Bilibala Yakitori Bar

是咁的，我呢啲港島打工仔，平時放工都係想搵個地方靜靜地chill下，食下嘢飲杯酒。咁啱喺OpenRice碌到呢間「Bilibala Yakitori Bar」，見到個名有啲搞笑，再望真啲，嘩！網上訂座有折？喺銅鑼灣喎！堅定流呀？抱住一半好奇、一半驚中伏嘅心態，就膽粗粗book咗位同個friend去試下。間舖頭喺希雲街，唔係SOGO嗰邊啲大街，反而有種捐窿捐罅先搵到嘅尋寶feel。入到去燈光昏黃，座位唔算多，但好有日本地道居酒屋嗰種溫馨風情，坐得幾舒服，好適合傾計。我哋叫咗十幾串嘢，真係無一串係伏！印象最深刻嘅，唔係啲大路嘢，而係個「雞心喉」。平時食開雞心就雞心，雞喉就雞喉，佢竟然將兩樣串埋一齊燒！個口感好得意，雞心爽彈，雞喉就帶少少脆，加埋個醬汁燒得好香口，送酒一流，呢個配搭真係第一次食，好有驚喜。另外個「明太子釀雞翼」都好有水準，燒得啱啱好，外皮香脆，一咬開啲明太子醬「嗶」一聲爆晒出嚟，鹹香十足，超惹味！唔似有啲舖頭啲明太子好似搽上去咁少。仲有個「厚切牛舌」都冇得輸，真係厚切，爽口彈牙，牛味濃郁，唔係平時食開嗰啲薄切貨色。成程我哋都係飲Highball，夠晒冰凍，同啲串燒簡直係絕配。最開心係埋單嗰下，見到張單用咗七折，真係笑咗出嚟，性價比高到癲！講真，以佢嘅食物質素同心思，就算無折我都覺得值回票價，絕對會再encore。已經mark低咗下次要試埋佢個雞皮同埋燒飯糰。真心推介俾想喺銅鑼灣搵間高質居酒屋嘅朋友！…查看更多

成班朋友每星期聚會 食過好多間銅鑼灣嘅 日式串燒酒吧 最終搵到呢間 叫bili bala 嘅日式串燒酒吧 首先梗係飲冰杯 啤酒夠曬凍 又新鮮 因為試過好幾間啲啤酒有啲酸 呢間真係飲得杯落 上次四條友 飲咗佢.四桶啤酒 飲到咁上下 個靚仔酒保 就整啲特色 cocktail畀我哋 次次都high住走 至於日本清酒佢品種都好多 食物方.推介 黃油雞翼 牛舌 雞皮餃子 飯糰 睇得出佢哋係有心做出嚟 最過癮 嘅就係逢星期五有歌手唱歌 有氣氛！ 有樣嘢都要讚 佢個廁所真係乾淨 所以咁細微嘅位就睇得出佢哋係 注重衛生 所以我哋包場生日都喺呢度搞…查看更多

Bilibala Yakitori Bar係一間以日式串燒為主嘅餐廳。呢度嘅食物種類豐富，而且味道都唔錯，值得一試。首先，我哋叫左Ashi Draft同Whisky Highball。Ashi Draft係一款清爽嘅啤酒，飲落去口感順滑，好適合配搭串燒。而Whisky Highball則係一款酒精度數較高嘅雞尾酒，飲落去有啲烈，但係好適合配搭重口味嘅食物。跟住，講下汁燒雞肝、黃油溪往雞佳腎大蔥黃油雞腿肉同明太子黃油雞腿肉。呢三款串燒都係用雞肉做主要材料，而且都經過精心烹調，味道鮮美。其中，明太子黃油雞腿肉最為出色，明太子嘅鹹香同黃油嘅香味完美融合，令人回味無窮。再嚟，我哋嚟講下免治雞肉棒、枝豆同味淋魚干。免治雞肉棒係一款經典嘅日式小食，口感鬆軟，味道鮮美。枝豆則係一款清爽嘅蔬菜小食，可以解膩。而味淋魚干則係一款鹹香嘅小食，可以增加食慾。最後，我哋嚟講下鹽燒牛舌芯、唐揚炸雞、炸芝士年糕、鹽燒豬頸肉、鹽燒豬大腸、芝士牛油燒扇貝、鹽燒牛肋肉、明太子飯團同木魚碎飯團。呢啲食物都係味道鮮美。其中，唐揚炸雞最為出色，外皮酥脆，內裡嫩滑，令人回味無窮。總括嚟講，Bilibala Yakitori Bar嘅食物種類豐富，味道都唔錯，值得一試。如果你鍾意日式串燒，咁就一定要嚟試下啦！…查看更多

