775
57
13
港鐵銅鑼灣站 C 出口 繼續閱讀
所有分店 (2)
電話號碼
24558766
開飯介紹
人氣韓式料理,主打炸雞及烤雞,兩者均提供甜辣醬和醬油供食客選擇,炸雞皮脆肉滑,烤雞嫩滑多汁。 繼續閱讀
營業時間
今日營業
12:00 - 23:00
星期一至六
12:00 - 23:00
星期日
全日休息
*截單時間: 22:00
付款方式
Visa Master 現金
其他資料
Wi-Fi
自帶酒水 詳細介紹
切餅費 詳細介紹
電話訂座
外賣服務 詳細介紹
加一服務費
食評 (894)
等級4 2019-10-08
814 瀏覽
黎銅鑼灣呢間韓國野食番個牛肉火鍋。基本上就係一個sauce pan上面放滿配料既韓式打邊爐,配料有好多款,好似菇、菜、牛肉、洋蔥、年糕、粉絲等。有齊澱粉質、蔬菜、肉類夠曬營養均衡,就咁就可以一餐。黎到有個Gas爐,自己撈埋啲配料,滾大約五分鐘就食得。個湯底甜甜地,竟然有啲壽喜燒既味道。牛肉係搞碎咗好似免治牛肉,所以好快熟,滾多一陣已經成個湯充滿着牛肉味。韓國粉絲同埋韓國年糕特別容易掛汁,咬落又夠晒彈牙,配住個湯食都真係幾正。食食下覺得有啲油,就叫左杯茶,Popcorn Tea,係茶包茶,飲落個aftertaste真係有爆谷味。好特別,上網買返幾包返屋企沖先。呢度侍應好多都唔係香港人,有幾個韓仔,所以成個環境特別有韓國嘅感覺。背景音樂都係韓國流行曲,餐牌亦都有好多韓文名,感覺幾正宗。個廚房係open kitchen,所以有興趣都可以行埋去睇下廚師整食物。呢度有卡位有正常座位,都幾適合大班人嚟聚會。地點仲要係正一個地鐵站出口對面,夠晒方便。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-19
3983 瀏覽
想食炸雞 響openrice 搵到呢間響銅鑼灣市中心既韓國餐廳 好多好評 地點又就腳 就來試一試首先點左半份蜂蜜黃油炸雞 上台時熱辣辣 肯定係即炸 表皮係炸得好薄好香脆 上而有好多甜甜既芝士粉碎 食落好香口好正 而且半份既份量都唔少架 有成6-7件雞! 抵食! 旁邊個汁係酸酸甜甜既 不過我就覺得唔點汁都已經好正好夠味!炸雞咬開入面一D都唔乾, 仲好JUICY, YUM YUM! 呢個海鮮蔥餅又係大推! 好足料好大份 超級多大蔥 同埋大大粒蝦 魷魚同埋蟹柳 所以口感好豐富 而且完全唔會好似其他地方食過既煎餅咁淨係得面粉! 上台既時侯塊餅仲已經剪好哂細細塊咁好方便食!呢個係原隻魷魚彈彈面 上台既時候見到隻魷魚咁大隻有D驚訝! 個醬汁帶點甜辣味 下面既面線好煙韌 係好彈牙既公仔面既口感 D面吸收哂甜辣醬既味道好好味 而魷魚就啖啖肉 薄薄既炸漿浸埋落個甜辣醬汁度食 好惹味! 食埋呢個面真係超飽! 食韓國菜點少得飲下啤酒! 點左提子味SODA 同生啤 兩杯都夠哂汽又冰凍! 消暑一流! 響銅鑼灣中心地帶來講 呢間真係好味價錢又唔算貴!! 見隔離台食個鍋好吸引呀! 下次再來要試下! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-07
5740 瀏覽
