+bread

營業中

休息中

🥔 芝士薯仔包（$34）我同朋友都不約而同俾佢😏個樣吸引左，麵包好鬆軟，而且餡料份量唔少，芝士同薯仔味道好夾又唔會搶左對方嘅味道💜 芋泥麻糬日式麵包（$29）麵包外型好可愛，好鬆軟，芋泥甜而不膩，麻糬煙韌唔痴牙，如果餡料份量再多少少就更好🍒 莓果波波大福蛋糕（$68）大福蛋糕係用左麻糬皮包住紅莓乾，忌廉同海綿蛋糕，面頭放上罐頭車厘子整成Jellycat車厘子造型，非常吸睛；大福皮厚度適中，軟糯煙韌，酸甜嘅紅莓乾加上忌廉同海綿蛋糕食落開胃又唔膩🍰 薄荷朱古力布朗尼蛋糕（$48）蛋糕面頭放左Andex薄荷朱古力同罐頭車厘子做裝飾，由黑朱古力醬、朱古力蛋糕，薄荷朱古力忌廉，朱古力脆脆同布朗尼組成，薄荷朱古力味濃郁，口感豐富，布朗尼偏硬身，薄朱控必點🍵 凍日本焙茶拿鐵（$48）佢地嘅焙茶拿鐵唔會好似外面嘅咁甜，口感順滑之餘有好香濃嘅焙茶味，牛奶比例相對較少，鍾意茶味濃嘅朋友必定要試下🍹凍水果茶（$38）水果茶用左百香果，香橙同蘋果，味道酸甜，清爽又解渴💚 餐廳除左麵包之外亦有提供其他主食，仲提供少量座位供客人堂食，無論食正餐，下午茶定甜品都非常適合

《+bread - 油麻地》果然無推介錯，朋友話帶我去一間包我喜歡既麵包店食甜點，原來就係呢間位於油麻地新開分店既+bread😍以前食過佢地既酥皮抹茶撻覺得唔錯，點知而家竟然推出左勁多開心果既產品，簡直係開心果控既天堂呀😆同埋呢度啲麵包蛋糕個造型好似嗰隻人氣公仔Jellycat咁架，個樣勁cute真係唔捨得食呀🥹我地兩個人叫左兩個呢度人氣bagel同埋蛋糕，而位於油麻地既呢間分店仲有得堂食，可以配埋杯咖啡☕️💁🏻‍♀️芒果楊枝甘露大福蛋糕🍰造型好得意😎個樣整到好似公仔敷緊面膜咁，呆呆滯滯傻更更的好可愛，真心唔捨得食💁🏻‍♀️開心果切件蛋糕🍰作為開心果控又點可以唔試呢度嘅開心果產品呢？個開心果醬好濃郁，出面係海綿蛋糕配上開心果忌廉，個醬食到好香開心果仁嘅味道，唔會太過甜膩，配返杯泡沫咖啡作為下午茶一流👍🏻💁🏻‍♀️香港限定菠蘿包貝果🥯呢個菠蘿包bagel又係用咗Jellycat造型，就好似隻公仔戴咗頂菠蘿包皮做嘅帽，如果拎返屋企食的話可以焗返熱個皮，咁就會外脆而個包就軟腍腍，煙煙韌韌，食一個真心飽💁🏻‍♀️開心果貝果🥯開心果Bagel入面係有開心果蓉同開心果仁醬，口感豐富，而且個外皮都有浸甜甜嘅味

想有個好chill嘅下午茶？除咗去coffee shop之外，仲可以去麵包鋪！就係呢間位於油麻地嘅「+bread」啦！🍞一行入鋪頭就有滿滿嘅文藝氣色！佢地仲有除咗食物可愛，另外都有好多可以打卡位，啱曬想影文青相嘅大家！📸今次見到有好多可愛嘅麵包同蛋糕，就忍唔住叫多咗兩件！🥯香港限定菠蘿包貝果(無餡料) $28- 外酥內軟，賣相可愛又特別，而且係香港限定，真係忍唔住要試！🍠芋泥麻糬日式波波麵包 $29- 芋泥味香濃，甜而不膩，內餡豐富，芋泥愛好者比試！🧁抹茶曲奇大福蛋糕 $88- 非常特別嘅組合，抹茶同曲奇嘅結合令口感更豐富，抹茶味道濃郁，唔會過分甜膩！🍰芒果楊枝甘露大福蛋糕 $88- 餡料豐富，芒果口感清新，加上冰涼順滑嘅大福皮，簡直係夏天必備！☕泡沫咖啡(凍) $38- 泡沫輕盈，口感細膩順滑，有濃郁嘅咖啡香氣，鍾意咖啡嘅朋友一定要試吓！🍵凍抹茶拿鐵 $48- 抹茶粉細緻，飲落清爽，口感順滑，唔會有特別苦嘅味道，鍾意抹茶嘅朋友必試！呢間餐廳就連平日都非常熱鬧，但熱鬧得黎有可以體驗一個好chill嘅下午茶，講咁多都不如大家請自黎體驗，有興趣嘅朋友唔好等啦！

