Ben's 燒 (已結業)

十多年前由小店到現在餐廳，這裡的沙爹醬及雞皮最領我難忘及回味！那些沙爹醬辣味的，辣而不搶喉，原味的香味可口，而雞皮是Ben從雞檔那邊新鮮取貨，跟出其他店的交貨或用急凍雞扒的雞皮絕對不同，將雞皮的油分燒出只盛下脆卜卜的皮，這是要對火喉，時間及耐性才能做到。希望Ben快快東山再起，和我們繼續分享他的美食！…查看更多

真係好嬲，平時我去開串皇，但因為無哂雞皮就唯有試呢間，咁啱又有foodpanda, 點知就伏左。我落左單之後，已經即時打去問清楚係咪有汁，佢話有唔辣汁，咁我就話要辣椒粉同多唔辣汁。佢都好順口話無問題。我叫左5份雞皮，2串金菇肥牛，1串脆肉瓜。盛惠$212點知嚟到得個三分一都無嘅汁，仲要有一半係油。都唔知可以用嚟點邊樣。打電話返去問，負責人賴先生話有俾多，係正常份量，最多下次俾返你。。。咁你話係正常我都無辦法，你下次俾，咁我宜家D串燒點食。咁都唯有照食架啦，點知仲死，D辣粉就勁多，辣到入唔到口，又乾又辣，食到第3塊最終都要放棄。有一半請左垃圾桶食。俾咁多錢等咁耐，換嚟食唔到仲要一肚氣。以後都唔食。…查看更多

話說有一晚，d friend突然心血來潮想食串燒，於是係openrice搵到呢間串燒店，仲開到凌晨三點，岩晒我地食野同飲返2杯吹下水。呢間店位於元朗嘅富達廣場，喺千色店後面，開咗好耐但係一直都未試過。就咁睇相可能未必好吸引，但係有啲嘢食，你試過之後一定唔會令你失望，特別係牛仔骨同埋羊肉串，羊肉串肉味非常濃，但一d都唔酥，強烈推薦要試吓，另外牛仔骨都好出色，雖然份量有啲小但係係好食嘅。總結，邊間餐廳適合三五知己過嚟飲杯野，再食下宵夜，夜晚喺元朗唔知食咩好，可以過嚟試吓。…查看更多

同幾個朋友好耐都冇見，咁啱我哋夜晚都唔想食咁多嘢，正喺度搵緊地方可唔可以一路傾偈一路食嘢，又可以坐得耐，唔會趕住趕住嘅地方，咁啱俾我哋見到呢間餐廳。入面環境都唔算寛，可能要同隔離客人貼住，不過入面睇落都算乾淨。我哋叫咗好多串肉，都比較一般，當中印象最深刻嘅係燒茄子，我不嬲都鍾意連皮食，不過可能佢真係用炭燒嘅時間好長，表皮燶晒，所以唯有淨係食肉，搞到有啲唔係好滿足，如果個皮可以冇咁燶脆返少少，咁就好啦。…查看更多

嘢食好味 而且唔貴覺得牛仔骨幾出色 非常Juicy！而且份量唔少最推介大家食招牌五花肉 伴埋微酸嘅蘿蔔蓉 減淡左油膩感 而且添加咗日式感不過串燒店嚟講加一就有d貴 如果唔使+1就好啦呢間鋪頭入面都有幾多喺元朗搵唔到嘅串燒款 例如係雞子 雞肝 呢d 即使係出面嘅鋪頭都好少見 而且燒得都好味 唔會乾 唔會燶又唔會太淡太濃 味道票過不失Anyway 下次會再去食 …查看更多

和朋友在元朗逛逛街，想找個地方吃一點小食和聊聊天，就揀了這間串燒，估誤打誤撞都發現到美食，串燒不會燒得太乾，還有我很喜歡的燒雞皮，雞皮還要很大塊，很脆口，加埋他的粉很好吃😋…查看更多

