50
5
2
港鐵尖沙咀/尖東站 B2 出口, 步行約4分鐘 繼續閱讀
電話號碼
26880089
93808544 ((Whatsapp))
開飯介紹
餐廳位於尖沙咀,主打自家製作手工意大利麵及Fusion菜式,希望結合日、意、法、本土等元素,給予客人美味的享受。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
Visa Master AlipayHK 支付寶 現金 銀聯
座位數目
40
其他資料
網上訂座
Wi-Fi
酒精飲品
自帶酒水 詳細介紹
賞訂座積分
外賣服務 詳細介紹
加一服務費
獨家網上訂座
當面支付
有關獎賞計劃
食評 (59)
等級4 2021-05-30
1390 瀏覽
估唔到原來在尖沙咀金馬倫道都有一間看上去很高級的西餐廳,餐廳座位都幾多,而且每枱都有小燭台,十分浪漫!餐廳有晚餐提供,亦可以散叫!我們點了一個晚餐,晚餐有前菜、湯、意粉、主菜、甜品和飲品!日式醬油漬溏心蛋黃多士,這款前菜非常特別,用上塗上意大利軟芝士的多士夾著溏心蛋,口感和味道都很特別!而上面還有魚子醬,帶有咸香,特別美味!是日餐湯,餐湯是薯仔忌廉湯,味道咸咸香香,還加入蒜蓉多士粒,好有口感!蝦籽香蒜辣椒意粉,這款意粉中西合壁很特別!手打意粉煙煙韌韌,拌上蝦籽,加上有辣椒,帶有少少辣,幾刺激味蕾,而且口感十足!美國頂級安格斯西冷,西冷應該大概整到5成熟,牛肉厚身,肉質鬆軟,牛肉味濃,而且好juicy,點上附有的醬汁味道更鮮味!隨碟還附有薯蓉和一些蔬菜!提拉米蘇,甜品有兩款可以選擇,而我就揀選了提拉米蘇,這裡的提拉米蘇有香濃的咖啡和酒味,口感creamy,非常美味! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-28
961 瀏覽
朋友話尖沙咀新開了間餐廳,無論環境和食物質素都唔錯;值得推介。基於好奇心,我和同事提議放工後立刻去嘗試。餐廳設計時尚,帶有歐陸風釆。以水晶吊燈點綴,甚有氣派。服務員招呼我們坐下,隨即送上 wellcome food (蟹肉批)。個一口批雖然細小但外層撻皮非常鬆脆,咬落滿口鮮甜蟹肉和青瓜絲;非常清新味美。餐包卽焗自家製麵包配上岩鹽牛油,食過返尋味。日式醬油漬溏心蛋黃多士驟眼看以為係多士夾車厘茄,毫無特別。豈料咬落才知是半熟溏心蛋黃,口感畧帶煙韌。多士亦很鬆脆, 塗上軟滑黑松露意大利芝士和魚子醬配搭特別,很有心思。是日餐湯酸酸甜甜的蕃茄忌廉湯非常開胃,應採用很多新鮮蕃茄打蓉後再加入忌廉;飲完都有些飽肚感。蝦子香蒜辣椒意粉意粉爽口有口感,用上香蒜和蝦子己覺惹味非常;再加了辣椒更能提升味蕾,令整個毫無配菜買相又平凡嘅意粉來個驚喜。油浸蕃茄意大利飯傳統的意大利飯質感煙韌,以秘製 sauce來煮, 既creamy又有嚼口。再加埋D油浸蕃茄仔酸酸地很開胃。法國釀無骨春雞配羊肚菌汁和薯蓉雞肉嫩滑唔鞋口,淋上羊肚菌汁味道特別,連同煎香三色椒一齊吃可減輕肥膩。Tiramisu 甜品中 Tiramisu 是我至愛。濃郁嘅朱古力味,軟綿綿又香又滑;最重要是不會太甜。咖啡 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-23
856 瀏覽
