89
3
1
港鐵銅鑼灣站 F 出口, 步行約4分鐘 繼續閱讀
電話號碼
2608 1121
開飯介紹
來自台灣的人氣甜品店,主打朱古力蛋糕,另有數款季節性蛋糕。朱古力味濃郁,加上型格包裝,足以令一眾朱古力迷神魂顛倒。 繼續閱讀
付款方式
Visa Master 現金
座位數目
4
食評 (94)
等級3 2016-05-04
1988 瀏覽
想試左好耐,結果無令人失望。可能對某啲人嚟講佢苦左啲,但喜歡dark chocolate嘅人會好欣賞,因為佢嘅苦味自然濃郁帶一點點酸。蛋糕同朱古力比例剛好,而且蛋糕好濕潤,唯一缺點係真係貴左少少,因為個size都真細,大約40會比較合理。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-04-22
1563 瀏覽
喜歡食朱古力嘅人 係會有一種執著的甜度 濃度 香滑度等等 對小妹而言 black as chocolate完全滿足到我真係好喜歡佢地黑白簡約嘅裝修有一種冷冷嘅感覺😌之前已經食過佢地6寸大嘅蛋糕 不過堅飽睇OP知佢出左迷李款 岩晒我自私食😂焦糖香蕉朱古力蛋糕 喜歡佢一圈一圈嘅焦糖濃濃嘅朱古力蛋糕夾著香蕉粒粒微微嘅甜帶著香蕉味道 蕉迷大愛另外㨂左個黑加侖子草莓朱古力蛋糕 蛋糕表面平平無奇 中間夾有黑加侖子味嘅啫喱重有酸酸甜甜嘅鮮草莓 口感立即豐富起來蛋糕質感樣軟熟 朱古力迷嘅我表示滿意😙 繼續閱讀
(以上食評乃用戶個人意見 , 並不代表OpenRice之觀點。)
等級4 2016-04-21
1867 瀏覽
Black as Chocolate喺台灣多個地方都有店舖,但偏偏上次去台北就因為附近冇得泊車而去唔到,既然銅鑼灣都開咗咯,咁就去銅鑼灣呢間試吓啦。成間店舖冇花巧嘅裝飾,以黑白為主調,有魔鬼&天使嘅意思咁解。蛋糕盒係黑色,夠晒型格又神秘,附送惡魔叉或天使匙羹焦糖香蕉朱古力蛋糕 ($54)一打開個盒,朱古力香濃嘅味道已經湧過嚟,切起來可以見到入面一層一層嘅香蕉及朱古力蛋糕,夠晒層次;朱古力味道雖然冇經典巧克力蛋糕咁濃郁,不過有啲搶咗香蕉嘅味道,可惜...經典朱古力蛋糕 ($48)選用12年全熟可可樹嘅可可豆,傳聞一個6吋蛋糕用咗300粒鈕扣朱古力,咁我呢個係2吋,即係應該都用咗100粒啦?!成個蛋糕由外到內都係朱古力,所以每一口都有濃郁嘅口感;朱古力漿外層好似識發光咁,但食落軟綿細滑,味道非常濃醇帶微甘又唔會超甜;海綿質地嘅蛋糕就好濕潤,中間再夾多一層勁厚嘅朱古力醬,雖然蛋糕半身冇乜朱古力味道,但加上朱古力醬之後就朱古力山洪暴發咁喇,鍾意食朱古力嘅朋友一定開心到不得了 繼續閱讀
(以上食評乃用戶個人意見 , 並不代表OpenRice之觀點。)
等級4 2016-04-21
1205 瀏覽
一早已聽過BLACK AS CHOCOLATE的大名,它的品牌形象有點像幾年前同樣風魔不少朱古力控的AWFULLY,所以都有點好奇兩者味道上的分別。不過3間BLACK AS CHOCOLATE的分店都離元朗有點遠。碰巧是日有事出銅鑼灣,就來朝聖一下。店內裝潢頗有型格,而黑白為主題,還擺了幾張櫈,讓顧客可以即場享用。我就打算外賣回家,蛋糕需冷藏,職員話可以在室溫保持2HR,所以真的要行快兩步回家才行XDD所有蛋糕都有2個SIZE,2寸和6寸。