影片
港鐵荔枝角站 B1 出口, 步行約4分鐘
繼續閱讀
電話號碼
27853008
開飯介紹
提供各類四川菜及雞煲的川菜館，雞煲材料豐富。特別推薦少爺炒飯，有鑊氣、米飯粒粒分明，另外飯後甜品則推薦黑糖糍粑。
繼續閱讀
營業時間
今日營業
11:30 - 21:15
星期一至日
11:30 - 21:15
以上資料只供參考, 請與餐廳確認詳情
有關獎賞計劃
今次我地又同BB去左荔枝角呢邊搵play group玩，玩完梗係順便食埋飯先走，係openrice搵到呢間做緊訂座有正價85折，就book定左先啦🌶️餐廳係呢座工廈既地庫食街，佢裝修普通，似一般茶餐廳咁，座位就幾闊，大部分都係卡位，見佢晚餐幾抵食，不過book左有折就照食正價野🤣呢度既所有餸菜都可以揀辣度，我地全部都係叫小辣😛必食酸菜魚（例）（$238）呢個酸菜魚我幾欣賞，個湯係唔似有d川菜店整出一層厚油，個湯清得黎味道仍然十足，魚片肉質幾厚實，唔算好滑，正常水平，個煲底有勁多菜，又金菇，寬粉等，大份抵食，味道又唔差，個湯係幾出色🐟泡椒肥腸（$128）泡椒肥腸我就覺得唔算好泡椒，但個辣醬就幾過癮，有輕微泡椒味，辣度比我想像中既小辣勁，肥腸同萵筍份量都唔少🔥手撕雞涼麵（$68）呢份手撕雞涼麵有d似口水雞，但辣油變成辣汁，同個酸菜魚一樣，少油但做到一樣咁好既味覺效果，我好欣賞呢點，同樣係好大碟，成座山咁🐥炸小饅頭（6個）（$48）新鮮熱辣即炸饅頭，點煉奶食冇得輸👍🏻呢間餐廳可以整到d川菜少油但又好味真係幾驚喜，我可以放膽咁飲酸菜魚湯同食個辣麵，用openrice book位有85折就仲抵食，同埋佢地本身d晚市小炒套餐$70有找，都幾平，雖然餐廳係茶餐廳樣，食物質素唔輸外面川菜館👏🏻
繼續閱讀
好少到呢一區覓食 朋友喜歡食辣嘢就帶咗我嚟呢間 #BB辣 睇個名就知啱晒我呢啲鍾意食辣 但係又唔食得辣嘅人😂餐牌上選擇都頗多 有雞煲酸菜魚烤魚等等 可以再加配料打埋邊爐；亦都可以叫小菜食飯 選擇困難症一輪之後點選了：🔥必食酸菜魚（例牌）$238這煲酸菜魚很足料 而且份量十足 建議可以4個人一齊share 之後再叫其他小菜 湯底味道濃郁 酸辣度很平均 魚片份量毫不吝嗇 而且底部還有娃娃菜、金菇和水晶粉 全部很吸湯🙌🏻 整個酸菜魚包括配菜味道都很出色 推薦～🔥回鍋肉$88回鍋肉用了偏瘦的部位 不同坊間多數用比較肥的腩位 唯一跟我想像不同的是這裏不是用椰菜一起炒 而是用了尖椒 比較特別 這間餐廳很配合不同客人的需要 基本上每道菜都可以選擇辣度 由BB辣到大辣 悉隨尊便👍🏻🔥口水雞（例牌）$78雞肉口感較為紮實 但肉質都算嫩滑 口水雞汁很惹味 配埋芫荽芝麻和豌豆 一定要叫碗白飯一齊食😆鹹檸雪碧；凍杞子菊花蜜 食辣嘢點都要叫返杯凍嘢先爽 2杯飲品都好唔錯 本身想食埋黑糖糍粑 但是太飽了 下次再試多幾款小菜
繼續閱讀
近一年久唔久就會過嚟呢度食飯，無論lunch定係夜晚。但由二月開始樓面嘅人開始態度差，黑口黑面。2月尾食嗰一次，上菜好耐！等咗25分鐘左右先敢問吓服務員，驚落漏單，又唔敢催🥶同佢反映等咗25分鐘都未嚟，隔籬枱遲過我哋嚟嘅人都已經差唔多食完，佢應都唔應下就另轉面走咗，等咗一陣冇人覆，我哋再唔第二個，如是者，問暈晒三個人樓面嘅服務員，都冇人過嚟覆過要第幾耐，後尾頂唔順話唔洗上菜喇！我哋講完之後佢應都冇應過我哋😮💨
繼續閱讀
朋友喺荔枝角返工 佢帶我去咗一個工業中心地庫 睇落一般茶記格局 原來夜晚有唔少街坊幫襯 食川鍋/雞煲-🐔麻辣雞煲切雞件連皮帶肉 雞皮甘香 招牌醬汁濃稠惹味 加熱後 味道更濃郁又麻又辣 洋蔥🧅香芹🌿啱晒撈飯🍚 半隻雞好快好易就食完啦-🧆回鍋肉川式做法 干扁豬腩肉比較乾身 油膩感減少 唔會好辣 -🥔涼拌土豆絲望落紅油好多 土豆絲爽口只係小辣 大大箸夾入口 清涼清爽-🌼𣏌子菊花蜜🍯蜂蜜生姜茶自家製特飲 一般茶記比較少有呢兩款🙂 一邊食香辣鍋 一邊呷冰凍涼茶 降温順喉-🫔黑糖糍粑糍粑軟糯黏牙 外脆內軟 食咗第一啖 自自然然咁食唔停口 再多啲黑糖槳就好啦😋
繼續閱讀
兵仔真係好鍾意食麻辣雞煲～今次有間隱世嘅麻辣雞煲仲可以食到夠晒火候嘅川菜添！💂🏻《重慶麻辣雞煲》$188 半隻超級經典嘅口味！夠麻夠辣夠濃味～一上煲已經聞到好香，雞肉朔晒雞煲汁，份量唔少，肉質亦都唔會柴，做得啱啱好😚食完雞煲加水打邊爐一流！兵仔加左萵筍，份量非常足夠！另外超級推薦加個米線落去😍麻辣雞煲湯底嘅米線冇得彈！！評分：92.5/100💂🏻《川香回鍋肉》$88鍾意食麻辣嘅我點會少得想試吓啲川菜～回鍋肉最緊要夠鑊氣，啲五花腩肥瘦相間厚薄均勻，加埋啲豆乾炒得火候啱啱好，川菜送雞煲真係非常惹味🤩評分：92.5/100💂🏻《炸三鮮餃》$55一份有六隻大大粒嘅餃，外皮非常之脆口，入面滿滿嘅肉貨真價實，作為一個小食大家share嚟食好唔錯👍🏻👍🏻評分：85/100💂🏻《黑糖糍粑》$32食川菜唔少得嘅甜品一定係糍粑！甜甜嘅黑糖加埋黃豆粉鋪滿大大嚿熱辣辣煙煙韌韌嘅糍粑，一上碟即刻要食！評分：90/100總結：係開附近呢一頭返工嘅朋友們或者經過荔枝角都可以一班人嚟試吓呢個雞煲～酸菜魚水煮牛嗰啲都有，又或者普通如果想食川菜一樣唔錯！平時下晝仲有酸辣粉嗰啲，全部都好惹味🤣🤣頒發軍階：上將🎖️🎖️🎖️🎖️
繼續閱讀