40
11
3
港鐵灣仔站 B2 出口, 步行約4分鐘 繼續閱讀
電話號碼
25550628
營業時間
今日營業
12:00 - 15:00
18:00 - 22:00
星期一
全日休息
星期二至日
12:00 - 15:00
18:00 - 22:00
付款方式
Visa Master 現金 八達通 AE 銀聯 JCB Apple Pay
座位數目
46
其他資料
Wi-Fi
酒精飲品
自帶酒水
切餅費
電話訂座 詳細介紹
加一服務費
以上資料只供參考, 請與餐廳確認詳情
食評 (60)
最近兩口子晚餐都以多菜少肉為主,在家開餐固然沒問題,但每當二人在外用餐,便感到困難重重!因難在於要找到好吃、蔬菜多,做到平衡又不能寡味的餐廳,為此兩人往往呆待在街頭,失去方向!這晚在灣仔誤打誤撞,竟然找到無論環境和菜式配合也得宜的餐廳!也許是平日的晚上,餐廳客人不多,可以安靜享用晚餐,環境氛圍是第一個舒服。透過裝修設計,可見其花心思之處,座位背後那幅甚有南洋風味的大畫先來吸睛,還有躲在酒吧轉彎位,那部懷舊手動的刨冰機,未嚐它的刨冰,先想好好欣賞它的美!其他裝潢不「劇透」了,留待你們自行發掘吧!好了言歸主題,「Biba and Baba」主打娘惹菜,結合馬來香料,惹味得來並不霸氣,令我吃出第二個舒服!餐牌提供款式雖然不多,但幾乎也是娘惹菜的經典,例如金杯、五香、烏達、亞三魚、參巴臭豆蝦、娘惹咖喱魚頭等等,可以輕易讓我選擇到有興趣一試,肉菜平衡、美味恰好的款式,為我們帶出第三個舒服來!所以「Biba and Baba」成為回頭指數十分高的餐廳,還有不少蠢蠢欲試的美味啊!第一道是檳城蝦麵 HK$102,湯底以紅蝦頭和豬骨熬製,入口有著微辣與香料層次,鮮香惹味、卻不俗套!麵條採用了米粉和油麵的摻摻,充滿地道感覺之餘,掛湯程度亦不錯。選料有彈牙鮮蝦、魚片、豬肉片和雞蛋,好吃!娘惹菜少不了叻沙麵,可惜晚上負擔不了那麼多,這道叻沙釀豆腐 HK$102 剛好滿足我們的需要!將魚肉釀製的秋葵、炸豆腐及辣椒放到叻沙湯底裡,成為與別不同的煎釀三寶,風味大大提升,可嚐到美妙而不膩的叻沙湯,又不會撐著飽皮,而且魚肉質高、非常彈牙好吃,配合我們喜愛的新鮮蔬菜,從湯底和釀蔬菜即可感受到娘惹菜的細緻!最後一道的蕃薯葉 HK$58 更是我倆的大愛!蕃薯葉十分之嫩滑,帶有明顯的菜香,以恰好份量的參巴炒製,微辣惹味又不至於掩蓋蕃薯葉的獨的味道,調味與平衡功夫真的讚讚讚,現在坊間甚少吃到這般出色的蕃薯葉了!難得找到三舒的晚餐,價錢亦不貴,下次必然再來 Bibi Baba,嘻嘻! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-09-16
0 瀏覽
🇭🇰Bibi & Baba·呢間我地最想食好耐㗎喇 不過嗰日佢冇我哋最想食嘅辣椒蟹炸饅頭 超可惜😭😭·Nonya laksa l Bakuteh with rice $102佢呢度嘅口味係偏濃味少少既 好彩野食都唔錯😎佢個喇沙湯底好濃 好香椰奶同埋花生味 之後入邊嘅配料都幾多 尤其係佢個豆卜索曬汁超正🤤🤤之後佢隻蝦都好新鮮🦐不過佢呢度個麵係有啲似瀨粉既 雖然都唔錯 但係感覺上好似無油麵咁掛湯🤣之後佢個肉骨茶都係好濃藥材嗰種黎既 所以係真係飲到成個身都暖晒 之後佢入邊嘅排骨份量都幾多 而且唔會乾晒 都唔錯🐷·#rbyeat#rby東南亞菜#rby灣仔·📍灣仔船街1-7號寶業大廈地舖 繼續閱讀
(以上食評乃用戶個人意見 , 並不代表OpenRice之觀點。)
等級4 2022-09-15
0 瀏覽
Jia Group旗下既餐廳,呢間主打新加坡美食,經典既海南雞飯、肉骨茶、喇沙、辣椒蟹等應有盡有😋午市得兩位外籍侍應,忙到踢曬腳但都依然熱情同客人傾談🤓▪️ Nonya Laksa(7.5/10)💲102呢碗喇沙幾足料,蝦新鮮彈牙,仲有豆卜、魚片、雞蛋、 芽菜、芫茜🫢個湯底好香濃惹味,椰奶香突出,帶小至中辣,兩者平衡得唔錯🥰唯獨係麵條用上散碎一點既粗身米粉,質感似瀨粉咁比較爽口,掛湯度唔夠高🫣▪️ Milo Dinosaur (7.5/10)💲48面頭有堆邪惡既美淥粉,底下會係美淥、煉奶同淡忌廉,入口都順滑無話一舊舊粉,而且甜度比預期中低,控制得算係唔錯😈🔎 整體評分(7.5/10) 繼續閱讀
