影片
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
有關獎賞計劃
今日去咗屯門市廣場嘅Banchan and Cook 食韓餐，真係一個驚喜呀！😍👏辛辣肉醬年糕真係香辣過癮！年糕軟硬適中，外層微微焦香，內裡軟糯有嚼勁。肉醬香濃惹味，辣度適中，帶有微微甜味，完美平衡！每啖都有滿滿嘅肉香同辣香，辣得過癮又唔會辣到喊咁誇張。🌶️🔥肉醬牛胸肉蛋包飯嘅蛋包煎得金黃香脆，蛋香四溢！入面嘅飯粒粒分明，帶有微微蒜香。牛胸肉嫩滑多汁，肉質有嚼勁又唔會太韌，配埋香濃嘅肉醬，香辣鹹甜味道層次豐富，食落口簡直係一場味蕾嘅饗宴！🍳🥩醬油黑毛豬白切肉配大醬生菜嘅黑毛豬肉真係無得輸！肉質鮮嫩多汁，帶有淡淡嘅豬肉香甜，醬油香氣撲鼻而來又唔會蓋過豬肉本身嘅味道。大醬香濃鹹甜，配埋爽脆清甜嘅生菜，層次感十足！🥬🐷自桃甜密梳打清新解渴，蜜桃香氣濃郁，甜度啱啱好唔會太膩，加上梳打嘅氣泡感，清爽提神！🍑🥤甜品方面，溶化朱古力（凍香滑濃郁，朱古力味香濃不膩，口感順滑如絲，冰凍食落更添清爽感！🍫❄️甘筍Oreo慕絲蛋糕就更加出色！慕絲蛋糕軟綿香甜，甘筍味香而不膩，Oreo餅碎加添口感，香甜中帶有微微鹹香，層次豐富！🥕🍰呢間Banchan and Cook 真係將韓式美食發揮到極致，每款菜式都充滿驚喜，絕對值得再次光顧！👍💯반찬앤쿡 Banchan and Cook (屯門市廣場1期) (屯門)屯門屯順街1號屯門市廣場1期2樓2253A號舖FOODMAZE內#韓國菜 #屯門美食 #反찬앤쿡 #BanchanandCook #辛辣年糕 #蛋包飯 #黑毛豬 #自桃梳打 #朱古力甜品 #慕絲蛋糕 #屯門市廣場 #港式韓餐 #foodie #foodporn #koreanfood #hkfoodie #hkfood #hkeats #instafood #yummy #delicious #foodstagram #foodphotography #foodlover
繼續閱讀
之前新開既時候喺銅鑼灣食過一次質素都OK，今次同朋友喺屯門行街夜晚諗唔到食咩就再食呢間：Tasty Treat Combo$560Main Course可以揀兩個，我地就揀左肉醬牛胸肉蛋包飯🍳上枱嗰陣店員俾我地影完相就會幫我哋𠝹開隻蛋，熱辣辣即刻食好嫩滑🤤加埋旁邊肉醬配飯一流☺️底下既白飯用左紅蘿蔔、洋蔥來炒，增添口感~牛胸肉亦都啱晒我，因為平時比較鍾意食瘦啲嘅部位。另外揀左墨汁大蝦魚子意粉🍝味道正常，意粉上面有四隻蝦，食落都幾爽口🤓個意粉超級掛汁！裏面有唔少菇而且唔會好鹹，食完都唔會覺得膩，有驚喜😎之後仲有炸雞拼盤🐓炸雞拼盤可以選三款口味，我地就揀去洋蔥味、柑橘味同埋蜜糖味🍯中間仲有一小碗濃濃既芝士醬🧀好邪惡啊！三款之中我就最鍾意食蜜糖味，成件雞鋪滿晒蜜糖拉絲，炸得又香口，而且係啖啖肉😌真係會食到停唔到口！甜品有甘筍Oreo mouse蛋糕🍰呢個蛋糕係盆栽造型🪴好貼心地個匙羹都係一個剷咁🍴估唔到細細杯入邊都做到咁多層次，有蛋糕啫喱cream等等😋食落每一啖都有唔同既口感而且唔會好甜😗值得一讚~整體來講，我地兩個人食得好滿足😌份量超級足，細食既女仔們呢個餐三個人都夠食😄而且要讚店員服務態度好好👍🏻收碟速度亦都好快！我地走嗰陣見到餐廳原來有做炸雞放題，好吸引🤩下次一定會來試！
