影片
以上資料只供參考, 請與餐廳確認詳情
今晚放工要買定聽朝食既早餐，知道呢間係新開無耐，就決定喺度買啦！我入舖頭既時候，可能未到店舖最繁忙既時間，有位店員就好主動過黎介紹佢地家既各款麵包，仲會推介俾我，如果係第一次買佢地家既麵包應該揀邊款，呢下讓我感受到佢地既服務同麵包既價錢係成對比😆😆😆經一輪介紹後，我最後決定買呢4款試下：1）芋泥麻糬丹麥條🥖呢個話係店舖入面嘅signature款式之一，外皮小小脆口，入面嘅芋泥餡唔會太多，所以唔會俾芋泥好快「質」飽咗，而且加咗新鮮麻糬，質感軟身同埋做到拉絲嘅感覺，食得出係新鮮整嘅麻糬。2）經典牛角酥🥐一間高質嘅麵包舖做酥皮系列嘅麵包，就要睇佢嘅酥皮入面嘅窿窿夠唔夠多，同埋表面個賣相夠唔夠硬淨、脆身 。呢個原味牛角酥睇得出同食得出佢哋嘅酥皮係整得幾好嘅，我冇用焗爐焗返熱去食，就咁擺咗室溫一晚食，外皮都仲有小小脆👍🏽👍🏽👍🏽3）蜂蜜金磚🍞呢個建議食法係：「唔好焗熱或翻熱食，要就咁食‼️即使雪咗雪櫃再拎出嚟都係攤凍咁食。」因為店員話呢款麵包嘅製作方法係coat咗三層天然蜂蜜，翻熱會令到麵包面上嘅蜂蜜溶化，令到個麵包變濕，口感就會冇咁好食。就咁食嘅好處就係食到出面嘅脆同埋麵包入邊嘅軟綿質感，適合做茶點，因為味道偏甜小小，似重口味西多，配杯茶就剛剛好！🤣4）mini cake: Cherry Blossom 🌸🍰(中間layers分別係cheesecake mousse同士多啤梨軟啫喱jam層，再加海綿蛋糕底）On top 有3塊切片新鮮士多啤梨，係Juicy有汁嘅新鮮士多啤梨，令整個Mini cake增添新鮮士多啤梨甜香 。其實店員仲有好多好推介，原材料都係用來自法國產地，例如麵粉同牛油。佢哋嘅酸種（sour dough)麵包都好出名，可以買半份，亦都可以買一整個，而且冇防腐劑亦都冇落食用臭粉（屬於膨脹劑，通常用喺製作酥皮產品），所以成份天然，要保鮮就要記得雪雪櫃，保存期就可長達一個月，食幾多攞幾多出黎返熱，用蒸焗爐嘅濕氣烘返熱，就係最正確食酸種麵包嘅方法。睇黎要下次再黎幫襯先得，今次真係買唔到咁多😆😆😆原來佢地仲有會員制度，只要買1盒曲奇餅就會送一個永久會籍，每次買麵包、咖啡都有88折，好在我多口問一問😂😂join member抵好多！
繼續閱讀
最近堅尼地城新開了一間麵包店，引起不少街坊關注。這間店主打高質素路線，無論用料、工藝還是創意都非常講究。老闆選用來自法國和日本的特級麵粉，配合法國牛油，還有天然酵母，甚至連酸種麵包的酵母都大有來頭——源自荷蘭一個有150年歷史的酸種。最重要的是，所有產品都不加防腐劑、不用膨脹劑，讓人吃得安心。這間店的麵包不只講求傳統，還加入本地風味，像話梅、臘腸這類港式元素也不時出現。每一款麵包都用料十足，例如紅莓合桃法包，拿在手上沉甸甸的，咬下去滿是果仁與果乾的香氣，完全感受到店家對品質的堅持。麵包吃起來不會像有些店那樣只是空氣，反而軟熟之餘又有質感，每一口都滿足。這次我買了三款麵包和一個小蛋糕，真的是滿載而歸。🍒紅莓核桃法包果香濃郁、口感豐富；🇦🇪杜拜開心果麻糬則是東西合璧，麻糬的煙韌與開心果的濃厚交織得剛剛好；🍫生朱古力包外層香軟，內餡甜而不膩。🧁最後那個65%的薄荷朱古力迷你蛋糕，小巧精緻，朱古力味濃郁中帶點清新的天然薄荷，吃完有種微微涼意，非常適合炎熱的日子。
繼續閱讀
