BACI Trattoria · Bar

鍾意食Pizza🍕嘅朋友要留意啦！曾經奪得全港Pizza第2️⃣位嘅"BACI"以家係係中環蘭桂坊開左啦!BACI 一直以招牌窯烤烘獲獎手工薄餅見稱!每一塊Pizza都烤得皮薄又脆身！而且材料十足，味道又特別！我同朋友今日就專登嚟食lunch：🍕South of Asia- Pizza皮脆內軟,將辣肉醬製成蓉,仲有自家制風乾嘅菠蘿脆片,香脆鮮甜再加埋水牛芝士、煙肉圈、菠蘿蓉、煙肉忌廉、辣椒等，口感豐富，層次十足！🍕Royal Tartufo- 有水牛芝士、牛肝菌、牛奶芝士、黑松露芝士、新鮮黑松露，每啖都有香濃嘅芝士味！配上黑松露，口味出奇咁配搭！除咗Pizza真係超正之外，飲品亦都非常有特色！🍵Yum Cha!!- 以中國傳統嘅茶杯，入邊混合咗玄米茶伏特加、斑蘭聰漿、椰子水、茉莉花茶、椰子酒，茶面上仲配上玫瑰花瓣，飲落好清新！🍹El Grape- 用左自家製伯爵茶氈酒、巨峰紫葡萄香甜酒、接骨木花糖漿、檸檬汁、湯力水，好味，酒味唔算太濃，而且酸酸甜甜，好容易入口！無論食物甚至飲品賣相都非常有心思，好精美！打卡一流！📸而且餐廳嘅環境闊落夠開陽，坐得好舒服！最啱同friend一齊嚟傾下計，過一個悠閒茶！💕…查看更多

曾奪全球Top 50 Pizza🍕亞太區第12位，全港Pizza第2位嘅BACI，Weekend Brunch可以任食佢哋嘅Pizza🥹😍 仲有勁多高質沙律、海鮮、烤肉等等，星期六日早起身出中環都值！環境外國風，開揚亦坐得舒服，拎野食唔會有壓迫感。 Weekend Brunch $528+10% 冷盤冷盤選擇非常多🥗😍 每款健康得嚟又唔會覺得款式乏味，例如紅菜頭沙律、雞肉沙律、茄子、蕃茄水牛芝士、蘆荀等等，全部都好新鮮，重點係我個人怕食落太重橄欖油嘅沙律(香港好多正宗西餐廳跟返外國人口味都好重手🥲)，呢到完全無呢個問題，我呢個亞洲胃食均全部款式都無負擔😆 仲有魚生！三文魚、吞拿魚及意式醃製嘅魚，就咁食/配麵包都得。Brunch已經有龍蝦供應🦞🙈 仲有蝦、蟹鉗、海螺、青口，質素正常，不過海螺🐚就失色少少有沙。 熱盤專區 到熱盤專區，多款意式烹調手法菜式🇮🇹，例如經典意大利肉丸、香檸三文魚、意式獵人燉雞翼、Salamella（莎樂美腸）、巴馬臣芝士茄子、西西里燉雜菜等等。烤肉專區有3款選擇，香烤豬腩肉、烤牛臀肉及烤羊肉，見到廚師即煮即切！食自助餐嘅燒牛肉好易食到好柴好乾⋯⋯呢到3款肉都好有驚喜🩷肉質十分柔軟而且肉味濃郁，可以encore！到主角一定係獲獎Pizza任食😍🍕全部即叫即製，是日精選款式有4款，包括Margaritas, Four cheese, Ham & Mushroom, Pepperoni。無得叫一半一半，我哋特意留肚 ，就叫2款，叫無餡料嘅Four cheese🧀及有肉餡嘅Ham & Mushroom, 一般Four Cheese 係用mozzarella, fontina, gorgonzola, and parmesan，呢到用咗貴價Blue cheese！但Blue cheese真係唔係人人接受到，我自己係唔抗拒亦enjoy嘅，但如果你唔鍾意Blue cheese就唔好叫呢款，而Ham & Mushroom就濕潤度高，手工pizza用傳統窯爐高溫烤焗，食起嚟外脆內煙韌，佢地嘅Dough 好soft帶有麵粉香氣，唔怪之得上全球Top 50 pizza!!主角之二有即煮意粉🍝，可以好似車仔麵咁自選，有Penne, Spaghetti, Cavatelli, Gnocchi，再揀埋醬汁Arrabbiata, Bolognese, Carbonara, AOP，跟住我哋自己係熱盤區夾咗肉丸落去做餸🤣 我想講意粉都好有驚喜😍 我哋揀Carbonara配Penne，啲白汁煮得超級入味又唔會太鹹，意粉煙韌度亦恰到好處，必食之一！ 甜品甜品都有5款以上，連開心果蛋糕都有！我哋每款試匀哂🤪 一定要食Tiramisu，好smooth又唔會太濕太甜！朱古力蛋糕加咗脆脆亦唔漿口，連燉蛋都好好食🥹🥹 …查看更多