Jelly cat超熱，不過食得嘅Jelly Cat，你又知唔知呢？🤩🤩✨熱情柑橘蜜語乳酪法式歐包✨賣相好得😍，勁IGable🤳🏻 食落仲得😋酸甜的柑橘與柔和的乳酪雙互輝映，清新得嚟帶點小甜蜜💕開胃又好食。✨慢烤露西瑪麗香草春雞（半隻）✨擺盤已十分用心，瓷碟襯托出淡淡法式情懷🇫🇷。一上枱已經傳來陣陣香草香氣，春雞表面烤得非常香脆，切開入面肉帶點點濕潤，口感非常好。搭配鹵水黃油汁，點點咸香令雞肉味道更有層次。✨柚子楊枝甘露jelly 波波✨一入店見到，全部人都心心眼😍😍真係可愛到爆晒燈，令人愛不釋手😍😍😍。選了柚子楊枝甘露，柚子清香令人覺得好fresh，整體酸酸甜甜很好吃。✨藍莓Jelly 貝果✨藍莓Jelly 貝果是我最愛的顏色，外型可愛，餡料軟糯，令人食得好開心😍✨招牌酸奶菠蘿包✨一口下去，表面香脆，入面非常鬆軟，比普通的菠蘿包更少甜一點👍🏻店內還有多款麵包，非常有特色，但真的很受歡迎。若想買到心頭好，記得要早點到店。想睇更多介紹，馬上Follow我啦😁。#jellycat #油麻地美食 #big_big_foodie #big_big_foodie食勻油麻地 #big_big_f

係油麻地行完現時店, 好攰好口渴, 見附近有間cafe, 仲要係近期超hit嘅Jelly Cat造型bagel, 即刻入去啦🤣Cafe入面嘅麵包色彩繽紛, 睇到我地眼花撩亂, 樣樣都想食, 唔知揀邊款好, 造型可愛到不得了😍🍩芋泥麻糬日式波波麵包好香芋頭味, 麻糬軟綿煙靭🍩芝麻花生醬貝果未食已經聞到香濃花生醬味, bagel有煙韌咬感👍🍰薄荷朱古力布朗尼蛋糕確實有點驚喜, 就係蛋糕上面嗰塊薄荷朱古力, 係以前細個好鍾意食嘅🫶🏻🍰開心果切件蛋糕開心果味好香濃, 開心果控必食💯凍抹茶拿鐵, 凍mocha 兩款奶同甜度都恰到好處👍

通常啲咁有特色嘅cafe會選址元屯天，但呢間就係旺角鬧市😝 小清新嘅佈置，勁多cute cute面包同特色咖啡，大部份都係$28-$32左右，算平，貼心嘅店員仲問我哋洗唔洗整熱啲包，態度抵讚！揀咗清新綠色系嘅斑蘭波波日式面包、開心果貝果，煙煙韌韌嘅口感（下次想食超得意嘅菠蘿包 ） ；芒果楊枝甘露大福爆多忌廉，仲有芒果粒粒，香蕉朱古力蛋糕將典型嘅banofee變得更有層次焙茶latte 同 cappuccino 唔錯，最啱鍾意嚟 chill一chill📌+bread @plus_bread (油麻地B2出口步行一分鐘） 油麻地窩打老道3B號地舖#香港美食地圖 #油麻地美食 #cafehoppinghongkong

為食🐑最近發現一間位於油麻地的超萌麵包店，以ᴊᴇʟʟʏᴄᴀᴛ為主題，簡直可愛到犯規！(╭￣3￣)╭♡店舖標榜「每日手工製作、無添加」，一推門進去就被清新韓式風格同滿滿嘅溫馨感包圍。店內環境乾淨舒適，堂食空間寬敞，坐低慢慢歎都好chill。麵包同甜品款式個個造型都超精緻，真是有啲選擇困難症！💜芋泥麻糬日式波波麵包 $29
為食🐑試過一啲硬如石頭嘅bagel，但呢度完全冇呢個問題！店員仲好貼心會幫你將麵包整熱🔥 外皮酥脆有嚼勁，內裏鬆軟，咬落滿口芋泥麻糬醬，香甜濃郁，甜度啱啱好，食完真是一個滿足！💚開心果貝果 $32
呢款bagel一上枱就被佢嘅開心果綠色吸引，顏值爆表！💚 淡淡嘅開心果香氣，混雜濃郁堅果風味，內餡仲有cream cheese，甜鹹交錯，口感層次豐富！🖤黑芝麻豆腐切件蛋糕 $35
芝麻控必試！蛋糕質地軟滑，入口即化，芝麻香氣好突出，甜度適中。雖然係甜品，但密度高，食一片已經好有滿足感，飽肚又唔會太膩！🧡芒果楊枝甘露大福蛋糕 $88
呢個大福真是一個驚喜，呢個面膜造型好可愛！芒果份量多到誇張，配上煙韌嘅外皮同滑溜忌廉，口感超豐富。仲有果乾點綴，增加咗咬感同層次，芒果仲要超甜，