上星期相約一排無見的好友食飯, 最後選了位於銅鑼灣的Bingo & Cook.因為我剛病好, 所以沒有選到炸雞, 我地選了無骨烤雞(原味).年糕當然不少得, 選了忌廉芝士炒年糕.飲品我點了藍莓奶昔. 奶昔夠濃郁, 又幼身, 非常好飲.無骨烤雞(原味). 估唔到仲有薯仔和粟米作為配料. 雞肉相當嫩滑, 最重要係無骨, 啖啖肉, 味道調教適中. 並附有兩款醬料, 有需要可以點.對於我來講, 單食已好味, 但點了醬, 多一份口感.忌廉芝士炒年糕. 對於鍾意食芝士的朋友必點啱晒.年糕上放了滿滿芝士粉.初時怕好油膩, 但食落完全沒有這種感覺.年糕夠煙韌, 仲有其他材料, 如魚糕, 麵等. 這裡食物質素不錯, 唯得座位太窄. 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-24
6388 瀏覽
難得今日又放假,又係我去諗食咩既時間男朋友最鐘意食炸雞,市面上既韓國餐廳真係琳琅滿目,經過我精心既挑選,決定去銅鑼灣既Bingo & Cook,老實講,開頭我係俾餐廳既裝修所吸引既。一去到餐廳就覺得自己真係選擇得無錯,裝修的確係我最愛既風格餐廳既座位都夠既,我地入座無耐,餐廳就Full house喇。餐廳既食物種類都有好多選擇我地今次就嗌左「韓式原味無骨炸雞」「韓式無骨烤雞」同「烤肉嫩豆腐火鍋」最先到既係「烤肉嫩豆腐火鍋」,牛肉真係好有肉味,而且份量剛剛好,唔會太少,而且鍋底夠辣,鍾意食辣既朋友一定要試,豆腐吸收埋火鍋汁真係不得了呀「韓式原味無骨炸雞」「韓式無骨烤雞」就差唔多時間到「韓式無骨烤雞」因爲得全份嗌所以比較多,雞好滑,加埋唔同既醬真係好夾「韓式原味無骨炸雞」我地就叫左半份醬油味,佢既雞炸得好好呀,唔會好多粉又夠香總結就係我真係揀得好好,下次要試埋其他先❤️❤️❤️❤️ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-07
4552 瀏覽
今日和公司同事一起lunch, 大家都想食韓國嘢,我即時諗起Bingo&Cook, 呢間韓國餐廳好正宗,Let's go!Menu主要分幾大類别: 米酒生菜包肉,生菜包肉套餐,韓式火煱,豬腳,韓式炸雞,炒年糕,各式韓式煎餅,韓式炒飯和麵類,還有多款的韓式飲品Beef Noodles$98~有青紅黃椒,牛肉絲,韓式粉絲,洋葱和白芝麻,非常惹味可口Original Baked Chicken$158~大大件,啖啖肉,肉質軟嫩juicy, 仲有三種韓式醬料:乳酪,醬油和辣汁,每款醬料各具特色,尤以乳酪和辣汁我最喜愛燒粟米和原個薯仔也很美味Seafood Pancake$110~ 饀料非常豐富,有鱿魚,蝦,青紅椒和大量的葱,餡料多到cover哂成個餅面,葱餅煎得非常香脆,口感豐富香噴噴,熱騰騰咁上枱,蘸埋個韓式辣汁真係好味到停唔到口,好正呀必選Korean Pork Belly Stew$180~第一次食部隊鍋,覺得好興奮配料非常豐富,有芝士,腸仔,豬頸肉,午餐肉,黃豆,韓式魚片,泡菜,年糕,椰菜,洋葱,葱和韓式麵,用爐熱住上,好似一個雜錦鍋,所有配料索哂D韓式大醬汁後變得非常入味,酸酸辣辣的好惹味和開胃Grape Ade$56/Grapefruit Ade$56/Peach Ade$56飲埋涼透心嘅韓式碳酸水,爽哂Blueberry Smoothie$58~藍莓奶昔酸酸的,正 繼續閱讀
(以上食評乃用戶個人意見 , 並不代表OpenRice之觀點。)