19
5
2
營業時間
星期一至五
12:00 - 23:30
星期六至日
12:00 - 00:00
以上資料只供參考, 請與餐廳確認詳情
之前係雜誌上見到介紹呢間野…好似好好味咁…之後特登落銅鑼灣試下…搵到傻先終於搵到…之後叫佐個法蘭克福腸配蛋黃醬加埋燒汁and配薯餅原來係即叫即整….所以就要等下…不過賣相好好味咁…而且d腸粗大得黎,整得又香總熱辣辣tim,皮薄而脆,爆香爆好味,環境方面都唔錯…感覺也很好…由其係老闆總好nice tim!價值$28既法蘭克福腸配蛋黃醬加埋燒汁and配薯餅都的確幾好味…下次試埋其他腸先~
繼續閱讀
今日約咗亞仔落銅鑼灣掃街,我同亞仔都係嗰啲鍾意食立雜嘢嘅人,見到呢間店舖嘅食評都唔錯,咁第一站就決定去 Bitte Bitte 食熱狗。本來想試吓個腸杯,不過亞仔話想食熱狗,咁就揀熱狗喇,橫掂我地下一站仲有 Ireland’s Potato, 日出茶太及 Crumbs. 個餐牌有成十幾款 hotdog 揀,真係花多眼亂,個店員好熱心咁介紹我地揀 7 號 Cheese 'n Chille, 佢話呢款最受歡迎,咁就試吓啦。由於仲有下一站,所以我地決定外賣,不在店內進食。隻熱狗嘅材料包括有法蘭克福腸、墨西哥辣肉醬、半溶芝士及鮮蕃茄片;隻熱狗整體上唔錯,條腸雖然比較幼,但個皮幾脆口,夾埋啲醬汁,都幾好食,可惜唔夠辣,既然叫得Chille, 點解辣味咁少嘅?由於外帶嘅關係,面頭啲醬汁都黏在包熱狗嘅包裝紙上,影響咗個熱狗嘅美觀度,所以提議大家都係喺店內吃好一點。
繼續閱讀
返完HKU,心情低落,夜晚約左係cwb食飯,就早d落左去行下街睇下野食下野好過。成日都未食過野,好鬼肚餓,所以要搵D野醫肚先。呢間熱狗店一直未有機會試,見今日自己一個就黎呢度食啦。黎到既時候大概 3:00,無咩客人,佢有D長櫈可以俾你坐係度食。熱狗通常我都係比較喜歡吃一些基本的,看了看MENU,最後選了B.B. Classic,可以自己揀腸仔,另一方面有茄汁青瓜沙律醬等,最後我選擇了圓林根腸。佢都好細心咁問我駛唔駛幫我切開一半,我話好,不過其實我發現切開一半仲煩,就咁食仲方便。等左好快就即刻有得食啦,不過好無奈既係,個位姐姐見我唔要野飲,問我要唔要杯水,咁我就好自然話「好呀,唔該」,跟住佢話....「咁你俾$2我啦」,即係我又唔係介意個$2,不過我覺得好搞笑姐,因為我真係無諗過,佢好快咁俾左杯水我,而我亦唯有乖乖咁俾左$2佢..... 即係我覺得.... 咁都要收客人錢,好似唔係幾好睇.......。講返個熱狗,其實係幾好食的,可能因為係最基本既茄汁同沙律醬,唔會有咩大問題。麵包溫度ok,少少熱辣辣,又有d脆,幾好。腸仔比較幼身,好有肉味,咬下去亦有肉汁,是不錯的選擇。成個熱狗都幾惹味,而且$23都叫ok,唔算太貴。都係個句,真係唔係介意個$2,而係俾人既感覺真係唔係咁好,我個一刻真係心底裡O左咀=O=。哈哈,大家下次考慮下要唔要佢杯水啦......
繼續閱讀
之前喺雜誌見到介紹已經好想試, 但係一直揾唔到間舖...今次行cwb終於比我見到佢~見有啲肚餓,去食個high tea先~睇下個餐牌,有成十幾種選擇, 我諗咗一陣都係選咗我最愛嘅芝士味配肉醬~因為製作需時,職員細心地提供飲品,並叫我飲住嘢等一等,好快就有得食~唔洗好耐就有得食啦~個包有'行'過,微脆~肉醬多到流出黎~條腸好junicy~仲有好香芝士味tim~個hotdog份量真係好足~食完成個人飽曬~不過怕攰嘅人可能唔太岩...因為只有企位乍...而且近路邊,都有啲塵架...
繼續閱讀
尋日同老婆經過, 見到呢間舖都幾骨子.望下個 menu 都幾多選擇, 就決定豪花幾草試下佢,食物水準唔講啦, 都幾好.不過個老板娘居然推介我地另類食法,佢話去買碗白飯撈佢地自制墨西哥辣肉汁, 好正架.佢自己都成日食咁話,所以大家都不防帶碗白飯去叫佢加汁.
繼續閱讀