Bakehouse by Grégoire Michaud

我們於8/11（六）下午五點🕔到達餐廳，先要㩒飛，好彩又唔使等好耐。大約十五分鐘都入到去，店員先會同你講低消1款食物+1杯飲品，限時75分鐘。我們叫了dinner set ($680 for 2)❶前菜①炸大啡菇配煙燻紅椒蛋黃醬：大啡菇🍄‍🟫被切開一條條，好似薯條，但菇仲吃到有啲水份，不會太干。②意式迷迭香蒜橄欖油包：Garlic Focaccia有7小塊，用刀比較難切，但內裏有ok soft，少許油❷主菜①雞油菌蘑菇芝士通心粉：Mac & Cheese就比較膩，cheese少少拉絲，蘑菇粒粒都幾多，汁都夠，不會很干，熱辣辣食比較好②牛骨髓和牛面頰酥皮批（$+30）：熱辣辣酥皮批好食😋，內裏除了牛肉，還有紅蘿蔔粒🥕及洋蔥🧅，有夠味❸配菜①烤西蘭花苗配煙燻紅椒蛋黃醬：大約有7-8條，西蘭花苗易咬又爽脆，健康好選擇❹甜品①粟米軟雪糕：有粟米🌽，焦糖汁及粟米片，雪糕🍦都幾冰PS 食到差唔多45分鐘，侍應會話仲有15分鐘左右，幫你上埋甜品；而食甜品嘅時候，侍應又會比定張單要你埋左先，變相75分鐘就食得真係有啲趕🥲，加上雪糕🍦都幾冰，🦷敏感牙齒者就唔好選擇雪糕🤣總括來說，食物都幾好食👍🏻都多選擇，份量又足夠，侍應不斷斟水🫗，埋單要加一，所以偏貴，旁邊2個人吃了差不多$900😅…查看更多

【沙田區】【bakehouse】難得約到中學同學食晚飯，幾條佬又開始煩食乜。跟住有人提出呢間，咦，我都幾好奇，原來呢間烘焙店竟然有做埋餐廳。門口整埋餐廳區域自助排隊機方便排隊，的確，睇返啲報道，之前都真係幾多人排隊。不過我哋去嗰晚就好彩啲，排三張就到我哋喇。間嘢係食西餐嘅，係少少精緻嗰隻，唔係一份質飽你嗰啲，所以都要諗吓點配搭。不過呢度都有照顧呢啲選擇困難症顧客嘅需要，直接以 $360 一位嘅價錢食「All In! 套餐」，廚師發辦，麵包、前菜、主菜、配菜、甜品乜都有啲，只係需要講低唔食乜就可以。我哋就有遵守佢哋「全枱參與」嘅規則，要食一齊食。要兩位或以上先可以叫呢個，我哋亦都夠人。而佢哋個餐應該唔算好多肉食，所以可以每位加 $80 轉一款主菜做「M4和牛西冷」，成件事就滋味啲。不過我哋比較想食佢原本嘅套餐，加上窮，就唔轉喇。叫完呢個套餐之後，大家嘅心情都舒暢咗好多，因為唔使諗食乜。侍應妹妹都好用心講解個餐有咩食，四位嘅話就會提供十四樣食物，包括兩款麵包、四款前菜、四款主菜、兩款配菜，同埋兩個甜品。亦都可以另外叫嘢飲，不過我哋冇叫到嘢飲，淨係飲水。麵包方面，有各 $68 嘅「鄉村酸種麵包配蒜香海藻味噌牛油」同「意式鯷魚茄子芝士麵包」，我覺得個酸種麵包吸引啲，嗰款牛油亦都有種好特別嘅鹹香。而後者就似啲蕃茄包咁，我唔太熱衷呢個味，屬於口味問題，本身佢落埋鯷魚落去，都算係有誠意嘅。前菜有四款，各 $128 嘅「蜜糖白桃布袋芝士」同「松露生牛肉他他」就比較出色，前者為芝士加上甜味，好特別。後者就幾濃香牛味，夠晒邪惡。令到 $98 嘅「辣蕃茄醬豬牛肉丸」同 $88 嘅「蕃茄蜜瓜沙律」相形見絀，冇特別，加上個人唔好蕃茄味。主菜最出色係各 $248 嘅「黑松露煙肉芝士通心粉」同「Bakehouse 酥皮肉批」，前者嘅松露味唔會太搶，煙肉芝士味夠香，後者個餡係牛臉頰肉，都有牛味出到嘅。而 $268 嘅「脆炸釀芝士豬扒」係厚粉薄切豬扒，都幾油幾肥膩，有啲似喺南美食到嗰啲。主菜仲有 $268 嘅「招牌辣醬烤春雞」，都幾細份，但係個辣醬係惹味嘅。配菜就有各 $48 嘅「蒜香脆炸薯條」同「鯷魚醬寶石生菜沙律」，前者炸得幾好，熱辣辣，外脆內軟，有個好似 mayonnaise 咁嘅醬點吓，肥仔咗。後者嘅生菜幾夠味，個鹹香係正嘅。最後係甜品，有 $88 嘅「酸種酥皮蘋果撻配冧酒意式雪糕」同埋 $58 嘅「甜粟米軟雪糕」，前者個蘋果味唔係太濃，但夠甜夠邪惡。後者係夏日限定產品，粟米味雪糕配牛油粟米粒喺層次上已經夠特別，加埋海鹽焦糖同埋粟米片，有少少食爆谷咁嘅感覺。我自己計佢哋本身加埋係 $1852，不過由於係餐廳發辦套餐，最後加埋一埋單先 $1584，每人 $396，都真係食到我哋飽嘅。而呢個加一都係值得收嘅，每位侍應上菜都有稍為講解嗰道菜，負責我哋嗰邊嘅侍應妹妹亦都勤於幫我哋嘅水杯加水，大家都好滿意。。。（地址：沙田沙田正街18-19號新城市廣場一期2樓247號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am沙田區 #沙田 #bakehouse #GrégoireMichaud #AllIn套餐 #M4和牛西冷 #鄉村酸種麵包配蒜香海藻味噌牛油 #意式鯷魚茄子芝士麵包 #蜜糖白桃布袋芝士 #松露生牛肉他他 #辣蕃茄醬豬牛肉丸 #蕃茄蜜瓜沙律 #黑松露煙肉芝士通心粉 #脆炸釀芝士豬扒 #招牌辣醬烤春雞 #Bakehouse酥皮肉批 #蒜香脆炸薯條 #鯷魚醬寶石生菜沙律 #酸種酥皮蘋果撻配冧酒意式雪糕 #甜粟米軟雪糕 #1am1808 #1ambackup…查看更多

