Bento Express by AEON (已結業)

收工收到好夜，趕唔切賣餸，一出地鐵就去 Bento Express by Aeon，買外賣飯返屋企食。和風便當-蒲燒鰻魚便當，食得外賣飯盒 (仲要係即食嘅) 都唔會預期有乜嘢水準，只係但求味道正正常常唔會甩甩漏漏就收貨。呢盒便當都算唔錯，睇起上嚟都靚靚仔仔，而且前菜、蔬果、甜層都幾好食，味道都幾好。鰻魚都好厚肉冇乜骨，又香又滑又有魚味，食落味道都幾夠肥美，鰻魚的蒲燒汁甜甜地幾好味，唔太甜又唔太喊，即食便當呢講算係好好味，真係一啲都唔頹。

元氣，爭鮮，板長壽司差唔多個個港人都食過。我估計呢一間分店應該都開咗接近4年左右 呢間店舖入面嘅員工都好好人， 員工態度良好， 問佢哋拎多一包wasabi, 佢地都會比多2包，一直都有光顧呢間店鋪，最近兩年將軍澳地鐵站都開多咗兩間壽司店， 另外兩間人流比較少，benTo呢間人流比較多，大多數時間都有客人買野。不過， 我係呢間壽司店既一位長期忠實粉絲。點解？？？？因為平日聽售貨員兼壽司中工，介紹佢哋所有嘅壽司產品，都係即日製作，即日過期，賣唔曬，就會拎去垃圾桶，所以一定非常新鮮。 睇到佢哋包裝上面嘅標籤真係冇一盒係寫第二日先到期每次經過店舖嘅時候都見到員工冇時冇刻都製作中，唔怕食壞肚皮。三文魚帶子螺肉今日又買咗一盒壽司每一件都冇急腥味 飯上面嗰件嘅食菜啖啖肉，非常新鮮，材料十足。