75
5
6
港鐵葵芳站 D 出口, 港鐵葵芳站 E 出口 繼續閱讀
電話號碼
62939281
開飯介紹
位於葵芳的西式咖啡店,提供甜品、西式主食及全日早餐,其中推薦足料的黑松露軟殼蟹意大利飯。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
Visa Master AlipayHK 支付寶 現金 AE
座位數目
50
其他資料
網上訂座
Wi-Fi
酒精飲品
賞訂座積分
當面支付
有關獎賞計劃
食評 (91)
等級4 2020-11-29
693 瀏覽
葵芳呢間新新地嘅餐廳原來CP都幾高,晚餐時段有d自選meal deal可以選擇,我地3個人叫左三道主菜配一個小食,都只係$368,加多9蚊仲可以有飲品,轉特飲再加錢。 🍴 美國特級牛柳(8oz)拼帶子 ⭐️⭐️⭐️⭐️💫 賣相唔差,牛柳幾淋身,5成熟嘅肉好有質感,食完都幾飽!雖然外面睇好似好熟,但入面真係5成熟,肉仲係紅色嘅。帶子就都幾大粒,食落好fresh,整體幾抵食! 🍴 安格斯肉眼扒(8oz)配薯菜 ⭐️⭐️⭐️⭐️ 好大塊,黑椒汁配上肉眼扒係我嘅最愛,可惜塊扒煎得有少少韌,好在薯菜搭救,新鮮炸起! 🍴 茄茸野菌虎蝦意大利粉 ⭐️⭐️⭐️💫 意粉軟硬度適中,蕃茹味好重。虎蝦就好大隻,但係食落有少少散。 🍴 蜜糖蒜香雞翼 ⭐️⭐️⭐️⭐️ 雞翼幾大隻,係有少少硬,不過醬汁好香,做到好入味,甜甜地,唔錯! 🍴 焦糖香蕉朱古力窩夫 ($68) ⭐️⭐️⭐️⭐️💫 甜品比我想像中更加好,朱古力雪糕襯朱古力醬嘅waffle,全部都係我至愛!香蕉面仲會有層焦糖,食落係好有層次,好食! 🍴 抹茶鮮奶 (+$24) ⭐️⭐️⭐️⭐️ 好香滑,抹茶味好濃,好大杯好解渴! .............................. Boring?! 地址📍: 葵芳興芳路223號新都會廣場2樓270-271號舖 總評分: 8.2/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️💫 衛生🧹: ⭐️⭐️⭐️⭐️ 抵食💰: ⭐️⭐️⭐️⭐️ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-25
365 瀏覽
Boring?!葵芳興芳路223號新都會廣場2樓270-271號舖本身自己都係住葵青區,所以由細到大都經常係呢頭活動,新都會廣場更加係經常會黎啦,知道呢間餐廳開左一排都無黎幫襯過,趁今日有機會就想黎試下見到晚市餐牌都幾抵食,主要以套餐為主啦,分別有較為抵食及高質d既主菜,比客人可以自由配搭,十份靈活除左主菜之外,仲有8款小食可以選擇今日既餐湯係濃蕃茄湯,如果叫左套餐只需加多$9蚊就可以配埋,除左湯之外,仲可以揀沙律或者餐飲都係加$9蚊主菜我就揀左香燒紐西蘭羊架,餐廳煎得好香口,而且唔會好大羊騷味,連朋友好少食羊,試左都話正呀朋友就揀左美國波士頓龍蝦意粉,見到已經好吸引,好大隻龍蝦面層鋪左香濃既芝士,意粉配合埋菇類一齊煮yummy小食拼盤(雞塊,薯角,炸魚,炸蝦)好香脆而且唔會太油膩,最鐘意食炸魚,點埋餐廳秘制既醬汁,無得頂呀 繼續閱讀
(以上食評乃用戶個人意見 , 並不代表OpenRice之觀點。)
