BG STEAK & PASTA

107
3
4
港鐵銅鑼灣站 B 出口 繼續閱讀
電話號碼
21554885
開飯介紹
這家新派西餐廳燈光昏暗,氣氛浪漫,是約會的好地方。以新鮮食材製作價格合理、分量十足的西式料理。 繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
付款方式
Visa Master AlipayHK 支付寶 現金 Apple Pay 微信支付
其他資料
網上訂座
Wi-Fi
酒精飲品
賞訂座積分
加一服務費
當面支付
有關餐廳
歐陸風味扒房
這家新派西餐廳主打歐陸風味的扒類及意粉菜式,當中有法式、意式等口味;食材新鮮,定價親民且用料十足。餐廳環境優雅,以綠色植物點綴,配合柔和的燈光,讓人感覺更溫馨浪漫。

有關獎賞計劃
招牌菜
鐵板肉眼扒配田園4蔬 鐵板橄欖油蒜片鳳尾蝦球炒意大利粉 南瓜忌廉汁海鮮焗飯 巴馬臣芝士肉醬焗長通粉 清酒冰鎮鮮鮑魚
食評 (126)
今日同事帶我來到永光中心一間新開的新派西餐廳,當我一聽西餐就有點卻步,因為午餐也不想吃太貴🤑不過同事早知我偏好平價美食,就講明這是一家平民西餐廳,價錢由$6x~$7x就有交易。 上到餐廳就感到自然寧靜之感,因為採用了大量綠披去裝飾牆身🏡餐廳燈光柔和,配樂是輕快的英文歌,令人不自然放慢聊天的節奏,仿佛在繁忙工作之中來到一個治癒心靈的綠洲。 .餐牌中有焗飯、意粉和沙律等正常西餐📜同事更有意外驚喜發有新的意大利雲吞和天使麵,都是今個星期新增的,很欣賞餐廳這種積極態度。翻轉後頁還有扒餐,有齊豬、雞和牛,細心留意旁邊食客,原來是偏港式的鐵板扒餐,難得餐廳沒有很大的油煙味😜 下單後立刻就送上餐湯和餐包🥘羅宋湯的酸甜適中夠開胃,餐包頗令我驚豔,因為類似黑糖餐包,外脆內軟,蘊含著自然的甜味,不用牛油也很美味🥖 🥟布袋芝士意式雲吞伴龍蝦汁 | $70 | 8/10職員推介的新款式,挑選了性價比高的burrata cheese去當餡料,布袋芝士屬於未熟成的芝士,外層有煙韌感,而內層則軟滑細膩,口味清新,配上香濃龍蝦汁非常惹味🦞最近龍蝦話題非常熾熱,因為消委會發現市面全部龍蝦丸都沒有龍蝦,但我肯定這裏的龍蝦汁是真材實料。 🥗煙鴨胸胡麻沙律 | $65 | 7/10有位同事正在減肥途中,沙律就是她的長期拍檔。煙鴨胸是扒類中的低脂選擇,當中亦有高蛋白質成分,減肥增肌不二之選。胡麻醬偏多,令沙律鹹甜感較重🤨 🐓美國脆香雞扒 配 薯菜 | $68 | 8/10上餐時在鐵板上有著清脆的吱吱聲,足見温度十足,配汁有黑椒/蒜蓉/燒汁,放在鐵板上仍在不斷翻滾🔥薯條相當脆口,沒有油益味,配菜還有紅蘿蔔、椰菜和豆角,食落不會過熟,帶有鮮甜味😚主角雞扒令我和同事讚口不絕,因為沒有雪味,而且帶有肉汁,口感真是外脆內裏柔嫩😋而且事先沒有太多調味,不會死鹹,輕點蒜蓉汁添上層次感🧄 繼續閱讀
(以上食評乃用戶個人意見 , 並不代表OpenRice之觀點。)