放假黎到油麻地呢間超可愛嘅麵包店，主打可愛造型嘅麵包同甜品，外型神似Jellycat，絕對係俾女仔打卡嘅好地方☺️▪️斑斕波波日式麵包$28外層係淡斑斕香嘅麵包，入面包住椰子忌廉，帶點清新嘅甜香▪️芋泥麻糬日式波波麵包$29麵包都算軟熟，入面係滿滿芋泥餡同軟糯麻糬，顏色吸引，造型可愛▪️莓果波波大福蛋糕$68本來以為個皮會好厚，但比想像中薄同有煙韌口感，中間係果醬蛋糕，正正常常▪️開心果切件蛋糕$68夾心嘅開心果醬好濃！濃到有啲似花生醬嘅質感，整體偏甜，開心果粉絲應該超鍾意▪️泡沫咖啡$38▪️日本焙茶拿鐵$48

+bread—人氣可愛麵包舖，全港共兩間分店，店舖内設有少量座位，供食客堂食，整體環境以精緻溫馨色調為主，配搭上各類裝飾公仔、綠色植物等，令環境簡約雅致🪴 麵包舖內除咗有各色各類型麵包、蛋糕、仲有特色凍飲咖啡、各類型西式輕食等，可以讓食客坐落食飯兼影相打卡📸 近期更推出可愛Jellycat樣麵包款式，堂食配上精美伴碟再加熱，令麵包口感更好，推介充滿香港特色香港限定波蘿包貝，外脆內軟，口感煙韌，賣相精美可愛，難怪假日好多人到訪打卡～

油麻地有一間賣Jellycat造型嘅麵包店感到好可愛，店內環境亦都非常之優雅，而且啲蛋糕麵包，基本上每一款嘅造型同味道都好有特色，我同好友都被吸引入左去，食吓Tea傾吓偈🙌🏻😋✅Jelly cat開心果貝果（$32）造型非常可愛，真係唔捨得食。店員會幫我地焗返熱,個餡充滿開心果醬，味道清新，甜度適中。✅Jelly Cat 芋泥麻糬日式波波麵包（$29）一向都好鍾意食麻糬，連頭頂嘅帽都係麻糬嚟㗎😂,個餡唔止係芋泥蓉，而且仲有新鮮芋泥粒，加埋Q彈嘅麻糬，令口感更豐富。✅椰汁斑蘭芒果復古蕾絲蛋糕（$56）呢件蛋糕一次過可以食齊三種口味嘅蛋糕，味道好平衡，各不會搶大家鏡😂👍✅芒果楊枝甘露大福（$88）呢個敷住面膜嘅大福非常得意，大福嘅皮非常Q 彈，內裡都充滿芒果肉、輕身嘅忌廉，楊枝甘露味亦都好出，好味😋🧋 Cappuccino泡沫咖啡凍（$38）Cappuccino這是我例牌必叫的🤭不過如果有埋Menu 圖的Lotus焦糖餅就更完美😅☕️摩卡咖啡（熱）香濃咖啡香，拉花亦都好精緻，配蛋糕甜品一流。

今日打卡呢間超夢幻麵包店，Jellycat迷必去‼️好多麵包都係笑臉造型，真係唔忍心咬落去🥹🛋️ 店內仲有好多Jellycat公仔陪你食嘢📷 打卡位滿分，食物有誠意，環境好chill！Jellycat主題麵包真係好好食！有唔同嘅口味，今次試咗開心果同楊枝甘露～甜而不膩，口感有層次～👍🏻杯熱抹茶latte 用Jellycat嘅杯嚟裝住超可愛！有濃濃嘅抹茶味，飲落好舒服👍🏻約會／閨蜜聚／獨食放空都啱晒💕

星期日朝早9點45分左右到店點餐時店員先話冇本身想食嘅餐點發現菜單上十有八九都未有供應唔知係廚師未返工定點🫩.義式莫扎里拉芝士蕃茄寬管意麵 ($88)賣相差到以為係小朋友做後廚味道似係初次下廚嘅人煮嘅嘢麵身偏硬，成碟嘢只有番茄醬味評分：★☆☆☆☆抵食：★☆☆☆☆.芒夏之吻雙重奏法式舒芙蕾鬆餅 ($138)賣相正常，味道普通舒芙蕾鬆餅上面鋪滿芒果，但芒果味淡如水舒芙蕾而言太過結實，比麥當勞熱香餅更厚實評分：★☆☆☆☆抵食：★☆☆☆☆.抵讚嘅係上菜速度極快，環境都舒適.冇試到啲麵包可能我走寶但唔會再嚟食👋🏻

