198
7
3
港鐵觀塘站 A2 出口, 步行約4分鐘 繼續閱讀
電話號碼
23458455
23458488
開飯介紹
觀塘工業大廈內的日式和風系西餐廳,運氣好的話可遇上紫薯餐湯。 繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master 現金 支付寶
座位數目
100
其他資料
網上訂座
Wi-Fi
自帶酒水 詳細介紹
電話訂座 詳細介紹
賞訂座積分
外賣服務 詳細介紹
加一服務費
當面支付
有關獎賞計劃
食評 (225)
等級4 2018-10-03
1751 瀏覽
出左糧, Lunch 同事帶我黎Bella Shine食好D。呢到地點超方便, 係APM後面。12 點鐘到, 成為第一枱客。唔洗15分鍾, D客就愈黎愈多啦。所以早黎早享受。Lunch set有A-F 選擇, 價錢由$82-$132, 每個餐包蒜容包, 餐湯或沙律。今日餐湯係南瓜忌廉湯, 濃濃既南瓜味, 打得好幼滑。沙律係日式和風沙律, 沙律菜好新鮮, 咬落去索索聲, 個沙律汁好開胃。蒜容包都烘得香脆, 最岩送湯主菜1: 波士頓龍蝦汁煮扁意粉($128), 其實睇個價錢我唔會期待隻龍蝦有幾大, 或者諗住只係得少少龍蝦肉, 但一上枱真係嘩左一下,竟然有大半隻龍蝦, 未食已經夠呃like, 食落d龍蝦肉好爽, 好多膏, 我將d 膏整晒出黎再撈埋落d 意粉到, 一絕呀! 意粉用返D 龍蝦汁一齊煮, 吸收晒D龍蝦味, 煮得岩岩好, 唔會太淋。主菜2: 秘製豚肩扒配黑啤燒汁 ($92), 我地起初以為豚肩扒等於普通平時食開既豬扒, 但上枱一睇就知原來係唔同既, 個樣仲有D 似牛扒, 比平時食開既豬扒薄身同淋身, 唔知係米個燒汁係秘製關係, 同平時d燒汁味係唔同D, 醃得好夠味, 燒得香味, 配上薯容, 粟米仔, 車里茄墊底, 又夠飽又減油膩感。最後有埋餐茶, 我地為左個lunch 更加圓滿, 我地加$18要個是日甜品, 朱古力mousses 唔太甜, 岩晒我, 杏仁迷你批脆卜卜, 好味。最後waiter 仲好細心問返我地D 食物岩唔岩食, 叫我地歡迎俾意見, 呢點我要俾like!  繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-01
1523 瀏覽
1. 岩鹽焦糖厚焗鬆餅($58)🍯鬆餅好厚,而且非常鬆鬆,配上焦糖,好似食緊充滿香濃焦糖嘅海綿,加上雪榚,又熱又凍,口感超豐富🤤彤樂評分:8.5/102. 脆焗德國咸豬手配蜜糖黑椒燒汁($198)🍖製作需時,所以如果大家叫可以一入去叫左先,份量好多,兩個人都食唔晒,豬手外皮好脆,入面好厚肉之餘又有少少肥膏,不過有少少硬,但配上蜜糖黑椒汁,感覺會好好多😁彤樂評分:7/103. 生蠔($10/1隻)10蚊一隻嘅話算好抵食,而且又可以無限任食, 生蠔唔算好火大隻,不過食到少少海水鹹味之餘又有鮮味,算係幾物超所值!彤樂評分:7.5/104. 鹽燒牛舌($68)牛舌有4塊,塊塊都好厚實,食落唔會乾柴,經過鹽燒,味道更突出,不過略嫌有少少韌🙈彤樂評分:7/105.軟殻蟹天婦羅咸蛋黃扁意粉($118)🍝軟殼蟹天婦羅炸得好香脆,同混有濃郁鹹蛋味道嘅扁意粉好夾,而意粉軟硬適中,味道好突出,唔錯!彤好評分:8/10 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-25
3866 瀏覽
朋友之前介紹觀塘呢間工廈上面既餐廳,今日就黎試下。我地叫main course 再加$88 有埋頭盤、餐湯、甜品、飲品頭盤有三款食物,黑醋西瓜、章魚仔、同一口脆蒜包,一啖可以食哂,唔怕頭盤已經好滯餐湯係龍蝦湯,好夠味但覺得可以再杰啲,飲到尾發現原來有啲龍蝦肉係底,好驚喜主菜叫左軟殻蟹天婦羅咸蛋黃扁意粉同輕煎日本帶子黑松露意大利飯意粉真係有一粒粒蛋黃係面,好香,不過略嫌有少少乾身。軟殻蟹炸得好香口,唔係得炸粉,好重軟殻蟹肉味,同埋分量好足!黑松露意大利飯一上枱已經聞到好香黑松露味!食落都好重味,男朋友原本唔太好黑松露味都覺得好香好好食!意大利飯軟硬度好岩岩好,有啲咬口唔會太淋,帶子都煎都得岩岩好,真心推薦呢個!甜品冇要原本set個個,因為想試流心綠茶多士配雪糕,個賣相好吸引。打開個上面頂果塊麵包即刻聞到勁香綠茶味,入面啲流心雖然係杰身,但都有流到出黎。綠茶醬好濃但係係偏苦,唔鐘意好濃綠茶味既人可能就未必岩食,但係加埋麵包同雪糕食我覺得就岩岩好,同埋個麵包好夠脆。呢間餐廳星期一至四有美國頂級肉眼牛扒 再配多另一個菜式,waiter講話食完唔夠仲可以refill牛扒,好抵!不過今次係星期六去呢間餐廳就試唔到呢個優惠,下次會試下!值得一提係呢間餐廳入面啲枱都幾闊,坐得舒舒,啲燈光又幾有feel,同朋友一齊黎坐低食野傾計岩哂 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-20