堅尼地城新開麵包舖🥐成個麵包博物館咁，擺放得整齊又精緻主張天然無添加防腐劑，採用優質麵粉同牛油，分別有法國同日本入口嘅高級麵粉▶️ 伊甸園蘋果迷你蛋糕 ($69)賣相成個蘋果咁🍏特別在加咗香茅，甜味中帶出淡淡香茅香配搭聽落奇怪，食落意外地夾外圍係朱古力片🍫中間有粒粒爽脆清甜青蘋果蛋糕creamy，仲有曲奇餅底！係一個細細蛋糕食到咁多層次味道，確實有驚喜😯*大蛋糕需三日前預訂，製作功夫講究，需時較長*熊啤啤蛋糕有多款口味🧸可當一般蛋糕食用或冷藏當雪糕蛋糕▶️ 1/2個蒜香芝士酸種 ($48)用150年酵母、T65 T85法式麵粉製作無加糖、牛油、奶，相對健康建議烤焗食用，更能欣賞酸種包外皮香脆，內裏煙韌口感聞落超香黑蒜味，提子乾、芝士足料🧀加埋又甜又鹹▶️ 杜拜開心果麻糬酥 ($32)近期大熱杜拜朱古力x開心果💚大大舊麻糬配合開心果醬，再包上層層酥皮酥皮用法式T45麵粉同法式牛油🧈最後灑上杜拜朱古力碎▶️ 士多啤梨紅莓麻糬貝果 ($30)好肥嘟嘟，應該係我見過最厚嘅bagel入邊唔係用士多啤梨醬，而係用士多啤梨紅莓粒🍓一個成150g重，超飽肚麻薯煙煙韌韌，不過可能因為咁bagel包質比下去了🙈另外有原味、抹茶紅豆麻糬味、芋泥麻糬味▶️ 法式葡撻 ($15)酥皮勁細緻，已經見到千層咬落十分酥脆🥧葡撻蛋漿ok-鍾意佢將港式元素可入法式/日式/意大利包中，有新意又符合香港人口味🇭🇰包裝都靚又高級服務幾好，店員同我詳細介紹產品🤣私人導賞團店員推介下次試佢哋嘅法式曲奇餅sable，全人手製造，設有四款口味🍪依家做緊優惠，買曲奇可直接送會籍，可享88折
繼續閱讀
放工經過soft opening 中嘅Bernice by Deesses bakery俾招牌嘅暖紅同入面嘅金黃色麵包吸引住就入左去一探究竟店員熱情招待細心介紹左每一款麵包特性、味道同口感令到我愈睇愈想買結果大破慳囊買左幾款同屋企人分享店內麵包全部由自家工場鮮製材料絕不吝嗇例如酸種麵包就用上左歐洲150年酸種同法國T60同T80麵粉無任何添加劑、防腐劑令客人能夠安心地享受優質麵包麵包種類選擇多除左有酸種麵包，仲有法式酥餅同日式包點而且口味豐富日式包點除用上日本麵粉，餡料有少見嘅生朱古力而最令我驚喜嘅係Bernice bakery 對味道推陳出新酸種麵包除左有經典口味，更有港式系列用港式臘腸、飛機欖等入饌，非常有新意！最後我買左店員力推嘅鄉村酸種麵包因為店員用實證話我知係同坊間嘅酸種麵包唔同包體外硬內軟徒手可以按下而且鬆軟回彈而且仲教我回家用焗爐處理嘅方法確保完美回溫另外我又買左芋泥麻糬丹麥條法式蜂巢酥脆外套包裹住甜滑芋泥中間再有軟糯麻糬多重口感令人回味士多啤梨紅莓麻糬貝果份量足紅莓同士多啤梨餡料豐富每一口都有莓果鮮香Bernice bakery 除左有麵包外仲有蛋糕售賣蛋糕造型可愛味道特別下次有機會再試試！
繼續閱讀
⭐️杜拜開心果麻糬酥最近大熱開心果，好好奇係咩味。酥皮咬落幾鬆軟，內面麻糬好Q彈，最頭頭係開心果。⭐️蒜香芝士酸種最近好大熱酸種麵包，一直都未食過，都好好奇係咩口感。店員知道我唔識都好好地走過來，介紹比我聽。原來呢款包冇落奶、牛油、蛋、糖，有別其他麵包，所以會健康啲。用法國麵粉整，仲用左好有歷史嘅菌發酵就成功令到麵包發起有空氣感鬆軟。呢到有幾款酸種麵包，有雜糧酸種、紅酒提子酸種、話梅夏威夷果仁酸種，幾新穎。因為第一次食都係選擇返大路口味-蒜香芝士酸種。啲蒜粒&芝士好大粒，所以超級香，推薦。⭐️生朱古力包生朱古力唔會話好苦好甜，剛剛好，好滑，鍾意朱古力嘅人要食下。⭐️士多啤梨紅莓麻糬貝果貝果入面有唔少士多啤梨&紅莓果肉，酸酸甜甜，我有再蒸一蒸再食，令到麻糬貝果可以再淋啲。
繼續閱讀