超萌 Jelly Cat造型麵包同甜品，表情超吸睛，味道亦有水準。必堂食享受剛出爐溫度與牽絲瞬間，店內光線柔和、打卡角落多🚶♂️地鐵油麻地站 A 出口步行1分鐘即可到達📍⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•ʔ ‧˚ 1️⃣ 芋泥麻糬日式波波麵包($29)呢個日式波波麵包真係可愛到唔捨得食 😍 店員好貼心！幫我哋加熱☺️外皮輕微脆香，內裡鬆軟，一咬落去就係香滑芋泥同Q彈麻糬💜芋泥香氣天然，麻糬幾煙韌，簡直幸福爆棚！打卡可以擺埋Jellycat 毛公仔一齊影，日系感滿分📸2️⃣芝士薯仔包($34)呢款係鹹香系人氣王 🥔🧀 外層焗到金黃微脆，咬落入面係綿滑薯蓉加濃郁芝士醬，芝士香氣勁濃又唔膩～每啖都暖笠笠❤️麵包超可愛，畫面完全可以直接上 社交平台！☺️鹹香平衡得啱啱好，單食已經好滿足，配凍摩卡更加完美。3️⃣熱抹茶拿鐵($42)抹茶控嘅心頭好 🍵💚 呢杯用咗高品質靜岡抹茶粉，茶香濃郁帶淡淡回甘，奶香同茶香融合到好順滑。熱飲口感更顯柔和～甜度唔高4️⃣摩卡(凍)($46)咖啡迷＋朱古力迷嘅必點款 ☕🍫 摩卡嘅漸層超靚，朱古力香甜☺️咖啡微苦😉，冰涼口感超爽快！唯一挑剔嘅係面層嘅朱

最近終於迷上Jelly cat ❀ 見到網上介紹呢一間麵包店有好多個樣好可愛又精緻嘅麵包甜點所以就相約閨蜜去打卡 店內環境舒適 光顧嘅人都不少 成間舖都充斥着可愛又寧靜嘅氣氛 除咗可以買外賣之外店舖仲有堂食 ！每一款食物都好吸引每一款都想試吓！/❀ 香港限定菠蘿包貝果..❀芋泥麻糬日式波波麵包..❀芒果楊枝甘露大福..❀薄荷朱古力布朗尼蛋糕..❀凍抹茶拿鐵..❀熱抹茶拿鐵../賽後感 佢哋嘅麵包同埋甜品都唔會好甜 而且芋泥麻糬都好推介 做嘅比例都幾平均楊枝甘露大福唔會話超級多cream 食到個人好滯 薄荷朱古力粉絲留意啦 佢薄荷味都較重如果好鍾意薄荷朱古力嘅你真係唔好錯過🤟🏻熱抹茶拿鐵仲有埋拉花真係估唔到 抹茶味好重好味🤭

一踏入油麻地嘅+bread，頓時感受到佢嘅溫馨氛圍🪴木質家具、柔和燈光，門口嘅檸檬樹仲增添咗一抹清新感，營造出chill又時尚嘅感覺🍋呢度唔只係一間麵包店，仲係一個甜品天堂，啱晒想hea吓、打卡或者同閨蜜聚會嘅你！店內空間小巧精緻，雖然得幾張枱，但望住開放式櫥窗展示各式烘焙，幸福感即刻爆棚🥰下午時段坐低，點個蛋糕配杯飲品，望住街景hea下幾chill～🥭芒果楊枝甘露大福蛋糕 ($88)濃郁芒果味，好有夏日風情☀️層層疊疊嘅芒果果肉同香甜芒果醬，包裹喺柔軟Q彈嘅大福皮入面，咬落去即刻爆發濃郁芒果香🤩楊枝甘露嘅經典味道，清新又唔會太甜，而且賣相好可愛，打卡一流！🍵抹茶曲奇大福蛋糕 ($88)蛋糕份量十足，cream輕盈唔膩，入面夾住Oreo脆脆，食落口感層次豐富！甜度啱啱好，食完真係好滿足～🍰開心果切件蛋糕 ($68)MVP🌟！成個蛋糕開心果味超濃郁，無論表面定中間每一層，都充滿香滑濃厚嘅開心果醬💚搭配開心果碎增添口感層次，洋溢住堅果香氣🥰呢款絕對係招牌，質感同味道開心果控一定好滿足！🥯香港限定菠蘿包貝果 ($28)結合香港經典味道，好有創意嘅fusion 🇭🇰外皮金黃酥脆，內裡柔軟細膩，將