更多
2024-03-01
969 瀏覽
一早聽過呢間米芝蓮餐廳一位難求，先後有星爺、周董幫襯。Batard概念主打Comfort Food配Fine Wine！入面收藏好多名酒，其一賣點可以用零售價黎開酒，因為好多酒鬼都會黎一睹風彩！仲有專業介紹，仲有冇入去參觀。Set Lunch for 2 $500/Person 🥂Smoked Beef Tartare, Potato Mille-Feuille★★★★★薯仔酥脆勁有口感食落一層層咁，配落凍嘅生牛肉，好夾。生牛肉上面仲有少少咸蛋黃碎，食落帶啲咸味，整體個味道好夾，雖然係前菜，但有驚喜。🥂Chawanmushi, Broccoli, Smoke Broth★★★★☆Fusion茶碗蒸，食落好鮮味，有啲乾脆西蘭花，加埋滑蛋，食落口感豐富。佢仲有啲三文魚子，增加鮮味。🥂Charcoal Grilled Threadfin, Sauce Vierge★★★★☆馬友燒到岩岩好，魚油多又香濃，完全冇泥腥味。魚皮勁酥脆好似薯片咁，魚肉仲係好鮮嫩，配埋呢個好Classic法式調醬，酸酸甜甜更開胃。仲會有啲醃酸左嘅洋蔥，配魚肉食又係另一番風味。🥂Batard’s Signature Ro
一早聽過呢間米芝蓮餐廳一位難求，先後有星爺、周董幫襯。Batard概念主打Comfort Food配Fine Wine！入面收藏好多名酒，其一賣點可以用零售價黎開酒，因為好多酒鬼都會黎一睹風彩！仲有專業介紹，仲有冇入去參觀。Set Lunch for 2 $500/Person
🥂Smoked Beef Tartare, Potato Mille-Feuille★★★★★
薯仔酥脆勁有口感食落一層層咁，配落凍嘅生牛肉，好夾。生牛肉上面仲有少少咸蛋黃碎，食落帶啲咸味，整體個味道好夾，雖然係前菜，但有驚喜。
🥂Chawanmushi, Broccoli, Smoke Broth★★★★☆
Fusion茶碗蒸，食落好鮮味，有啲乾脆西蘭花，加埋滑蛋，食落口感豐富。佢仲有啲三文魚子，增加鮮味。
🥂Charcoal Grilled Threadfin, Sauce Vierge★★★★☆
馬友燒到岩岩好，魚油多又香濃，完全冇泥腥味。魚皮勁酥脆好似薯片咁，魚肉仲係好鮮嫩，配埋呢個好Classic法式調醬，酸酸甜甜更開胃。仲會有啲醃酸左嘅洋蔥，配魚肉食又係另一番風味。
🥂Batard’s Signature Roasted Chicken, warm Pilaf Rice★★★★☆
雞用左本地元朗養飼三黃雞，經過鹽水浸、蒸、烤焗等多個步驟而製成！可能因為主廚係新加坡人，呢道菜式食落有新加坡海南版烤雞，Lunch Menu係烤雞半隻，外皮做到好香脆，雞肉好嫩滑多汁。個飯都好食，粒粒分明有咬口，食落有雞油香，但唯一就係唔夠熱。
🥂Muscovado Tart, Acacia Honey Ice Cream★★★★☆
有啲似巴斯克芝士撻，芝士味好濃郁，表面有層焦化嘅焦糖面，香脆得黎有陣燒焦味，食落完全唔膩。仲可以配蜂蜜雪糕一齊食，好清甜，我一個食埋同枱個份。
🥂Cold Angel Hair, Kristal Caviar, Kombu $390★★★★☆
幼身天使麵加埋凍嘅魚子醬，撈勻食真係享受。望落好似好寡，但清清地嘅天使麵更能夠突出魚子醬嘅咸香味道，非常之「鮮」。
🌟總括：午餐黎講只需$500/人黎講好抵食 ！鐘意飲酒一定要黎，唔飲得都睇得，可以參觀到唔同嘅酒！
張貼
