17
0
0
電話號碼
29451138
29451139
開飯介紹
座落於汀九橋旁的自助餐餐廳,景色不錯。另每日有來自愛爾蘭、加拿大、法國等的新鮮生蠔供應。 繼續閱讀
營業時間
今日營業
07:00 - 22:30
星期一至日
07:00 - 22:30
付款方式
Visa Master 現金 AE 銀聯
座位數目
116
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
加一服務費
海景景觀
室外座位
有關獎賞計劃
食評 (58)
等級4 2019-01-22
4439 瀏覽
呢間餐廳之前有個Corner比小朋友玩,已經想帶小朋友嚟,不過地點的確係有啲唔方便,拖吓拖吓到裝修改咗名先嚟,裝修後就無咗,地點亦唔方便,所以無帶小朋友嚟。餐廳環境唔錯,又大又闊落,枱同枱中有足夠空間,坐近窗嘅落地玻璃仲可以望住個海食嘢添。食物方面雖然種類唔多,不過味道都唔錯,好平均。服務方面幾好,雖然樓面兩位職員好忙,要負責出餐飲,每位都會送嘅佛跳牆,甜品部,但收碟都好快同有禮。用埋75折coupon每位400唔使,有蠔,有海鮮,有服務,有境真係幾抵。美國同愛爾蘭兩款即開生蠔,味唔濃,細細隻不過新鮮。海鮮有螺,蟹,青口,凍蝦。蟹雖然肉少但比一般酒店用嘅麵包蟹鮮味,螺有少少韌,蝦係正常,青口就無咩味。四款都幾新鮮。巴馬火腿同腸唔會過鹹,我覺得唔夾哈蜜瓜都可以,薄餅餅底薄唔硬,咬落成口巴馬火腿味,煙三文魚質素幾好。每位送一份佛跳牆,小冷盤唔錯,突別係其中一款應該係凍烏冬,不過唔係胡麻醬,係有少少似沙茶醬。炸鮮奶唔係似用粉類整成固體再炸,係一口咬落軟滑,其實夾都易散,不過真係好唔錯。比目魚大大件肉多又滑。粉絲蒸扇貝就一般。安格斯牛肉同法式燒春雞好鞋,不過牛肉係重牛味嘅。黑松露薯蓉好味,唔係真係好重黑松露味,但入口係香同唔太漏。巴馬火腿通粉都唔錯。泰式辣炒蜆唔算辣又夠鮮味,好啱我。上面甘筍橙忌廉湯,忌廉唔重,忌廉湯嚟講算係漬清新啩。下面係粟米魚肚羹,都幾多魚肚。甜品款式唔算多,最心動嘅係嗰件邪惡嘅超濃朱古力蛋糕,其他都可以,唔會太甜同太漏。11種味嘅Movenpick雪糕都係任食,職員仲要係大大球比你。中式湯水有紅豆沙。奶茶咖啡係自助,另外每位會有一杯免費飲品,橙汁,蘋果汁,汽水等。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-03-17
11 瀏覽
生蠔、刺身、海鮮全部超級新鮮,很有意外驚喜。熱盤的菜式也很鮮味,食材非常豐富。刺身又以蝦最美味,清甜之餘還附上綠色蝦籽,即開生蠔個人較喜歡美國貨,沒太鹹味道較為清新,抵讚。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-03-17
8 瀏覽
今日係第3次黎食,估唔到仲可以keep到同第一次一樣咁好既質素,款式都算多選擇,熱盆款式唔算多 但係味道比一般既自助餐好食好多 ,冷盆D嘢新鮮 刺身會keep住有唔同款,D嘢食新鮮,D員工會keep住fill嘢食 唔洗驚唔夠食!值得一提係每次黎都會有新嘢食 。仲有playroom 比小朋友 唔洗煩 正!環境安靜 有無敵大海景 坐位夠大坐得十分舒服 餐廳空間夠大 客人與客人之間唔會撞到 間唔時佢地仲有做團購 圍番比平時平成百蚊 認真抵食 繼續閱讀
(以上食評乃用戶個人意見 , 並不代表OpenRice之觀點。)
從未試過有一間酒店的自助餐這樣差勁,自助晚餐兩位連加一共$830,連長腳蟹也沒有,真的絕對不便宜,我和朋友6:30pm已到達,當時有4至5名職員在接待處停留,但後來只見有一名女侍應在收碟;  熱盤的白烚腸仔,白烚瀨尿蝦,粉絲蒸扇貝也是冇味,另一邊放在鐵板上的腸仔、羊架、串燒,pizza都係凍,飲品只有一人一杯,並沒有任飲,行去粉麵檔問阿姐有冇米粉,佢話只有銀針粉;  燒牛仔肉和燒雞肉、沙律全部也只剩好小量,食物沒有了亦沒有職員添加,只有刺身壽司及生蠔位置有職員留守,雪糕和甜品不是自助形式,需要由職員拿出來才可有得攞,但我已多次出去等候亦沒有職員企在這個位置,很多人因此不再等候,未到7:30已經無野食,攪到我地連平平無奇的曲奇餅也要走去拎黎食,未試過只食了過半鐘就走人,真係好失望。第二日自助早餐都不敢想像,全程得一個侍應執枱及到Reception招待客人,而食物方面真係只有方包,生果,炒蛋,烚蛋,豬柳漢堡扒,茄汁豆,白粥,咖啡,橙汁,連鮮奶和炒麵都無。近沙灘那邊的酒店也幫襯過自助早餐和晚餐無數次,每次也滿足地離開並期待下一次再去食,但這間酒店比我的感覺真係算到盡,冇啖好食,沒有可能再有下次。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-03-15
146 瀏覽
慶祝生日一流,有折扣。食品種類也算多,人流不算太多,服務態度亦不錯。如果是慶祝生日,預先寫下,會有服務員拿著一件蛋糕,點著蠟燭過來。設有車位,有泊車優惠,絕對適合和方便駕車人士。 繼續閱讀
(以上食評乃用戶個人意見 , 並不代表OpenRice之觀點。)