139
34
34
港鐵沙田站 A3 出口 繼續閱讀
所有分店 (4)
電話號碼
21110480
營業時間
今日營業
08:00 - 22:00
星期一至日
08:00 - 22:00
付款方式
Visa Master 現金 銀聯 Apple Pay Google Pay
其他資料
酒精飲品
食評 (240)
等級4 2019-09-16
504 瀏覽
上星期跑 (行) 完熊本熊 Fun Run, 本來諗住去遠啲食嘢, 奈何我呢個胃痛病人實在去唔到太遠, 唯有喺新城市商場內消費啦! Truffle Mushroom Angel Hair $103 ~ 賣相不錯, 濃濃松露味, 夠 creamy! 我哋總共 order 2碟, 一碟較水汪汪, 另一碟意粉掛汁剛剛好, 唔知點解會咁既呢……特色雞肉牛油果醬漢堡 $92 ~ 好大件的, 免治雞肉漢堡扒好厚, 完全唔乾仲好 juicy, 有點喜出望外, 牛油果本身無乜味道, 不過口感 creamy 順滑, 成件事都幾夾! Signature Beef Burger $93 ~ 朋友表示牛肉都幾多汁 juicy, 旁邊唔知點解有碗脆脆, 似食粥 / 蛇落嗰 d 脆脆咁, 唔好味! 芝士煙肉意粉 $103 ~ 好多汁, 完全掛唔到意粉, 感覺似食緊似湯意粉! 再加Gourmet Truffle Chips $18 ~ 都幾脆身, 不過有種唔太新鮮既感覺! 另外 order 飲品 +$14! 註: 咁大件漢堡好難成個拎起而咬到, 最好餐廳會主動提供刀叉, 咁樣會比較方便進食!  繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-23
790 瀏覽
雖然離開前公司數年,非常感謝很多以前的客人都對我寵愛有加,或電訊問候,或約午膳,或下午茶聚,今天又赴約了!陳氏伉儷居於新界區,適逢我在馬鞍山上課半天,下課後便乘巴士往沙田和他們會面,要他們遷就我遲了吃午餐實在心感不安,完全感受到他們的誠意。這間餐廳在商場內,全層都是食肆,有中有西,有意有日,還有德國,澳門等餐廳,我們選了這家是西式的,是簡便版,門口有人帶位,看過餐牌後要自行到收銀處落單付款,隨後會有服務員將餐送上。凱撒沙律配煙三文魚爽脆的羅馬生菜拌了傳統醬汁,廚師隨意灑上煙肉屑和脆麵包粒和芝士,百吃不厭的味道,醬汁調得鹹度剛好,煙三文魚堆砌成玫瑰花朵,鹹香的滋味,令人胃口大開。烤蝦沙律集合了數種菜蔬,紫洋蔥,粟米,番茄粒,醬汁微酸,與爽脆材料極配合,多種味道和口感,豐富了視覺和味蕾,烤蝦爽彈,顏色艷麗,其職責是增加了沙律身價和外觀,也不負所托!海鮮意粉番茄汁底的意粉,感覺上比忌廉汁少了份膩,所以我喜歡夏天吃番茄汁的意粉,而冬天吃忌廉汁的意粉,加了數種海鮮,蝦,青口,魚肉等,有蘑菇片和芝士,簡單而典雅,入口清爽怡人,微酸開胃,很喜歡!黑啤酒燉牛肉配糙米飯味道濃郁醇厚,以黑啤酒燉牛肉,效果和味道與用紅酒燉差不多,配料有洋蔥和甘筍,火候足夠,牛肋肉夠腍入味,精華盡在汁液中,配加了糙米的白飯是最佳良伴,主菜還附送小雜菜沙律,爽脆醒胃。特色頂級牛肉漢堡包巨大無比,中間的漢堡扒有一吋厚,上有烘溶芝士,加有生菜,洋蔥,酸青瓜,番茄,牛肉有肉汁,包烘得暖暖,整體不錯。凡點了主菜,沙律或意粉,也可加錢點餐湯,松露薯條,甜品,飲品是送的。每日湯之選(加$14)薯蓉湯,薯蓉打得綿滑,味道清淡。松露薯條(加$18)是炸薯條,另外附上有松露的蛋黃醬,有松露的香味,薯條更矜貴。抹茶蛋糕(加$20)捲蛋的造型,抹茶味道出眾,有甘甜的茶香,蛋糕軟綿。薰衣草檸檬蛋糕(加$20)淺紫色的外層是薰衣草味,但很單薄的味道,包著檸檬蛋糕,不過不失。咖啡質素很好,有忌廉更香滑。侍應服務很貼身週到,有笑容,相當難得! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-31