其實呢間嘢已經響呢個位好耐，但應該轉咗手好多次，因為我響兩年前食過食物質素係OK嘅今次嚟一餐飯，簡直係食咗個寂寞先唔好講服務態度非常之差食物質素簡直如同垃圾1. 份量勁細2. 個螢光魷魚係極級腥 3. 個燒多春魚 乾到爆 自己喺屋企airfry整應該仲唔會有咁嬲4. 用料都好唔掂 帶子有雪腥味5. 個明太子玉子燒，簡直係顛覆咗我對玉子燒嘅睇法 又薄又燶😩😩😩因為我自己帶酒去 佢收我corkage但又冇提供任何服務成支酒都係我自己斟自己飲😂去年一個小pitcher都唔俾我我次次都要成枝拎起倒酒 個體驗….好自助咁自助點解要收我服務費woh lol…查看更多

同兩個朋友收工想鬆一鬆傾下計，估唔到咁繁忙既銅鑼灣都會搵到D 咁靜既居酒屋，深藏銅鑼灣內街的 Bilibala Yakitori Bar， 店員態度好好，出品食得出用心製作，雞皮餃子同其他燒物好好味，月見雞肉棒影唔切已比朋友食哂，佢地話好香同幾好食外脆內軟。另外叫左明太子玉子燒，層次綿密，蛋香中迸發鮮味，加一杯冰涼生啤，痛快!! 店外同店內黑色裝修好型格，牆上有好多插畫，燈光柔和坐得好舒服 !! 臨埋單，店員好熱情走過黎吹水，仲話黎緊仲會推出好多新野，叫我地有興趣可再黎試試，下次如果要攪私人小聚我會都會再去。…查看更多

嘢食非常好食，平時都好少寫評論！店內員工服務態度非常好，非常細心，環境清靜，食物方面燒生蠔非常新鮮！北海道豬手一個字正👍👍👍👍雞皮蝦特別香脆！厚切牛舌一流😘😘😍…查看更多

呢間店坐及服務算係ok, 不過食物實在太慢, 想叫多啲都唔夠膽, 因為唔知要等幾耐先有得食, 食物質素算可以, 除咗燒飯團, 難食同埋非常貴, 鰹魚飯團只係飯團上少少鰹魚碎, 裡面只係又硬又乾嘅白飯, 一個要$58😡😡😡😡😡😡, 最緊要係等得太耐.…查看更多

最近我同幾位朋友約咗去銅鑼灣一間超特別嘅居酒屋，聽講呢度係唔少日本人鍾意光顧嘅地方。入到去，環境好舒適，燈光昏暗，完全俾人一種放鬆嘅感覺。喺呢度唔單止可以享受美味嘅串燒同燒物，仲可以同朋友輕鬆傾偈，真係個理想聚會地點。呢間居酒屋嘅廚師技術真係一流，每道菜都令我哋驚喜不已。更加吸引嘅係店長，佢唔單止型靚，仲好細心，服務質素真係一流，讓我哋感受到日本居酒屋嘅貼心服務。今晚我哋點咗唔少美食，以下就係我哋嘅點心列表：- 喜之次（柚子醬油）🍋 ★★★★★- 白鱔🐍 ★★★★★- 免治雞肉棒🍗 ★★★★★- 雞冠🍖 ★★★★★- 雞腳筋🐔 ★★★★★- 雞鳳尾🔥 ★★★★★- 雞翼🍗 ★★★★★- 雞皮🐔 ★★★★★- 煙肉荔枝卷🥓 ★★★★★- 玉子燒🍳 ★★★★★- 燒明太子翠玉瓜🍈 ★★★★★- 千両茄子🍆 ★★★★★- 牛油燒粟米🌽 ★★★★★- 日本銀杏🌰 ★★★★★- 秋葵🌱 ★★★★★- 日本青椒仔🌶️ ★★★★★- 木魚碎燒飯團🍙 ★★★★★- 明太子燒飯團🍙 ★★★★★每一道菜都令我哋讚不絕口，特別係「喜之次」嘅柚子醬油，清新嘅味道真係令人印象深刻。白鱔嘅鮮嫩口感同其他串燒搭配得恰到好處，食到停唔落。特別推薦嘅仲有煙肉荔枝卷，甜中帶鹹嘅味道真係令人欲罷不能。享受美食嘅同時，我哋仲發現咗一個小秘密。如果你喺星期一至四嘅晚上，消費滿 $500，記得去搵店長講「以他他揭嗎～～」😆😄😄，佢會俾你85折優惠，咁嘅折扣真係令我驚喜。如果你想食免費嘅海鮮，建議你星期五或星期六去，呢兩日店長會送海鮮俾你，絕對唔會令你失望。今次居酒屋之行真係令我哋心情格外愉快，環境、食物同服務都讓人滿意。如果你喺銅鑼灣附近，千萬唔好錯過呢間…查看更多

