗過癮。呢味大蝦天婦羅配亞枝竹茸,選用日本脆漿的大蝦天婦羅,入口外層脆卜卜,吃時蘸點亞枝竹茸,令爽口又彈牙的大蝦更鮮甜,個人就好鍾意。將法式鵝肝與雞蛋混合成為的法式鵝肝焦糖燉蛋配蜜柑醬,附上三片法式薄脆,吃時將鵝肝焦糖燉蛋塗在薄脆上,記住一定要蘸點蜜柑醬,那清香酸味平衡了鵝肝濃郁的味道,嫩滑甘香中滲出蜜柑的甜味,絕對是一道有心思的前菜。慢煮和牛巻配海膽則是將卷住了牛蒡及蘿蔔絲的日本和牛,以慢煑的方式烹調,並以海膽汁提味,而這道前菜還有另一必試是那晶瑩通透的牛清湯啫喱,足足用了7小時煑成,入口即溶,簡直是啖啖牛清湯的精華。慢煮日本豐洲市場時令魚(鱸魚)西京燒配意式粟米糕及時菜 $438從日本豐洲市場直送的鱸魚,以慢煮方式保持肉質的鮮嫩,配以麵豉、日本酒SAKE和美醂做的的醬汁,香甜口感更能突出魚的鮮味。香煎豚肉配田園沙律及柚子胡椒汁 $438豚肉外皮帶微脆,充滿肉汁,原來是大廚先將豚肉用日本的maple salt和酒麴醃製後,再煎香,難怪入口有點焦香,不過又幾腍身又有咬感,那柚子胡椒汁吊味一流和豚肉非常夾,加上有菜沙律相伴,口感好清新,味道真不錯。香煎日本帶子及蠔意大利飯配紫蘇 $438意大利飯一般都是帶濃濃的芝士,不過大廚特意減輕了芝士,並加入紫蘇葉及日本廣島蠔,口感特別,個人就好欣賞,而那煎香了的日本帶子,厚肉又夠香,令我好回味。日本鹿兒島和牛西冷(A3級)配海膽、黑松露及壽喜燒汁 $568從日本進口的鹿兒島和牛西冷A3級,其脂肪纖細,牛肉味濃,不用什麼的調味,上碟前稍作煎香,伴上新鮮的黑松露和黑松露油,吃時蘸點用乾蔥、洋、美醂及豉油煮成的壽喜燒汁,口感更味覺更佳。這道工序繁複又花心思的糖漬檸檬配柚子朱古力忌廉及沖繩黑糖薄脆,將檸檬挖肉後,取檸檬皮用糖水及辣椒,煮至軟身待涼後再煮,整個過程約7小時,足見是花心思之作,當檸檬成為蜜餞後,將柚子朱古力忌廉及柚子肉放在檸檬皮內,並以沖繩黑糖薄脆相伴,入口是清甜的檸檬香,自問是檸檬控的我,真是按奈不住了。法式栗子蛋糕蒙布朗,以甜栗子泥為主,為迎合香港人少甜的習慣,以蛋白脆片夾著法式栗子,入口外脆內軟,滿口都是香滑的栗子,正。法式草苺千層酥,在香脆的千層酥皮下是士多啤梨肉及細滑的吉士,那士多啤梨醬微酸又帶甜,甜度剛剛好。蘋果撻內除了有蘋果內外,還有杏仁,配上青蘋果脆片,酸酸甜甜,唔錯。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-12-12
1548 瀏覽
由日本大廚主理,價錢尚可接受。晚餐份量足,頗精緻。店員對菜式的介紹可以更仔細。開幕初期午餐與晚餐內容分別不大。有餐前小食,不錯。油封鴨腿不錯,夠鬆軟,皮脆肉滑。下面的白豆茸煮得軟硬適中。牛扒叫半熟,但熟了一點。伴菜很好,雞油菌香,菠菜很有菜味。甜品方面,檸檬的那一個很好。酸酸甜甜的,而且有咬口,又滑。 繼續閱讀
(以上食評乃用戶個人意見 , 並不代表OpenRice之觀點。)