影片
以上資料只供參考, 請與餐廳確認詳情
觀塘出晒名多好嘢食，今次同閨蜜去試間新開嘅私房西餐廳。觀塘永興工業大廈一向畀我感覺無咩嘢食，咁耐以嚟，我只係去過一次攀石😆。一入到餐廳，好似去咗另一個世界。（食完餐飯離開，我先醒起自己今日去咗觀塘😅）餐廳環境好優雅、簡潔，感覺好舒服。可能新開又相比附近餐廳地點較偏遠，繁忙時間都唔多人。對我來說，這點很重要，因我不太喜歡多人嘅地方進餐。餐湯是椰菜濃湯，前菜沙律係蟹籽沙律（兩選一）。沙律賣相很精美，湯味道都可以。我點了和牛漢堡，閨蜜就點了滑蛋（炸）豬排飯。唔知係咪我吃得較清淡，我覺得這個漢堡太咸了，配菜的薯條都太咸。滑蛋豬排飯就好味好多，我見兩邊枱的食客都有 order。餐飲點了西柚熱情果冰茶，我本人唔太飲到熱情果味。餐廳是半自助，出面有小水吧自己囉水。值得一讚是，它不是普通的水，我見入面加咗青檸、青瓜、香草等。味道十分清新！特別注意！餐廳內有個靚仔廚師，雖然佢唔係我杯茶，不過目測佢應該吸納了不少粉絲
繼續閱讀
這間餐廳，原身是一間教煮西餐的中心近期先有Lunch食。入到去環境非常廣闊雅緻丶有入廚餐具及食材買。開放式廚房亦做得好靚。餐桌不多但可容納約30人以上。座位闊落。再講吓食物起初我唔知之前是教煮西餐！試過煙肉芝土和牛漢堡及All Day Breakfast 已知有分別！發現細微部份做得好好，舉例：漢堡包香脆可回內質鮮甜丶抄蛋加入白飯魚仔口感一流丶牛角包亦鬆脆丶湯亦好有心意有心形拉花！另外不得不提任飲的排毒水教得煮西餐的地方質素一定有返咁上下啦。值得向各位推薦
繼續閱讀
店子本身是cooking studio，地方十分寬敞。雖說是『廚房』，但到處佈滿新鮮花草，沒半點油煙，環境光潔舒適。店子提供免費排毒蔬果水，美味又貼心👍🏻餐牌雖然選擇不算多，但有清新的、有惹味的，而且價錢很合理。雜菜沙律配上芝麻醬，新鮮味美，秒速吃過清光😉西西里海鮮意粉，碟子一放下，已香到不得了。蝦肉鮮味彈牙，蜆肉甜美沒腥味，配上意大利青醬意粉，100分🎉🎉吉列加拿大豚肉厚身而且不乾嚡，雞蛋軟滑而味美，味汁足夠令每口飯都美味滿分。店家很慷慨，果茶大大杯，甜度適中，果汁與茶的比例很好，無需加錢選配實在太好了😍Cappuccino 咖啡香濃味美，奶泡細滑，雖然沒有美麗拉花，但實力最勝。這一餐，很舒適，很美味，很幸福😊
繼續閱讀
自己響觀塘返工, 中午食嚟食去都係一般工廠飯堂同連鎖式快餐店, 嘈到嘔又迫到嘔. 朋友推介, 近老麥果邊開咗間樓上cafe, 即管睇下有冇老點.上到去,地方幾大裝修唔錯, 日式cafe嘅格局. 餐牌唔係太多款，一共有七款. 我揀咗澳洲和牛漢堡， 等咗成十分鐘...冇計，全部即整，想快就去老麥.主角上場, 揭開嗰包睇睇, 都幾足料,舊和牛比出面一般厚, 非常多肉汁. 但係你個口唔夠大, 都唔知點食, 好彩我不嬲出名大口. 用嘅芝士同和牛味道幾夾 但又唔會太濃味搶走肉嘅鮮味， ok， 其他伴碟嘅沙律同夾住中間嘅雜菜，都算新鮮, 呢個價位, 都叫抵食.食完好飽 唔想飲咖啡奶茶, 佢有冰茶送. 原來係西柚熱情果冰茶，果味好清新，最緊要唔會太甜，果味幫助消化, 呢個抵讚. 臨走見到佢有一壺排毒水任斟 ，吓？出面唔係要 逐杯計錢㗎咩？可惜我已經成肚水 ，如果唔係 一定飲番兩杯排毒，因為我個人真係好毒. 總體嚟講呢間嘢去得過嘅 ，如果下次我唔係趕時間，我都會再幫襯. 因為佢仲有其他款式好似乜鬼嘢西西里蜆肉意粉。下次試完再報告，係咁!
繼續閱讀
今日去左這間環境清悠、好味的餐廳午膳，這間餐廳晚上原來是 cooking studio，所以只開 Mon to Thu lunch time 12pm至3pm。今日我地兩個試左南瓜湯、沙律、日式豬扒飯、甜品、特飲南瓜湯 - 好味、好Creamy、好滑、湯面仲有沙律 - 沙律菜好Fresh日式豬扒飯 - 豬扒是黑䐁肉、鬆軟又juicy甜品 - 有我喜愛的抹茶麻糬、甜度適中特飲 - 荔枝特飲、仲有幾片玫瑰花、好特別也可以選擇咖啡或花茶人均消費只需HK$88，抵食，服務態度又
繼續閱讀