繼續閱讀
已經不是第一次幫襯這間韓國餐廳，地點方便食物質素又高，最令我懷念係出名的炸雞。最近推出了一個嚐吃套餐。套餐抵食，有兩款主食及一份炸雞，兩杯飲品和一款甜品。咖喱甘筍蛋包飯配漢堡扒蛋包飯滑嘟嘟，用刀一切開，全部蛋汁如瀑布 流出來。咖喱既香又濃配料有薯仔、紅蘿蔔粒。漢堡扒特別厚，漢堡扒好juicy入面有洋蔥牛油香，令人一口接一口食唔停。巴馬火腿卡邦尼年糕年糕長型幼身，有一隻溫泉蛋和幾片巴馬火腿。鹹鹹香香，夾着蛋汁和Q 彈年糕，又Creamy吃起來口感豐富。炸雞拼盤賣相高質，仲有幾件炸年糕。炸雞可以選擇三種口味，我們選了原味、蜜糖和甜辣炸雞。雞皮外層炸得非常鬆脆，甜辣適中，雞肉嫩口又有肉汁。焦糖蘋果紅豆沙冰濃郁紅豆沙冰，夾著焦糖和奶油好Creamy，甜味適中。水蜜桃梳打一粒粒水蜜桃&梳打水非常解渴，是食炸雞的最佳拍檔。紅蘿蔔園Oreo慕絲蛋糕卡之選：超可愛嘅花盤朱古力慕絲蛋糕，上層是朱古力粉中間夾住超軟牛奶布甸，蛋糕好鬆軟唔會太甜合我口味。
繼續閱讀
Banchan & Cook 地址： 屯門屯順街1號屯門市廣場一期2樓2253A,2253B,2255及2256A號舖 如果有睇開都知今次係第二次推介Bachman &Cook 上次就係中午食今次晚餐時間試左佢地嚐吃套餐我地揀左咖喱甘筍蛋包飯配漢堡扒巴馬火腿卡邦尼年糕炸雞拼盤（芝士 /柑橘 /洋蔥汁） 紅蘿蔔園Oreo慕絲蛋糕白桃甜蜜梳打荔枝梳打👆🏻👆🏻👆🏻甘多野食先💰💰560個人覺得咖喱甘筍蛋包飯配漢堡扒嘅漢堡扒淋得黎又有咬口 巴馬火腿卡邦尼年糕 年糕係又長又軟又入味 唔係平日個種粗短硬個款🙈個人鍾意呢款多D 因為入味好多🙈🙈炸雞拼盤（芝士 /柑橘 /洋蔥汁） 一次過試3款味 我同朋友一致都覺得 洋蔥最好食 唔會太甜 唔會太膩 👍🏻👍🏻👍🏻紅蘿蔔園Oreo慕絲蛋糕見到實物覺得好得意 每食一層都有驚喜 又有藍莓Jelly 又有慕絲蛋糕🙈🙈5xx /2人晚餐 又多野食 又飽肚👍🏻👍🏻👍🏻#BANCHANandCOOK #omurice #friedchicken #koreacafe #cafe #croffle #karlee90s #ighk #hkig #blogger #foodie #hkfoodie #tuenmuntownplaza #屯門市廣場 #晚餐
繼續閱讀
很多人專程來吃炸雞無限任食套餐，店裡7:30已經座無虛席，不過我和老公今次就食嚐吃套餐，$560有兩個飯、一個主食、一份甜品和兩杯特飲，價錢都算合適。【咖哩甘蔗蛋包飯配漢堡扒】蛋包飯是這裏出名的菜色，一刀切下慢慢流出蛋漿，做得精緻又好吃，咖喱味道又濃郁，配上厚厚的漢堡扒十分滋味。【甘荀汁香脆豬扒長通粉】甘筍醬汁很香濃，而且長通粉有浸煙燻的香味，非常吸引，豬扒又炸得夠香脆調味剛好，出色的一道菜。【炸雞拼盤】選了芝士、原味和柑橘，每份炸雞上有一舊香口煙韌的韓國年糕，中間還有千島醬，每種味道各有千秋芝士就充滿了鹹香芝士粉在面頭，就是韓國芝士麵的粉末調味；原味最能夠嚐到香脆的雞皮和中間的肉汁；柑橘有浸甜酸的香氣，易入口又甜蜜。【春日小甘荀芝士蛋糕】清新的芝士蛋糕，食落去不會覺得油膩。【焦糖蘋果紅豆沙冰】濃郁綿綿紅豆沙冰，夾著一層焦糖蘋果味道，係非常好吃的沙冰甜度適中絕對不會因為是沙冰而過淡。【荔枝梳打】有兩粒荔枝和清新的荔枝香味，解渴特飲。
繼續閱讀