今日同男朋友行街去到葵芳,係新都會到見到一間叫Boring?!嘅餐廳,覺得幾得意而且個Menu都唔算貴,咁就入左去坐低試下。其實個晚市二人套餐都幾好咁,好多選擇,價錢又幾抵。我地叫左個Option 2 A+B+S $228A8 黑松露軟殼蟹意大利飯軟殼蟹都好大隻,而且影完一輪相都仲好脆,意大利飯都好好味,外面軟身入面少少硬,好岩我地口味,不過份量細左少少,一個女仔就okay,男朋友就唔係好夠飽。B8 特級牛柳(8oz)拼虎蝦牛柳好淋身,我地叫左5成熟,又係影完一陣相都唔會熟得濟,切出黎好juicy同埋好味,8oz就真係唔係好夠喉,不過加埋個虎蝦配薯蓉都好飽下,虎蝦都幾好食又大隻,都唔錯。S4蜜糖蒜香雞翼雞翼用左蜜糖同蒜,好惹味,炸到好脆好好食。Mocktail其實餐廳好貼心咁將好快野飲嘅相都放左係周圍,因為好多時候叫野飲都係睇下靚唔靚先,因為好多時都係果啲甜嘅沙冰或者梳打,睇相落order都好方便,不過野飲都唔錯,唔會太甜,都好有特式。Overall黎講都唔錯,CP值都幾高下,228就食到個set of 2,好耐冇食過抵食嘅套餐,而且野食都幾好味,份量就岩岩好,行多陣街就返屋企,相當唔錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-22
893 瀏覽
同老公係葵廣行完街就順便過去新都會度晚餐,勁方便,又多選擇,今日大家都想食西餐,就揀左呢間餐廳😌😌入到去店員放低menu 後再講解下餐牌上既要點,等你order既時候會輕鬆d,非常細心,我地叫左option 2 既$228套餐,係A+B咁叫,就有2個主菜,1個小食,我地再加一份餐湯沙律同餐飲,是日餐湯係松露野菌忌廉湯,胡麻沙律菜,個餐湯好重野菌味,好好飲,因為本人比較鍾意食松露同野菌呢類嘅菜式,沙律菜好新鮮,配上胡麻醬汁好開胃👍🏻👍🏻👍🏻小食就選擇左水牛城雞翼,雞翼略嫌硬身咗少少,但係水牛城汁做得都唔錯,酸酸辣辣,之後就到主菜啦,老公就叫咗個安格斯牛柳配香煎帶子,牛柳叫咗七成熟,嚟到都好軟熟,唔會過生或者過熟,牛柳汁應該係蘑菇汁做成嘅,不過牛柳都好Juicy,香煎帶子表面係熟咗,但係內裏仍然係生嘅,所以入口口感一流,個人覺得咁樣整帶子非常之好味,中間亦配有薯蓉,仲有個半個蕃茄都好有心思咁煎過🤤🤤🤤而我就叫咗個黑松露軟殼蟹意大利飯,原來係成隻㗎,外脆內軟,亦都唔會太厚粉,至於意大利飯好香黑松露未,裏面亦都配有雜菌,亦都有啲白松露片,不過個意大利飯略嫌硬身咗少少,如果個飯再煲耐啲就更加好👍🏻👍🏻👍🏻不過整體來講都算唔錯,因為價錢唔算好貴,下次亦會過嚟試吓其他菜式。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-24
1617 瀏覽
新都會又開返一間新西餐廳啦,同一個位置其實已經係第三間餐廳,今次新店裝潢光鮮,空間感都滿足夠,晚飯時間六點開店就即時walkin,店名Boring?! 難得創意是非一般連鎖分店,叫餐前先讚一下店長,無比的熱情介紹二人優惠餐,詳細介紹餐牌特式選擇,由於一個人來進餐,選擇不及二人餐單多,但前菜與窩夫套餐睇得都幾吸引。香烤蟹肉釀大菇$28呢款前菜有點喜出望外,芝士蟹肉混合一體,大菇滑溜多汁,入口滋潤滿足。軟殼蟹窩夫套餐$118窩夫套餐包捨窩夫 、美式香腸、炒蛋、焗豆、薯條、蕃茄及沙律菜。原隻軟殼蟹脆炸金黄吸睛,整隻主角的味道質感都唔錯,其次係份量滿多嘅滑炒蛋,目測大約有四隻大蛋炒成,豐富飽肚。煎蕃茄、美式香腸、薯條、沙律菜及茄汁豆,是一般All day breakfast 的標準質素。有一杯仔的蜜糖送窩夫夠哂誠意,食埋件甜蜜蜜嘅窩夫作為尾聲甜品,整體餐廳服務與食物質素平均,二人餐menu中,意大利飯及意粉選擇較多,係拍拖晚飯相聚撐檯腳唔錯嘅選擇。👅美味: ⭐️⭐️⭐️⭐️/5✨環境: ⭐️⭐️⭐️⭐️/5💫回頭: ⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️⭐️⭐️/5 繼續閱讀
(以上食評乃用戶個人意見 , 並不代表OpenRice之觀點。)