16
1
0
港鐵元朗站 H 出口, 步行約11分鐘 繼續閱讀
電話號碼
26605997
開飯介紹
酒吧設有桌球檯、飛鏢機等,適合與三五知己的聚會。提供3小時任食即開生蠔的套餐及多款西式主菜。 繼續閱讀
營業時間
今日營業
16:00 - 00:00
星期一至日
16:00 - 00:00
付款方式
Visa Master 現金
其他資料
網上訂座
電話訂座
賞訂座積分
有關獎賞計劃
食評 (21)
等級4 2020-11-17
42 瀏覽
星期一去完南生圍,夜晚出返元朗食晚餐,經過B-mix Live Music Station & Restaurant樓下,接待員話8:30pm有live music,於是上去試下。餐廳場地好大,一入門口就有張桌球枱比人打波。之後進入座位區,場中間擺左好多張圓形高枱比人飲酒食嘢,場嘅兩邊就係由好多張長梳化組成嘅小餐區,而最前就係表演舞台。估唔到元朗會有一間設備同環境都咁完善嘅音樂餐廳。 食物方面,除左一般主餐牌,呢度主打非常有特色嘅任食即開生蠔套餐,包餐湯、冷盤及主菜,價錢$398,我地就順理成章一邊食蠔一邊聽歌。今晚嘅餐湯係南瓜湯,配埋香脆蒜蓉包。飲完湯等左一陣就見到店員奉上一大盤冷盤,有一打生蠔圍住d翡翠螺同凍蝦,見到都興奮。生蠔有兩款,分別係蘇格蘭同愛爾蘭,店員建議先食蘇格蘭生蠔,因為海水味比較清淡。兩款生蠔嘅質素都好好,好厚肉同鮮甜,蘇格蘭生蠔有淡淡嘅海水味,愛爾蘭生蠔比較濃味,而且帶有淡淡金屬味。兩款都係比較爽脆口感的。翡翠螺同凍蝦亦都新鮮,螺肉鮮味,凍蝦爽口。結果冷盤食完一盤又一盤。值得一讚係店員服務周到,客人用餐期間不時會過嚟清理蠔殼同螺殼等。 食完冷盤最好有d熱食,主菜可以選磯燒牛柳粒/岩鹽燒厚切豬扒/香草燒春雞,我地揀左牛同雞。主菜份量啱啱好,食完冷盤基本上都已經飽左一半,但主菜都令人驚喜。牛柳粒肉質鬆軟,有肉汁。燒春雞皮香肉嫩,香料味道亦啱啱好。如果只係食主菜的話都會覺得好滿足。另外cocktail點左兩杯Gin tonic同Peach on the beach,飲住聽歌。表演每晚有唔同主題,今晚係廣東歌之夜,遇到熟悉嘅歌男女老幼會跟著和唱。限聚令下餐廳都跟足防疫措施,控制好每枱人數,但見食客自律之餘亦都盡興,我地亦晌呢間充滿特色嘅元朗音樂餐廳渡過左愉快嘅一晚。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-14
102 瀏覽
鍾意食生蠔嘅朋友真係有福啦,喺元朗有一間非常之chill 嘅餐廳, 除咗有生蠔任食之外仲可以欣賞即興嘅現場音樂❤️❤️呢啲就係叫做寫意人生啦❤️間餐廳嘅地方非常之闊落,每一張枱都有一定大嘅size再配合軟熟嘅梳化,坐落去就已經係一種享受。 勵德呢度當然要推介$398任食生蠔及海鮮嘅套餐la , 其他海鮮就例如蝦同東風螺😌校本方面就會係當日主打嘅餐湯,嗰日食嘅時候餐湯就係鮮磨粟米湯,一啖湯裏面已經包含咗好多碎咗嘅粟米, 再加上本身粟米自己大嘅添所以就算冇乜調味落少少黑椒已經可以令到個湯好線首先講吓生蠔,有蘇格蘭同埋愛爾蘭2款😁每一次要再refill嘅話都係兩種一齊上, 職員都會非常之好咁樣向你介紹生蠔嘅品種同埋應該點樣順序食。首先要試吓愛爾蘭嘅生蠔, 一個字就係甜兩個字就係清甜,三個字就係好鮮甜😍 就算係第一次接觸生蠔嘅朋友都唔使擔心因為唔會有好強嘅海水味或者腥味反而入口就好似珍珠咁樣另外亦都大有本身嘅甜味就可以覆蓋左一切嘅疑慮。至於蘇格蘭生蠔海水味就反而多啲不過玉新就會大嚿少少,同愛爾蘭生蠔係都有幾大嘅差距, 但係作為生蠔嘅粉絲一定會覺得好滿足可以同時試到兩款味道同口感都唔同嘅生蠔🦪至於配搭嘅海鮮尤其是蝦真係表現得幾好, 每一隻都係新鮮冇出現任何一隻有酸縮或者梅左嘅情況,入口之前一定要配埋紅酒汁先至會令到味道更加昇華,凍冰冰嘅蝦就好似置身海洋咁樣清新又爽又滋味 🦐至於東風螺每一舊都係肉質飽滿,加少少檸檬汁就可以提鮮,如果同下一齊食嘅話個感覺都幾特別,兩種食材嘅鮮甜味溝埋一齊就好似食盡天然食材咁樣😖 無論喺炎炎夏日嘅夏天又好定係凍冰冰嘅冬天都好絕對都係一流嘅滋補食物。食生蠔當然要配美酒或者Cocktail啦, 但當然都有朋友唔太鍾意酒精飲品所以亦都可以叫mock tail , 比較特別嘅就係居然有椰子呢一樣嘅素材係飲品表入面,咁當然我都係椰子嘅愛好者就要品嚐下,椰子水溝椰汁嘅配搭除咗係清新而不失濃厚嘅感覺之外更重要嘅就係可以同蠔嘅質感差唔多,ho本身都已經有濃厚嘅味道再配合椰子呢一樣飲品就可以keep住呢一個餘韻啦😋 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-08