就嚟到聖誕,又到咗要苦惱點慶祝嘅時候🎅🏻 呵呵呵呵~ 我最近就喺銅鑼灣食咗呢間樓上餐廳,佢哋啲鐵板餐價錢都幾親民,啱哂啲小資情侶過嚟慶祝,而且又唔難book位!唔好以為食平民扒房個環境會係似茶餐廳或者飯堂咁,咁你就大錯特錯啦!餐廳環境有氣氛都坐得幾舒服,燈光昏暗都幾有feel🤫呢度鐵板餐有5款,價錢由$98-$148不等 (包餐湯,飲品另加錢),仲有意粉同小食揀。我見枱枱都叫鐵板餐,所以我都無叫意粉🍝 叫咗兩款鐵板餐同小食💁🏻‍♀️❤️ 餐湯是日餐湯有羅宋湯同粟米湯揀👀 我哋就揀咗羅宋湯,呢碗羅宋湯酸中帶辣,有濃濃番茄味道,仲食到牛尾粒🐮 好足料~❤️ 紐西蘭牛柳 $148淋上黑椒汁即刻「jarjar聲」,塊鐵板係好夠熱!煎得啱啱好,唔會過熟。牛柳都幾厚同腍,並唔係落咗鬆肉粉嘅腍,有少少筋位🤏🏻 醃得入味牛味幾濃,黑椒汁夠香辣👌🏻配菜有雜菜同薯條,薯條香脆熱辣辣🍟❤️ 紐西蘭肉眼 $128呢個配咗燒汁,燒汁幾香,我反而鍾意燒汁多啲😝 肉眼都幾大塊有厚度,火候拿捏得好,唔會煎過火。肉質同樣咁腍,肉味就無牛柳咁重,油脂感亦少啲🐂❤️ 香煎法式鵝肝 (黑醋汁) $88鵝肝肥美,煎得香唔會太乾,酸酸哋嘅黑醋汁中和咗鵝肝嘅油膩。伴碟有新鮮沙律菜,分量啱啱好,我仲要留肚食甜品😆❤️ 心太軟呢個係佢哋新推出嘅甜品,心太軟配雲呢拿雪糕。心太軟幾驚喜,用咗黑朱古力去製作,成功做到流心效果,一切嚿蛋糕啲朱古力漿就傾瀉而出😚 雲呢拿雪糕都唔錯,香甜軟滑,入面仲有杏仁粒。香濃朱古力配冰凍雪糕,好滿足啊!🥰餐廳推薦度:⭐️⭐️⭐️⭐️ (4/5)價錢貼地,氣氛唔錯,都幾吸銅鑼灣區街坊客同上班族!同埋我見都有唔少情侶過嚟食飯同一家大細聚餐👀 店員好nice親切友善! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-18
1179 瀏覽
銅鑼灣商場淪陷式消費吸引咗我哋嚟銅鑼灣好多次。經過一番激戰之後已經成功用晒所有優惠券,今日我哋就冇再喺商場入邊食飯。因為到到都人頭湧湧,排晒大隊,所以我哋就去咗出名多嘢食嘅登龍街。喺網頁度訂咗位有優惠有折頭,所以一試。餐廳喺永光中心入邊,人流比較少坐得又舒服。行入餐廳就好似愛麗絲夢遊仙境入邊嘅情景一樣,嚟咗一個幽靜嘅森林。滿佈嘅都係綠色嘅樹葉,感覺特別心曠神怡。其實佢一個套餐非常抵食,就算鋸扒都係$100幾一個人,包餐湯、主食同飲品。餐枱有紅白兩款嘅選擇。紅嘅係羅宋湯,羅宋湯濃郁,帶有鮮甜茄味同牛肉味道,而且飲落仲有幾分辣勁。白嘅係粟米湯,加入左粒粒嘅粟米粒特別鮮甜。水牛城雞翼叫咗一個小食來填飽個肚先。雞翼嘅外皮炸得香脆,包住既肉仍然保持肉汁,而且雞翼特別大食落啖啖肉。兩個人兩份扒啱啱好,佢既扒已經配左一啲基本嘅薯條同埋雜菜,可以跟蒜蓉汁黑椒汁或者燒汁。紐西蘭牛柳餐眾所周知牛柳嘅部份特別柔嫩,食落無根,所以容易咬!慢慢咬,牛肉味啖啖淡出。加上秘製燒汁特別好味道!朋友嘅燒雞扒,望落都非常大塊,而且經過煎炸,皮好脆。啖啖肉無骨,最方便!百幾蚊一份餐,仲有折頭,食落真係好抵。比起大商場食,幫襯呢啲小本經營店更加有人情味,更加舒服,值得支持。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-18