本身已經係Bakehose fans，終於可以試埋沙田餐廳，裝修好似返咗英國咁，好舒服好relax。睇餐牌樣樣都想食，咁不如來個All-In，4人嘅All-In有14道菜，咪以為碟碟唔係好大碟，但絕對可以抱住個肚走🤓✨🍴鄉村酸種包配蒜香海藻味噌牛油：酸種麵包冇得輸喇😋✨🍴辣蕃茄醬豬牛肉丸：肉丸切開仲有汁✨🍴脆炸魷魚配香蒜蛋黃醬：魷魚熱辣辣好香口✨🍴松露生牛肉他打：牛肉好鮮✨🍴蜜糖白桃布袋芝士：芝士跟包甜甜咸咸很配合✨🍴招牌辣醬烤春雞：很香很嫩口✨🍴蒜香脆炸雪條✨🍴黑松露煙肉芝士通心粉：焗芝士通粉完全把黑松露嘅香味帶出✨🍴酥皮肉批：批內肉是豬臉頰肉，所以好彈牙✨🍴辣肉腸白酒忌廉汁青口配酸種法包：青口鮮甜✨🍦開心果雪糕：好多開心果我鍾意呀❤️！仲有個提魚醬寶石生菜沙律和朱古力慕士，但因最多只可放12張相，所以俾唔到大家睇囉😝。總括來說每位$360+10%唔算平，但值得👍🏻，品質與份量你唔會失望。…查看更多

幾個月前第一次來吃早餐，吃了二百幾，今天周六再來，九時多裏面一個人都無，奇怪。原來改了menu, 入座必須叫主菜+飲品。唔想食咁多精製肉，點了這個，連飲品二百幾，唔掂。牛角包一般質素，加呑拿魚很多地方都有，Benedict egg 細 hollandine sauce 少，乳味不足檸檬味太強，最敗筆是加了日本魚子，腥味影響這個包。個包hkd148，咖啡hkd48,連加一hkd2xx鄰座外國人與我一樣，找不到上次想吃的餐，覺得以前menu好D如果繼續是這個menu, 和外面款式差不多甚至茶餐廳化，我為什麼要俾二百幾吃一個早餐？去sxxxply lxfx不是更好嗎？…查看更多

12:30去到，唔需要等位直入，入到去有少少嚇親，因為啲位仲迫過大快活不過服務都係幾貼心， Staff會攞個籃俾我哋放袋同埋會主動幫我哋斟水嚟到Menu環節，入去前的確係自己冇睇清楚，俾啲YouTuber呃咗， Menu選擇十分之少， $138沙律或者湯加個主食再加杯茶….呢個都唔係重點，重點係main course得五六個選擇，然之後有一半以上都係要再加錢…朋友唔食牛，煮食只有三文治沙律同埋burger揀都真係有少少衝動，想起身走人…講吓個蘑菇湯，我覺得OK嘅幾好味，口感都唔錯然後我哋揀咗辣雞扒burger，我個人就幾鍾意，個Sauce balance得幾好，然後啲雞肉都幾Juicy，包就正正常常如果我冇記錯，好似加咗$38揀咗佢嘅古巴三文治，入面就有啲豬肉同埋鹹，整體呢個三文治偏咸偏酸，唯一值得讚嘅就係個包好脆最後加咗$60要咗杯matchalatte ，好靚嘅上面仲有薰衣草裝飾，但杯latte就有啲一言難盡，飲落去第一啖就俾啲粉濁親買單加一$470 ，值唔值就真係見仁見智啦，我就覺得好唔食啦同埋沙田呢間應該唔會再有第二次，成個座位空間太壓迫，咁嘅價錢我食美心好過啦，起碼我坐得舒服，學齋朋友話加少少錢酒店buffet都食到啦…查看更多