81
6
2
港鐵荃灣西站 A1 出口, 港鐵荃灣西站 A2 出口, 港鐵荃灣西站 E2 出口 繼續閱讀
所有分店 (3)
電話號碼
37052955
開飯介紹
美式漢堡店,除了招牌漢堡外,亦供應美式早午餐及精緻甜品。廣島蠔班尼迪蛋、藍芝士蛋糕等更是此店限定的菜式。 繼續閱讀
營業時間
今日營業
11:30 - 22:00
星期一至五
11:30 - 22:00
星期六至日
11:00 - 22:00
公眾假期
11:00 - 22:00
付款方式
Visa Master 支付寶 現金 銀聯 Apple Pay Google Pay 微信支付
座位數目
98
其他資料
網上訂座
電話訂座
賞訂座積分
獨家網上訂座
有關獎賞計劃
食評 (99)
呢間burger店相信大家都唔陌生,佢今次係荃灣廣場開嘅新分店同旺角個間嘅menu唔同🙈,菜式更加多元化,仲有超吸引嘅疏乎厘pancake🥞:-1️⃣「精選意大利麵 - 卡邦尼 🍝🧀($128) 」-呢款唔係傳統嘅卡邦尼意粉,食落好creamy同有咬口🤪,煙肉唔鹹好香口🥓,不過偏貴~ Daily pasta - carbonara:creamy, at dente, with lots of bacons, but a bit expensive👍🏻-2️⃣「卡爾谷煙燻車輪牛肉漢堡🥩🧀🍔($138)」-牛肉幾juicy但牛味一般,配車打芝士🧀、生菜🥬、蕃茄🍅好經典🙈,而個包甜甜地都幾好食~Texas BBQ beef burger:up to standard but the taste didn’t surprise me-3️⃣「核果奶蓋班戟🥞($118)」-Pancake充滿肉桂香🧡,班戟超鬆軟有蛋香🥚,配超香超crunchy嘅合桃朱古力脆脆令口感昇華🤟🏻~Stone fruits milk foam pancakes: very fluffy, with the aroma of cinnamon and walnut crunches 👍🏻-4️⃣ 「香芋拿鐵(H)🍠($42)」-呢個有驚喜,飲到清香嘅香芋味,唔甜,仲有拉花😍~Taro latte-5️⃣「伯爵茶朱古力(H)🍫☕️($44)」-似到伯爵茶味,但朱古力略甜~Earl grey chocolate 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-02
1437 瀏覽
荃灣美式漢堡店 B.O.T.H. by Texas Burger係旺角Texas burger嘅姊妹店!B.O.T.H. 意指 Backyard of the House。店內放滿綠色植物,採用落地玻璃,自然光灑入,希望營造岀外國後院嘅感覺。環境開掦,窗邊位樓底較高,梳發位尤其舒適~平日下晝嚟到人唔算太多,星期六日就要有心理準備要排長龍啦。建議大家預先訂位!▪️卡爾谷煙燻車打牛肉漢堡 $138麵包經烘過,軟熟帶咬口。漢堡扒厚身,充滿肉汁,牛味唔算好濃但都算突岀,食落唔會好實好嚡。配上帶微辣嘅chipotle mayo,香口得嚟可以一減油膩感,估唔到牛肉漢堡同辣椒醬又幾夾!唯獨車打芝士嘅香氣較為低調。加上蕃茄生菜,整體濕潤得嚟 個包又唔會太濕太腍。薯條香脆,內𥚃軟綿,調味十足!▪️水煮蛋牛油果吐司 $118牛油果吐司以rye toast為基底,黑麥麵包邊邊位香脆帶嚼勁,包體帶酸味,個人就幾鍾意呢種香氣。可能係黑麥麵包上直接塗上牛油果蓉嘅關係,麵包容易變得軟腍,失去咀嚼感。吐司上放有幾片牛油果,感覺上牛油果過熟,熟到發黑,幸好入口無怪味,不過牛油果味欠奉。水煮蛋則煮得啱啱好,超流心!整個味道偏清淡,有時候食野真係好睇運,牛油果質素麻麻,幸好有香氣十足嘅rye toast搭救。▪️核果奶蓋班㦸 $118賣相超吸引!厚厚一塊班㦸 相當鬆軟濕潤 帶空氣感,略嫌蛋香偏淡。班㦸上淋滿奶蓋,更有焦糖脆面、香脆合桃、肉桂粉,不過奶蓋奶味偏淡,只能為班㦸添上濕潤感。建議大家要快快擺入口,唔好慢慢食,如果唔係班㦸嘅空氣感就會隨時間而減低。▪️Milkshake - Garfield $58係伯爵茶味嘅milkshake~ 伯爵茶味比想像中突岀!奶香同樣互不相讓。質地順滑,當中更加有餅碎增添口感。整體嚟講,餐廳環境開揚 相當舒適,好彩坐到梳發位嘅話就更chill~ 平日晏就嚟放空一吓都唔錯。漢堡正常發揮,牛油果就睇運啦。餐廳定價較高,但勝在環境舒適,偶爾想同朋友小聚一番 hea返幾個鐘,呢到都係一個唔錯嘅選擇! 繼續閱讀
(以上食評乃用戶個人意見 , 並不代表OpenRice之觀點。)