好少寫食評，但呢間隱世小店真心值得推介！優質的食物，一流的服務，舒適的環境，香港地買少見少～～ 講返食物，串燒種類好多，平時好少食到的雞心邊，提燈呢度都有，好味😋！另外個玉子燒好有驚喜，第一次叫左明太子玉子燒，encore再試鰻魚玉子燒各有千秋！其他食物亦水準以上～～最後值得一讚嘅侍應哥哥嘅服務，非常貼心而且對食物同酒都有豐富認識。在我哋猶豫之際，介紹咗一隻好啱我哋口味嘅有氣清酒，令今個聚餐劃上完美句號。…查看更多

【一試難忘「明太子玉子燒」🥹一人經營居酒屋｜多款串燒配啤酒🍻】推薦指數： 🌕🌕🌕🌘🌑*:.｡..｡.:*･*:.｡. .｡.:* ･*:.｡. .｡.:*･゜ﾟ･*📍HK #銅鑼灣 - 𝗕𝗶𝗹𝗶𝗯𝗮𝗹𝗮 𝗬𝗮𝗸𝗶𝘁𝗼𝗿𝗶 𝗕𝗮𝗿 落cwb搵食，希雲街一向係我首選✌🏻今次發現街尾有間居酒屋🏮趁Happy Friday朋友飲返杯chill吓，串燒平均$28-58，款式好多：雞 / 豬 / 牛 / 海鮮 / 野菜，更有特色燒物（例如燒年糕、玉子燒、羊排）話明Happy Friday梗係唔少得alcohol啦🍻佢哋有好多雞尾酒、清酒選擇🍶 我哋就平平哋嗌咗支Asahi 同 1664 Blanc（$58/支）【𝗥𝗲𝘃𝗶𝗲𝘄 食評 💬】🥇明太子玉子燒 $82｜9/10 🌟🥈煙肉荔枝 $35｜8.5/10🥈鳥之提燈 $58｜8.5/10 🥉廣島蠔 $78｜8/10🥉味淋魚翅 $72｜8/10全場最驚艷莫過於「明太子玉子燒🍳」用咗自家製明太子醬，加上玉子燒中間半生熟蛋漿，配上creamy明太子醬，好食到眼前一亮🥹 但點解得4嚿咁少！我可以一個人食一碟🍽️串燒方面：高度推介「煙肉荔枝」荔枝肉甜而多汁，配上乾鹹嘅煙肉🥓perfect match 👌🏻 「鳥之提燈」一開頭好驚青唔敢食（雞嘅生殖器官wor🙁）不過侍應誠意推介，無理由推搪，一食發現提燈（橙色粒ball）一咬爆汁，好似蛋液，完全0腥味👍🏻 比想像中好食&可以接受整體覺得食物選擇多，同埋勝在店鋪細，好有空間同朋友一齊吹水，述說返工的苦悶，左手啤酒，右手串燒🍢 推介放工嚟聚一聚🥢其他小食，排名不分先後次序：◐ 紫蘇雞生蠔 $40◐ 雞皮 $32◐ 免治雞肉棒 $58◐ 米豚香蔥卷 $35◐ 燒大腸 $32◐ 豆腐 $32◐ 冬菇 $25◐ 雞獾菇 $25◐ 大蔥雞肉 $32*･゜ﾟ･*:.｡..｡.:*･*:.｡. .｡.:* ･*:.｡. .｡.:*･゜ﾟ･*𝗕𝗶𝗹𝗶𝗯𝗮𝗹𝗮 𝗬𝗮𝗸𝗶𝘁𝗼𝗿𝗶 𝗕𝗮𝗿 🥢 @bilibalayakitotibar🚶 銅鑼灣站F1出口，步行約7分鐘📍 銅鑼灣希雲街23號禮雲大樓地舖🏷️地區：#laymao_銅鑼灣分類：#laymao_日式 #laymao_bar *･･*:.｡..｡.:*･*:.｡. .｡.:* ･*:.｡. .｡.:*･゜ﾟ･*…查看更多