2-10-2019兩個佬入元朗開餐, 朋友提議位於西菁街既呢間即叫即燒串燒店。裏面座位不算太迫, 都坐得舒服。食物種類都算多: 涼拌, 鐵板燒, 魚類海鮮, 腸丸類, 焗蔬菜, 日式串燒等, 都一應俱全。由於剛剛係尖沙咀食左甜品下午茶, 仲好飽 (沒有同朋友講的😂😂), 我沒有叫好多, 主要朋友拍板!真心推介👍👍👍: 燒飯團, 外面燒得香脆, 因為有醬汁所以唔會好乾; 朋友至愛五花腩, 一d都唔油膩 (邊位有少許燒燶😬); 燒帆立貝好大隻, 如果加超多蒜茸就更加正!其餘既燒菠蘿, 雞翼, 金菇肥牛卷, 正常味道, 無乜特別😉😉 下次記得要空肚食串燒!😬😬…查看更多

七一的晚餐.乾蒸了一天, 因為天氣太熱了, 大家都冇咩胃口, 所以直接係元朗食少少野就算.路過見到有一間串燒店就隨便去試下啦鐵板雞軟骨 $38類似係避風塘口味，雞軟骨炒得夠乾夠香口，但見到相都睇燶左些少，避左唔食d粒粒就可以芝士煙肉焗薯角 - $35/份一個字, 乾!好乾! 同埋好明顯焗得太過時, 食落仲有燶味燶到苦原條蒜蓉茄子 - $32/份蒜蓉醬極多, 最愛蔥蒜嘅重口味寶寶都稍為覺得多左少少,但茄子燒得剛剛好, 時間控制得唔錯, 一D都唔乾.邪惡燒雞皮 - $18/串  （唔記得左影相）燒雞皮乾身又夠脆, 肥都唔怕要食多串燒秋刀魚 - $38/份燒嘅時間掌握得好好, 外皮香脆, 魚肉保持到唔乾有汁雖然冇特別醬汁點黎食, 但都要一讚墨魚咀 $24/2串有d un, 冇咩味道，要靠沙嗲醬先至有味 …查看更多

今日行過發現一間新既串燒小店（其實係可能平時無為意🤣🤣），又咁岩串燒癮起，好耐無食過串燒，就買少少做宵夜返屋企睇住電視嘆串燒啦😋😋串燒叫左燒菠蘿同翠玉瓜，仲加左一客椒鹽雞軟骨，肥就肥啦😆😆菠蘿🍍新鮮又甜又多汁，燒完之後菠蘿既味道就更香，係每次食串燒都必叫翠玉瓜就偏咸，可能蒜蓉調味太多，我個人就唔太鐘意。而椒鹽雞軟骨都係太咸😕但如果飲住啤酒🍻就可能岩岩好，大家有興趣都可以試下，不過價錢偏貴，三樣食物加埋都80蚊🤭…查看更多

以前係又新街，有檔叫做薪意既串燒，我好鐘意食！但係佢執左。早排經過呢間bens燒，好似話係同一個老細開！我照叫左我最鐘意食既豬頸肉！真係果款黎😍😍😍佢既醬好野味，不論辣定唔辣。我自己最鐘意食辣！不過始終都覺得唔夠以前係又新街好食，而且而家貴左好多🥺🥺🥺…查看更多

今日突然想食串燒，突然醒起千色後面有一間串燒店。環境方面都算幾好唔會好大油煙味，叫咗燒完條茄子，仲有食串燒例牌都會食嘅牛串、雞串、燒雞軟骨、燒雞皮、燒雞中翼。仲有燒菠蘿。整體來講都幾滿意，因為冇燒窿或者燒到乾晒嘅情況出現，另外味道方面算適中，唔會話唔夠味， 又唔會話太過濃味會食到好口喝，味道剛剛好。價錢方面比起又新街嘅串燒貴少少，不過因為佢有得坐低食所以我都覺得值得嘅。而且每串肉嘅份量又唔會話太少，所以都算值回票價。現場所見，唔少人叫啲串燒再叫啤酒喺度飲，呢個配搭都好正。…查看更多