2740 瀏覽
自從轉工之後,這一年確實見識不少不同類型的人。眼見有些人滿有自信,滿身香水和名牌的走進來,令人有着一種遙不可及的感覺,可惜與他們對話毫無深度,待人接物也欠缺內涵,毫無論點可言。相反,一些外表平凡的人,說話卻言之有物,不但樂意細心聆聽别人,而且在整件事上還可以客觀地分析正反兩面,雖然他們擁有非凡的學歷和經驗,可是沒有給人高高在上的感覺,還比一般人和藹可親。最近遇到太多令人反眼的人和事,這晚我們相約一起盡吐苦水,朋友提議來到這間餐廳,就在APM後門對面的觀塘商廈,非常方便!這間餐廳面積也頗大,大約可以容納四五十人開小型私人派對,餐廳裝修簡單但典雅,木色的牆身配合櫸木色的傢俬,牆上掛着大黑板寫上每日精選推介,單看菜單已令客人垂涎三尺。餐牌款式繁多,最後我們點了黑松露帆立貝兩隻$52,香草焗田螺$88,西京燒銀雪魚配紅菜頭乳酪汁$168,軟殼蟹天婦羅鹹蛋黃扁意粉$118,和玄米茶焦糖燉蛋$68。店員先為我們送上這兩道前菜真的很特別,帆立貝和焗田螺我也經常會吃,但是吃這種口味是我第一次的嘗試,今次有驚喜。我一向好鍾意食黑松露,例如黑松露意粉,黑松露炒蛋,黑松露芝士大蘑菇,而今次是我第一次嘗試吃大大粒帆立貝配黑松露醬,用黑松露烤焗帆立貝再提升其海鮮鮮味,又成為一道簡單美味的佳餚。而另一道前菜是香草焗田螺,看似簡單的,但其實這份田螺連殼也可以吃,烤烘之後脆卜卜,非常特別,而田螺用了濃郁的香草焗香,簡直是一道送酒的美食!等了不久,軟殼蟹天婦羅鹹蛋黃扁意粉亦上枱,原來這鹹蛋熱潮已經跑上到意粉,我實在忍不住大口大口吃下去,濃郁的鹹蛋味道配合軟硬適中的扁意粉,意外發現味道非常合拍,粒粒鹹蛋黃和白飯魚仔增加意粉口感,廚師更將軟殼蟹天婦羅炸至金黃香脆,簡直令我一試難忘!我最愛的西京燒銀雪魚配紅菜頭乳酪汁亦上枱,魚肉厚度適中,廚師簡單用西京白麵豉調味,再簡單用紅菜頭乳酪汁鋪上沙律菜,用酸味減輕銀雪魚的肥膩感,簡單好味,不錯!最後,廚師送上一份玄米茶焦糖燉蛋,味道清雅得來有淡淡茶香,因沒有焦糖燉蛋的一般甜味,男士實在也為這甜品而動容,就這樣為這頓晚餐畫上完美的句號。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-25
743 瀏覽
座落工廈入面嘅西日 fusion cafe, 好闊落,平日去好少人坐得好舒服。服務員亦很主動不斷幫忙添水 🙄 成間餐廳充滿脫離煩囂小空間嘅格調前菜 ❤️清酒日本生蠔,西班牙風乾火腿伴煙燻溏心蛋前菜擺佈得好有心思~😄 友人 A 表示生蠔算新鮮。我覺得塞咗落玻璃杯仔好似胚胎 🤤😅 溏心蛋配微鹹嘅風乾火腿都好夾。火腿通常都配蜜瓜一齊食,溏心蛋嘅創意變換亦反映到餐廳行西日 fusion 風格嘅特色餐湯 ❤️紫薯餐湯 // 甘笋薑藍青口濃湯額外送咗紫薯餐湯俾我有得一次過試晒兩款湯 😋 後者色澤金黃措似南瓜湯,但係其實係因為甘笋。落咗薑有陣辣味吊住嚮底好暖胃。對比之下紫薯餐湯就甜得多😁 似糖水,而且奶味濃郁。主菜 ❤️扒美國極黑豬鞍配青胡椒燒汁經常都話豬肉唔好生食,豬鞍亦不例外,燒至全熟。👌切開成兩塊幾厚身。其實係控制火候方面,我覺得處理豬肉係難過牛肉(?) 雖然唔算話整得非常軟熟但還好啦~肉同薯蓉就不嬲係絕配。配菜亦有心思咁集合咗唔同顏色嘅蔬菜有粟米荀菠蘿翠玉瓜同甘筍一條甜品 ❤️流心綠茶多士配雪糕 ($88)Bella Shine 嘅甜品全部賣相都好似藝術品咁😄 呢個流心多士見到好多人都慕名嚟食😋 流心效果雖然唔算話多震撼,但多士烤得香脆都依然唔錯。呢個多士嘅竹炭味好清,應該好多人都會接受到。🙄 球雪糕同流心餡嘅綠茶味好似有些少唔同心動一刻 (套餐 + $78)心動一刻......淨係睇個名嘅話真係估唔到係咩嚟。嚟到只見一個半圓形好似冰屋咁嘅物體😃 個樣簡單得嚟好新奇。原來係玩 gimmick 嘢要用朱古力醬倒落去整溶個朱古力球面先食得。入面嘅甜點就走簡單路線,有心型嘅紅莓 moose cake 同曲奇雪糕。酸味嘅 moose 襯托甜白朱古力岩岩好 繼續閱讀
(以上食評乃用戶個人意見 , 並不代表OpenRice之觀點。)