串燒🍢🍢之夜 呢到系好適合幾個朋友一齊傾下計再小酌幾杯🍻🍶🥃主打有好多特殊部位🫶🏻😋😋內臟愛好者 YES啱曬我😍😍雞全部都系雞🐔雞腳根🐔雞心邊🐔橫膈膜🐔雞白子🐔雞喉管🐔雞鳳尾🐔提燈🐔雞冠🐔雞生蠔🐔南部雞肩肉胡麻米豚沙律🥗餵食含米飼料肉質蓬鬆柔軟雞泡魚干🐡雞翼🐔 牛舌🐮廣島蠔🦪牛舌🐮 安格斯牛肋條🥩免治難肉棒🐔表面燒到焦香 脆皮雞肉同蛋黃混合系串燒嘅must ! 燒沖繩豬手🐖腍到唔洗咬 膠原滿滿超豐富 骨膠原將嘴巴完全黏住😂白鱔🐟白鱔油分好重 我最中意系燒到焦香外皮好脆 肉質又好彈牙 紫蘇梅雞蠔肉🐔最靠近雞大腿位置系雞肉最多汁最嫩部位 鰻魚玉子焼🍳蔥池雞腿肉🐔紫蘇雞皮蝦🦐紫蘇葉吸左雞皮油香encore!!!…查看更多

番新工同學仔話要同我慶祝下嚟左間隱世串燒酒吧呢頭無嚟過大家拎住個電話搵路都唔算難搵嚟到酒吧🤣唔係唔飲酒呀嘛？叫左兩杯長野縣~真澄梅酒$72/杯甜度的確比一般梅酒低，但梅味香濃，酒杯好別緻，轉呀轉都唔會倒瀉，好飲又好玩。平時去居酒屋食串燒必點免治雞肉棒$58呢度都唔例外，一樣有配日本生雞蛋同甜豉油，免治雞棒肉質厚，好juicy 有咬口有d軟骨，蘸埋生雞蛋豉油好好食，層次即時提升左，蛋味香濃。叫左樣未試過既雞心邊$33有雞心既味道，但比雞心彈牙，口感非常特別。雞皮叫左鹽燒同辣味各一串$66/2串呢間既雞皮好肉風琴薯片咁，唔似得出面咁乾咁敢，呢個仲有d咬口，脆但唔柴，正。酥炸雞軟骨$72都係必食炸得好香口但一d都唔油，唔會食落好更，比較易咬，係我食過最好食既雞軟骨。煙肉荔枝$35呢個之前第日食過好鍾意，見到有即刻點，荔枝好清甜，熱辣辣中和煙肉既油膩感，絕配。紫蘇雞皮蝦$45蝦肉十分爽口彈牙，同紫蘇葉幾搭，清新既配搭。南部雞肩$42呢個部位比較少食，估唔到都幾好食幾有肉。冬菇$25~師傅功架十足，火喉真係剛剛好，冬菇多數縮晒水，但你見到仲係好大粒，咬落去有汁。雞脾菇$25～同學仔話覺得個醬汁有酒味好特別，我覺得甜甜地之餘，超爆汁。蔥蔥雞腿肉$32超多蔥好香，雞腿肉好滑。紫蘇梅雞蠔肉$42~因為我食左蝦呢個同學食話好特別。味淋魚翅$72～送酒一流，煙煙unun到左我第二期待既伊豆梅子飯團$52三個邊都燒過，比飯焦更好食，真正外脆內軟，要好好心機先燒得咁均勻，紫菜包住一齊食，加埋牛蒡~梅子咸香又酸好開胃。第三期待係明太子玉子燒$82玉子超滑，明太子好多，呢個配搭係我最鍾意食完想再食多碟🤣太好食。整體真係幾唔錯，食物全部熱辣辣，真係燙口果隻，證明即叫即燒，咁當然即叫即燒就要比d耐性，但所有等待都值得，店員們全部都好有禮貌。期間聽到店員問隔離枱4個女仔有無人今日生日，如果有會有支300ml清酒，勁貼心超驚喜囉！同埋店員幾靚仔🤭下次會想試北海道甲鑼燒🤤🤤和牛提燈，睇片睇得多，未食過。…查看更多