317 瀏覽
呢日係沙田睇完戲,經過見到這間brick lane ,看到食物款式幾吸引,於是同友人入內醫醫肚!坐位開放式,有空間感幾舒適。客人要先到收銀處落單,之後有服務員送餐。我們兩人點了:烤南瓜紅菜頭沙律配蜜桃油醋醬$86南瓜粒輕輕烤過,更加香甜。切粒紅菜頭新鮮爽甜,加上豐富清新爽脆沙律菜,配的是少少酸甜的蜜桃油醋醬,非常清新健康的前菜!特色雞肉牛油果醬漢堡$85中間一層有成吋厚的免治雞肉扒,真材實料,味道適中,肉質不鞋,配上牛油果醬加添清新,減去肉膩感。藍蟹班尼迪蛋配菠菜荷蘭醬$138這裡班尼迪蛋是招牌菜,這道有埋藍蟹鉗,肉質爽甜,正!而主角水煮蛋非常滑溜,煮法恰到好處,蛋黃流心而出。仲有個好特別既菠菜荷蘭醬代替一般的蛋黃醬,味道一流!鮮果蒸餾泡茶$29自家製水果泡茶,用上橙,士多啤梨泡在蒸溜泡紅茶,味道不甜,水果茶香,健康又清新,不錯的選擇!食物質素性價比高,係呢個商場咁多餐廳中,一個會再黎的選擇! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-30
913 瀏覽
同朋友在沙田行完街搵食,我之前去過尖沙咀這間總店,質素不錯,而且這間位置十分方便,於是介紹朋友黎再試下。係正新城市地面果層,好方便就腳!餐廳有部分屬自助形式,環境都夠chill. 脆香雞翼$48好愛雞翼,佢外面煎到脆卜卜,醬汁有少少蜜糖味,加埋香草配料 味道好惹味!烤南瓜紅菜頭沙律配蜜桃油醋醬$86健康新鮮紅菜頭好甜,加上蜜桃汁好鮮甜,令到無咩青草味。南瓜同沙律菜都好新鮮清甜,正!藍蟹班尼迪蛋配菠菜荷蘭醬$138出名既水煮蛋,好滑好creamy, 做法出色,有只蟹拑,肉質爽甜。而菠菜醬亦令到整個蛋生色不少。椰子水$25夜晚飲唔到咖啡,所以點左健康有益之選,椰子水好清甜解渴!紅絲絨蛋糕$48甜點賣相好靚,蛋糕鬆軟,味道完全沒有死甜,同朋友都出奇地讚賞!今次再食都認為食物質素不錯👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-12
952 瀏覽
終於考完試約咗朋友食晏,未試過考試考到頭痛,就想返多D野平衡一下心理,朋友問我想食咩,我就話想食Egg Benedict,於是佢就提議入沙田食嘅Brick Lane到食,一向唔Reject人嘅我就揸車入咗沙田。去到職員安排好座位比我地後,我就Focus喺我嘅Egg Benedict到,Lunch set嘅Egg Benedict有4款,心大心細嘅情況下,最穩陣就緊係揀廚師推介嘅Blue Crab egg Benedict,由於我唔食包,所以就點多咗美國頂級肉眼扒,而朋友就點咗黑松露蘑菇天使麵,另外再Order多個凱撒沙律。好快就上咗碟凱撒沙律,凱撒沙律可以選擇要雞或者煙三文魚,而朋友就選擇咗煙三文魚,廚房都幾有心思,將三文魚都整到成朵花咁,因為平時食開嘅餐廳唔會講求美感就咁放上面。跟住要嚟嘅係我嘅主菜Egg Benedict ,正當我話個賣相好靚之際,朋友就喺到講笑話個醬似鬼口水,但依然無損我嘅食慾,食第一啖我嘩咗聲,好好味,將蟹肉同埋青瓜粒撈咗喺D cream到,個感覺好清新,而且又唔會覺得D cream好「溜」,最緊要係隻蛋,半生熟又好滑,真係一試難忘!輪到碟黑松露蘑菇天使麵登場,超香黑松露嘅味道,又多蘑菇,好味。跟住到個肉眼扒,略嫌熟咗D食哂之後原本都諗住款,點知隔離枱點咗個甜品賣相都幾吸引我,忍唔住用埋第二個胃,唔記得咩名堂,不過放入口超香玫瑰花味,有D牛奶布甸,味道唔會太甜,但玫瑰超香,值得一試。埋單$520 繼續閱讀
(以上食評乃用戶個人意見 , 並不代表OpenRice之觀點。)