Texas Burger由以前天后區,再有九龍區,到而家終於來新界區啦 🤣 佢地揀選係 @tsuenwanplazahk ,成間餐廳都充滿綠色植物同落地玻璃窗 ❤️ 坐得幾舒服又岩曬打卡既 😛 食物方面主打漢堡,呢間仲有一款pancake要預先落order,不過因為多次漏單就令🐻同朋友燥燥地🤯 整體感覺,食物比甜品同飲品較理想 🤔🐻食後感‼️✨「德州燒烤牛肉漢堡」🍔🍟除左高身漢堡之外,仲有埋薯條 😋 尼款漢堡一定要大推❗️因為內裡有脆炸口感洋蔥圈、脆卜卜煙肉片,同埋最重點嘅BBQ醬汁,簡直係絕配 🥰 不過薯條就唔係好熱同脆 🧐✨「精選意大利麵」🍝當日既精選就係carbonara,鍾意佢用咗厚切煙肉,肥美得黎又有咬口,配埋carbonara獨有既配搭🥚,好creamy唷 🤩 推❗️✨「水牛城雞翼」🐔雞翼好大隻,不過得兩隻,其餘三隻係雞鎚,但炸得幾靚仔,而且外脆內嫩 😋 佢將兩款醬汁另外裝起,有水牛城微辣汁同埋藍芝士醬,開心share之選 ❤️✨ 「慢煮煙燻豬仔骨」🐷後期再加既咸食,呢個豬仔骨最貴但亦都係最普通嘅咸食 🙈 醬汁唔多,肉質偏乾,所以唔太建議啦 ☹️(睇圖最清楚)✨「核果奶蓋班戟」🥞入座時店員已提醒,要第一次落單就要落呢個甜品,因為要等40分鐘,🐻同朋友好聽話一早落,不過正正就漏咗我哋單,提咗三至四次,最後先食到 🤯 可能等得太耐,覺得個pancake唔特別 😫 有點失望😔✨「Caribbean Passion」「Hawaii Beach」「Black Cow」「Earl Grey Chocolate」🍸🍹🍫飲品我哋都叫咗幾款,睇落去「Black Cow」最吸引,不過就成杯都係冰 🧊 頭兩杯飲品都係普通梳打水咁樣 😂 所以唔太推介啦 😗價錢‼️$138 「德州燒烤牛肉漢堡」$128 「精選意大利麵」$98 「水牛城雞翼」$208「慢煮煙燻豬仔骨」$118 「核果奶蓋班戟」$48 「Caribbean Passion」$48 「Hawaii Beach」$45 「Black Cow」$50「Earl Grey Chocolate」 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-30
857 瀏覽
知道人氣漢堡包店喺荃灣開咗分店,即刻嚟試吓。我哋喺開飯啦訂咗位,所以就唔使排隊,如果唔係即場walk in見嘅話,我哋見到現場都好多人排隊今次就點咗:🍔德州燒烤牛肉漢堡$138 - 呢個漢堡入面有芝士、煙肉、洋蔥圈、生菜,當然仲唔少得牛肉同埋好好食嘅燒汁,成個包勁Juicy,食完係超級滿足。呢個漢堡包仲配埋薯條,所以一定唔會唔夠飽。🥞核果奶蓋班戟$118 - 呢個pancake,喺點餐嘅時候,店員就提醒要大概等45分鐘至一個鐘,當堂聽到,就覺得使唔使咁誇張,要等一個鐘先有呢個班cake可以食。但當呢個班cake嚟到嘅時候,就明白點解。呢個班cake唔止鬆軟,仲超級有蛋香,未食已經聞到個蛋香,鬆軟之餘,又唔會淨係得空氣喺入邊,即係嗰啲所謂嘅「空氣感pancake」咁,係絕對絕對非常好食,絕對係等咁耐都抵嘅。🥤Pink Panther milkshake $58 - 呢杯奶昔原價係$58 ,如果更個漢堡嘅話,就只係加$37就可以。呢杯奶昔係mix咗mixed berry,雪糕同乳酪。我個人來講就覺得略甜,不過都可能只係因為我唔食得太甜。☕️Earl Grey chocolate $44 - 朋友仔點呢杯,佢話有好香嘅伯爵茶味,我諗我下次都會試一試呢個。總體來講,呢幾樣食物都好好食,所以都明白點解咁多人排隊嚟食,我都覺得我一定會再嚟😋🍔B.O.T.H. by Texas Burger📍荃灣大壩街4-30號荃灣廣場3樓337號 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-19
1571 瀏覽
週末同友人在荃灣行街行了整個下午,晚餐時間來到這間在荃灣廣場開業不久的餐廳食!餐廳環境開揚,有著落地大玻璃,感覺很舒服!餐牌上有多款食物可以選擇,小食、burger、主菜等。墨西哥香烤玉米棒,用上一整條粟米,粟米粒鮮甜爽脆,粟米上塗滿芝士碎、辣粉和香草,再灑上青檸汁,酸酸辣辣十分開胃!墨西哥手撕豬肉三文治,這款三文治用上拌入墨西哥醬的手撕豬肉、芝士、菠蘿、炸豬皮和生菜!麵包鬆軟,手撕豬肉酸酸辣辣,十分開胃,加上有鮮甜多汁的菠蘿肉,還有很少在三文治內見到的炸豬皮,口感十足!薯條已灑上辣粉,粗薯條外脆內軟十分惹味!燒骨髓牛肉芝士漢堡,非常特別的配搭,漢堡扒是手打漢堡,所以質感不錯!燒骨髓上面有還有芥末椰菜花,可以減去骨髓的油膩感!Espresso Tonic,這杯飲品咖啡味很濃,帶有酸味,凍冰冰幾解渴!Hawaii Beach,這杯飲品用上桃、菠蘿和梳打製成,有淡淡的桃味,感到很fresh! 繼續閱讀
(以上食評乃用戶個人意見 , 並不代表OpenRice之觀點。)