♡全港第二好食嘅pizza👑. ݁₊ ⊹ . ݁ ⟡ ݁ . ⊹ ₊ ݁. . ݁₊ ⊹ . ݁ ⟡ ݁ . ⊹ ₊ ݁. . ݁₊ ⊹ . ݁ ⟡ ݁ . ⊹ ₊ ݁.✩⡱ 𝑺𝒕𝒆𝒍𝒍𝒂 🍕⭐️ $𝟐𝟖𝟖第一次試星型Pizza，完全唔係得個樣.ᐟ‪.ᐟ Parma ham + 火箭菜鋪係酸甜平衡嘅蕃茄醬上，仲有大大夠水牛芝士係中間，已經好吸引，近Pizza邊仲有濃郁嘅黑松露醬，勁豐富◝☆ 鬆軟嘅Pizza邊配上黑松露醬，真係好食到停唔到口，絕對係會想encore嘅質素૮ ᴗ͈ˬᴗ͈ෆა ✩⡱𝑲𝒂𝒍𝒆 𝑺𝒂𝒍𝒂𝒅 🥗 $𝟏𝟔𝟖一向對kale嘅草青味無感，但依個沙律醋汁完全蓋過咗啲草青味，令我覺得kale都幾好食.ᐟ原本以為依度淨係得Pizza值得一試，估唔到沙律都咁高水準*͈ᴗ͈ˬᴗ͈ෆ ୨୧ 環境 位於lkf中心位置，餐廳係開放式設計，雖然有啲熱，但幾適合慶生或聚餐.ᐟ當晚見到唔少人嗌tiramisu慶生，氣氛唔錯( ˘ᵕ˘ )♡♡ …查看更多

同朋友喺星期日中午去食佢哋嘅brunch semi buffet。出面自助攞嘅嘢食全部都好合理，salad bar、凍海鮮同埋肉全部都好合理。但係，佢本行做嘅pasta同pizza都好一般。rigatoni完全唔煙韌，bolognese好淡味。carbonara尚可接受，不過冇蛋黃同芝士香味。pizza嗰個厚薄好奇怪，又唔係傳統意大利pizza嘅薄，個底淋晒，仲要厚嘅位唔係好咬得郁。我哋覺得最差係甜品，全部都係好濃好膩好甜，乜都有陣金莎嘅hazelnut味。食物質素中規中矩，但係服務完全唔可以接受。pizza漏咗單，等咗半個鐘都未有。收碟都算快，不過完全唔識幫人哋換餐具同加紙巾。另外，如果唔想俾錢飲水嘅話要小心，一坐低就問我哋水要still定sparkling，咁我哋諗住香港水喉水唔似得喺外國餐廳咁飲得，所以叫still water。點知埋單先知原來still water都要收錢，$38一支，但係其他檯係飲緊普通嘅水。如果有普通水但係佢冇同我哋講，然後仲要係咁幫我哋斟水所以開咗兩支，咁就好似有啲老土囉，估唔到呢個年代仲有餐廳呢個位會做得咁尷尬，仲有隻烏蠅飛來飛去！嘢食唔係特別標青，但係服務真係好一般，唔會再返嚟😓…查看更多

我已經好耐無寫食評，今次真係忍唔住要提醒一下想試既朋友。我係經openrice訂枱，享有75折優惠。家姐畢業離開香港前諗住一家人食返一餐好既當慶祝。點知後悔到爆，折後人均4XX，但食物質素一啲都唔值。佢有沙律bar、海鮮、甜品同熱食。首先沙律正常發揮，不過不失，但食落食物質素一般。我平時好鍾意食紅菜頭，一般紅菜頭都會好甜，佢無咩味之餘帶草青味。海鮮區有龍蝦、螺、蟹鉗同蝦，除蝦以外，其他都好難食，特別係龍蝦同蟹鉗，無味不得止，成隻乾爭爭，好實好難咬。真係可以用垃圾級別黎形容。熟食有燒牛、五花腩同雞，燒牛稍微好一點點，另外兩種都係好乾好柴。另有雞翼、肉丸、三文魚、雜菜等，雞翼看似正常，食落咸到爆炸。甜品有4款蛋糕，Tiramisu, cheesecake,朱古力慕絲、唔知咩布丁。一係太甜，一係無味。雪糕櫃唔多凍，啲雪糕好似溶溶地，西瓜有沙但完全唔甜成餐唯一可取係pizza，可能因為即叫即整。後尾有員工問我哋意見，我照直講。連個staff都同意我既comment，佢都係咁覺得。真係失望到爆，完全唔值得試。 …查看更多