今晚收工咁夜嘅時間肚餓，行下睇下屋企附近有咩食，行下行下同老公講不如食返~Ben's燒~咯。咁就再黎食啦!呢度有好好傾嘅員工，舒服高樓底嘅環境，雖然舖面細細但又坐得好舒服，做野做到咁攰真係非常一個好好嘅食野地方!今日同老公2個人食咗好幾樣野，有每次必食，又有新出品，不得了!首先必食雞泡魚乾!唔洗介紹，一黎整2份先唔該再黎新出品吉列鵪鶉蛋同豚足肉棒。呢個不得了啦，先講鵪鶉蛋，就咁食同普通炸蛋無乜分別，但一點沙律醬食就升華幾倍，令到個蛋味飛出黎，我呢個蛋怪真係勁鐘意食!之後個豚足肉棒，點之前仲傻傻地咁同店員哥哥講笑咁問係咪豬腳肉棒咁解，咁緊係唔係啦食落係豬肉同洋蔥包住咁整，就咁食就少少漏，之後問店員姐姐攞茄汁，嘩!夾到不得了，勁好食之後就係基本嘢，燒雞肉，雞皮同老公至愛五花腩另外仲有原條燒茄子，試過向其他地方食麻麻地，係呢度啱口味，夠多蒜蓉師傅保持到水準，好味最後就次次見到菜單都想試但無試，今日第一次食燒飯團。一上枱，嘩~好可愛呀!無錯，係師傅好可愛呀店員姐姐話師傅今日應該心情好好香香嘅飯焦味，加埋燒汁味，不得了!今次小試牛刀同老公一人一半唔夠喉，因為細細個，下次要一人一個先得今晚食完呢d，係老公另一至愛燒京蔥賣哂，唔係就真係完美啦。真係勁滿足!仲要食咁多野都唔算貴。真係遲早變飯堂…查看更多

尋晚突然想食串燒, 行左幾間決定試下呢間野, 入到去其實有某位店員態度都吾太好, 雖然有貼告示出黎話即燒所以要等得比較耐, 但眼見間店除左做堂食之外重有做外賣貼deliverxx, 廚房爆哂想加單, 職員重話因爲太多單要再等耐啲, 廚房好似負荷吾倒咁多單。兩個人食左280幾, 價位方面串燒不嬲都比較貴, 但有某啲菜底係比較普通, 例如吉列豚肉串食完都食吾出入面係豚肉, 個人覺得有某啲係真係幾好食, 例如邪惡燒雞皮同牛舌都幾正重點係, 食完兩個都柯左4次以上, 永冇下次....…查看更多

唔想食傳統BBQ, 就試左呢間串燒，有啤酒及燒肉1， 牛肉及豬勁肉焾及滑2， 羊扒 - 推介3， 和牛 - 一般4, 乳鴿 - 推介，炸得剛剛好，香口及肉質嫩滑5， 五花肉 - 推6，黑豬肉 - 一般6， 魷魚 - 推介7， 啤酒味道都唔錯…查看更多

之前見朋友fb post相話好食，所以收工就黎試下，順便啤一啤佢，點知一試就上引了佢既串燒都係有孜然味，但辣係另上既，可以揀辣度，全部串燒都燒得岩岩好，吾會太乾，非常出色呀！燒飯團，個外面好脆，有啲似童星點心面味，又有小小薯餅feel，飯焦，內裡係軟軟既飯燒豆卜，燒到好脆，吾知係咪有焗過呢，我未試過食到咁脆炸餃子，好味，多餡燒茄子，勁正，我食過燒得最好味既一間，蒜味好重，食完會口臭台灣腸，係有質素既，好味！煙肉秋葵卷，都係合到好處。燒雞皮都係好脆好好味呀，都係必食我已經上左引，而且吾貴，人均消費百幾，飲埋支啤酒，可以話係香港人既居酒屋，正！…查看更多