星期六又係約朋友去食好西時間,睇啲ig 見到好多人黎尖沙咀呢間手工意粉餐廳,我地就梗係唔執輸快啲去試試啦~~ 一黎到就見到佢地既5 course dinner $538 我地見每枱都有叫 咁就梗係跟啦! 最後我地叫左一個5 course dinner + 卡邦尼手打意粉$168酥皮蟹肉撻落完單之後,餐廳每位都會送呢個welcome food,酥皮金黃上面鋪滿蟹肉正正~5 course set 連入面有前菜+湯+意粉+main 同甜品 前菜:日式醬油漬溏心蛋黃多士薄薄既多士,上面係一層黑松露意大利軟芝士加魚子醬,入面就係三粒日式醬油漬溏心蛋黃 蛋黃香濃再有陣陣甜味 好特別甘荀忌廉湯配餐包好creamy 好香甘荀味話明呢度出名手工意粉,就梗係要試試!佢地既意粉全部都係每日人手製作,口感特別柔韌~ 番茄白酒青口手打意粉闊條麵條條沾滿醬汁,醬汁唔算好濃,配合埋白酒青口,味道剛好~相反呢個卡邦尼手打意粉就真係好香濃!意粉做到 al dente,而且每啖都食到煙肉粒,再加上醬汁好creamy,每一口都係十級滿足!美國頂級安格斯西冷雖然只有兩塊,但西冷牛扒質素高,牛肉味濃油脂豐滿,配埋醬汁入口一流伯爵茶奶凍伯爵茶茶味香濃,奶凍質地好Q彈~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-13
1912 瀏覽
網上睇食評既時候咁啱見到呢間餐廳,上網搵吓資料,原來係專門賣手工意粉既,每碟意粉都係廚師親手整既,夠哂誠意啦坐低嗌完野食之後呢,冇幾耐就上咗個Welcome dish,吞拿魚酥一口size,作為welcone dish味道滿分啦令我好期待之後嘅食物餐包,我每次見到呢啲餐包我都好抗拒 因為大部分都好硬 根本就食唔到既!但友人食完就即刻話我知掂! 我抱住懷疑嘅心態去先,點知都幾軟熟!加埋牛油🧈冇得輸法式牛肉他他牛肉他他真係好難整!尤其是疫情關係,衛生問題,好易出事,不過呢度處理得好好,首先色澤賣相好靚,牛肉上面加上蛋黃同魚子醬,全部野撈埋一齊,感覺有啲似食吞拿魚蓉,幾新鮮南瓜忌廉湯打到成容,入口creamy 甜度適中!海膽手打意粉手打意粉真係唔同啲,有別其他買返黎既口感爽口彈牙,海膽份量出奇地多,完全唔腥仲有加咗烏魚子增添咗一份鹹香味!頂級安格斯牛小排食落去充滿肉味同油脂感,勁軟腍真係做到入口即溶,好似你煲湯食個啲牛腩咁,完全唔洗咬,唔講真係以為食緊牛腩伯爵茶奶凍茶味香濃,上面仲加咗一層蜂蜜,齒頰留香!總結,非常適合情侶同朋友聚餐既西餐廳! 繼續閱讀
(以上食評乃用戶個人意見 , 並不代表OpenRice之觀點。)
因為最近一些轉變,時間變得奢侈,每天晚上匆匆吃比較多。但時,偶然也想花費一下寶貴的時間去Fine Dining,為了美食,我覺得是值得的。和朋友看中了尖沙咀的高級意大利菜,以手工意粉最出名,看相就知道它與別不同,很想試一試。我們發覺一個dinner set份量超過一人份,於是share來吃,另外加點東西,也比較抵食。這次主要介紹dinner set吧蟹肉撻先來welcome food,小小的蟹肉撻,卻有著驚喜,酥脆有層次的撻皮,配合裡面鮮美的蟹肉絲及青瓜,青新開胃。日式蟹油漬溏心蛋黃多士外型非常精緻,店員介紹蛋黃是用北海道雞蛋做的,細細品嚐下,果然與別不同,味道十分香濃,令人回味,而面層的魚子醬,帶出鹹鮮滋味,精神為之一震。餐湯色澤鮮橙色的,是一碗蕃茄湯,它的質感濃稠,應是把蕃茄打碎再調味,味道清新又夠蕃茄味,酸酸甜甜。蝦子香蒜辣椒意粉意大利粉是這裡的主打,dinner set既有主菜又有意粉,可謂大滿足,意粉份量不多,淺嚐,意粉煮到剛好al dente帶點嚼勁彈牙,不需要其他配料,只有蝦子,更顯出主角意粉的出色。法國釀無骨春雞 羊肚菌汁十分欣賞這個主菜,先吃燒春雞的雞腿,超級嫩滑juicy又有烤香,令人難忘,可以蘸少少醬汁添風味,醬汁像雞汁,不會太濃味,也很欣賞伴菜,來貨品種比較特別,也烤出它們的最佳狀態。伯爵茶奶凍最後來個伯爵茶奶凍,入口超滑溜,伯爵茶香來得剛好,和奶味平衡,我不特別愛甜品也有嘩一聲的感覺。令人滿意的一餐精美意大利晚餐,食物和服務也很出聲,環境優雅有情調,難怪這麼受歡迎。 繼續閱讀
(以上食評乃用戶個人意見 , 並不代表OpenRice之觀點。)