718 瀏覽
今日同女朋友嚟咗銅鑼灣食鐵板餐😆 叫咗兩個鐵板餐同兩款小食嚟慶祝聖誕節🎄餐廳位於呢棟好多餐廳嘅永光中心 喺樓下要排隊等𨋢上去 上到20樓門口都有好多人排隊等位🙀 因為鐵板餐嚟講 佢係算好抵食黑松露炸薯條份量都幾大 而且上碟嘅時候熱辣辣 配埋黑松露醬好好食😋香煎煎法國鵝肝 (黑醋汁)外脆內軟 又唔會煎完出黎太薄身 內層好creamy 配埋黑醋汁 油膩感少咗🥰 隔離仲有少少沙律🥗 等成餐飯都有多幾條菜食吓雜菜湯味道唔算太辣 但係有蔬菜嘅草青味 飲得出佢真材實料 入面仲有唔少嘅蔬菜🥬紐西蘭牛柳肉質軟腍 我哋嗌咗五成熟 切開雖然比較紅 😮 但係放上個鐵板度燒多兩燒 熟嘅程度啱啱好 唔會因為太熟而好韌😂 牛柳配黑椒汁都係幾夾㗎BG什扒真係乜都有啲咁啦 又有豬扒 雞扒 牛扒 半條司華力腸 火腿 仲有青口 睇落咁豐富已經好開心🥳 再配埋側邊伴碟嘅薯菜 蘿蔔仔 同埋椰菜 成個餐好滿足凍奶茶凍飲要加$3 女朋友好高要求 杯野要走甜多奶 餐廳都做足佢嘅要求😅熱檸茶望落顏色唔係太深色 夜晚唔好飲咁濃嘅茶就啱晒啦鐵板餐嚟講 仲要位於銅鑼灣 呢間餐廳真係好抵食呀😛 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-12
903 瀏覽
放工在銅鑼灣鋸扒,<BG Steak & Pasta> 確係吾錯,價格非常實際,晚餐百幾蚊已經有鐵板牛扒,份量充足,又吾會好貴,品質吾錯又好食,而且環境好有氣氛,座位仲吾會好迫,坐得自在又舒服。Dinner Set 都係百幾蚊就有得鋸扒,仲要係鐵板餐,好抵食吖!!~除此之外,仲有意粉、飯、同埋其他小食供應。<忌廉南瓜湯>南瓜忌廉湯味帶香甜,而且非常濃郁,入口好滑好creamy。<香煎法國鵝肝 $88>鵝肝厚度適中,而且仲好肥美,有入口即溶嘅感覺,非常之多油脂,非常美味。<黑松露薯條 $60>黑松露薯條用上幼身薯條,薯條炸得非常香脆,個人覺得黑松露醬的味道比較淡,吾算好濃,如果再濃d個味道會更加突出。整體來講,兩個小食都吾錯,好好食,同樣值得推薦。<紐西蘭牛柳 $148>紐西蘭牛柳非常之厚,煎至5成熟,熟度剛剛好,沒有血水,肉帶微粉嫩色,入口牛肉味道頗為濃郁,咬落去有質感而鬆軟,個人覺得非常好食。<BG 什扒 $148>雜扒有齊豬扒、牛扒、雞扒、司華力腸,仲有青口同火腿,陣容非常頂盛,幾款扒嘅質素亦都唔錯,肉質味帶鮮嫩,而且重保持到肉質嫩滑,入口仲非常juicy,這個價格來講,真心絕對抵食。扒餐仲可以選擇配埋燒汁或者蒜蓉汁,加埋呢個汁,味道會發揮得更加完美,入口更加惹味。<凍檸樂>鐵板套餐加五蚊就可以飲到凍檸樂,分量仲好大杯,絕對抵飲!!~整體來講,餐廳供應嘅食物質素非常之好,而且價格便宜,值得再嚟,下次嚟銅鑼灣都可以嚟食鐵板鋸扒!!~ 繼續閱讀
(以上食評乃用戶個人意見 , 並不代表OpenRice之觀點。)