(以上食評乃用戶個人意見 , 並不代表OpenRice之觀點。)
等級3 2022-08-29
1190 瀏覽
Bibi and Baba 係我鍾意嘅馬來西亞/新加坡餐廳,自認為喺香港,佢嘅食物最正宗。之前嗰次係同一班朋友一齊嚟,唔好意思打咁多卡,所以今晚特登同屋企人一齊嚟呢間餐廳,不單止可以order我的心水,亦都可以俾我任影唔嬲😝。訂枱嘅時候本來想要7:30,不過餐廳啲人話只能夠訂6:30或八點,大家都係放咗工至嚟,所以寧願食早啲,費事等咁耐。老實講,佢哋嘅餐牌選擇並唔算太多,但係樣樣都正宗,今次係我第二次嚟,但係已經食勻晒佢餐牌上所有嘅食物。好似老公話齋,只要食物煮得好,選擇唔多並不是一個大問題。啲食客聽得出絕大部份都係星馬人,如果食物唔正宗就唔會咁受歡迎。因為我熟悉馬來西亞餐所以今晚就完全由我揸fit。配菜要咗沙嗲,炒蘿蔔糕同埋五香。沙嗲共有六串,三串雞同三串豬肉。其實馬來西亞因為係回教國家,所以極少有豬肉沙嗲,通常只有華人攤擋至會賣。啲沙嗲燒得幾好,但係始終唔係用炭燒,所以少咗啲炭香味。要讚嘅係佢啲沙嗲醬做得非常之正宗,同我喺馬拉食嘅一模一樣。沙嗲嘅配菜有黃瓜同洋蔥,欠嘅就喺ketupat ,即係馬來粽。如果喺星馬食沙嗲,通常都會有佢,如果間餐廳肯做埋佢就好喇!炒蘿蔔糕好多星馬餐廳都會賣,呢度係用黑甜醬炒的,落埋雞蛋同菜脯,做法依照新加坡大排檔風味。佢嘅蘿蔔糕係比較硬身,食落有咬口,係我鍾意嘅texture。五香喺馬來喺非常普遍的小食,呢樣嘢喺香港就比較少見。佢基本上係用腐皮包住五香粉醃咗嘅豬肉餡攞去炸,係啲香口嘢,通常小朋友都好鍾意食。佢呢度仲俾咗一碟黑豉油同埋一碟辣椒醬俾你沾,未試過呢碟餸嘅人不妨試試。特色菜嗌咗喇沙釀豆腐。除咗炸豆腐外,佢仲有釀大辣椒,茄子同埋秋葵等。啲魚漿亦都打得非常之好,彈牙之餘仲好爽口。喇沙湯底非常之鮮甜,落咗濃郁的椰漿,非常惹味。飯面等主食我哋要咗個肉骨茶(配飯),炒貴刁,同埋馬拉椰漿飯,都係啲非常普遍嘅星馬食品。呢度嘅肉骨茶係馬來西亞式嘅,用藥材熬製而唔係新加坡嘅胡椒湯底。藥材湯底清甜唔油膩,肉骨嘅份量可多,大概有四、五條一字骨,加埋酸菜,喺個開胃餸。唔記得講佢哋亦好正宗地俾咗一碟紅辣椒甜豉油,係典型嘅沾料。炒貴刁喺用嚟試㕑師功力的,呢碟炒貴刁唔係我食過最好嘅一碟,不過已經算係非常之唔錯。落料方面除咗蝦之外仲有勁多嘅臘腸,所以食落都幾香口。椰漿飯我哋選擇咗配炸鷄(其餘選擇係仁當雞肉或牛肉)。喺馬來,好多人會選擇椰漿飯做早餐,當然就冇咁豪華,即係唔會有炸雞,而配料就係參巴醬江魚仔,黃瓜,雞蛋同花生等。我要講嘅係隻蛋煎得幾好,個蛋白邊煎得卜卜脆,每隻蛋都可以煎到咁一致其實唔容易。至於個椰漿飯我就覺得可以再濃郁啲,呢個飯嘅椰漿味我嫌佢淡咗少少。雖然已經食到非常之飽,但係都要嗌甜品,因為要滿足亞女嘅第二個胃。煎蕊同西米糕各要一客,我個人比較鍾意煎蕊,因為覺得西米糕嘅椰糖太甜,不過阿女就覺得落埋啲椰漿撈勻個味道啱啱好👍。今餐總共食咗800蚊,老實講同樣嘅食物,喺馬來西亞用三份一嘅價錢就食到。唔緊要啦,「民以食為天」,最緊要係好食,唔計較得咁多㗎喇! 繼續閱讀
(以上食評乃用戶個人意見 , 並不代表OpenRice之觀點。)
等級3 2022-08-17
435 瀏覽
📸 bibi & babalunchtime 灣仔度度都要排長龍咁就行遠少少 去咗船街睇睇見到有間裝修好特別既餐廳試試行埋去先知係東南亞菜😆🍴Nasi Lemak $98💛 8/10份量好足食落微甜既椰漿飯可選炸雞/仁當雞肉/仁當牛肉配小魚乾 花生今次揀咗仁當牛肉牛肉煮到好淋 入曬味仁當醬唔會話辣到食唔到🍴海南雞半隻 $178 全隻 $298💛 7/10食落雞肉非常嫩滑雞皮同雞肉中間仲有透明jelly狀不過調味比較淡🍴肉骨茶 $102💛7/10望落去比較油飲落肉骨茶味唔夠濃但一字骨煮得夠淋地址:灣仔船街1-7號寶業大廈地舖#wwh食勻灣仔 繼續閱讀
(以上食評乃用戶個人意見 , 並不代表OpenRice之觀點。)