925 瀏覽
閨蜜生日🎂當然要 食好啲 食豪啲啦 🤣🤣我哋都非常鍾意食生蠔 🦪搜尋之下就book咗B-mix生蠔放題 live band西餐🥰🥰第一次嚟 ,上一樓,地方超級大 ,大到可以打枱波 🤩🤩另外座位間隔非常闊落,空間感十足,而且整個格局非常之Relax ,慶幸今晚 有live band 歌手阿wing唱得相當正☺️☺️可能咁啱都係唱緊我的年代歌曲啦哈哈 🤪🤪😂😂整個場的氣氛非常 ,好relax 正是我哋想要嘅😍😍先嚟一打 時令生蠔 隻隻肥美 ,食得出好新鮮 ,仲有淡淡嘅海水味 👍👍十分鐘已經K.O😬😬因為要食曬生蠔之後再食main course的 ,二話不說 ,再來一打其實兩個女仔嚟講 ,都算大食👍🤣鑑於任食嘅心態 🤭🤭點了第三打 🤣🤣超級滿足 感覺到這裏已回本 🤪🤪好戲陸續來,仲有main course 牛柳粒 ,好有牛味 五成熟剛剛好 😀😀分量都唔少呀 另外豬鞍 非常厚切,廚師處理得很好,一啲都唔韌,保留著獨有豬的香味😋😋其實加128可以任飲紅白餐酒生啤 🥃🍷🥂🍻🍺但因為我哋飲得唔多 ,點咗兩杯生啤 ,全晚感覺好chill呀 食物質素一流,鍾意食生蠔嘅 ,一定回到本 🤗🤗而且坐得好舒服,地方超大 下次party都要嚟呀😬😬 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-17
0 瀏覽
去完南生圍,晚上晌元朗晚餐,一早上網揾左呢間餐廳,貪佢價錢優惠,$398有任食生蠔+湯+主菜,又有live music。我哋一早6:30就去到,可以慢慢食。一坐低冇耐就送上熱辣辣的南瓜湯,仲配有塊好香脆嘅蒜蓉多士。好快店員就送上一大盤生蠔、翡翠螺和蝦。今晚生蠔有兩款,一款係蘇格蘭蠔,令一款係愛爾蘭蠔。蘇格蘭生蠔比較淡海水味,所以先食。生蠔算大隻,蠔肉都厚身,質感爽脆,鮮味。愛爾蘭生蠔先會嚐到較濃海水味,然後會是一點金屬味的鮮甜蠔味。蠔同樣大隻,蠔肉厚身,質感同樣是比較爽脆的,不是creamy那種。另外,翡翠螺都好食,螺肉柔軟中帶爽口,鮮甜,唔會冇味,我不用點醬汁都覺得鮮味。店員會主動過嚟問需唔需要refill,我哋當然係食幾round食夠本啦。食到咁上下就可以叫店員準備上main course,食返啲熱野。磯燒牛柳粒牛柳粒大大粒,肉質鬆軟,厚身口感好,燒得啱啱好,唔會太熟,有肉汁,配上燒汁,好好味。香草燒春雞燒春雞皮香肉嫩,雞髀位置非常鮮嫩Juicy,就算雞胸亦不會又乾又嚡,雖然係春雞,但都幾好肉,調味恰到好處。我哋當晚8:30開始有live Music,一路慢慢食嘢飲嘢,一路睇表演,氣氛好chill,好開心咁過左一個晚上。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-14
0 瀏覽
香港人實在抑壓太久 疫情嘅關係又冇得出去旅行 始終人都係要放鬆下 經朋友介紹之下 今晚來到一間有live band嘅西餐廳 美食伴Live Band令我留下深刻回憶店內是走工業風裝修得頗有格調,配合昏柔和的燈光,氣氛悠閒, 餐廳面積寬敞,坐得舒服, 開party/搞聚可以考慮呢到,設有vip房,有野食,有酒飲,地方又夠大鍾意食生蠔嘅朋友仔 就有口福喇 餐廳提供3小時生蠔任食套餐 有主菜,餐湯及冷盤…加$128仲可以飲唔飲紅酒白酒,只可惜我同朋友都唔食生蠔,如果一班朋友來的話,可以淨係一個食任食生蠔餐,其他食西餐餐廳走西式風味 有提供套餐 亦可單點, 沙律/意粉/薄餅/肉類:豬/牛/羊/雞 及各種小食,價錢合理, 每個主煮大概百零蚊巴馬火腿沙樂美腸薄餅$1 48熱騰騰的薄餅即叫即烤 餅底選用了薄的 口感比較軟熟 是我喜歡的 這樣才能夠顯得面層餡料特別豐富 風乾的火腿及香腸 帶有陣陣鹹香及煙燻味 芝士味道濃沃 整體是出色的黑松露野菌扁意粉$158個意粉都幾大碟 可以兩個人share食 黑松露味道幽香 同野菌相當夾 醬汁濃度十足 能夠掛在每一條意粉之上 食落就juicy又唔乾 意粉 麥味重 軟硬度掌控時間剛好 唔會太淋 比較有咬口餐廳有各式各樣的酒類提供 生啤,cocktail,紅酒,白酒 一應俱全 當然冇酒精嘅飲品都有啦 店員好熱情一一為我們介紹 繼續閱讀
(以上食評乃用戶個人意見 , 並不代表OpenRice之觀點。)