愛嘗試新東西的我們當然選了2寸,務求預留多點位置給胃。是日5:30PM去到,出名的香蕉朱古力味已經售罄,不禁有點失望。----------------------------選了店內招牌"榛果朱古力蛋糕"($52),朱古力十分優質,味道非常Rich,少少苦,約70%,濃而不漏,完全是我喜歡的濃度!因為朱古力蛋糕與榛子朱古力醬層層相隔,所以蛋糕也能保持濕潤綿密,上面還加了脆脆,增加口感。黑加侖草莓朱古力蛋糕($54)和榛果朱古力蛋糕有點相似,只是中間變了黑加侖子味忌廉夾士多啤梨果肉。蛋糕一樣鬆軟濕潤,蛋糕甜度適中,我個人覺得這個更有驚喜,黑加侖子忌廉酸酸甜甜令蛋糕更加清新(也沒那麼邪惡XD),蛋糕整體的口感也更加豐富和有層次。不知是否職員見我買2個蛋糕,所以她直接給了我惡魔叉和天使匙羹呢!!十分有趣的餐具,大愛!蛋糕質素確實高,我覺得BLACK AS CHOCOLATE 沒AWFULLY那麼濟(不過都有可能是因為上次吃大SIZE),好好吃!!吃完都已經心思思想試埋另外兩款呢~可惜價錢的確略貴 繼續閱讀
(以上食評乃用戶個人意見 , 並不代表OpenRice之觀點。)
等級6 2016-04-20
919 瀏覽
大肥爸爸因要注意飲食,不宜外出,適逢媽咪同小肥生日月份也得留在家中慶祝。 大肥要戒口,壽星仔女就決定第一炮先揀食爸爸一向唔多鍾意食o既朱古力口味,等佢冇得食都可以好過少少 。朱古力蛋糕購自台灣過江龍「Black As Chocolate」銅鑼灣分店,離公司步行都唔洗十分鐘,對細佬黎講真係夠哂方便。店舖黑白色o既裝潢同之前去過嗰間太古城分店都有七分相似,兩款大小蛋糕模型及配上不同顏色絲帶o既禮盒造型陳列喺正門旁o既木櫃上,極之當眼 。牆上貼有四款主打蛋糕,亦即「經典朱古力蛋糕」($368/六吋)、「榛果朱古力蛋糕」($388/六吋)、「焦糖香蕉朱古力蛋糕」($398/六吋)、及「黑加侖草莓朱古力蛋糕」($418/六吋)o既靚相。媽咪最愛黑加侖子,所以唔洗多諗就揀咗個六吋「黑加侖草莓朱古力蛋糕」 。隨蛋糕附送自選惡魔叉或天使湯匙一套、蛋糕刀、及金蠟燭,全部都巧妙地收喺蛋糕底o既暗格內。慶生當然係要揀條鮮艷啲o既粉紅色絲帶啦,妹妹仔以九秒九高速綑綁好禮盒 ,效果好時效率又高,並細心叮囑蛋糕有嚐味限期,而且必需冷藏,喺室溫最多只可保存兩小時,最好都係即日內食完。因外出正落緊微微雨,為怕蛋糕盒途中被淋濕,所以就應妹妹仔建議,加$25要咗個透明防水膠袋,攞返屋企時媽咪見到都大讚有品味 ,美觀又實用。中國人生日都愛見鮮美o既顏色,深啡色面o既朱古力蛋糕真係未必人人會受落,為咗要吸引大眾以朱古力蛋糕賀壽,品牌其實可以花啲心思美化一吓糕面 ,最起碼都要提供朱古力生日牌服務,並從生日牌設計上落啲功夫,添返少少色彩。三層高o既「黑加侖草莓朱古力蛋糕」底層同面層同為鬆軟濕潤,香濃醇厚o既微甜朱古力蛋糕 。中層粉紫色o既黑加侖子味忌廉清香軟滑 ,夾入新鮮爽甜o既日本草莓極之輕巧健康,芳香甜美!台灣名店「Black As Chocolate」出品o既朱古力蛋糕水準高企 ,$418看似昂貴,但糕品質高美味,包裝精美實用,個人覺得絕對物有所值! 繼續閱讀
(以上食評乃用戶個人意見 , 並不代表OpenRice之觀點。)