鍾意飲酒嘅可以試吓呢間日式串燒 店內裝修都好有氣氛 晚餐時間都幾多人餐牌上面都有好多稀有部位 稀有部位嚟講價錢都合理 $30-40就有一串頭盤叫咗個溫泉玉子沙律開下胃🥗稀有部位方面，我哋叫咗一串提燈同埋雞腳筋提燈唔係好多地方有得食 一定要試下雞腳筋好有咬口 用嚟配啤酒就最好不過印象最深刻就係呢串北海道米豚腩表層燒得好香口 但腩肉一啲都唔乾 好食👍🏻厚切牛舌都係我最鍾意既其中之一我揀咗鹽燒 牛舌好juicy 必點之一驚唔夠食既關係，我地仲order左免治雞肉棒、明太子玉子燒、酥炸雞軟骨。推介明太子玉子燒 🍳玉子燒入面半熟流心朋友都話呢個好好食👍🏻酥炸雞軟骨都好特別佢同一般雞軟骨唔同唔會淨係得返舊黃油軟骨，而佢真係將雞軟骨附近位置嘅骨頭都炸到好鬆脆可食用👍🏻👍🏻👍🏻餐廳氛圍唔錯都幾好坐 收工約埋三五知己飲酒食下串燒都係一個唔錯嘅選擇。…查看更多

銅鑼灣希雲街的Bilibala Yakitori ，有著熱鬧的名字，但環境氣氛卻相當幽靜；門口可以停車，有著另類的方便！先點一份醒胃的沙律，胡麻米豚沙律🥗 $88，沙律菜爽脆新鮮，胡麻醬好味，它幾乎配任何食材都很合拍。接著點了多款串燒，魚旦 $48，配芥茉的魚蛋，頭一回品嚐，很有趣！明太子玉子燒 $82，這客玉子燒，蛋層嫩滑鬆軟，滿有空氣感，口感非常好，加上惹味的明太子，高分作品。免治雞肉棒 $58，串燒店的大熱菜式，差不多每次都會點上一份。加入月見的醬油汁，味道特別好。秋葵 $30，爽脆無潺滑，加上鏗魚片，好睇又好食。雞皮餃子 $42，雞皮釀入餃子饀料，補足了燒雞皮的單調；肉饀吸了雞油，味道層次變得豐富，有心思！鳥之提燈 $58，待產的雞蛋，還沒長出蛋殼，一串串的，像提燈似的，味道跟蛋黃相同，可遇不可求的食材！雞翼 $36 及 牛舌 $48，正常出品，百吃不厭 😋😋一口芝士 $48，外層脆，內裏軟綿，加上芝士香味，大愛！米豚露荀卷 $35，露荀吸了米豚的肉汁及油份，同時中和了米豚的膩口感 👍👍，互相補足！燒油甘魚鮫 $158，魚較位一向特別滑溜，燒過更加是油香四溢，啖啖皆美味。環境舒服，服務貼心，味道佳，值得再次光顧！…查看更多

Happy Friday! 番工咁忙 放咗工之旅梗係要chill 下今次揀咗間好有特色的日本餐廳食下串燒beer beer 佢Suntory Draft beer 餐廳好有心機，佢將啲啤酒杯咗佢雪冰等啤酒上枱嘅時候都可以保持佢嘅冰凍飲啤酒梗係飲凍冰冰嘅最好叫咗不下數十款燒物款款都好出色係即叫即燒上枱仲係熱辣辣夠晒新鮮炸雞 揀咗蒜蓉味，外面脆卜卜入邊充滿肉汁廣島吉列蠔吉列河外面脆卜卜 入邊好鮮甜啲蠔經過油炸之後都係大大隻 燒油甘魚鮫魚鮫肥美又啖啖肉魚油香濃雞翼廚師好貼心，已將雞翼起雙飛咬落去啖啖肉 外皮香脆 雞肉嫩滑免治雞肉棒雞肉棒份量都幾大 配埋日本生雞蛋加醬油點嚟食雞肉吸收咗蛋漿 更加好食北海道米豚腩 - 腩肉層次分明 然後再加咗幾度比較特別嘅燒物雞心邊呢款係店員推介 食落係有啲爽口雞頸肉 原來又係幾爽口架雞腳筋 好煙韌店員好貼心，將最後兩道‘甜品’後上日本銀杏原來銀杏都可以攞去燒 見咁得意，所以叫咗當係甜品都幾好黑糖燒菠蘿菠蘿經過烤焗特別甜 加埋啲黑糖點綴真係好好食餐廳氣氛真係好好收工之後三五知己喺度飲杯啤酒食吓燒物 夜宵磨一下不失為一個好選擇😌…查看更多